湊湊火鍋‧茶憩 (Nan Fung Place)

營業中

休息中

正正子同另一半出發去打邊爐，其實呢間都係上網搵🙈啲人講到個環境同食物都咁正，咁我哋係唔會放過機會去食好嘢👏🏻環境係正嘅，格局裝飾都正！食物材料又係正嘅🤤先講左湯底，正正子鍾意食辣，點都要叫返個台式麻辣鍋，再黎又想養顏，咁一定要叫花膠雞鍋，所以就決定鴛鴦鍋啦😳啲台灣鴨血同豆腐係任加，鴨血爽脆口感而豆腐係有好多窿仔，勁入味！個花膠雞鍋入面啲雞肉滾左一排都好滑身，花膠又重本，抵呀❤️食肉獸嘅我哋叫咗兩個肉包括伊比利亞黑豬肉同美國特選級牛肩胛，一定一定要叫！豬肉夠嫩滑，肉汁鮮嫩唔鞋口😋牛肩胛牛肉味重，真係滾幾秒放入口，鮮嫩多汁😊最後黎個企鵝丸，墨魚打造成，都好鬼彈牙🤤食完感想！確係好高水準喎🤤

好耐都無試過打邊爐都享受到高質服務，其實服務態度對用餐體驗係非常重要，呢間餐廳絕對做得到👍🏻服務好之餘仲要睇埋食物🙈呢度2個字可以形容，好味😋平時叫開麻辣鍋，今日想清少少叫左椰子雞鍋拼酸菜白肉鍋😳比想像中好味好多呀，椰子雞湯好清好甜好好飲👍🏻白肉鍋嘅白肉薄薄一片，又多塊，好好味😋❤️伊比利亞黑豬肉❤️沒有任何異味，肉質依然嫩滑🤤❤️巴沙魚❤️魚塊有口感，唔會一夾就散，魚鮮味有👍🏻❤️豬骨濃汁貢丸❤️彈彈貢丸勁多汁😊❤️企鵝丸❤️呢個係墨魚膠，造型可愛依然好味😋難得難得今晚係高級享受嘅一餐呢👍🏻

拍拖唔一定要食西餐，有時打邊爐都係一個好浪漫嘅拍拖節目！當然個環境都好緊要啦，所以今日介紹呢間喺中環嘅打邊爐餐廳，環境一定加晒分❤️啲裝修勁特別，又有特色，我哋好鍾意☺️環境靚之餘食物都有返咁上下水平👍🏻餐廳提供好多款嘅湯底選擇，我哋最後揀咗椰子雞鍋同酸菜白肉鍋嘅鴛鴦湯底😋椰子雞鍋勁鮮甜，係清香嘅甜，好啱我口味！另一個酸菜白肉鍋嘅白肉係用豬五花，食材夠晒高質啦🙈🤩伊比利亞黑豬肉: 呢隻黑豬肉豬肉味夠晒濃，而且勁大份，兩個人食真係食到好滿足😚🤩墨魚仔：墨魚仔滾完之後好彈牙爽口！🤩豬骨濃汁貢丸：呢個力推俾大家，貢丸彈牙到不得了，重點係入邊有好多肉汁別晒出嚟😋🤤🤩松版魚糕：魚糕有返咁上下厚度，同食韓國啲魚糕串好大分別，呢隻魚糕好有咬口😚下次再黎呢度拍拖食飯先🤤

男朋友係邊爐怪，所以我嘅任務係帶佢食盡打邊爐嘅餐廳😂今次呢間餐廳食完男朋友都大讚👍🏻首先餐廳環境好寫意，裝飾得好有藝術感！呢樣野已經加哂分❤️食環境有時都係重要嘅一環！醬料區可以自己調配醬料，仲有小菜同時令生果食添😊一座低立即揀湯底，椰子雞鍋拼酸菜白肉鍋鴛鴦湯，兩個都係我哋嘅心水推介，特別係椰子雞鍋，啲湯頭鮮甜到不得之了😍然後個酸菜白肉鍋係用薄切豬五花，啲肉勁好味！企鵝丸夠晒的式可愛，個企鵝園其實係墨魚丸，入邊仲有啲墨魚粒喺度，夠晒真材實料🤤竹笙個口感真係好特別，打邊爐一定要叫佢，因為佢朔晒啲湯汁勁惹味😋伊比利亞黑豬肉冇得頂！好少打邊爐會叫豬肉片，但呢款豬肉冇得輸，肉質同咬口都係上等貨色😳鹽酥雞夠晒台灣風味，即是食又得，烚一烚個湯底食又得，得左😈

又係時候出動食好西啦~今日去打邊爐,YEAH YEAH YEAH!剛好呢幾日落雨天氣涼涼地,食打邊爐就一流啦😝餐廳D材料完全高質又出色，對得住個價位呀!!!!🤓湯底:點了雙拼，椰子雞鍋及酸菜白肉鍋! 椰子雞鍋非常出色，湯底甜而不膩，D雞仲好嫩滑添~酸菜白肉鍋酸度剛剛好,而白肉煮得好入味伊比利亞黑豬肉:呢個黑豬肉係我近期食過最好既, 豬肉味濃而不腥,且份量足,有好多塊!☺️豬骨濃汁貢丸:呢個丸係爆汁嫁~超正勁濃郁,當然仲好彈牙啦😊墨魚仔: 哈哈, 海鮮中我都好喜愛食,材料食得出新鮮先會有果種鮮味!😍食飽飽又期待下一餐美食啦~🥰

朋友話中環有間火鍋店新開, 鋪面GRAND入面D裝潢都好有品味,於是吸引左我今晚BOOK檯食飯呢!🥰不得不讚一讚D服務人員好有禮, 唔該前唔該後, 上菜速度又快~❤️食物方面:先黎個湯底「椰子雞鍋拼酸菜白肉鍋」，呢個鴛鴦湯底單飲都正,D精華完全係啖湯。由其係椰子雞鍋, 椰子清甜我忍不住飲左一大碗。而個酸菜白肉鍋都無比下去, 湯底用黎配牛肉意外地夾!🤭講到牛肉呢個「美國特選級牛肩胛」真係必點,🤤隻色勁靚,肥瘦適中,入口有少少即化,好好味😳「巴沙魚」第一次食,魚肉鮮甜,而且唔會話有咩腥味🫡「竹笙」我係好鐘意食竹笙既人, 佢吸哂D湯真係好正😏最後叫多個「墨魚仔」，估唔到樣子細細鮮味十足!!!🥸

朋友相聚一堂梗係要食餐飯啦！打邊爐就最好氣氛啦👻所以今晚約左係呢間中環餐廳食！靚裝修靚環境靚用料食材都靚，加上店員服務態度非常友善又有禮貌，加分加分👍🏻餐單都多選擇，最後揀左呢幾款☺️湯底永遠都係打邊爐當中最重要嘅一環，我哋選擇了鴛鴦湯，有齊台式麻辣鍋 &花膠雞鍋😍麻辣鍋仲有鴨血同豆腐，啲鴨血好爽而豆腐係峰巢豆腐，勁入味😊而雞鍋有花膠夠哂養顏啦🥰朋友唔食牛所以叫左個伊比利亞黑豬肉，超好味！無任何豬show味，而家啲肉有口感🤩企鵝丸：造型好得意，食落更加正😎墨魚香又彈牙！竹笙：用黎吸啲花膠雞湯一流🥳毛肚：三個字形容，爽彈脆呢餐真係食得好開心又幸福❤️

今日同朋友約好食打邊爐，呢間餐廳都係朋友介紹🙈佢話勁有質素喎😳食完第一次已經想食第二次啦，咁就一於去食啦！餐廳環境格局非常之大方得體，裝修得好精緻！桌面有返咁上下面積，非常闊落坐得又舒服！👍🏻入正題啦！食物方面真係幾高質喎🙈成日都話打邊爐最緊要個湯底，今次叫咗台式麻辣鍋加花膠雞鍋☺️台式麻辣鍋入邊有好多塊鴨血同豆腐，浸得勁入味👍🏻而且啲麻香味撲鼻，色香味俱全！而個花膠雞鍋飲落去都知道足料，因為有少少起膠，應該煲咗唔少花膠喺入邊🤤總之一句講晒，正！美國特選級牛小排同美國特選級牛肩胛：兩款賣相都好靚，擺盤擺到好似蛋包飯咁，哈哈😆勁脹卜卜！兩隻肉都好重牛肉味，而且肉質鮮嫩，對比上黎，我個人鍾意食牛小排多少少🤏因為個口感更加豐富😊墨魚仔：細細一隻好可愛，但熟左好好味，同麻辣湯底襯啲😍

中環呢間餐廳雖然主打打邊爐，但環境好，坐得勁舒服，服務員態度亦非常好禮貌😄同出面嗰啲打邊爐餐廳分別都幾大😊（姐係呢間正好多呀🤩）我同朋友都唔食得辣，所以揀咗個椰子雞鍋拼酸菜白肉鍋鴛鴦湯底，不得不承認個椰子雞鍋係我嘅世一，甜入心又鮮美😊而個酸菜白肉鍋啲白肉又好足料㗎🤩❤️墨魚仔❤️白雪雪嘅墨魚仔好正，洗得又乾淨！滾完仲好脆口☺️❤️美國特選級牛小排❤️呢個一定要叫，分量夠哂多，而且好香牛肉味👍🏻❤️海鮮棒棒糖❤️呢個賣相好得意，真係成枝棒棒糖🍭而味道亦不錯，有啲似彈牙魚丸嘅🤤呢餐好唔錯，下次推介比朋友食先‼️

今餐真係好值得推薦比大家🙈鍾意打邊爐嘅你哋千祈唔好錯過！餐廳環境好寫意，裝飾佈置好靚❤️侍應好好禮物👍🏻前食勁好食，尤其個海帶同魚皮，魚皮勁爽脆，啲麻油味勁好🤤重點係任食呢！我哋揀咗個椰子雞鍋&酸菜白肉鍋鴛鴦湯底，椰子🥥雞鍋好清甜，仲有粟米🌽食呢🙈而酸菜白肉鍋估唔到酸得黎幾好味🤤配菜叫左以下幾款‼️美國特選級牛小排：肉質鮮嫩，啲牛肉汁好好味❤️墨魚仔：烚完之後唔會梅，而且依然有鮮味❤️毛肚：分量都多，而且好吸啲湯底味，爽😊啲嘢食配埋我自己調配嘅裝料，無得頂唷！

因為見到佢有六周年優惠、全名有COU三個英文字就免費湯底！睇一睇佢個餐牌、湯底由$98（半鍋）到$238不等、入去前先比職員睇一睇身分證、原來可以選最貴兩個湯底、叫左花膠雞湯同蟹粉黃魚鍋！每位$19醬料費、包魯肉飯、醬料、餐前小食、生果！抵抵抵！前餐係中華沙律同麻辣魚片、兩樣都好好食！吃一碗魯肉飯、已經飽左幾成！湯底黎到！有兩個蟹粉！我地無放湯、用黎點野食！超正！花膠雞湯有兩隻小鮑魚！湯頭好味！兩款湯都飲左好多！其實已經飽左七成！點左幾碗招牌火鍋料、基本上飽到上心口！中途會有免費沙冰、近尾聲再送上梅子果凍！職員招呼好好！說普通話、環境乾淨！要食多幾次先得！

晚餐去左打台式邊爐，又諗起湊湊嘅任食自助吧。主餐牌成本雜誌咁，好特別。餐牌有唔同肉類，海鮮，蔬菜，丸類，主食，小食，有拼盤有散叫。湯底有8款。上次食過番茄牛膝骨鍋同蟹粉黃魚鍋，今次食紅顏花膠雞鍋。紅顏花膠雞鍋 單鍋 $198 另加一紅顏花膠雞鍋有金黃色湯底，材料有唔少魚肚，大細冬菇，雞髀菇8片，下底仲有迷你好有嚼勁嘅鮑魚仔4粒，唔少雞胸肉粒同薏米。個湯非常好飲，膠質重，完全唔油，好似魚翅上湯，好正。雞胸肉粒好瘦不過夠腍，冬菇好香又爽口。呢個湯底好養生又健康。麻辣鴨血豆腐無限添加，仲寫明可以比你打包返屋企。味道都幾辣，不過唔太麻，可能配合返港人口味，鴨血新鮮爽脆，豆腐都正常。可以任食好抵！要叫攞比你。任食自助吧有時令前菜兩款，分別係海藻同魚皮。海藻同魚皮都算爽口，魚皮特別滑溜。不過多食會覺得鹹。另外仲有西瓜，哈蜜瓜，百合茄，多款秘製醬料，同埋白飯。每位收$19另加一。水果同百合茄質素正常，都會添加。秘製醬料14款，俾你自由配搭，有鮮味汁，鮮味醬油，菌菇醬，香油，沙茶醬，醋，XO醬，蠔油，香莤，蒜泥，花生碎，辣椒油，香蔥末，辣椒末，白芝麻，麻醬。餐中有沙冰送，係波子汽水味雪芭，好refre

疫情之後，好耐冇去打邊爐。打去湊湊訂位，於是去幫襯，點了酸菜白肉鍋，湯頭好正、酸菜好好食，冇得輸。牛小排肉片好得，鴨血豆腐任加，服務都好有禮貌而且隨時服務加湯加料。真心唔錯！下次再約一班朋友一起幫襯。題外話：店員比較少，但都好勤力招呼顧客。鴨腸相當爽脆，但未必個個啱食，始終都是鵝腸香些。蝦丸唔錯，好新鮮。劍筍看個人喜好度。講返個湯底，d豬肉真的好食到你唔覺得肥，入口即溶，而且搭配酸菜真心一流。免費添鴨血放入酸菜鍋都一樣好食。點了一杯大珍珠奶綠，好香。值得一提，如果台灣人幫襯會有八八折。

本身想去飲茶但間餐廳冇開 就轉左食附近嘅呢間台式火鍋✨蟹黃魚+台式麻辣鴛鴦鍋 $168+$138蟹黃係分開上 呢點我幾欣賞 因為落左啲蟹黃落個湯度係完全食唔出味 反而撈飯食仲香 個魚湯都好濃 魚都好滑好食 👍👍台式麻辣鍋唔算話好辣 啱晒想食下辣但又唔想太刺激嘅朋友 好多花椒好香 ✨美國特選牛肩甲肉眼 $138我個人黎講唔覺得特別好食🙈🙈🙈 有啲鞋口而且牛肉味唔係好重✨精選羔羊肉 $98羊肉唔錯 夾雜住啲肥膏滑啲而且羊味好香😋😋 ✨烏雞肉卷 $88第一次食 雖然佢叫肉卷但佢都係一片片嘅 有雞件嘅味道 好食👍✨風味鴨腸 $58爽口 但佢本身冇乜味 所以放落麻辣湯鍋會惹味啲✨飛魚籽墨魚滑 $68個人覺得唔太爽口 彈牙 都有幾多飛魚子嘅🧋冰普洱珍珠奶茶 $33珍珠奶茶好大杯 茶味幾香 珍珠我覺得都煮得適中 有咬口嘅 但男朋友就覺得太淋總括黎講食物味道唔錯 份量都幾多 但係價錢都幾貴 就算85折左都每人四百零蚊 所以性價比黎講就唔算高 我覺得我地都叫得太多 食到好飽 鴨血同豆腐有得任添我地都冇添 如果可以每款份量少啲 價錢平啲咁就好🤔 除左叫嘅野食 出面仲有水果 前菜 飯任添 我地攞左啲醃魚皮幾

有一間嚟咗香港無內嘅名牌台式麻辣火鍋，湊湊鍋裝修好似幾靚咁，決定去試一試佢。佢有一個自助嘅醬料區，有唔同嘅醬料，前菜，水果，同飯可以任裝台式火鍋就一定要試佢嘅麻辣啦，老豆腐同鴨血係任添，食完唔夠可以再加。麻同辣度算比較適中，但味濃，加湯後會變淡，食到後期就會覺得佢唔辣美國Choice 牛肩胛，肉質有咬口，肉味都唔錯。而反而個西班牙豬肉片有驚喜，滑得嚟有口感而且有肉味。牛栢葉就洗得幾乾淨，沒異味炸魚皮就普通，唔夠脆價錢嚟講，佢每款嘅份量都好足，但性價比個人認為唔高