湊湊火鍋‧茶憩 (圍方)

營業中

休息中

最愛火鍋之一，必點：椰子雞+台式麻辣湯店員都積極幫手，態度良好環境一流，燈光好有氣氛，座位非常闊落，值得一讚，如果拍拖同朋友食飯都非常推薦，食物質素非常高，尤其是牛肉，椰子雞湯底非常清甜😋😋😋，雞肉也十分嫩滑，物有所值！👍🏻👍🏻👍🏻一如以往嘅食物質素穩定又好味。每次都要去食佢個企鵝丸同埋麻辣湯底無限食豬紅豆腐。仲有佢個滷肉飯同埋前菜，每次都食得飽飽。😃會送上沙冰shoot給清清味蕾，也會每人一份茶涷，很貼心。這裡適合女士，大伙兒聚會。

呢個開左都有一段時間, 成日都見到好多人, 呢日見冇人排隊就試試佢!湯底揀左麻辣鍋$138 +花膠雞鍋$138, 花膠雞鍋勁濃郁, 個湯仲可以飲嫁！超級綿，仲有好多魚肚同雞粒係入面，超養顏！各位男士女士都適合飲呀！麻辣鍋都勁好味，少少麻同辣，但重點係叫呢個湯底可以任加豆腐同鴨血， 鐘意食既朋友不彷試一試！豆腐同鴨血店員已經預先煮好左，勁入味，當你要既時候，就添落你個鍋度，唔洗等，即刻食得，勁正！1. 蝦丸$59呢個好好食呀, 鐘意食蝦既朋友係必食之選!! 真係食到蝦肉係入面, 超彈牙之餘, 都好有蝦味, 勁鐘意!!!2. 美國特選級牛板腱$138價錢唔算貴, 但份量唔少, 食材算幾新鮮, 牛板腱唔會肥, 脂肪少, 肉質又唔會韌, keep fit人士之選!!3. 牛柏葉$68呢個份量都幾多，不過落左鍋之後都縮得幾勁，但都爽口既，值得一食！(以上價錢未計加一服務費)埋單之前，仲有每人一杯小沙冰同茶味果凍送，個果凍真心好味！鐘意茶味product既朋友，就算好飽都要試埋佢呀！

🌱環境服務大圍分店的座位以卡位為主，私隱度高，啱晒成班朋友吹水慢慢打邊爐。座位設有USB hub，方便叉電，好貼心嘅設計。至於服務，店舖人手充足，店員不時幫我哋加湯底，尚算細心。🥘台式麻辣湯、蕃茄牛膝湯台式冇四川麻辣咁辣，鍋底里面有壽喜菇、鴨血、鹵豆腐。如果鍾意食辣嘅朋友，建議點川味麻辣火鍋湯底（P.S. 鴨血同鹵豆腐係無限添加😌)蕃茄鍋比較偏甜，裏面有兩嚿大牛膝，一大堆蕃茄。🥘牛小排、牛肩胛Menu寫明係用USDA choice grade嘅牛肉，有一定質素，牛肉味重👍🏻🥘南非活鮑魚鮑魚採用南非鮑，雖然上碟時已經唔活，但食落仍然都好新鮮！🥘企鵝丸（墨魚漿制）其實係墨魚丸，但個人覺得口味一般偏甜，不過玩味十足，啱晒打卡用🐧🥘萵筍套餐只有兩種菜，同行小夥伴因為唔食皇帝菜，所以選擇萵筍，正常嘢🥘香鹵大腸（追加）唔算好肥，但份量偏少。如果喜歡食內臟嘅朋友，可以一試🥘前菜小食前菜有魚皮同埋麻辣香菇，味道唔錯，魚皮爽口，香菇入味。🥘水果喺自助醬料枱拎嘅西瓜同哈密瓜，好清甜🥘啫喱、沙冰食完麻辣鍋，飲番杯菠蘿蜜桃沙冰真係好爽😌至於啫喱，有桂花和柚子味，酸酸甜甜。

4 人午巿套餐 - 636同朋友 下午茶時間走左去湊湊食火鍋.   其實在深圳有食開呢間火鍋.  但就未試過在 HK 食.  今次是第一次叫了一個 4人午巿餐,   兩大兩小吃,   足夠有餘胡椒豬肚湯, 味道濃厚, 會一口一口地飲下去, 跟餐的肉質, 還可. 唔差.  可以自行到中央位置自調調味料, 還有水果, 米飯供應 .這裏店員服務也很好,  每樣事都跟得很足還會送上沙冰及甜點 ,  雖然會比內地價錢貴一點,   但未必成日有時間到內地用餐, 這樣也是一個好選擇.  

讚飲品，彈服務！將兩次茶米茶嘅光顧合併寫。算係湊湊粉，耐唔耐都會幫襯k11 musea同圍方分店，尤其天冷嘅時候，邊爐嘅食物同賣相都唔錯，茶飲又掂！今次想講佢嘅茶飲外賣店--圍方嘅茶米茶。首先力推一襲紅袍，茶底好香醇回甘，超級好味！如果打開邊爐堂食嘅話會加埋雲朵，即係芝士奶蓋，好香好滑，但外賣嘅話，我就冇叫過奶蓋喇，因為見外賣杯封咗頂，冇得直接飲到奶蓋，所以留返堂食時先叫奶蓋。戴返個頭盔先，我唔知外賣有冇另一款揭到蓋嘅外賣杯。如有，不妨試埋佢個奶蓋，真係掂嘅！係時候彈喇，近呢個星期買過兩次外賣，兩次都遇到女店員，一高一矮。高嗰個正常嘅；矮嗰個態度好差，黑晒面食咗火藥咁，眼神唔友善、語氣又堀。仲要係平日嚟，眼見就唔繁忙，唔知咁燥做乜！其實order杯飲品啫，根本唔會有咩交談，完全冇得罪佢大小姐，返工仲要服務行業，唔使妳笑晒口，正正常常已經收貨啦！香港餐飲業唔掂，真係多得呢種人嘅差劣態度！

我之前都係去銅鑼灣同尖沙咀湊湊，雖然價錢貴但好食都覺得冇問題，今次貪近去左大圍，嘩，好唔掂。毛肚又唔爽，牛肉又唔掂，湯底又求祈，連貢丸都難食，如果佢地全部舖都係咁，真係以後都唔洗去。

因為黑雨，同朋友可以早啲見面。揀咗去圍方打邊爐前菜魚皮好正！食到停唔到口，不停出去攞。食到唔記得影相 😂😂三個人，叫咗二人餐再加少少其他嘢。鍋底要咗麻辣拼椰子雞。麻辣鍋嘅鴨血同豆腐可以無限添加。肉類質素不錯。朋友嘅大紅袍奶茶好好飲，好香茶味。兩個鐘限時，食到好飽，竟然唔記得去拎生果食。#pandaskitchen #pandafoodhk #taiwai #thewai #大圍 #大圍美食 #圍方 #湊湊火鍋 #大紅袍奶茶

这家餐厅的环境很好，非常干净整洁。食品不仅外形美观，zui重要的是味道还非常棒，色味俱佳，做法简直yi流，保留了食材原有的味道。而且服务态度也很好，就是让人赏心悦目的感觉。小吃菜品丰富台式麻辣锅料底丰富，鲜香麻辣。有很多蘑菇海鲜菇鸡腿菇还有红枣，鸭血豆腐还可以免费续。 小吃除了鱼皮海带外，还有凉拌蘑菇也很不错。 水果有西瓜和哈密瓜，新鲜爽口。 服务态度好，非常耐心。 出门右手边就是洗手间，非常近非常便利。

環境優雅，舒適，套餐款式選擇很多，會下次再來，地點位置方便，給人不一樣的體驗，員工態度友善，很耐心講解每一款湯底的特色，推介合適的套餐或者單點，從進店到底低，令到人有一種與別不同的觀感，果然無揀錯，期望下次跟其他朋友再嚟，試多啲唔同口味

同屋企人第二次嚟。地點方便，係圍方，大圍地鐵站。工作人員服務態度好，有耐性解答問題等多一陣，好快就有得入座 環境乾淨企理，自助吧拎嘢食好清晰。唔係任食火鍋 不過單點嘅嘢食全部都價錢合理海鮮會比較貴 。。。叫套餐就唔使煩，不過只會得蝦同鮑魚揀上菜速度好快，叫完唔夠10分鐘就已經上菜嘢食既質素對得起價錢 店入邊有一間台式飲品，自家製，味道中規中矩，唔算太突出，價錢亦都唔係特別貴，可以考慮試吓會再嚟幫襯👍👍👍

食物質素OK，環境好，侍應都算有禮。但係裡間分店规定只有1.5小時用餐時間。食咗一個鐘就已經上甜品，俾咗账单，提醒仲有半個鐘用餐時間，一定要準時交枱。一陣間又行過來催買單。唯有同屋企人倾少陣，快快脆脆食完離開。食餐飯都有壓力。個半鐘實在太趕時間，唔太合理。第一，來到裡間餐廳食飯嘅，唔係淨係為咗醫肚，係為咗搵個舒服地方同親朋好友聚餐倾偈。如果淨係為咗醫肚，就不如求其搵間餐廳快快脆脆食完就走。客人有食飯太趕時間嘅體驗，下次搵朋友相聚就不會再次選擇裡度。第二，餐廳唔係放題，火鍋食材價錢亦都唔平，平均消費都起碼400蚊，應該俾足夠時間客人享用。第三，本身打邊爐同小菜唔同，食打邊爐一定慢過食小炒。嗌煮好嘅餸，同自己邊煮邊食本身所需嘅時間都唔同。打邊爐應該多啲時間。第四，客人中途可能會想加單。食咗一個鐘已經印張單出來催人買單，客人唔會有心情再加單消費，亦都擔心加單是否係剩餘半個鐘內可以食完。影響客人體驗，亦都影響餐廳的生意額。明白餐廳想增加翻檯率，但1.5小時的用餐時間實在唔夠。起碼兩個鐘以上先較為合理。

整体来说非常满意。首先，店内的环境非常舒适，装修简约又温馨，给人一种放松的感觉。其次，服务员的态度非常友好，热情地为我们介绍了各种食材和调料，并随时关注我们的需求。这让整个用餐过程更加愉快。火锅的食材质量也很好，新鲜度一流。肉类、海鲜和蔬菜都保持了原汁原味，口感鲜美。特别推荐他们的牛肉片，切得非常薄，煮熟后嫩滑多汁，真是美味至极。火锅底料的味道也非常正宗，有多种口味可选。麻辣底料香味浓郁，辣度适中，非常开胃。清汤底料清淡爽口，非常适合素食者。而且，店家还提供了多种自制的蘸料，让人可以根据个人口味调配。总的来说，这家火锅店给我留下了非常好的印象。美味的食材、舒适的环境和优质的服务，使我和朋友们度过了一个愉快的用餐时光。如果你想要品尝正宗美味的火锅，我强烈推荐这家店。

第一次去圍方既湊湊火鍋，店員服務態度好好，會主動介紹最新產品，上菜速度都好快☺️🤣🤣叫左2人餐，胡椒豬肚雞湯底同埋菇菌湯底，兩個湯底都好足料抵食🤣😋烏龍珍珠奶茶都好飲

湊湊火鍋提供的不僅是一頓美食，更是一次難忘的服務體驗。員工熱情周到，每一位顧客都能感受到賓至如歸的待遇。他們細心的服務，從每一個小細節中都能感受到對顧客的深切關懷。走進湊湊火鍋，你會被那精美絕倫的食材擺盤所吸引。每一道菜都像是一幅用心繪製的畫作，色彩鮮明，搭配和諧，不僅讓人食指大動，更是一種視覺上的享受。食材的擺盤的精美程度令人讚嘆不已，每一道菜都像是一件藝術品，讓人不僅滿足於味蕾，也為視覺帶來享受。湊湊火鍋是同朋友小聚的不二之選。

今晚book了6:30 7位VIP房打邊爐連卡啦OK最低消費$3500只得2.5小時，真心覺得時間不夠以3500元最低消費2.5小時從入房set咪已浪費了最少30分鐘，因房內卡啦OK咪大多時間都失聲，職員重複調較了數次才好些少… 及後斷斷續續一時有聲，一時無聲…湯底到後需時滾熱，食物到齊已經7:30左右，到8:30左右職員已入來催數次9:00交房，入來數次執嘢，真心無言！！！明白到book枱前已講明2.5小時，但有冇諗過現在是消費$3500不是$350，這種服務真的夠時間嗎？如果我們坐在廳位置，2人消費$800限時2.5小時我覺得合理，但一班人最低消費$3500限時2.5小時 ，我真心覺得差，為了接多一枱客而這樣設呢個服務，令口啤差，不會考慮再到食，那不如取消卡啦OK，等食客專心打邊爐才趕得上2.5小時內交枱當包房那會更好。終於明白到香港人轉移北上消費洗費貴，服務俾人差，沒有優勝的原因