湯品 (已結業)

平日熱鬧的禧利街，星期日靜得多，不是全部食肆都營業。這附近最喜歡孖沙茶餐廳的三眼叉燒煎蛋飯，不過常吃是對自己身體殘酷。這天來湯品，吃頓健康的午餐。見到全場滿座，還以為要等位，原來還有二樓。沿著樓梯上，還可以見到四幅字畫，店主想必很有修養。望著「善」、「和」、「靜」、「德」四個字吃飯，心境平靜。湯分清燉湯和濃燉湯，各有三款。有六配預設的套餐，每個有三碟小菜，也可以自己配搭。主食有六款，基本的米線和紅米飯不用加錢，似乎幾特別的拌麵則加20餘元。舞茸冬瓜－黑蒜香菇－台灣鹽水麵－羅漢果雪梨茶一人一盤，很豐富。羅漢果茶微甜，不太覺有雪梨味，清涼解渴。舞茸冬瓜超好料，盛得滿滿的。有兩件舞茸，真材實料。少少爽，不過可能已熬出味，菌味沒想像中重。湯很甜，但甜得很清很自然，難道是蜜棗？試了兩啖後，把整壺湯倒在麵上，材料多得把麵完全蓋過。麵還好，不太腍，尚算彈。配清湯，加上掛湯力不強，味道偏淡，但喜歡它清得有住家飯的感覺。套餐配紅棗黑蒜香菇燜雞腿、秘制鹵肉和蘿蔔。雞脾燜得幾腍幾入味，調味濃郁，汁內有燜入醬汁味的菇和紅棗。蘿蔔不過不失，可以煮得更腍，不算很甜。鹵肉普通，入味但太乾和偏嚡。松茸－蕃茄濃湯－新竹

近排小返家食飯，更小機會飲媽咪靚湯，所以放工後專誠來位於上環「湯品」飲碗無味精靚湯。因為媽咪靚湯好少會煲松茸湯，所以當見到「松茸燉湯」唸都吾唸就叫黎飲。松茸，是一種名貴野生菌，日本人視為菇中珍品，營養價值也相當高，含豐富蛋白質、脂肪人類所需的氨基酸等。可以補腎強身，理氣化痰等功效。當湯及飯餸送到上枱時，第一時間想大口呷一口，但絕對不能心急因為太熨口。略等一會後再試試，味道清幽，松茸香味柔和，金華火腿咸香和鷄肉鮮香，油份不多，感覺清新，就算炎夏飲感覺都吾錯。還加$20 蕃茄濃湯豬軟骨，清湯蘿蔔 $10 和健康紅米飯 $10 豬軟骨炆至非常軟稔，入口鬆化有微微的膠質感，以蕃茄濃汁撈返一流。蘿蔔本身就是清甜，所以清湯炆都可以，口感帶爽，我個人較喜歡軟稔入味的蘿蔔。一個人吃健康兩餸一湯，飽肚又健康。打工仔們齊為自己健康打氣！   

轉了新工後常常遲收工，接連幾天沒有住家飯，感覺十分不健康。得同事介紹，這間小店主打健康燉湯，而且菜式完全無味精，這晚就一個人來了一試。點了撈喜套餐的牛肝菌醬撈($32)再加花雕醉雞蛋($10)和玫瑰露雞翼($10)。撈麵比較腍身，但肉碎很多，味道雖清淡，但簡簡單單，比較健康。花雕醉雞蛋略嫌不太入味，欠花雕酒香。玫瑰露雞翼入味軟腍，調味同樣較清，是健康之選。整體味道中規中矩，但如果想在街外放心吃到無味精又清淡的住家飯，在中上環區仍然是不錯的選擇。不過可能位處中上環區，所以定價略嫌比較進取。

是夜遲放工，經過附近湯品，店鋪簡單，有住家感覺，主打健康湯水，便決定一試。黑虎掌菌有別松茸、松草花等，我是較少試，看餐牌介紹原來功效不少，可以補氣活血、降血壓，於是便點一份黑虎掌菌（$49）。燉湯很快便盛上，份量適中，黑虎掌菌香味很獨特，有菇濃郁的香氣。黑虎掌菌本身亦有肉質，而燉湯還有豬肉、粟米、蘿蔔、木耳，材料大多切絲，食用時更方便。不過燉湯真材實料，調味不多，如不夠味可自行加鹽。我跟湯點了餃子（$18），餃子滑，味道正常，但餡料不算多，只能淺嘗。整體還是燉湯主角更出色，可以方便我平時少湯水和住家飯時，過來飲靚湯。

市面上主打湯既餐廳並唔多。而隱匿係上環橫街既湯品，背住米芝蓮推介既重責，出品並唔失禮，燉湯足料又滋補，岩哂打工仔飲。店面雖然唔大，但燉湯加小食都有廿幾款選擇。最值得讚既係，每道菜都用心製作，好少出街食覺得配飯條菜都好味。👍🏼

今天朋友帶我來吃午餐，本來想直接到下午茶的餐廳吃hightea，但朋友仔指英式下午茶不飽，所以我們便先到餐廳吃午飯。午市套餐可選擇燉湯，加配菜，再加主食，及贈送飲品。黑虎掌湯，由於加入雞肉湯麵有點油份，湯很清甜。配菜選擇黑蒜香姑，內有燜雞腿，秘制鹵排骨，蘿蔔和青菜。雞腿肉則嫩滑，味道不俗。配以紅米飯感覺超級健康，而且富有口感。非常滿足的一餐，相信男人也會飽足。..........上環禧利街16號地舖

位於上環的湯品，是一間沒有味精的中菜餐廳。由小至大，每晚最期待就是喝媽媽的湯。但在社會工作後，每天都很繁忙，每天都外出吃飯，很少喝湯。今天去食下午茶前，就先來喝湯吧舞茸冬瓜湯$44一碗熱辣辣的湯，份量十足。聽聞舞茸有多種功效，能增強免疫系統的功能，同時可以抑制腫瘤的生長，冬瓜含有葫蘆素β、維生素和多種氨基酸，有良好的減肥功效, 能消暑。這個湯味甘帶苦，喝光後感到補氣補暖，健脾益胃。上環禧利街16號地舖

呢排食得好重口味 所以book湯品呢啲健康餐廳食總體感覺：老少咸宜 好正 無味精 啲送菜好好味必食推介：1. 豬軟骨好多肉多汁又係調味啱啱好同鹵水雞腿一樣好香又賣相又好一樣好入味 同埋食完真係唔會口渴！因為湯品標榜無味精煮食2. 湯：瑪卡佢呢度有好多用唔同珍貴嘅材料熬成嘅湯朋友都試吓味是我呢個湯覺得好好味有老火湯感覺一啲都唔鹹 0味精其他好味：酒雞翼平時可樂雞翼 土匪雞翼我食得多但我係最鍾意酒雞翼爽甜😆我又鍾意酒 所以又係好鍾意食

今日有d感冒想食清淡健康d，諗起前排已經想試既呢間新開湯品鋪，就食呢間啦～叫左個松茸湯+招牌配+米線+銀菊黑糖水外賣$68，番到公司一開真係有驚喜碗湯好足料之餘連杯免費既銀菊黑糖水都好足料！一d都唔馬虎湯入面有松茸木耳紅蘿蔔之餘仲有兩大舊雞，好認真杯黑糖水有成4朵菊花咁多，仲有杞子，清清甜甜咁，好好飲因為本人食慣清淡養生野所以覺得呢度d湯餸好岩口咪，唔會太咸同埋好多調味咁，想食健康d呢度係唔錯既選擇，而且價錢又唔貴又有質素，推薦

有個朋存仔黎香港玩兩日，下塌中環半山區的酒店，問我附近有咩又平又健康的香港美食，於是就去左上環禧利街果邊，睇下佢睇中d咩野野食。果日落雨，行左無耐，朋友見到間有中湯飲的小店，就話想入去試試。其實本身入黎想飲下湯, 再去食其他野，咁啱坐低睇到個menu，又見到套餐都好似幾好咁，於是就在此食埋dinner。而我就叫左個松茸清燉湯配米線同蕃茄濃湯豬軟骨, 玫瑰露雞翼, 鹵豆腐同菜的set.好快就有野食, 好正氣的一餐喔~~口味是比較清淡的, 一d味精都冇。而個湯好多料，所以唔洗點落鹽已經好好夠味好好飲。有一半都是湯渣。朋友是食素的，老闆說有一個素的湯和dinner set , 佢二話不說就揀左呢個素菜餐, 個湯係舞茸冬瓜(素湯), 佢都話味道清清地幾好食~佢加左新竹米粉, 口感好好呀, 好幼細~~~建議食法是, 飲一半湯，再將d湯倒落個麵到做湯麵食。將湯放入個麵會令個湯飲起黎淡左，如你是鍾意飲湯多d, 就可以直接飲。埋單每人都係70蚊左右~~每人仲有一杯好好味嘅黑糖菊花杞子茶~~~超值呀~~!!

上班族除工作事宜外，另一苦惱就是午飯食甚麼。不想食快餐，跟同事到處找些未試過的食店，在禧利街見到一家湯品店，名字簡單叫"湯品"，湯品店就是予人健康些的印象，決定一試。食店看上去好像很少位子，原來樓上也座位。午市有套餐，選一款湯跟飯/粉麵，可再配小菜。跟同事分別點了松草花及瑪卡湯，小菜則選了農家薈及四寶涼。食物很精緻的端上，湯渣很多，非常足料。瑪卡湯未聽過瑪卡，湯清甜得來帶點甘苦，湯裡還有甘筍絲及木耳絲。松草花湯有大量松草花，同樣有甘筍絲及木耳絲，顏色較淺味道亦較清甜。兩款湯都沒有油而且清甜沒味精，飲起來非常舒服，很有住家感覺。農家薈鹵豆干入味得來不會過鹹; 蔔葡清甜無根，涼拌核桃花有咬口;木耳爽口少辣，惹味開胃。四寶涼燻蛋富蛋香，有少許流心，燻得剛好。豬肘彈牙少肥膏，配上芥末來煮味道非常相襯，還有很入味的醉雞翼及木耳。新竹米粉又幼又彈牙，帶米香。米粉沒有水的，用湯浸一會吸收湯的精華吃起來更美味。午餐還附送一杯菊花杞子黑糖茶，凍飲而且不太甜，很適合夏天的健康消暑飲品。這裡的湯真材實料，配菜豐富得來有水準，價格在區內的湯品店不算貴，整體CP值高。原來這裡晚上亦營業，以後午飯及OT 晚飯又多

男朋友投訴近來跟著筆者吃得有點飽濟，是夜晚餐要求清淡一點。反正放工有點晚，一於到公司附近的湯品，清淡簡單，為收收肚腩出一分力🙈位於上環的禧利街，全條街都是食肆。餐廳有上下兩層，裝潢非常簡潔但溫暖，有家的感覺。湯品主打當然是湯水，有六款燉湯，標榜無添加味精；再可以配搭簡單主食及配菜。松茸燉湯+牛肝菌醬干撈米線 $46+32松茸湯的味道很清甜，湯水亦較為清徹，用雞件燉製而成，所以有少許泛油。牛肝菌醬有點像肉醬的質感，散發菌味。黑虎掌燉湯+米線 $49+6黑虎掌燉湯味道較濃，呈深啡色；飲落去感覺好舒適，絕對沒有味精，有家的感覺。連配的淨米線，放進湯杯一齊進食，沾些燉湯，就像湯麵一樣。海蜇醉雞翼 $18海蜇不是一條條的那款，而是像一朵花，十分厚肉，爽口得來很彈牙。雞翼有兩隻，頗為大隻，脹卜卜的很多肉，肉質嫩滑，酒味不會太重。蕃茄濃湯豬軟骨 $20豬軟骨煮得淋身而且入味，小小的一碟有數件，但是略嫌蕃茄味不夠突出。

There are lots of options for soups in Sheungwan like Souper Authentic 球哥燉湯,  靚湯王 at Dor dor eatery (with rude service) and Souprb which is new.What makes Soupreme special is that they are recommended by Michelin and their noodles are fantastic with lots of options for vegetarians.The only thing I dislike is the menu because it is difficult to comprehend.The lunch sets are filling and tasty, especially the ox tail which is soft and comes off the bone easily.I also chose the red rice as a healthy

家有一老如有一寶，這句話深深體會到。廣東人最叻煲老火湯，在家沒有一寶為我而煲，只好出外用膳時才可品嚐。但大多數是有味精的。最近發現上環有間店老火燉湯專門店，曾今日放假就去試一下。下午主要是套餐，燉湯+菜+主食+飲料，價錢案每樣所選的計算。松茸燉湯，比較清淡，相信絕對不含味精。濃味較膩，清淡相對可喝多幾口。但鮮甜度欠缺一點點。牛肝菌醬干撈米線，份量不多，如女士們是足夠的。建議嚐過湯底的原味後，可混入主食的米線或飯，吸盡湯的精華，更添美味。餸菜選了E餐，是蕃茄濃湯豬軟骨，玫瑰露雞翼，豆腐干和時菜。豬軟骨有點咖喱味，是否弄錯了呢！雞翼算入味。整體食物水準中等，下次凈飲燉湯己足夠了。

某一日，賴生同屈小姐經過上環去做例行巡查，巡查一下上環區有咩野食，居然比我地見到一個好熟悉既招牌 - 《湯品》。我地即時搵搵Openrice 睇下係咪同大角咀同一間⋯⋯點知真係分店黎！即時引起左我地既注意，Bookmark左！終於係今日係耶和華既幫助下，我地可以提早完成早上要處理既事，可以第一時間黎呢度嘆番個Lunch啦！從外面睇，間舖頭好似好細間咁，得2-3張枱。其實仲有樓上舖，不過今日Lunch冇開，我地就坐下面，餐廳就用木枱同冇靠背既木櫈，而因為新裝修，所以都好光猛同企理，冷氣都好夠，慢慢嘆個Lunch都未嚐不可點解我地選擇係Lunch黎呢？因為《湯品》有Lunch menu，可以用平D既價錢試到多種類既野，至岩貪心既我地！不過湯品推出左新既菜色⋯⋯唔知轉變是好是壞呢？暫且今次由我地飲食情侶小先鋒試下先《湯品》主打湯水，所以基本上佢希望你揀湯先，如果你唔揀湯既話，散叫野食是需要額外加錢嫁，所以呢度既組合通常係 先揀湯，揀配飯/麵同飲品 ，再揀加唔加餸。首先介紹一下屈小姐之選先：1）瑪卡湯拼蕃茄濃湯組合配新竹米粉加黃牛肝菌醬：4⭐️既然主打係湯，一定要由湯講起先 ⋯⋯A) 瑪卡湯：4