溢溢掂 香港味道 (已結業)

作為車仔麵迷，我中意周圍去食車仔麵。之前聽過中環哩間車仔麵幾正，今日就去咗試試佢！間野細細間，裝修得好似舊式車仔麵店，幾有味道，環境亦乾淨企理，睇佢應該主要做外賣，因為堂食位唔多，中環翻工嘅朋友記得要黎試下，平價之選。一黎我就試咗佢個招牌花膠碗仔翅，好足料，熱辣辣，食落好香濃，有口感，花膠碎亦都好多，絕對無偷工減料 ！推介大家可以試試！另外我叫咗四餸麵，任揀四個餸50蚊有找，係中環黎講真係好抵！我叫咗牛筋、丁方肉、豬手同墨丸，油麵腩汁。四個餸係好足料，丁方肉好入味，肥瘦適中，我中意哩個質感。牛筋係勁滑而且爽口，正！豬手唔太肥，入曬味，咬落啖啖肉有咬勁，好食！墨丸亦都彈牙，大大粒！仲有腩汁真係好濃郁，麵底亦軟硬適中。整體而言，哩碗麵係性價比好高，幾高質嘅車仔麵！真心係中環翻工嘅人有口福喇！

位於中環豐盛創建大廈地下的溢溢掂，香港味道，主打港式地道車仔麵，價錢合理而且份量大大份。中午有唔少上班族同埋OL過嚟輕鬆下，小店只有一排立食位，所以大部份人都係外賣返OFFICE食。雖然係主打車仔麵但係如果覺得唔夠飽仲有各款滷肉飯或燒味飯可以選擇。大碗什錦麵48蚊有8個餸真係好抵！不過驚食唔曬所以最後只係叫佐任選三餸麵都只係36蚊。麵底揀佐米粉，湯底要小辣，三餸揀佐雞中翼、牛丸同埋黃金魚餅，再叫佐份小食拼盤試下。唔洗五分鍾美食已經出現係眼前，即刻試下先！！首先湯底唔會話好辣有啲似沙茶醬味道，幾開胃，米粉較為幼身質素唔錯而且仲有唔少芽菜，口感爽口！！最推介係黃金魚餅，大大塊既魚餅咬落好彈牙，而且好重魚味一啲都唔偷工減料，抵讚！！👍🏻試埋個惹味小食拼盤先，分別有炸魚肉燒賣、海鮮豆腐同埋腐皮魚卷，燒賣炸得岩岩好而且魚肉味濃，脆口美味，腐皮魚卷外脆內軟，口感一流帶有濃濃魚鮮味，必食推介！食完炸物可以飲返枝健康飲品，加8蚊就飲到啦我就叫佐枝杞子六花茶，五花茶就飲得多，六花茶真係第一次，飲落唔錯唔會好甜，甘甘甜甜，清熱解毒之選！最後不得不讚係小店堅持外賣一定會分湯，要知道食麵唔分湯，行到返公司，啲

車仔麵，係好多香港人嘅至愛，亦都係香港嘅特色文化之一今日同朋友下午經過皇后大道中，就去佐遠近馳名嘅巷仔店—溢溢掂醫肚👍🏻👍🏻👍🏻店舖面積不算大，主要做外賣生意為主，客人亦都可以選擇立食😁😁短短企佐五分鐘睇餐牌，已經有三、四個客人拎外賣，真係可以用賓客如雲嚟形容啊🤣🤣，餐廳以台式美食同車仔麵做主打，專誠嚟到，當然要試下車仔麵😋😋同其他車仔麵檔一樣可以選擇麵底同配餸，但依度配餸款式選擇非常多😍😍，起碼超過三十款，花多眼亂啊！😄😄由於小妹都算係大胃型，所以叫佐三餸一麵，有雞翼、煎藕餅同埋芝士腸，全部都係我嘅至愛啊😍😍店主好細心，湯底同麵分開上免，咁做就唔怕麵底吸乾湯，餸菜又唔會被浸腍，貼心之舉值得一讚👍🏻👍🏻先講一下車仔麵嘅精綷，湯底嚐得出用多種配料淆製而成，甘甜唔鹹，帶有少許藥材味道，唔似坊間食到只有味精嘅鹹味，麵底揀左米粉，米粉爽口唔會浸到軟身，一啖湯配一啖米粉，完美配搭😆😆雞翼有兩大隻，醃得好入味，肉質又夠嫩滑😋😋最出色嘅一定係煎藕餅，蓮藕餅煎得香口脆身，厚厚一塊賣相相當吸引，咬落去藕味極濃，甜甜的蓮藕粒減少油膩感，口感豐富，留香滿口😉😉單食車仔麵好單調，就同朋友叫佐惹味小食拼盤一齊食

今日下就比公司安排左去中環個邊做野早到左見時間尚早又有啲肚仔餓就去左覓食啦呢間外賣店喺石板街個邊黎既我見都有唔少人喺立食區食緊車仔麵不過位置唔大 所以我買左去商場common area同朋友仔食我地叫左三個小食同一個碗仔翅碗仔翅方面都幾唔錯 多料得黎又好濃味落埋醋真係不得了！！！炸燒賣都炸得岩岩好 唔會燶哂都唔會好un咬唔開我地再叫左個街頭必食既咖哩魚蛋佢size唔會太大粒 岩哂我地呢啲街頭食野要儀態既人而且個汁都唔錯 唔會話好淡口最後要推介呢個！呢個長洲魚蛋真心正！勁大粒勁彈牙而且佢仲好好剪開左一半 方便人食！

雖然lunch hour只係得一個鐘但食公司附近既快餐店食到超級悶今日同同事決定搵啲新野食行到離公司距離十幾分鐘既利源東街見到有好多野食呢條街應該夠我食返幾個星期Lunch唔想食太飽就決定試下溢溢掂車仔麵$36 3餸車仔麵好似都幾吸引叫左叉燒魚卷生菜米線等左十分鐘左右等既時候發現原來可以whatsapp落單仲有uber同網上外賣平台送外賣而家啲小店都幾厲害本來都驚行到返公司啲米線會浸到一pat pat或者會冇哂湯但攞既時候發現原來佢分開湯同米線放而份量啱哂OL十分推薦佢個叉燒多汁好食起中上環食午餐又多個選擇

星期一至五lunch日日都買外賣有時都食到唔知食咩好今日同個同事打算行遠少少行到去利源東街個邊見到溢溢掂價錢唔貴 又幾多人買外賣就打算試下$36 3餸車仔麵起中環都幾難搵到我叫左掂叉燒 豬大腸 豬軟骨 牛腩湯米線等左十分鐘左右就有舖頭都幾多staff 都算幾快手返到公司發現佢地好貼心將湯同米線分開放米線同d餸就唔會稔哂食落個湯底好夠牛腩味啲餸份量都算多食完都好飽推薦中上環上班族可以試下佢地仲有uber同網上外賣平台送外賣心急既上班族仲可以預先電話或whatsapp落單但用whatsapp既話記住要等溢溢掂confirm你先算成功落單架

中環是香港心臟地帶亦是繁榮商業中心指標，但如果識得行入(利源東街)後巷經典港式平民美食一樣選擇多沿中環站D2出D步行約5分鐘下二條街道直達找到店舖環境整齊整潔燈火開明堂皇，以橙色作主調顏色非常燦眼牆上午餐/下午茶時段刊登優惠美食組合，但店舖因面積淺窄可能客人需站食/或以自取外賣為主因歷年代車仔麵以改裝流動手推車經營但時代洗禮隨著生活水平和衛生要求提高現今港九新界特色舖頭車仔麵店不少以定為商餔形式類似的麵食！食客可自行選擇麵條、餸料、湯料，因為這裹粉麵餸菜都十分認真單是車仔麵餸菜超過34款，連麵底選擇也有6種而我今次挑選大碗什錦麵素湯底再加餸，而每日清湯及香料重熬湯底甘甜不鹹，粗麵夠爽口彈牙，煮麵工夫時間掌握剛好，而(黄金魚餅、墨魚丸、魚蛋)肉餡脹卜卜店員細心分碟另上免湯底把外皮浸腍而牛筋、牛腩炆得軟腍、滷得入味爽而不膩味，均用上新鮮貨！頗受老街坊歡迎最後調上本店自家小辣醬汁更食得刺激絕對過足癮的滋味雖然只是小小的麵店，老闆事事親力親為要做得好食滷水鼓油甜香好食並非容易！

平時出去食lunch,經常見到依間野大排長龍，今日趁天氣唔太熱，一於排下隊，試下依間野係唔係真係咁正我大約12：30pm到，一如想像，果然又係大排長龍事不宜遲，我即刻攞張紙開始tick配料，選擇多到眼都花，我依d選擇困難症嘅人都掙扎左好幾分鐘先tick完作為一個食肉獸，我唔洗點諗就tick左牛腩同叉燒，不過為左健康d就專登加左個烚菜同蛋，另外我覺得通常車仔麵店嘅冬菇都會煮得好入味，所以都叫埋試下食物整體嘅水準幾好，冬菇完全無令我失望，而兩種肉都煮得夠腍同入味，而且分量幾大，一個女仔食完一定好飽最值得讚嘅係d米線因為依間係外賣店，我攞左反office後隔左半個鐘先有時間食，好彩店員夠細心，我雖然唔記得話要分湯，不過店員已經自動波幫我分左啦好彩嘅係米線焗左半個鐘都依然保持有咬口，無變到腍曬同一pat pat中環區黎講，果然係平靚正，有下次

今日公司training,而地址就正正喺利源東街隔離，即刻好開心因為入面有好幾間外賣小店，中環食晏就不用那麼煩惱，外賣食就得！街入面有間幾好口啤既車仔麵店，今日終於可以一試了！它除了做外賣，其實還有幾個立食位的，而且還有多款不同的地道香港小食呢！我點了「四餸車仔麵 $48」加餸另點及「花膠碗仔翅 $18」。因為是外賣關係，細心的店員還一早已把麵跟湯分開放，很讚！四餸車仔麵 $48 （汁煮牛蒡、蘿蔔、豬軟骨、掂叉燒，配米粉加腩汁）- 汁煮牛蒡做配料實在少有，薄片易吃，味道甜甜又健康；蘿蔔夠稔但可以再入味一點；豬軟骨入味又夠軟身，肉比軟骨多；掂叉燒果然掂，入味至中心位置，燒得沒有過火，好吃；而每碗車仔麵均附送荳芽菜，份量足，不用多加錢就有菜吃，感覺很抵；湯底亦有驚喜，本身已經夠清甜，再加了腩汁更香濃，米粉掛湯很美味！花膠碗仔翅 $18 - 分量不多但足料，有齊木耳、仿真翅、冬菇等，味道十足而且不會太過杰身。不過，如果期望有花膠的話要令你失望了，這個當中是沒有花膠的哦～

講到係中環區High Tea大家通常即時想起在有名酒店內食西式餅和喝咖啡，但本人最愛反而係以香港街頭小食做tea更為High😋今日11點左右便吃過午飯，到了下午茶時段，感覺肚子很空虛，於是到了位於利源東間這間小店High Tea，這點主打車仔麵，配搭也相當多，有些餸更帶台灣風味。下午茶時段，更推出香港街頭小食套餐。小食配搭相當多車仔麵Menu中英文對照，非常細心。我今日既High Tea套餐包括街頭花膠碗仔翅，非常足料，蓮藕煎餅和惹味小食拼盤(炸魚肉燒賣+海鮮豆腐+腐皮魚卷）上班一族更可透過網上外賣平台叫外賣速遞

住港島但唔熟中環屋企附近嘅嘢食得太多, 所以一心諗住喺中環開餐渾渾噩噩嚟到利源東街。 窄巷充斥等外賣人龍見到間價錢ok又啱食, 好多OL等外賣, 就想試吓員工手腳好快, 但真係太多order, 人龍到1點幾都未清立食區唔大, 揹住背囊嘅我都係外賣算舖細細但都見到佢睇menu,點餐嘅layout係方便到客人嘅，喺中環舖細都可以理解拎返去都仲暖便當咁樣蓮藕餅肉燥飯原來仲有春卷脆蓮藕餅藕粒爽口, 肉餅香口48蚊附素湯, 清淡但蔬菜味濃, 帶甜味$12 10粒魚蛋

之前食過一次佢D車仔面，餸十分少, 味道好一般，根本唔係其他食評話咁好, 失望。😰今日因為趕時間, 附近經過就買左個花膠碗仔翅試下，點知同樣失望。😰 個碗極之細碗, 仲要一打開發現只系裝半滿多少少.... 🙄雖然十八蚊一個碗仔翅唔係話好貴, 但係駛吾駛做到咁乞依, 裝得果幾啖野.... 仲要佢叫花膠碗仔翅, 我連一條花膠絲或姐花膠味都搵唔到,聞唔到....😑 食落去只不過係一碗好普通又吾夠熱既碗仔翅 ...😞真心覺得e個碗仔翅, e個價錢, e個份量...絕對唔值得一試....😑😑😑😑😑😑😑

Central is a place full of fine-dining places and high-class restaurants. However, the one I am recommending today is a fast food ship, suitable for those taking a quick lunch and then back to work.Noodle House was near Queen's Road, which was not easy to locate.  However, once turned into Li Yuen Street East, I could quickly recognise it from the long waiting line.It served a range of HK-style food, such as shark-fin soup, curry fish balls, deep-fried tufo, etc. On the glass wall, it posted all

早已聽聞同事講過呢間車仔麵店好食 難得好天 今日決定前往試下！餐廳裝修幾特別 牆身印曬推介材料 但因為位置唔大 所以只提供立食同外賣等外賣期間可以睇到材料乾唔乾淨車仔麵檔一般俾人感覺求奇同污糟 但正如圖片所睇到 溢溢掂廚房環境乾淨企理四餸車仔麵（$42）+生菜（$12）湯同麵另上 所以麵能保持彈牙 而且芽菜份量都好多！先試炸魚片 密實袋以防漏氣 果然仍香脆十足 同分量都有唔少 最重要無油溢味豬軟骨屬另一樣推介食品 醃得入味之餘軟骨炆到腍曬 味道到位不帶咸 感覺有d似日式拉麵既豬軟骨炸魚卷沒有熱氣感 魚肉滑又香 誠意推介

女仔都係鍾意中午食粉麵，係中環搵到呢間車仔麵，就買外賣返去試下先！.黎到舖頭，拎張黃色紙仔，就可以自己劃要啲咩！今日星期一，我一定係未訓醒🤦🏻‍♀️，我揀左羅白，生菜同魚皮😅，同事揀左魚腐，墨丸同生菜，我地都飲低糖豆漿！返到公司，見佢分湯裝，呢樣真係好good👍🏻👍🏻👍🏻，要知道食麵唔分湯，行到返公司，啲麵已經吸乾哂啲湯，呢度唔洗加錢都幫你分湯！😁.魚腐墨丸生菜米線(小辣):魚腐唔油，好食，墨丸彈牙！.羅白生菜魚皮米粉(小辣):錯有錯著，傻傻地食車仔麵叫魚皮，好脆，無油益味，又好大包！羅白無渣。.我同同事都覺到個辣醬好食，似有啲沙茶醬味，下次一定叫大辣同叫其他食送試下先！同事連啲湯底都飲哂😆，食完幾個鐘，都無覺得好口渴，証明唔係味精湯。4十幾蚊連埋野飲，係中環午餐都係一個唔錯既選擇！