滾喜火鍋專門店 (已結業)

滾喜火鍋專門店話說旺角女人街有一間火鍋雞煲，早去到唔會太多人，唔太當眼，就入左去試下，套餐有幾個唔同價錢選擇，最貴既可以任食桶蠔同高級安格斯牛肉，我揀左安格斯牛肉餐，先嚟雞煲，點左小辣，味道好香，汁料唔算太油，辣味都幾有層次，雞肉鮮嫩，係有心機制作，絕對係一個唔錯既雞煲選擇，麻而不辣，唔會太霸道，雞肉有咬口又入味，我相信應該係預先泡過油，加了芫茜和甜甜紫洋蔥，香氣樸鼻，味道冇得頂。這裏的食物很多都是用件數來點，自己填紙仔落單，食多少點多少，咁樣就不會浪費食物喇。先介紹安格斯牛肉，好香牛肉味，又唔會好肥，佢個menu有建議最佳食用時間係淥8至10秒，正，係好味既！推介要試嘅係牛舌，薄薄一片，一D都唔難咬，我覺得比安格斯牛更加好味！而西班牙黑豚肉，薄薄的黑豚肉，油脂不算多，但好有豬肉味，比想像中更好。炸響鈴，自家製的響鈴，應該係新鮮炸起，非常香脆，好好味。而呢個，鹹蛋黃炸魚皮也是自家出品，甘香鬆脆，鹹蛋黃香與魚皮的魚油香氣互相輝映，惹味可口。食完雞煲加湯打邊爐，配料一樣多，而且質素唔差，特別係超甜粟米，真係超甜，又爽口，我食左好多件！而自助飮品櫃內-有啤酒、汽水丶綠茶和涼粉爽及自家製的竹䉀

#中意嘅請分享請點讚🍻----------任食三重芝士雞煲/秘製麻辣雞煲+以下配搭😋任食美國肥牛+任食60款火鍋配料 $188😋任食安格斯牛肩胛+任食60款火鍋配料 $208😋任食高級安格斯牛小排+美國桶蠔+任食60款火鍋配料 $278----------今次就試左三重芝士雞煲，面頭好多芝士，多到可以做到拉絲嘅效果，又加左香草所以好香。雞肉夠嫩唔會好老，洋蔥就可以煮耐d，夠哂入味。雞肉係可以無限Refill，所以一定夠飽。----------食完雞煲可以叫人加湯：1. 豬骨湯：免費2. 沙嗲/芫茜皮蛋豆腐/特濃蕃茄/麻辣：$283. 鴛鴦湯底：$38本身雞煲再加湯其實都好夠味，所以我就冇加錢轉湯底。----------任火鍋配料有60款，包括丸類、餃類、菇菜類、海鮮類、內類、麵類等。特別推薦嘅係自家制鹹蛋黃炸魚皮，真係好脆好香，仲有好多鹹蛋黃包住。不過美國肥牛質素就一般，想食好d嘅就要加錢。飲品都係任飲，有汽水、茶，仲有竹蔗茅根、涼茶、啤酒等。-----------值得一提嘅係呢度樓底夠高通氣又夠，唔洗驚食到好焗。星期一至四：任食2.5小時星期五、六：任食2小時----------🔎滾

細佬好鍾意食雞煲，佢話呢間食過好會就帶我地去，無book 位下去到walk in 10分鐘倒就入得，我都覺得我地太好彩，因為真係full 到嚇死人，奉勸想嚟嘅人記得要book! 5個人叫咗兩個鍋一個中辣一個芝士，兩邊都好好食，中辣嗰邊好惹味，芝士嗰邊就夠哂邪惡，每次夾都一絲絲芝士繞住。呢到有樣嘢好，就係佢會不斷幫你refill 雞，我地refill 咗一次BB 辣雞，然後就開始打邊爐，其實都已經開始飽。。。打邊爐反而無啲雞咁好食，真心食雞已經夠哂，啲雞又嫩好細舊無咩骨，易食又唔洗揀骨揀得咁辛苦，邊爐湯底同啲料都麻麻地，真係無必要食，食雞就夠。

今日約了好友岀旺角晚飯。聊吓天吹下水食飯，經過女人街迷惘中搵咩食好。今日心情想試吓啲辣野，咁啱呢度寫住辣雞煲放題。眼見外面企理咁就入去坐低先。見到有餐牌分開三個價錢，試下中級$208升級有安格斯牛嘅放題，雞㷛要小辣，飲品係自取。雞煲滖幾分鐘才可享用，煲嘅過程處中已傳出陣陣帶麻辣香氣，開蓋後急不及待撈出一大件雞同我最喜愛洋蔥。入口帶有小小辣，肉嫩，好好味。雞肉食得七七八八加湯變火鍋，即刻落單叫碟安格斯牛同一些配料。牛肉比市面上放題係靚仔唔肥，海蝦同白片都新鮮。自家製金沙魚皮十分之正，必點。其他配料有蔬菜，丸類水準都唔差。今晚又飽飽，大滿足。

相約了同樣是芝士控的老友於放工後一同前往位於旺角通菜街的這裏這裏地方以地舖形式算大, 座位寬闊, 有卡位提供, 冷氣溫度亦夠涼這裏是屬於放題的形式, 有三款牛肉的選擇可供, 我們選了中價的三重芝士安格斯餐$208一位(另加一)普通雞煲就吃得多, 芝士雞煲還是首次吃到, 店家將三種不同類型的芝士碎鋪在雞件上, 只需等數分鐘, 便可聞到香濃溶化了芝士味雞件沾滿了芝士, 還能做出拉絲的效果, 打卡一流菜單上選擇多, 有任點的人氣的鹹蛋炸魚皮, 海鮮, 肉類, 飲品自取首輪吃了芝士雞煲, 原來還可以再吃麻辣雞煲, 朋友不吃辣所以就沒有點了, 對喜歡吃麻辣或食量大的朋友來這裏絕對沒錯的啦安格斯肥牛屬於是必點的, 真的沒有想到這個價位可以吃到如此高質的安格斯肥牛, 性價比高新鮮海蝦亦是必點的, 少有放題地方有海蝦提供啊蔬菜方面點了娃娃菜, 娃娃菜放在了芝士味濃郁的湯底內盡吸了湯底的精華值得一讚的還有店家內的洗手間乾淨衛生, 看得出應該是有專人定期打理的總括而言是屬於性價比挺高的雞煲火鍋, 難怪店家全晚高朋滿座, 建議前往的朋友最好先訂位啊

有朋友自遠方來，帶她逛逛女人街，讓其感受一下這兒的特色，晚餐就選擇了通菜街鴻光大廈地下的滾喜火煱。可以透過一列大窗看到室內光㓗的裝修，食客都是吃得興高彩烈，開懷大嚼。而多位侍應都是滿臉笑容，服務殷勤體貼，真是值得一讚！自助的醬油配料先來一個麻辣雞煲，選了小辣的口味，麻而不辣，有麻香，但不會太霸道，雞腿肉結實入味，加了芫茜和甜甜紫洋蔥，香氣樸鼻，令人口水直流。吃完雞煲換了淸湯吃火煱。脆肉鯇魚片 魚肉有嚼勁，鯇魚香氣從魚肉與魚骨之間滲出來。西班牙黑豚肉 薄薄的黑豚肉，油脂不算多，有豬肉味。炸響鈴 自家製的響鈴，非常薄脆，有豆香。鹹蛋黃炸魚皮 也是自家出品，甘香鬆脆，鹹蛋黃香與魚皮的魚油香氣互相輝映。正是自家出品，必屬佳品。還有青翠嫩綠的唐生菜和菜芯。自助飮品櫃內有啤酒、汽水丶綠茶和涼粉爽及自家製的竹䉀水等飲料。

去旺角行街當然順便食埋飯,行到女人街尾見到間火鍋雞煲,時間仲早唔太多人,於是就入去試下.呢度有幾個唔同價錢嘅餐選擇,最貴既可以任食桶蠔同高級安格斯牛肉. 今日就食安格斯牛肉餐. 先嚟雞煲,點左中辣,好香,汁料唔算太油,辣味都幾有層次,雞肉鮮嫩,絕對係一個唔錯既雞煲之選.配料方面,牛肉滑口,脂肪比例唔錯,蔬菜同其他配料都好新鮮. 佢呢度既份量喺跟人數而上既,唔怕一次黎太多食唔晒. 飲品都係任飲嘅,都有好幾個種類同款式. 

只有芝士雞煲比較正常，其他配料幾乎完全不能入口。我們3人吃芝士雞煲，雞的份量偏多，吃了一半已經被芝士弄到覺得很膩。飲品ok多選擇。但火鍋配料真的無言，任食的質素太差了，漏單都算。但木耳那麼大塊我第一次見餐廳這樣拿出來，然後響鈴淋到一個點，咸蛋黃炸魚皮都係超淋。普通炸魚皮就正常d。真係食到未飽已經想走，個侍應仲問點解我地咁快走。雖然侍應服務還可以😐但唔會再信某page推薦，然後又不是便宜，性價比低，酒樓任食都好過呢間。

呢間餐廳位於旺角通菜街唔係太顯眼嘅內街，但係就有好多人嚟呢度搵食，可想而知有幾多人係專登慕名而來😋芝士雞煲唔會覺得膩，配搭左三種唔同嘅芝士，口感好特別，撈埋啲雞一齊食別有一番風味。麻辣雞煲又夠香又夠麻，雞件好滑，而且啖啖肉，仲好入味。職員會幫我地計時，務求能夠以最佳食用時間俾我哋享用。安格斯牛肉好香牛味，又唔會好肥，建議最佳食用時間係淥8至10秒，正！超甜粟米名副其實真係超甜，又爽口，我叫左好多件！飲品飲品方面真係值得一讚，竟然有自己煲嘅竹蔗茅根可以唔使額外加錢無限飲用，一路食住麻辣雞煲一路飲竹蔗茅根就唔怕熱氣啦！

一天工作完成後，相約喜歡打邊爐朋友晚膳，選擇當然是打邊爐，地點餐廳他一早選定，我不用操心，準時到達便可以，在女人街內一間火鍋店，非常容易找到，這裏是先吃雞煲後打邊爐。雞煲：辣妹選擇中辣，雞件新鮮結實不會散開，麻辣汁調控得非常好，不會過鹹，畫龍點睛的洋蔥及芫荽被我清空安格斯牛：油花分佈平均，新鮮鮮紅色，肉質有滑嫩澳洲牛舌：爽口有彈性，牛味十足很有質感滑雞件：大大件，質地嫩滑，做得很出色雞子：新鮮粉紅色，比平時見到的大一倍，爆汁白鱔片：厚切，所有細骨都切斷，新鮮彈性十足，不會淥久了散開，我吃了很多菜心苗蘿蔔粟米蜂巢豆腐：全部食材新鮮，我重複點了幾次飲品：種類多樣化，任飲我平常比較少去打邊爐，但今次體驗跟以往完全不同，我喜歡食材新鮮，這裏完全可以滿足我。

下班後和老公在旺角街頭覓食，大家都十分肚餓，就上OpenRice 找找附近有什麼放題好推薦呢，我們都被滾喜的芝士雞煲相片所吸引！馬上出發～來到店鋪十分寬敞，我們被安排座在卡位位置店員十分友善，上前介紹雞煲及火鍋選擇和價錢，雞煲方面，我們選了芝士雞煲，店員介紹吃完芝士雞煲還可以吃麻辣味，兩款都可以試，十分好芝士雞煲有三款芝士，好香濃，喜歡食芝士的一定不能錯過！（雞煲也是任食）火鍋方面就選了任食安格斯肥牛餐 再試試麻辣味，我個人喜歡芝士味，而老公喜歡麻辣味～食完雞煲後就可以轉火鍋了，我們選了鴛鴦湯底，一邊沙嗲，一邊蕃茄濃湯火鍋配料選擇十分豐富安格斯肥牛和西班牙黑豚肉是我的最愛～二人吃到捧著肚子離開～

之前朋友成日會組隊去食，可以任添雞件，所以男仔去都絕對飽肚走。所以係佢介紹底下，平時約一大班frd都會去滾喜食，其實已經食過滾喜兩次，地點位置方便，女人街近大家樂個街口，好易搵。不過，係服務態度上仍然有待改善，因為假期會每位多收10蚊，俾左錢照常理我會預期店舖請多啲人手去招呼滿座嘅客流量，但結果並唔係，搞到我地加湯、落單都唔太好意思麻煩到佢地。係飲品方面，大概有5-6款，有細分正常可樂同zero、綠茶、烏龍茶等等。係食物質素上，雞件偏「孩」，芝士煲嘅話係味道濃郁，麻辣煲就正正常常。如果係食芝士煲，記得要勤力啲翻起啲雞，痴煲燶左嘅話就會影響後續嘅邊爐。咸蛋魚皮值得一試！我地星期六晚去食，揀左最平嘅$188餐，最後埋單每位$218，價錢都叫合理。

前日去左呢間食，都係火鍋放題，d雞可以任加，幾好味。我最欣賞佢個麻辣雞，因為佢可以唔辣，但有麻既感覺，d汁都夠。不過芝士雞都好夠芝士，但味道上唔夠麻辣雞吸引。個鹹蛋炸魚皮，都好脆，有鹹蛋味，都唔錯。呢幾樣應該就係佢賣點,其他食材就比較普通

位於女人街當中的這間雞煲，在旺角這麽多雞煲店的云云當中，但晚飯時間依然要排隊等位或許就是因為這餐廳的麻辣雞煲這裡的麻辣雞煲有著好好比例的麻和辣，可以選擇適合新手和喜歡挑戰麻辣的各位食客而這裡的雞煲是可以再落單的，不像其他雞煲店般，只有半窩雞煲，當你食完，就只可以火鍋了！這當你食完雞煲，這裡的待應會詢問會否需要再添加雞件的。這裡絕對是各位麻辣雞煲或者芝士雞煲的愛好者的天堂而且,這餐廳的任食火鍋有三種牛肉級數提供分別是：美國肥牛／升級安格斯（牛肩胛）／升級高級安格斯（牛小排）豐儉由人，任君選擇。

今日同朋友黎食雞煲，因為每次經過都好想食，但每次都好多人排隊，今次好彩早黎到，但無耐之後都滿座。店員都好有善咁同我地推介有咩選擇。今次我地黎食芝士雞煲，見到好多人都食緊芝士雞煲嘩，個雞煲一黎我同朋友都好開心！因為成個煲入面見到好多芝士蓋過晒d雞無耐之後，店員就幫我地撈混芝士同雞件，芝士香氣就更出每件雞件都充滿住芝士，食落好香濃芝士味，而且雞件每件都好大件好滿足食完雞煲之後當然就開始火鍋時間我地揀左安格斯 208餐肉既質量都好好，口感好適中另外重叫左黑豚肉同羊肉海鮮我地叫左好多蝦食，好鍾意蝦都好大隻其他火鍋料重叫左 鵝腸，牛柏葉，台灣腸同雲吞每次黎既份量都足夠