滾得棧

營業中

休息中

一直都有留意此店的食評, 一來我係佢地嘅常客, 二來我覺得一間從來無劣評的餐廳也是十分難得........其實我都等緊劣評嘅出現,但係真係估唔到佢地嘅弟一篇劣評會係咁無point...更加估唔到我弟一篇食評會係因為睇唔過眼而寫.......容許我先回應果篇無point嘅劣評之後我先寫食評....1. 如果訂枱時聲明一定要幾多個爐嘅枱而入座果陣比唔到你,就一定係佢唔啱......但係佢都識講响佢要求下人地都安排咗比佢......噤都complain??2.本人認為,好多時去決定一間餐廳的好壞好取決於你的反應.....正如佢話 d wasabi 少. 如果佢同樓面要多點而佢又唔比你先叫有問題. 而其它佢講到咁難食嘅野如果complain咗都唔換或取消....咁先叫有問題.......3.如果人地無收多你錢而又跟餐牌價錢去charge你.....又有問題?????????ok.......夠了, 我都應該寫下食評湯底: 我最鐘意佢地嘅潮洲拼番茄芫茜豆腐牛頸脊, 牛眼根 係我必食蝦丸墨丸 又係必食推介而其它配料都好新鮮選擇亦超多其次我就好鐘意佢地嘅生炒糯米飯同蝦餅.......

上星期六去一行8人去滾得棧打邊爐.環境: 訂了位都要等, 唔緊要, 左等又等下才安排樓上1樓, 8個人比得一個爐既台?? 要求下才安排到2個爐頭既台. 其次no good既係非常超級嘈雜, 聲音困住室內, 其他客人及我們只得越講越大聲, 但又越來越嘈, 有d頭痛既感覺.食物: 象拔蚌$7xx, 新鮮, 但係wasaibi只比得一粒米咁丁多,實在離普豬腰 $4x: d押味勁到入碟都不能入口.栗米: 又老又唔甜, 真係買都買唔到.蝦膠: 唔得, 好似d蝦去殼後了均咁, 無打過亦無起膠, 食白灼蝦好過唐萵: 黎左皇帝茶, 雖然味道差唔多, 但係無都要通知聲, 唔係求其黎碟菜就要客人焗食價錢:象拔蚌1條$7xx, 切牛脊x2, 手打墨丸x2, 手打蝦丸x2, 駝鳥肉, 唐萵, 豬腰, 桶蠔+2個湯底, 埋單$2xxx, 每人$250. 仲係食唔飽, 唔舒服+ 一肚氣, 如果呢個價出外打, 應該更豐富更新鮮更多選擇.總結: 無下次

我很喜歡打邊爐…一年四季都是打邊爐的季節…所以我常常在openrice搜尋新的火鍋店…其實這一間我很久很久之前已經看中了….只是深井對我來說有點兒遠….在偶然的機會下要到荃灣一趟…突然想起這裡…其實也不算特別近的了…不過既然到了新界當然不要錯過這個機會啦~是晚雨下得很大…不過火鍋店都有八成滿的…剛巧更撞到同事呢…她也是看到openrice的食評來的…看到她都差不多吃完…當然要問一問comment啦~但只說…不錯…但很貴…..所以我心裡有少許擔心…不知道到底有多貴…湯底選了沙爹和潮式…潮式其實味道點像蠔仔粥的那個味道…有豬肉碎…芫茜等等的東西…味道不錯…沙爹湯底越滾越濃味…配公仔麵最正~…火鍋料不外乎也是點類似的東西…牛肉要了牛頸脊和美國肥牛…牛頸脊雪花紋理平均…入口有牛油香…色澤紅潤…不錯的呢…肥牛相對地就沒那麼好了…不過都夠牛味又夠肥….不過要說說的是那個魚麵...魚麵的口剪得太闊了...擠出來的時候幾乎不能稱之為麵...改叫做魚腸更加適合...這裡寫明四個人以下才可以雙併…而雙併每一款再加五毫…一碟雙併的料…如丸類, 餃子, 菜等等的要四十蚊一碟…其實真的有點兒貴….最後結帳六百多

Arrived in HK from the tropics so the weather seemed cooler than it actually was. I'm not a hot pot aficionado as I detest anything that will warm my body temperature considerably. However, an alfresco hot pot on a winter's night does bring some pleasant warmth for the heart.Normally i use raw egg as the sauce but i just couldn't pass the DIY soy sauce - something i find only happen in hk. Squid ball was nice, it was nicely mixed and didn't taste too much of flour. the beef was very juicy pork

啱啱搬入深井,上 openrice 睇下深井有咩好介紹. 估唔到居然有一間D食評係満分嘅! 襯天氣凍凍地,即管去試下!! 正如其他食家回應,book 咗枱都要等成25分鐘.....果晚食咗本地肥牛, 真係好好食同埋幾大碟!蝦丸 好正, 其實我覺得佢唔應該叫蝦丸...叫蝦球比較適合....因為食落去全部都係蝦...唔似出面果d....牛粒又係必食之選! 粒粒好似和牛咁,好靚!經過服務員推介,我地叫咗條沙猛魚! 本來我對魚無咩興趣嘅, 真係估唔到一條$200蚊嘅魚會咁鮮甜!之後試埋生抄糯米飯, 超正...肯定係我食過最好嘅糯米飯!!本來等枱果單野淢咗好多分.....但係D野真係好高水準.....所以比個笑佢啦!

滾得棧可以話係我嘅飯堂 ! 我無記錯佢哋應該開咗六年,由初初頭兩年水靜鵝飛 到依家人山人海.......之前我好擔心佢地會做唔住,又驚因為無生意d食物會唔新鮮........結果無退步之餘仲進步咗好多,最重要係無加過價!!我最愛的食物如下:基本上我試過所有湯底(無記錯佢地有十幾種), 喜歡清d嘅可以try 番茄芫茜豆腐, 海底椰豬骨, 木瓜豬骨, 潮洲湯底! 喜歡濃味d可以try 花膠雞, 番茄蟹(我最愛,d蟹超新鮮實肉) 牛頸脊: 必食!! 起好味 $179 好大碟 好食同平過九龍城果d好多牛眼根: 老闆話得佢地有得買 口感好爽帶油香味, 但係我覺得溜咗小小. 好味正得一try!! 蝦丸 墨丸: 超彈牙 蝦丸入面d蝦多到離譜 正!!!北海道帶子刺身: $69 好新鮮 一份有好多隻!! 其他配料都好新鮮, 係有時d菜洗得唔係好乾淨 除咗生料, 佢地仲有d小菜:生炒糯米飯: 唔食係你嘅損失避風塘炒蟹: 好食過橋底 價錢平好多 如同一size起碼平三分一!! 所以我唔係好明點解其他食 評會話佢貴leh??炸蝦餅: 出面一定食唔番!服務方面真係比以前差咗dd, 講真句有邊間旺場

早兩日特別凍，本來想去旺角試一下旺順，不過原本個個食評都話無乜人的哩間野，都因為天氣凍多人打邊爐而爆晒棚，於是索性返深井去試下滾得棧。可能因為我地晏黎啦，都成九點半，所以戶外區都有幾多位唔使等。其實凍凍地係戶外打邊爐仲夠Mood，好過坐室內周圍煙。我同朋友兩個人要左個胡椒豬肚湯，其他火鍋料包括：炸魚皮雞件四寶丸韭菜餃魚麵西洋菜唔記得仲有無其他，但應該係咁上下。其中有啲係半份的，但最後都係食唔晒。個胡椒豬肚湯好好味，當湯飲真係一流，至於的火鍋料，最正的係啲雞同魚麵，可惜因為食左其他野先，哩兩樣到最後反而食唔晒要打包。至於其他的火鍋料，因為都只係大路野，所以都係正正路路咁，但四寶丸中的蝦丸真係值得一讚，好爽口，好有蝦味。

睇完下面個位朋友既食評,我都忍唔住要分享下我既"經歷"聽朋友講呢間野好多人食成日都要排隊,咁我地就book左位3個人諗住入去試下啦去到,個阿姐竟然比左張大圓枱我地坐~個陣已經心知不妙,我地3個人咋喎,細枱都夠啦?我咪問個阿姐可唔可以掉張細枱比我地~佢個陣仲言之鑿鑿咁話"唔駛~得架喇"點知,到我地點哂野食開哂爐食都食到一半個陣唔知係咪多人得濟佢地唔夠位~竟然叫我地轉去細枱!!我一開始已經問左你駛唔駛轉你話唔駛!!到我地食到一半個陣你先同我地講叫我地轉枱?!我地個下真係o哂嘴,食到一半先黎逼住要搬竇,乜mood都冇哂啦我一開始已經問過你駛唔駛轉細枱,你話唔駛,ok~你做咁耐我suppose你有一套自己既排位方式但原來你既方式就係亂咁比位,唔理人多人少坐左先算,唔夠位咪叫人搬竇囉~講真,呢到服務唔錯,店員幾有禮貌,d野食都跟得幾足食物既水準唔差~蝦丸墨丸好正~但價錢唔平,值唔值就見人見志啦唯獨是入座既流程真係好有問題,令人食到成肚火你問我會唔會再黎,就真係要諗下喇,我唔想又食到要走難咁款囉ps我地食個陣時不時見到負責安排入座個位阿姐黑口黑面咁走上黎鬧人朋友見到就講左句"佢有時間鬧人點解唔改善

重新解釋訂位的定義究竟訂位係乜意思呢? 呢間野可以從一個全新角度去話你知訂左7:30枱, 因為遲到, 滾得棧係7:40打俾我, 問我到未, 我話大約10分鐘左右, 最後大約7:50先到.去到, 叫我地坐低等等, 大約 10分鐘有位. 等左10分鐘, 其實每枱都係開始冇耐, 到8:20, 等左半個鐘, 於是再問, 佢指住兩枱, 話呢兩枱走的話, 就會俾我地. 嘩, 呢兩枱, 每張枱都仲有大量野食, 未有耐可以完啦. 起碼要等多半個鐘, 等得黎, 冇九點都唔駛食, 佢地做咁耐, 冇理由估唔到人地幾點會食完, 同我講人地就走, 真係當我地係傻既 想講既係, 如果因為我地遲到, 佢地俾枱第二個, 佢大可以係打俾我時出聲, 話因為我地遲到, 冇枱, 要等到九點, 咁我地咪唔等, 去第二度食羅. 咁下次都可能會再幫襯.但係, 我都係7:40分話十分鐘到, 又好明顯地, 我張枱俾左人的話, 佢地跟本唔可能係有枱係短時間內俾返我地, 我真係好唔明點解佢咁做. 咁樣做左的話, 你咪老老實實話要等到起碼9:00羅.用d 咁既態度去處理book枱, 只會越黎越少人幫襯到最尾, 唔食佢, 去左食裕記打邊

經同事介紹~第一次去食~Good~ 第一次打邊爐食到差d獲利回吐~ 正! 點左好多野食：肥牛：脂肪均勻~雞腸：第一次食~平時食鵝腸多d(因為爽口)~ 呢個唔爽口但好香口，略嫌肥d(脂肪)自製腐皮卷: 腐皮卷好脆~墨魚丸: 好有sabu sabu feel, 有d粒粒好有口感~好味~白柏葉: 新鮮~唔韌~唐生菜: 新鮮~......(不能盡錄)

13-06-2009(六) 4個女人仔都好似有幾年冇寫食評了,今次真係如果唔寫番編食評真係對唔住自己過幾日就係我的大日子,朋友仔話要請我食番餐好野,我就想打邊爐,咁大家決定去佐敦牛x星啦,點知呀哥話如果牛x星咁不如滾得棧啦,呀哥話佢有個朋友好唔鍾意打邊爐嘅黎過呢度都話食完滾得棧以後都唔想去第二間打邊爐,聽完呢句真係唔去唔得,我地四個女人仔,一個在大埔出發,一個銅鑼灣出發,一個機場出發,一個沙田出發,唔理有幾遠,點都要會一會呢間野,原來搭車都好方便,在麗都對面(近浪翠園方向)...呢度有室內室外,我地見大熱天時,緊係醒少少book室內啦.book左7:30pm,但都full晒,要等一陣,乜E+ D人咁早就嘅!!!不過冬天坐室外一定好好feel!食物真係好新鮮,而且份量算多,仲有一樣就係好細心的,如果人唔多3-4丁人,佢地係比人叫半份架,不過好似係要叫番同價錢食物,食物紙上亦有highlight招牌食品,湯底一D都唔孤寒,我地叫左木瓜豬骨+沙dad湯底,d木瓜好多,啖湯好夠甜,再加水都仲係好好飲,同埋飲完都唔覺得口喝,湯底唔貴,仲好多款選擇,呀哥話我知其實呢度嘅湯底佢試過晒,全部都好正架!

大熱天時卅幾度安在家中開大冷氣你話幾好呢...可惜,手機隨即響起警號,團長召喚的目的地景然係我彈指之間的深井,任務係打...邊....爐 呢間野其實在區內頗具名氣,以新鮮見稱,當然,價錢有番咁上下,兩公婆過下癮都要6-700百先包肚,不過...強如細咪..血盤大口的我都今次都肚滿而歸,當中精采地方不能盡綠,只可以說"讚"!!

因朋友住在港島東區…好難得哩個星期六行開咁遠o黎到近深井哩一頭…所以夜晚就順道同佢去試試有口皆碑o既【滾得棧】打邊爐…今次係我自己第三次o黎…揀左較健怡o既番茄芫茜豆腐湯底…甜呀!要介紹朋友們食o既當然係佢地o既牛頸脊、自製手打蝦滑、肥美o既大大隻桶蠔 、鮮甜o既帶子等…食過都大叫冇介紹錯!!!...真滿足!!!...但四寶丸中反覺牛丸係較差!!...佢地o既生炒腊味糯米飯亦係不二之選…雖然係o黎打邊爐但每次都忍吾住要叫o架!!...怕吾怕肥哩個問題都暫且放埋一邊…哈哈!!!我地一行五人…連埋公仔麵、娃娃菜、皮蛋同酸梅湯…埋單$810.-每次惠顧都會送番張今次消費額o既10% cash coupon回贈(如今次=HK$80), 於1個月內使用。要改善o既係服務...吾係員工態度...係流程出問題...所以每次只安排入坐都等好耐even果晚都冇滿坐?!

火煱要去到咁遠不知是為了什麽,但見都唔少人去,咁又諗住去試(因為有望到天既地方).其實食火煱因為時間都幾長,坐既地方都需要不差.先講服務,其實係唔差既,都好有禮貌.地方因我同朋友們選了望到天既地方,所以‥‥‥‥好嘈,因為近馬路邊,感覺一般,因為傾唔到計。到食物,一般都會試牛肉,牛肉OK,夠新鮮雜丸,除凌魚外其他的好一般想叫鵝腸,但無.想叫XX,又無,想叫XX,又係無,會唔那個D呢?其實若火煱是單天保至尊就比較唔好,應比較全面好D

一行五人，近近地來試一試，唔......蕃茄蠏煱底，差點鮮味牛頸脊，都OK象拔蚌，例牌份量少了點還有黑柏業、韮菜餃、鯪魚滑、大豆芽菜、蘿蔔、豬腰、泥猛、脆骨腩、豬粉腸、螺、藕片、蕃茄、皮蛋、啤酒 X 6服務態度唔錯，座位亦算舒適