滾火鍋 (已結業)

這裡是滾火鍋，估唔到係嚟食私房菜，每碟菜都非常美味，絕對係驚喜。個人特別喜愛金沙酥炸桶蠔，冰球拔絲咕嚕肉。先嚟餐前三小碟a. 有機茄子胡麻醬沙律菜b.金沙脆皮豆腐c. 陳年花雕醉雞主菜包括 :黑蒜花膠燉鷄象拔蚌刺身拼盤金沙酥炸美國桶蠔冰球拔絲咕嚕肉金蒜蒸大元貝酸菜沙芭躉蝦膏鍋燒福建花黑松露茄子肉鬆炒飯飯後甜品 :芝麻湯丸紅豆沙個人特別喜愛金沙酥炸桶蠔，冰球拔絲咕嚕肉。金蒜大元貝，驚喜無失場。服務非常周到，一百個根據老闆娘所說，私房菜6位起。一定會吹雞再嚟食過

第一次覺得可以encore 的火鍋店。首先環境乾淨，坐得舒適。其次食物定價不算貴，當然佢亦有提供時價的海鮮。食物嘅款式除咗有大路嘢，仲有啲特色食品。服務一流，絕對不是那種serve唔掂，唔得閒理你，甚至會教你點食先最好。我個人就非常欣賞！

係openrice 誤打誤撞，揀到間高質好食服務一流價錢合理既火鍋店。坐位舒適闊落既火鍋店係香港我本人覺得真係買少見少，難得呢間卡位多，而且係沙發座，坐得舒適食得招積。同朋友一齊食飯，有位好甜美可愛既店員介紹有新鮮象拔蚌食，價錢吾算貴，但真心新鮮好食😋然後食完刺生，叫左個椒鹽粟米🌽鹹香清甜係有d驚喜，食完小食就叫番個主菜邊爐，揀左椰汁雞湯底，吾係誇張真係好清甜鮮味十足，再叫左個手切牛肉，入口即溶，齒頰留香🤤🤤🤤第一黎，是旦叫，每碟食材都感受到用心同新鮮，最最最重要係老闆同伙記都好好吹，有下次！有人情味嘅店舖，真心推薦😋👍🏼

深水埗區中一間性價比十分高的精品火鍋店,用料十分新鮮,湯底今日 試左胡椒豬肚雞,上左果時已經叫我地一定要飲湯話個湯好正,試左好足料同夠味,但本人覺得煲多十五分鐘先飲仲正😆,共試了他們三款推薦牛肉"安格斯牛肉", "A4和牛"&"手砌本地牛肉"👍,我本人較喜歡安格斯😋😋,淥幾味牛肉味加安格獨有味道已經吾點醬汁,老婆大人獨愛A4和牛因為佢油脂奶香味超正,至手砌本地牛肉都好正,但就無頭兩款咁吸引。至於其他食材十分新鮮.蝦上黎仲紮紮跳,墨魚滑同炸午餐肉一定要試,烏冬都係用靚野食落彈牙。埋單一千左右,深水埗區中難得的精品火鍋,值得回頭👍

老婆生日搵地方同佢食飯，佢話要食邊爐，搵到呢間都好吸引！所以帶佢黎！估唔到用開飯訂位，仲有優惠！雖然我地訂左 7點，最後遲左少少，都有7折！原來7點前入座係6折！都真係好抵！入座坐卡位，好舒服，有足夠位置擺野！叫個生日既選左個鍾意湯底先。佢選左個濃香椰子炖雞鍋，入面都好多料，半隻雞同鵪𪂹蛋，勁耐冇食！侍應首先放哂材料，之後焗佢一陣就有野食，個湯加左椰奶好香，但我老婆想要既係老火湯清清地既感覺！但味道唔差，唯一要提下既係隻雞好多黃油，飲起上黎會肥左少少...要飛走油入份！雞應該係新鮮雞，肉質好好。鵪𪂹蛋簡直驚喜，勁正！蔬菜類一定要叫啦，叫左生菜手打四寶丸，我地兩個人每人都試到 😋 入面有，墨丸/蝦丸/魚丸同牛丸，其實我地好驚魚丸...因為驚鯹味，但呢道冇，四款都覺得幾好！入面都好多汁爆出黎！手打係唔錯 👍🏻我地選左 竹蔗水，唔太甜都幾好！侍應話我地有7折叫龍蝦抵，咁又真係抵既，我地唔鍾意波士頓，第一時間問佢邊黎！佢話唔係我都會叫！最愛呢隻種類，由頭到尾都有肉食，又彈牙！侍應叫我地唔好浪費佢，時間要準，我地都真係睇住時間煮！果然勁甜 👍🏻老油條...失望...唔係炸到好脆好乾果隻！菇盤份量

同屋企人食飯咁啱見到深水埗呢間滾火鍋咁多人推薦 決定就喺度試一試佢。小食我哋叫咗石榴話梅同埋 辣汁魷魚石榴話梅呢啲嘢都係貪新鮮試一次就算啦辣汁魷魚反而有驚喜個辣汁真係食好好食。辣味夠 魷魚仲係好爽脆至於邊爐料我哋就叫咗本地肥牛 白鱔 拼餃 鴨血 黃金豬肉丸 皇帝菜 響鈴 竹笙。講咗啲唔好食嘢先啦 我認為響鈴同竹笙真係唔掂響鈴唔夠脆 喺超市買嘅盒裝響鈴仲好食， 而竹笙就更加 令人失望 林bet bet一啲都唔爽口 如果係響鈴魔人一定會對以上好失望呀不過呢間店舖嘅 本地牛 真係超級新鮮 脂肪分佈好平均 用嚟打邊爐真係一流 仲有牛味好出白鱔片 好新鮮，唔腥，不過唔爽口。餃子就普普通通 冇咩特別鴨血可能始終都係要配番麻辣湯底先會好食今次我就覺得麻麻地黃金豬肉丸係特別嘅 不過 個蛋黃係甜嘅 我個人就麻麻like la總體黎講 不過不失啦 可以再嚟嘅不過豆制品就唔會再試啦。

放假同屋企人想搵個邊爐十下十下，咁岩搵到依間「滾火鍋」，門口既員工都好好客咁邀請我地入去。 一入到門口，格局四四方方，座位夠大夠舒服 坐低唔夠一陣，店員就拎左四杯特飲比我地，飲完之後更加開胃 想即刻食野。配料新鮮，而且餐廳環境好乾淨！抵讚 湯底方面，叫左鴛鴦湯底，清湯豆腐拼沙嗲，都好夠味 但唯獨係落單之後，店員先再推薦燉湯湯底！搞到要下次黎，先可以試到！(仲話係招牌湯底) 我地前後叫左：安格斯肥牛，本地牛展，響鈴，豬下青，黑松露鮮蝦水餃，黃金午餐肉，仲有黃金炸豆腐。其他真係太多講唔哂。但安格斯肥牛，豬下青，黃金午餐肉，黃金炸豆腐，真係要點名encore。肥牛既擺盤同埋賣相值得一讚，唔會話好似其他鋪頭求求其其，而且淥幾秒就食得，入口即溶👍🏽 絕對對得住個價錢。而豬下青，我都係第一次食，外型賣相一流 影相放上網呃like 一定走唔甩黃金豆腐同黃金午餐肉，炸到岩岩好，依兩樣野都再加單再叫多份😂 午餐肉 未落爐淥既時候，已經同屋企人食哂，要再叫多份專for邊爐！最後最後！一定要大讚餐廳員工服務態度，沿途向我地介紹唔同既食物，而且仲教埋我地唔同食法！

With Father’s Day discount, we got this delicious Coconut Chicken Hotpot for HKD$1! The soup base was heavily flavored with coconut milk. There were also red dates and mushroom in the soup base. The chicken was so tender and smooth! After cooking with the coconut soup, the chicken was definitely at its best taste! Quail eggs aren’t common in hotpot restaurant, and we were very happy to have them!The two of us ordered quite a lot of toppings to go with the coconut chicken hotpot. These assorted h

夏天熱辣辣，好耐都冇打邊爐喇! 難得幾個朋友今日約出黎見面，朋友介紹去「滾」，咁我一聽到緊係一定要去啦!去到「滾」，鋪面唔大，但非常乾淨企理，又有卡位坐，所以坐得好闊落，非常舒適。冷氣又充足，夏天打邊爐都冇有怕 最貼心係有電視之餘，仲有個手提差電位 侍應態度十分有禮，亦都要寫一寫。有service 之餘，亦都會介紹你食好食嘅野，例如杏仁豆腐、炸午餐肉等。我意思係好多餐廳都會推介d貴海鮮你食，而呢度唔會囉。食物材料新鮮到不得了，樣樣都落足料，真材實料。先睇下個醬料盤基本嘅醬料齊晒，夠啦!開餐之前，一人有一杯免費嘅酸味味嘅汁，等你開開胃。選擇左呢個普通鍋，但沙爹味濃 牛肉新鮮彈牙，但略嫌切得太細塊，因為再放落去烚完後會縮得太細，冇乜「趙」口。自己炸響鈴，脆卜卜，一流。黑松露唔記得咩餃，呢個都必定要試。鵝粉腸，唔係度度都有得食，有得食一定要食。 豬下青，即係豬頸肉。砌到好靚。8寶丸，樣樣都有，慢慢食。小食真心推介，炸午餐肉，外層脆卜卜，好似響鈴咁放湯兩秒即食，嘩，真係寫緊都想再去食!杏仁豆腐，亦都好正! 外脆內軟。

第一次食呢間火鍋，因為好評而一試，果然高質，值得encore.店舖環境寬敞乾淨唔嘈吵，今次一行五人坐左卡位。店員們都好友善，細心又手腳快，見我地新落單啲野未到就幫我地較細啲啲個火，又會主動幫我地加湯，好耐冇試過食一餐飯由食物到服務都一流。店員推介左我地叫呢兩個小食，分別係炸豆腐同黃金魚皮。豆腐炸得剛剛好，熱辣辣，外脆內嫩滑。黃金魚皮鋪滿鹹蛋醬，惹味到停唔到口。店員亦推薦我地試花金古刺身，肉質爽口。火鍋揀左傳統既沙嗲同莞茜皮蛋鴛鴦湯底，沙嗲湯有粒粒花生碎，味道香濃。最值得一讚係醬油選擇，其中有個xo醬，有蝦乾仔，我地一致認為係必試。火鍋料來來去去都係果啲，所以只係揀左特別既幾樣講。其中比較特別既有呢個和牛，非常值得食，肉質嫩滑，入口一啲都唔膩。另外仲叫左黑毛豬，豬肉味道夠濃，正。打邊爐好少叫午餐肉，見佢有炸午餐肉就叫左來試，炸得唔錯。一句講晒，會再來食！

如果唔係有朋友介紹，又真係唔會去開深水埗區，仲話去嗰區打邊爐。不過朋友試過話正，就要去體會一下喇！一入去，見到地方唔算大，但座位幾寛趟。坐低未叫嘢食，侍應就先奉上每人一小杯酸梅汁，開胃提神！正餐前先嚟前菜！本身唔喜歡食醃製嘢，怕咸。幸好個宮庭醬蘿蔔又唔算濃味，質感亦非常脆口。至於杏香金沙豆腐就更出色外脆內軟！再食埋條金鼓刺身，其實好似已經冇乜空間再打邊爐不過老闆叫我哋試吓個冬蔭公湯底火鍋，咁就梗係試埋啦！個湯包好有心思咁用腐皮包住，等湯底滾起約8、9分鐘先溶化，咁就可以連腐皮都食埋！火鍋料我哋點咗:細龍蝦🦞黑豚肉片羊肉片黑松露水餃一路話飽，但又一路係咁食！因為實在好食喎！仲要食食吓又上頭先條金鼓魚骨、魚頭嘅椒鹽版添！！好香口，佐酒一流！

朋友食過介紹叫我去試下，我地一行四人叫左兩個湯底－四川麻辣鍋＆清湯豆腐鍋。四川麻辣鍋湯底唔會太濃味或者太辣，唔太特別；清湯豆腐鍋比想像中清甜，令食材倍增一份清甜。餐前餐廳好貼心為每位客人送上一杯開胃小飲品，而餐廳既環境都好清潔舒服。系店員極力推介下叫左條多利魚刺身，本身對刺身魚都唔大興趣，不過今次就試下新野～估唔到都幾好食，一點腥味都無，仲有點爽口鮮甜。而佢地既蝦都好新鮮，肉質偏實、彈牙、鮮甜。手打四寶丸有墨魚丸、蝦丸、豬肉丸、鯪魚丸，每款有兩粒，咬落都彈牙。另外，手切肥牛都好唔錯，肉質新鮮好香牛味，油花分佈都好均勻。炸午餐肉香口得黎又唔會好咸，味道適中。最近就係西班牙黑毛豬，個人唔太好豬肉，覺得無咩特別～

佢個價錢其實同返大陸食海底撈差唔多，但好食過海底撈。而且服務有舊香港街坊嗰種熱情，我覺得想食高質打邊爐唔使返大陸，呢間幾揪得。未食嘢之前會有杯細細嘅梅子汁，幾好飲，for開胃嘅。叫咗個鴛鴦鍋，一邊係四川麻辣，一邊係沙嗲。個四川麻辣鍋個味好似海底撈嘅牛油麻辣，又冇咁油，幾好。但係最好味居然係沙嗲湯底，幾surprised. 佢呢個沙嗲好食到唔使點豉油。 By the way，佢個豉油都用海鮮豉油，鮮甜嘅，幾揼本。之後會有專人服侍，送上調味品各樣，畀你自己整嗰調味醬。叫咗個竹蔗茅根，一罌夠兩個人飲。幾清甜，非常能夠消解到火鍋嗰種濃味。叫咗碟響鈴，個響鈴係即叫即炸，上到枱都仲係熱。食落去同普通酒樓響鈴果然唔同，有咬口好多，而且嗰種麵筋味濃啲。個黑毛豬好好呀，厚切嘅。擺咗喺湯入面好耐都唔老，有豬味，食得出同普通豬隻唔同。好掂。嗰煎午餐肉真係好食到攞命。。。佢又係即叫即煎，同養心殿一樣。但係佢呢間啲午餐肉厚好多，份量多好多。上到枱都仲係勁熱，食到好滿足。咬落去，入面真係有豬肉一梳梳。個手打四寶丸勁靚呀！！！我初時以為手打係講下，點知食落去真係好彈牙。佢彈牙到嗰種質感係好似起曬膠嘅蝦滑，掉落水煮熟

火鍋越食越多，自然對火鍋要求的越來越高， 發現要搵啲高質素嘅火鍋真係越嚟越難呀，滾火鍋應該可以滿足到各大食家。今次來食椰子雞鍋，椰子味同雞味啱啱好炸魚皮： 比其他出面嘅炸魚皮，更加大塊， 更加香脆，少有會比咁高評語。炸午餐肉： 唔係求其炸，真係好畀心機整， 粉唔會太多， 午餐肉又唔會煮得太耐， 火鍋好少同一樣嘢叫兩次，真心好食。手切安格斯肥牛： 唔係用普通雪藏牛， 拎出嚟係冇雪味， 而且係好新鮮嘅肉質。服務好好， 唔會搵唔到人去幫手； 環境坐落都好舒服， 唔會好迫，如果對火鍋有要求，可以試下來食。

對上一次食左附近間日本野， 今日收工順路試埋對面間打邊爐。 叫做滾火鍋， 因為肚餓， 渣渣聲飛入去。 d員工都好快邀請我地坐低。一坐低， 佢地就拎左幾杯仔野黎， 原來係話梅汁， 我諗係想人開胃d。 我就覺得幾好飲。 我地要左個椰子雞煲， 都好足料下， 睇住佢新鮮倒落煲再等7分鐘。 又嫩又軟既椰香雞， 真係冇得頂。 個湯底入邊仲有鵪鶉蛋喎， 睇住佢成碟係我地面前倒入去， 真係幾治癒。 其實打邊爐， 來來去去都係個d. 我成日打邊爐都打到慣晒。 相信都幾難有野surprise 我。醬料方面， 都係個d, 望左望仲有個黃色唔知乜黎， 我地個個都諗係芝麻醬， 唔洗喇。 有位員工應該聽倒， 埋黎話我地知係 腐乳。 下？ 腐乳？ 可能係我小見多怪啦， 咁咪試下囉， 原來加腐乳可以幾好味。 我地試左佢個 安格斯 牛肉， 好新鮮， 好易咬， 冇雪味。 本來想再叫多碟， 不過飽左， 下次！另外， 有d都係例牌打邊爐野就唔講喇。 有幾樣野一讚！炸午餐肉！ 超好食， 雖然係平野， 但好有heart, 岩岩炸出黎， 浸小小湯再食， 真係另一番風味。 我地為左炸午餐肉， 放棄左encore 牛肉⋯⋯ 再講又係一