更多
2023-09-17
344 瀏覽
見openrice 咁多人讚,仲以為可以試到啲特色菜,點知都幾失望。首先點左餸一陣,啲餸已經好快(係真心好快)上枱,仲要差唔多9 個餸一次過上,好似好趕時間咁,但其實成間鋪坐得50%滿。個茶香煙燻太爺雞係苦嘅,你可以話我地唔識野,但同枱個個都話苦,就真心唔迎合大眾口味。個大蝦伊面啲蝦一啲鮮味都無,明白嘅,一定係急凍蝦啦唔通新鮮蝦咩。火焰古法燒腩最搞笑,點左火一陣,就話幫我整熄佢,當然啦因為個邊邊已經燒到燶燶地。同埋超大舊肥肉,成條都肥。味道都係唔識欣賞。仲有其他餸已經無心機影。成晚最正常係碟通菜。
張貼