滿江紅 (已結業)

唔講唔覺，其實香港人好多都好食得辣，成街都開四川菜，呢間滿江紅都算幾多好評，而且菜色種類好多，可以試好多款裝修都幾古色古香，窗口既卡位更可以嘆住茶飽覽街上人頭湧湧既景象先黎餐前小食兩小碟，醋汁雲耳同雞軟骨第一次係香港食酸菜桂花魚，其實都幾期待，見到實物都唔錯，裝魚既淡藍色碟令人感覺舒服魚湯呈淡黃色，望落唔太辣，但我真係太睇小佢，佢既辣係後勁凌厲桂花魚去晒骨，不過有幾塊仲有小小刺，食既時候要小心啲！魚片好滑，唔腥湯微酸頗辣，唔油膩，可以撈飯食或者就咁飲招牌口水雞呢個辣油好香，愈食愈辣，辣油為雞肉錦上添花雞肉係偏結實，係我的tpye另外配以萵苣片比你蘸香油食，萵苣既清爽解除辣油既油膩，值得一試青椒皮蛋已經係最唔辣既一味，比我係咁多辣野中喘喘氣我至愛 炸饅頭當飯後點品食，外脆內軟呢間川菜食物出品唔差，下次會帶埋嗜辣既家人黎試試

同幾個朋友去尖沙嘴食飯 川菜係一個好好既選擇平時一盤酸菜魚 兩個人食既話 已經會飽到叫唔到其它野食今次5個人嚟食 終於可以試多幾款野食酸菜桂魚超足料 好多片魚同菇酸酸辣辣 愈食愈惹味過癮麻婆豆腐有一大碗滿滿既豆腐豆腐夠哂滑溜 但唔算易散個汁味道恰到好處蒜片牛肉粒既牛肉煮得外脆內軟內裡keep住juicy蒜味都好出 夠哂香紅油水餃 每隻水餃都好似有左「身己」咁漲睇得出入面好多餡食落佢既外皮都夠薄 再沾上紅油 辣辣哋 非常能夠帶出水餃既鮮味

呢間新裝修嘅滿江紅除咗裝修非常之靚，有好多遮掛喺天花，超有中國風之外，仲有近排大熱嘅酸菜魚同川式火煱。😻 喺度食嘢真係好有feel。🥰⁣⁣⁣⁣紅油抄手 （$32）［好味度：9/10］⁣⁣呢個紅油抄手呢個皮超級薄，晶瑩剔透。🤩 啲辣油食落好有層次，辣度調配得啱啱好。😗 入面粒肉雖然比較細粒，但係咁樣更加配搭出嗰皮嘅滑劣劣。😋 而且抄手本身其實肉都係應該細粒，所以如果鍾意大粒啲肉嘅話可以叫紅油水餃。😁⁣⁣⁣⁣正宗四川擔擔麵 （$32） ［好味度：7/10］&⁣⁣渝洲涼麵 （$32）［好味度：9/10］⁣⁣一睇個價錢真係嚇親，擔擔麵同冷面竟然只係三十倒。😱 開頭幾擔心個質素，點知其實一樣好高質。🤪 擔擔麵個湯底唔係粗製濫造，好香，辣得嚟有微微花生醬味，算正宗。👍 ⁣⁣冷麵真係超正，個麵煮得啱啱好，好煙韌煙韌彈牙，仲有青瓜幫你去舒緩一下個辣嘅刺激，好清新，係我食過最好食嘅冷麵之一。🤤⁣⁣⁣⁣樟茶鴨（半隻）（$168） ［好味度：7/10］⁣⁣樟茶鴨其實一個四川嘅名菜，做法非常之繁複，要用好多唔同嘅材料去製作。😮 佢呢個鴨肉，色澤紅潤。😍 食落去的確有好淡嘅茶香，骨就脆脆哋，亦都好正宗。😚 而且

今日同朋友慶生，朋友話想食啲家鄉菜，有人就推薦咗呢間！見尖沙咀都就腳就去馬！我哋叫咗幾款小菜都唔錯！<<蒜泥白肉>> 一碟有七塊，每一塊都夾住一塊好薄嘅青瓜！青瓜嘅爽甜中和咗豬腩片油膩！其實豬腩片半肥瘦係最好食，太瘦反而會好鞋口！呢到肥瘦唔錯，值得一試！btw呢味餸都幾考師傅刀工，因為嗰塊青瓜真係好薄下！<<雞湯雲吞>> 係用湯碗上，一碗有6大粒，豬肉夠彈牙，應該係半肥瘦配搭！索晒啲雞湯食更加好味！<<蒜片牛肉粒>>呢個唔係川菜，但我朋友話想試下喎，所以就order咗一份！一份都有十幾廿粒！一口牛粒軟腍得嚟夠惹味，蒜片炸到金黃色，夠香脆！兩者一齊食係一絕！推介！<<麻婆豆腐>>略嫌唔夠辣，可能係想迎合香港人口味？不過都夠麻，豆腐都算滑！送飯一流！<<胡椒海中蝦>> 呢個個經理推介嘅，我哋五個人去食，本身諗住叫5隻就夠，但經理話最少要半打！$30一隻，咁呢鍋就$180！講下味道先，一上枱就聞到好濃烈嘅胡椒味！呢種蝦嘅肉質夠晒鮮甜，

辣得過癮嘅傳統小菜一班人一齊食飯最好就係揀中菜，因為圓檯方便大家傾偈同gathering。滿江紅餐牌有好多嘢食，我哋揀咗蒜泥白肉，白玉有少少肥， 面上有好多蒜泥， 聞到都覺得香，食完成個口都係蒜蓉味，超級香濃。皮蛋豆腐相對地比較普通，因為豆腐食落似現成百福豆腐，但係皮蛋幾好食，呢道菜其實簡單得黎冇得輸。蒜片牛肉粒呢個超級好食，好有驚喜，佢包得好香，牛肉食落去外邊脆脆哋，但係入面係林嘅，加埋少少蒜蓉味，份量都唔少，一口小吃。正呀！酸菜桂魚相信係食川菜必叫嘅一道菜之一，桂花魚都幾大件，而且都夠滑， 而且仲有唔少菇喺入面，湯底酸酸哋幾開胃，味道唔錯。羅定豆豉雞呢個辣辣哋，但係調味幾香，好惹味。辣得嚟幾好食，而且啲雞都唔「鞋」，不過有少少偏重口味。麻婆豆腐真係撈飯一流，麻婆豆腐好香，豆腐夠滑，而且充滿川菜風味，啱曬食得辣嘅朋友。 唔該叫多碗飯呀!胡椒海中蝦係店員推介，最少要叫六隻，黎到一鍋打開胡椒味好香，真係香得好緊要呀! 似大頭蝦咁，食落都新鮮，但係呢個餸我反而覺得偏辣。另外再嗌咗紅油水餃及雞湯雲吞，餃類非常出色，味道唔錯，我個人喜歡食紅油水餃。叫咗咁多辣嘢當然怕太辣，所以叫咗渣蜜瓜汁，清清

辛苦左一個禮拜，六日又可以約下朋友食飯吹下水, 朋友好鍾意食辣，所以揀咗間係尖嘴嘅四川餐廳去到都有幾多人食，裝飾好有中國特色首先有兩碟前菜另外叫左蒜泥青瓜，食完好開胃，好fresh仲有青椒皮蛋同炒土豆絲，後者有少少辣、不過我食到，幾香又入味，紅燒豆腐都唔錯，有豆腐、冬菇同菜心，豆腐好滑又大碟食得川菜梗係唔少得水煮魚，因為之前食過其他水煮魚覺得唔太辣，諗住試吓啦，原來都辣辣地，不過又幾好味過癮，桂花魚好滑溜最後仲加咗個甜品-酒釀桂花小湯圓，幾香甜，小湯圓又煙un, 兩個人食到超飽

和幾個朋友去到滿江紅，餐廳裝修滲入中國原素，置身其中古色古香﹗幾個女仔都好肚餓，忍唔住叫成枱都係餸﹗特別推介:蒜泥白肉 ($58) - 薄切肥瘦適中既白肉鮮味爽口，配上蒜泥醬汁，蒜香得來又不會太膩蒜片牛肉粒$78:一上枱就聞到極香蒜片味，牛肉粒咬落仲好嫰滑胡椒海中蝦$180:每隻$30，共6隻，好多胡椒粒係底。海中蝦🍤大大隻，麻香鮮味😋酸菜桂魚$278:平時食開酸菜爐魚🐟，桂花魚完全冇骨，別有一番風味﹗魚肉夠大塊滑嫩，入面仲有菇菇索味﹗羅定豆豉雞$108:豆豉雞件炒得惹味香口，而且豆豉味道濃郁，加上洋蔥青椒等配料爆香，忍唔住夾完一件又一件

每逢想起辣的東西，一定會想起我們祖國的一個地方， 當地以吃辣的東西聞名中外， 沒想到香港也有如此地道的。餐廳鄰近尖沙咀地鐵站，路程約需五分鐘左右。 餐廳建於當眼處，十分容易找到。內裏裝橫方面，充滿了祖國的色彩， 在濃厚的中國風音樂下， 彷如置身於祖國一樣，完全沒有隔膜。我們一行二人，點選了一些當地的特色菜餚， 味道吃起來和在當地吃的沒有大分別，但份量大增，令性價比更高。如此地道的美食，絕對是一個和朋友聚會的好地方。

朋友介紹話尖沙咀有間川菜幾好食，叫我陪佢食下，咁我一於奉陪啦！前菜都唔係馬馬夫夫，有2碟，有麻辣雞腎，同埋黑木耳聽講傳統嘅紅油抄手只有少量🐷肉，主要係食佢既外皮😯如果要食有🐷肉餡就要叫水餃🥟 咁我地就叫咗水餃食，一份有六粒大大隻，確實佢啲皮真係晶瑩剔透，難怪會有一碟餸菜專食佢外皮😆呢隻水餃脹卜卜，充滿肉汁再加上佢個秘製辣汁，半打都唔駛一陣食哂，最後仲決定叫多份外賣俾屋企人食🥺🤩不過經理話唔好隔咁耐先，啲皮會淋晒無咁好食！另外再叫一個小菜，叫羅定豆豉雞，一上枱陣香味真係令人流晒口水，豆豉嘅香真係超級濃郁，最好食嘅其實係雞皮，爆香晒，啲雞油令人回味無窮順帶一提，呢間餐廳服務一流，喺叫食物嗰陣會同你交流，清楚講啲食物分別同特點，令我知道雲吞同水餃既分別🤫🤫而且又定時定候幫你換碟同加水👍🏻呢間真係可以令到我由頭到尾都食得好開心😃下次想食川菜而又經過尖沙咀就一定揀番佢😊

最近辣癮起， 搵齊三五知己品嚐川菜。 剛巧路徑尖沙咀， 望見這間川菜餐館的招牌古色古香，把心一橫決定一試。進入店內，裝修富有中國色彩， 到處都是紅色色調。由於一行人有三位，所以我們可以點多款不同菜式。前菜點了蒜泥白肉和夫妻肺片， 蒜泥份量非常充足運會秘製醬油，非常美味。 夫妻肺片口感爽口彈牙。主菜點了乾鍋牛肉粒和樟茶鴨。 個牛肉汁製作方法類似辣子雞丁， 都是充滿麻香， 辣勁十足。 樟茶鴨帶點甜味，外皮烤得香脆。另外還帶了三款麵食， 分別是酸辣麵，四川擔擔麵， 還有渝州涼麵。 每碗麵 份量不多不少， 足夠淺嘗。整個晚餐就是滿滿的四川味道，朋友都大叫滿足。

今天跟好友相聚，朋友特別喜歡吃辣的食物，雖然我不太喜好吃辣的，但決定陪君一辣。餐廳位於尖沙咀鬧市區，位置十分方便。餐廳門口有一個紅色的大牌匾，非常搶眼一定不會找不到。餐廳內擁有中國古色古香的感覺，經過店員細心的介紹後，我們決定來一晚刺激吃辣的晚上。先點了夫妻肺片及蒜泥白肉，頭盤來說份量十分充足。主菜點了干鍋牛肉粒和馳名醬茶鴨，牛肉粒用火盆燃點着，熱辣辣的感覺加上辣椒的味道，非常刺激。馳名醬茶鴨外脆內軟，更配上饅頭作伴碟，非常有趣。最後點了三個麵食，都十分正宗的感覺。整體上，環境和味道非常出色，價錢亦不算十分貴，性價比高，下次必定再試。

其實我真係幾鐘意食川菜，所以我都會定期搵吓嚟食😋今次就去到尖沙咀搵到一間都幾老牌四川餐廳試吓😆一入到去，從裝修擺設同餐牌設計都充滿老式四川味道，對比其他一式一樣既餐廳，呢度更加帶俾我新奇同舒服😌🥴而食物方面，我地都咗唔少食物，不過友人對食辣有啲卻步，所以就冇嗌水煮了🤨首先前菜叫咗個蒜泥白肉🥳呢度啲蒜泥就有係泥嚟，蒜泥剁得好細滑，同🐷腩片就厚薄一致，呢啲功架就顯得呢間餐廳唔簡單，而最令我鐘意既係佢中間夾咗塊青瓜入面，青瓜並冇將蒜泥白肉味減少，反而真係大大咁減少油膩感👍🏻，作為前菜都冇乜問題之後仲叫咗酸菜桂花魚🐟同羅定豆豉雞🐔，首先個酸菜魚一上已經😯一聲，個碟已經佔咗張四分一到，裏面充滿咗唔少魚肉同秀珍菇，當然仲有好多好多酸菜啦🤗🤗食🐟肉之前，就一定要試吓個湯先🥄個湯酸得合怡而又帶些微辣，有層次感，而味道又同太二酸菜魚相近，唔錯唔錯🤙🏻🤙🏻而魚片連皮大大塊，嫩滑非常而帶有自身魚味，桂花魚真係好適合做呢味菜👅👅而個羅定豆豉雞就真係不得了😳😳佢煲上，一嚟到已經聞到好香，有豆豉同啲雞皮油脂既香味，每件雞都煎得金黃色再加個醬汁，真係多兩碗飯都食得哂，好鬼惹味🤤🤤，佢連洋蔥都爆得好甜同脆口，我本身唔

好友共聚，相約在這家歷史悠久的滿江紅，麻辣是他的主打，這是我們喜歡的菜色。位於尖沙咀的滿江紅，裝修簡約，坐得好舒服，無論氣氛、食物都不錯。餐前小吃：香油土豆絲$35，切得很幼，而且炒得剛好。麻辣雞煲$298，雞煲的湯比較多，這個做法和其他雞煲專門店有點不同，不過味道都以麻辣為主，看到這個雞煲，令我想起多年前在銅鑼灣滿江紅的泉水雞，可惜吃了一次，銅鑼灣改了餐牌，今晚能夠再吃，又是另一番滋味，除了味道，還夾雜着以往的回憶。正宗四川擔擔麵$32，麻麻辣辣，味道野味，配上彈牙的麵條🍝，三扒兩撥就吃完。炸鏝頭半打$36，炸鏝頭外皮夠脆，內𥚃軟滑，點了些鍊奶，既飽肚又可以當甜品。酒釀桂花小湯圓$28，酒味不會太濃，小湯圓煙煙靱靱，甜味適中，是一個值得推薦的甜品。飲飲食食坐足兩小時，滿足了甜品的胃口。下次都要再來刷一餐。

多年前曾經吃過幾次，知道最近裝了修，便來捧場。這裡的裝修返新了，而設計沒有大改動，都是有卡位和圓檯。蒜泥白肉$58，白肉即是腩肉，而腩肉切得很薄 ，混合了蒜泥和醬油之後，不會覺得油膩，反而覺得份量太少😂，因為太好味了。水煮桂花魚$298，碟上鋪滿了辣椒🌶️，感覺很辣，其實魚肉只是微辣，因為魚肉沒有吸收辣椒的辣味只吸收了辣椒和花椒的香。伴碟還有荀、青瓜、鴨血，份量都不會少。雞湯雲吞$36，雲吞的饀料，肉質豐富，配合雞湯更好味。棗蓉糕$32，棗味香濃而帶點椰香味，想不到甜點都這麼好。蒸饅頭半打$36，可以吃到麵粉的香味，蒸饅頭熱食原來更香甜。

我同朋友十分喜歡吃麻辣，喺尖沙咀試過不同的四川餐廳，始終都係滿江紅最正宗，最好味。今晚得兩個人食，叫的餸不多，所以我們只點了水煮牛肉，麻辣涼粉同嗆炒高荀。水煮牛份量幾大，d牛肉係手切肥牛，牛肉味好香又淋。水煮牛入面有青瓜、筍、大豆芽，我點了中辣，非常好味！夠晒刺激！嗆炒高筍夠鑊氣，少少麻辣，好正。另外，麻辣涼粉係涼拌，辣度啱啱好。整體來講滿江紅真係有質素。食咗幾年都仲保持到水準。出面好難搵到有咁好質素嘅四川餐廳！