滿粥順德粥底海鮮火鍋

營業中

休息中

港人 一年365日都打邊爐 近排天氣涼返 突然好想食粥底火鍋 畀我起openrice上面 搵到呢間小店佢最主打嘅係龍蝦餐同肉蟹餐 雙拼都可以 不過由於去食之前嘅一晚食咗龍蝦伊麵 所以最後尾揀咗肉蟹 可以加錢變膏蟹套餐入面有六款火鍋配料可以自己揀 都係基本嘅肉呀 丸呀 蔬菜類 我哋嗌咗 雞件 萵筍 兩款丸 其中有個高度推介 醬爆 瀨尿蝦丸 一咬落去真係好似 電影咁樣啲汁爆曬出嚟食嗰陣小心辣親 仲有腐皮卷 淮山 佢本身套餐配嘅海鮮都好豐富 蜆有兩款 一大一細 煮到開口就食得 隻隻脹卜卜 有鮑魚 好彈牙 成隻放入口過癮 有魚片 蝦 聖子煮到離殼 好鮮 不過唔知淥幾耐嘅朋友唔需要擔心 因為佢枱面上嗰張餐紙 已經寫好曬各種食材需要煮嘅時間 跟住佢嘅教學 時間 就唔怕啲海鮮唔熟或者煮到落過火 當你食曬所有海鮮同埋啲火鍋配料之後 成晚嘅精華就喺呢個湯入面 店員之後會幫你 加蛋 蘿蔔粒 粟米 加粥 煮起又綿 超甜 其實兩個人應該係食唔晒d粥 本身食完d餸已經好飽

今日同朋友去咗呢間餐廳食海鮮粥底火鍋，叫咗一個2人肉蟹餐。有六款海鮮六個火鍋配料，同埋粥底嘅材料，都幾抵食。蜆有兩款蜆，兩隻都冇沙，而且好甜，隻隻都開口。沙白就大隻小小，所以咬落去多汁啲，一咬落去嗰啲海鮮味必晒出嚟。鮑魚指引話落3分鐘，又真係啱啱好。隻鮑魚非常林，味道鮮甜，一啲都唔韌，而且佢一早已經清除左啲污糟嘢，食落好方便。桶蠔桶蠔嘅海水味比較重，起碼有半隻手掌咁大隻。而且一啲都唔腥。 蝦見到個侍應係喺水撈上嚟，隻蝦仲係生， 所以非常新鮮。 佢用竹籤吉住咗佢，所以唔怕一落去個火鍋度隻蝦會郁嚟郁去。食落去啲蝦告必晒出嚟，又彈又甜。肉蟹隻肉蟹好大隻，而且好多膏。 啲肉都係非常鮮甜，一定唔會係擺咗好耐。因為啲肉咬落去一啲都唔梅。 黑毛豬腩片豬肉味幾濃，可能因為係黑毛豬。 食落去好滑，好軟，一啲都唔韌。 美國肥牛肥瘦適中，加上本身個湯底係海鮮嘅清甜味，食呢啲肉就唔會好膩。 牛骨濃汁牛丸 推介師兄好有心咁提醒我哋，呢一隻牛丸好多汁一咬入去會必晒出嚟，小心焫親個咀。 點知真係好Juicy，而且牛味好重好特別仲好彈牙添。最後侍應幫我哋加咗啲芋頭南瓜粟米粒落個海鮮粥底度，成個粥非常鮮甜。另外佢加咗啲

好多年前去旅行時食過粥底火鍋，之後係香港都比較少見喱類型既餐廳。當日係大角咀見到又想食清清地既火鍋就簡左食喱間一入去坐低已經見到台上有張紙教我地點食，首先要將七款海鮮順序放入，時間都有規定，跟住食完海鮮先會將其他食材同粥膽放入火鍋。不得不讚喱到既店員超友善，會親自再教我地一次。海鮮份量超足料，有鮑魚﹑蟶子﹑魚﹑蟹﹑蜆，隻隻都海鮮大大隻，跟住時間去煮真係好鮮甜彈牙，食完海鮮都已經飽左5成。接著再放南瓜﹑芋頭﹑粟米落鍋，食材本來既甜味已經令成個火鍋唔需要太多額外調味，跟住我地另外ORDER左肥牛﹑豬肉片﹑萵荀同響鈴等常見普通食材，或者係因為湯底夠鮮甜簡單，令其他配料既味道都好似更加突出，好吃~~食到最後再放餐廳準備好既粥膽，綿滑好香甜，完美總結左喱一餐!!價錢方面都係二百鬆D，食到咁多海鮮真係好抵!!!

餐廳嘅肉蟹餐係$198/pax，包括咗七種時令海鮮，當日有包括鮑魚、沙白、蝦等等。喺餐廳後面會有一個調味料嘅區域，不過相對一般嘅火鍋店，佢哋嘅調味料選擇就比較少，但正正因為咁更加容易食得出海鮮本身嘅鮮甜同埋質素😛入座嘅時候店員已經俾咗一個計時器同埋一張紙比我地，上面可以揀六款火鍋配料，我哋就揀咗黑毛豬同埋牛肉，雞件同埋其他火鍋配料雖然全部都係一小碟嘅份量，但都足夠兩個人share😆🦀肉蟹比想像中大隻，店員亦都有一個牌提醒每一種海鮮要煮嘅時間，唔使煮到老晒😗海鮮方面個人覺得沙白同蝦🦐都唔錯，味道鮮甜而且啖啖肉一路食嘅時候店員都會幫手清骨碟同埋餸碟，唔會擺到成枱都係☺️呢方面服務唔錯不過舖頭嘅大細有限，如果週末想去食嘅話就要提早book位啦🤔

好耐冇食海鮮粥底火鍋啦今次嚟到呢間係大角咀嘅小店細細間座位唔算多 星期二嚟講都幾多人舖頭好乾淨，坐得好舒服佢有幾個餐可以揀我哋就揀咗肉蟹餐呢個餐係包肉蟹，同埋另外七款海鮮 都只係$198一位😍超抵另外仲會包六款打邊爐配料 當然唔少得最後有粥底食啦海鮮一上台超級生猛串好咗嘅蝦仲不停咁郁肉蟹明明已經切咗一半啲腳仔仲識郁肉眼睇都睇得出海鮮好新鮮肉蟹啖啖肉 肉質好結實超級推薦～鮑魚超級爽口彈牙 而且佢已經一早幫你起咗啲肉 食嗰陣超級方便另外有刀貝蜆同埋另外兩款蜆類都係超級新鮮同埋鮮甜重點係一粒沙都冇！！另外仲跟一款魚類魚肉煮出嚟肉質好嫩滑同埋結實食完海鮮店員就會幫你加啲芋頭同埋南瓜落去準備等陣嘅粥底打邊爐大推肥牛同埋豬腩片兩款都肉味十足入口即溶啊另外我哋仲叫咗韭菜餃非常好食店員仲推薦我哋叫黑松露貢丸真係冇推薦錯 一咬落去爆曬汁推薦大家叫呢款🫶🏻最後嚟到粥底 海鮮嘅鮮甜味晒入去 加埋胡椒粉 一個人忍唔住一口氣食咗三碗😆

今日係帶呀媽黎食好野…阿媽都係鍾意食海鮮野，就帶佢黎d新奇d既海鮮粥底火鍋安排左一張卡位俾我地，坐得非常舒服自助區仲非常貼心有手套俾你，方便你食海鮮剝蝦殼咁我地叫左肉蟹餐，即刻就上左好多新鮮海鮮上枱d蝦真係仲郁緊…蜆又大大隻仲有鮑魚，鮮魚片，蟶子成個set有7款海鮮仲可以自選6款火鍋配料，3款時蔬最尾包個粥底，真係飽到你暈真係所有野都好新鮮，好好食肉蟹非常厚肉，鮮甜味十足鮑魚又嫩又鮮，淥完上水都無縮水鮮魚片打到咁上下邊爐，侍應哥哥見你尾聲就放底d粥底材料上黎，可以隨時自由落落個鍋到個湯底淆好曬d鮮味，再放d粥落去撈勻真係超級正既海鮮粥，點飽都忍唔住一啖一啖咁食

居然比我老公喺大角咀搵到呢一間人世小店，一個人$200都唔使就可以食到多款海鮮，仲要係生生猛猛啖啖肉！今日試咗呢一款肉蟹餐，除咗大肉蟹之外，更加有蟶子、鮑魚、魚、基圍蝦、沙白、花甲類～全部即叫即剖新鮮到爆！好似鮑魚咁非常之爽口又夠鮮甜，花甲肉飽滿，基圍蝦鮮味無窮。食完一輪海鮮之後，就可以加上南瓜、芋頭、粟米粒粒落去煲粥。下一步當然要揀選六款食物去打邊爐，包括有蟹柳、豚肉卷、牛肉卷、花枝丸、淮山、生菜🥬令到湯底都有少少肉香！按次序加上粥膽、豬油渣、芫荽、菜脯、冬菜、蔥花一齊攪拌，綿綿嘅粥底火鍋就完成咗啦！有時不妨去大街小巷搵吓啲小店，唔一定次次都話一定要北上食飯先平靚正㗎嘛。

呢間粥底火鍋一直都想試好耐今日終於同朋友一齊去試吓佢嘅海鮮粥底火鍋😍餐廳座位唔算好多 但係坐落都好闊落👍🏻因為平日比較早去六點仲會有位 去到差唔多七點已經全部full晒啦 所以如果想食嘅話可以先提早book位‼️餐廳提供自助調味區🔆 可以自己拎鍾意嘅調味料😋餐廳會提供計時器 而且寫明海鮮需要烹飪嘅時間 咁就可以食到最新鮮最好味嘅海鮮😋一嚟上咗個鍋 就上海鮮啦😍今次揀咗個肉蟹餐超級抵食😍‼️‼️‼️‼️‼️入邊包括咗六款海鮮有肉蟹、基圍蝦、沙白、鮑魚、聖子、魚🎉每一款都係超級新鮮🎉上菜嘅時候 仲見到啲蝦係仲識跳！係即撈起即食不得不讚 啲蝦全部都已經用竹籤穿好晒食起上嚟真係超方便😍😍個蝦好大隻 而且好甜又多膏😝沙白係粒粒都咁大粒 完全冇沙👍🏻肉蟹啲肉超厚實 啲膏都超香 係超級新鮮🥰鮑魚一早已經幫手清理好 起埋塊肉 真係好貼心😍之後仲可以叫六款餸分別叫咗肥牛、響鈴、牛丸、魚皮餃、油麥菜同金菇肥牛好味 一啲都唔韌👍🏻油麥菜同金菇份量都好足食完啲配菜就會落埋南瓜芋頭同埋菜譜入去煮粥😋啲汁水本身已經有海鮮嘅精華所以個粥特別鮮甜特別好味🥰呢間鋪真係性價比超高！就算叫龍蝦餐都係超級推薦比想食海鮮粥底火鍋嘅人😍😍海

作為一位熱愛海鮮的港女，我和老公最近到大角咀杉樹街的「滿粥順德粥底海鮮火鍋」用餐，留下了美好的回憶。這家店以其肉蟹粥底火鍋套餐聞名，套餐包含了七款鮮美時令即劏海鮮，還有六款精選火鍋配料，給我們帶來了一場味蕾的盛宴。在這裡，我們品嚐到新鮮的大、細蜆，鮮嫩多汁的蝦和魚片，口感豐富的聖子和鮑魚，以及鮮甜可口的蟹肉，每一口都彷彿帶我們漫步在海邊的味蕾天堂。而自選火鍋配料更是多樣豐富，我們品嘗了美國肥牛的鮮甜，雞件的鮮嫩，養顏花膠片的營養價值，黃金響鈴的香脆口感，炸魚皮的香酥和娃娃菜的清爽，每一款都讓我們愛不釋手。整個用餐過程，服務態度親切周到，環境舒適溫馨，讓我們彷彿置身於一個家的溫馨氛圍中。每一道菜品都經過精心烹調，保持了食材原有的鮮味和營養價值，讓我們感受到粥底火鍋的獨特魅力。這次的用餐體驗讓我們回味無窮，「滿粥順德粥底海鮮火鍋」絕對是海鮮愛好者的最佳選擇。無論是豐富的海鮮選擇還是精緻的火鍋配料，都讓我們流連忘返。期待下一次再度光臨，為味蕾再次奏響美妙的樂章。

屋企人之前食過呢一間覺得性價比好高，所以帶埋我哋其他屋企人一齊食大家記得喺OpenRice訂咗枱，又或者打電話去book枱先 雖然店舖唔算大 但同屋企人都食得好開心 因為真係好新鮮我哋叫咗個肉蟹加龍蝦嘅餐 真係好新鮮芋頭同埋番薯係留返食晒所有打邊爐嘅材料先落落去，因為係要用嚟煮粥食嘅整體嚟講性價比都真係好高，因為可以食到唔同種類嘅海鮮 特別係龍蝦真係好好味 又有鮑魚又有蟶子 又有肉蟹 啲魚都好鮮甜 仲有啲蝦都係扎扎跳好新鮮 我哋六個人食都好飽 仲要打包 想同屋企人食不一樣嘅火鍋可以嚟呢間試吓

今天晚餐想吃火鍋，又想特別一點，所以選了大角咀這家粥底海鮮火鍋，是先用粥水把海鮮和火鍋料煮熟，最後會加入粥膽做成一鍋海鮮粥。 我們選了肉蟹餐，海鮮有活鮑魚、鮮蝦、肉蟹、蟶子、生魚片和蜆類，全部都十分新鮮，放在桌上都能看見還在動，煮熟後鮮味十足， 大贊，然後加進粟米、芋頭、南瓜熬一熬粥底。 六款火鍋料我們選了美國肥牛、黑毛豬腩片、魚皮餃、醬爆瀨尿牛丸、養顏花膠片、油麥菜，全部都是優質食材，十分美味。 最後加進粥膽、蛋漿、菜脯、冬菜、芫茜、蔥花，和原有海鮮精華的粥水混在一起，絕對是一吃難忘。 #pancake #pancakebb #大角咀 #美食打卡 #粥底火鍋 #海鮮火鍋 #我的美食日記 #餐廳推薦 #香港美食 #香港打卡

好想食海鮮粥底火鍋，於是去了大角咀杉樹街2-16號金基大廈地下G7號舖～滿粥順德粥底海鮮火鍋～港鐵澳運站C1出口，步行約6至7分鐘。室內裝修平民化，港式食店，牆壁上推介本店的招牌粥底火鍋海報，款式很多，明碼實價，任客人選擇配搭。菜譜簡單易明，粥底火鍋套餐多款，肉蟹套餐、孖寶套餐、龍蝦套餐，還包多款火鍋食材，也可單點及追加。肉蟹套餐每位$198先來一個白粥底的火鍋，跟上兩碗蜆，粥滾落蜆，服務員貼心提示，蜆殼打開便可進食，蜆肉鮮甜嫩滑，美味可口。海鮮盤有一隻肉蟹、4隻海蝦、兩隻飽魚、兩隻貴妃蚌、3片脆肉鯇，各款海鮮非常新鮮彈牙，脆甜又爽口，沾上醬汁，一件接一件，好食到不能停口。套餐包6款火鍋食材，有美國肥牛、黑毛豬腩片、手功鮮蝦雲吞、牛骨龍汁牛丸、台式墨魚丸、唐生菜。肥牛和豬腩片都很有肉味兼非常嫩口。牛丸和墨魚丸有驚喜，極度彈牙爽口。雲吞蝦皮軟餡靚，配上翠綠脆甜生菜，美味非常。服務員細心幫忙做粥底，將芋頭粒、南瓜粒、粟米、咸菜粒、一碗珍珠米飯、一隻鮮雞蛋，熟手地混合，滾起便做成鮮甜稠密的美味靚粥了。

今次聽朋友推介黎到大角咀呢間食海鮮粥餐廳食晚飯🤤🤤門面已經見到超吸引嘅餐牌🤣🤣入到去發現座位幾闊落，坐得舒服👍🏻而且已經擺好各種食用工具，好貼心🥰我哋揀咗$198肉蟹餐😋😋😋包含咗成7款時令即劏海鮮，分別有：蟹、蟶子、鮑魚、沙白、蝦、魚片同硯🤤全部都勁新鮮！！啲蝦上枱嗰陣仲係生的！！每款烚完超級鮮甜，完全保留到海鮮嘅鮮味😚😚😚呢個價錢嚟講真係好抵！6款自選火鍋配料，我哋揀咗：響鈴、生菜、萵筍、魚皮餃、墨魚丸同豬肉片~所有食材都乾淨又新鮮，而且份量啱啱好，正！最後會送上白粥同配料，將啲粥倒入啱啱煮過海鮮嘅粥水度，啲粥吸收晒啲精華，超級好食！又香又綿！啲配料有豬油渣，令到碗粥嘅味道更上一層樓😍😍😍好好食！

海鮮粥底火鍋幾時都咁岩我呢啲鍾意食海鮮既人😛 今晚嚟到大角咀滿粥，嗌咗個肉蟹2人套餐🦀-沙白&蜆完全無沙! 鮮味無窮，話咁快食晒haha-蟶子蟶子淥一淥好快就可以撈上嚟食. Q彈爽甜😎-魚肉應該係脆肉鯇，因為係我鍾意既質感：爽彈香滑～🙈-鮑魚首先第一樣要讚嘅係啲海鮮洗得超乾淨! 鮑魚係連個外殼都一樣咁乾淨👍 新鮮既鮑魚當然好美味😌-蝦超級新鮮，因為送上嚟嗰陣啲蝦仲郁緊🫣🥲 好彈牙、肉質紮實🦐-肉蟹終於到是晚主角出場啦！蟹肉超多汁、勁新鮮，蟹蓋仲有少少蟹膏食到 😋然之後就要落粟米、芋頭粒 和 南瓜粒for最尾既海鮮粥。仲未完呢，因為個套餐係包埋六款其他任揀嘅配料呢。我哋嗌咗美國肥牛、黑毛豬腩片、手工鮮蝦雲吞、醬爆瀨尿牛丸、魚腐竹卷 和 萵筍。每樣配料質素都相當之唔錯，可以放心嗌～最後侍應會幫我哋加粥膽、蛋漿、豬油渣、芫荽、菜脯、冬菜 和 蔥花一起連埋之前煮落既海鮮精華粥汁熬製咗一大碗海鮮粥，份量係夠2個人每個人食3碗粥，食完真係好滿足好飽！🤗

夏天係開冷氣打邊爐嘅好時機，朋友今日帶咗我去一間海鮮粥底火鍋舖食舖頭面積唔算好大，但係我聽到有房仔比一班人坐。我哋揀嘅係肉蟹餐，佢有幾款其他海鮮附送，而且仲可以揀六款嘅海鮮配料。另外最尾仲會整埋個粥俾我哋食，一個價錢全包，抵到爛。附送嘅海鮮有大蟶子、鮑魚、魚片、蝦、白貝、美貝、同埋主角大肉蟹。每一款海鮮都已經寫得清清楚楚要煮幾耐，每一台仲有一個計時器俾你，超級方便易用。整體嚟講全部海鮮都好新鮮，每一個貝都係鮮甜無沙。鮑魚肉質厚，但因為煮嘅時間控制得好好，所以唔會煮得硬晒，好好口感。蝦都好新鮮。肉蟹真係好新鮮，新鮮到我每一隻腳嘅關節位一扭，就可以扯出佢嚿肉，絕對唔會有一絲嘅浪費。每張枱都有埋個鉗俾你拆蟹食，要住意嘅係小心啲蟹殼飛咗落去個粥底度。😂😂😂其他火鍋配料嘅質素淨係都唔錯，最尾嘅粥底索曬海鮮嘅鮮味，又加咗雞蛋，菜脯，口感豐富咗好多。