滿粥順德粥底海鮮火鍋

營業中

休息中

同大家推介一下呢間我最近發掘嘅海鮮粥底火鍋專門店，食物高質，服務親切，肉蟹餐海鮮粥每人只需$198，真係物超所值。🥹🥹套餐包括7款時令海鮮，包羅萬有，有沙白、大蜆、魚、基圍蝦、鮑魚、聖子同埋蟹，每一款都食得到海鮮嘅鮮味，肉質鮮甜又彈牙！🦀🦐而且枱面上面有溫馨提示，教大家每一款海鮮要煮幾耐，而且每枱都有一個timer俾大家計時，真係超貼心，老板見到又會關心下幫手睇下熟未。❤️👍🏻除咗海鮮，仲有6款自選火鍋配料，美國肥牛鮮嫩多汁，黑毛豬腩片滑溜入味，手工鮮蝦雲吞咬落有嚼勁，松露香菇貢丸香氣四溢，炸魚片頭酥脆可口，油麥菜清爽開胃，各款配料搭配都不錯！🥩🍤最後，老板會加入3款煮粥時蔬配料，包括粟米、紅蘿蔔、芋頭等煮成粥，清新又有營養。🌽🥕

呢間「滿粥順德粥底海鮮火鍋」位於大角咀杉樹街，佢嘅招牌菜就係肉蟹餐，價錢係$198 每位。而家天氣轉涼，打邊爐就成為一個最受歡迎嘅活動。冇去過大角咀嘅我今次接受朋友嘅介紹，決定嚟試吓佢哋嘅招牌。首先，係7款時令即劏海鮮方面，真係令人嘆為觀止。有沙白、大蜆、魚、基圍蝦、鮑魚、元貝同蟹等，每一款都係新鮮活潑，質感十足。尤其係沙白同元貝，唔會有沙嘅感覺，每一口都飽滿多汁，令人回味無窮。加上餐廳用心編制嘅時間表，好方便客人煮食，確保每一樣海鮮都係最美味嘅狀態。其次，6款自選火鍋配料令人垂涎欲滴。我地揀咗美國肥牛、黑毛豬腩片、牛骨濃汁牛丸、醬爆瀨尿牛丸、松露香菇貢丸、養顏花膠片。其中，牛丸特別引人注目，濃厚嘅牛味令人難以忘懷，每一口都彷彿品嚐到了美味的牛肉湯。再者，3款煮粥時蔬配料為整體增色不少。粟米、紅蘿蔔同芋頭，簡單嘅三樣食材都能夠為粥底帶來豐富嘅風味。紅蘿蔔粒、芋頭粒同埋粟米，加入粥底後，讓整體更加鮮甜，成為一道清新的料理。最後，精華海鮮粥絕對係整餐嘅巔峰之作。當職員將菜脯同蛋汁加入粥中，整碗粥瞬間變得香氣四溢。海鮮嘅鮮味同菜脯嘅鹹香融合，每一口都令人心滿意足。這碗粥成為整頓餐飲嘅完美結尾

今晚又陪老人家食晚飯，佢最鍾意食熱辣辣又唔太熱氣嘅野食，於是揀左食 🤩滿粥順德粥底海鮮火鍋！滿粥有幾款粥底海鮮套餐，眼寬肚窄嘅我地就揀左肉蟹餐試試先😗😗7️⃣款時令即劏海鮮，包括沙白，硯，蟶子，鮑魚，肉蟹，基圍蝦&魚片。餐廳有餐紙教人每樣海鮮煮幾耐，唔驚煮過龍。樣樣海鮮都好新鮮，好好味😋😋想講基圍蝦上枱腳仔仲係識郁🦐🦐！！而沙白同硯都完全冇沙👍🏻👍🏻👍🏻3️⃣款煮粥時蔬配料就有🌽粟米，🎃南瓜和芋頭。落完就由佢地滾到最後同粥食 （粟米可以食先）🤪🤪6️⃣款自選火鍋配料，我地揀左🥩美國肥牛，🐖黑毛豬腩片，醬爆瀨尿牛丸，薑汁皮蛋貢丸，手作凍豆腐和炸魚皮。兩款丸的餡料都好特別，但好好食，不過食果陣要小心，真係會爆漿，好易辣親個嘴🤭🤭最後食，集所有食材精華的海鮮粥❤️❤️ 因為全部配料都好新鮮，所以粥嘅味道好好😋😋不得不提豬油渣、菜圃、冬菜都幫個粥加唔少分👍🏻👍🏻

初嚐粥底海鮮火鍋🍲 原來真係好鮮甜！ 尼間餐廳價錢仲好親民 ❤️ 揀咗肉蟹餐有蜆仔，沙白， 肉蟹，鯇魚，鮑魚，貴妃蚌，蝦🦐 店舖非常細心每一款海鮮都寫咗烚嘅時間。 鬧鐘一響，夾上嚟食物啱啱好。 唔會太老之餘，重好鮮甜。😋肉蟹簡直大推介，搣開非常多膏🤪 肉質鮮嫩！ 💯另外有六種唔同嘅火鍋配料美國肥牛 必點牛味重，肥瘦適中。 醬爆瀨尿牛丸 特色睇電視聽得多，現實都係第一次食。 味道非常特別，小心翼翼咬開佢。的確係非常醬爆！ 裏面小小蔥花同薑絲再加啲肉餡非常juicy ! 而且外邊牛丸都好重口味，仲有非常彈牙！ 養顏花膠片吸晒海鮮嘅鮮味，咬落去好Q 彈！ 令到個湯底除咗有海鮮嘅鮮味仲有花膠嗰一種黏黏地嘅骨膠原， 所以最後個粥係超級精華😍蘿蔔片非常新鮮 ，沒有渣。 又係一個火鍋我必點嘅配菜。咬落去有本身蘿蔔嘅鮮甜，仲有海鮮係粥底裏面嘅味道。精華之粥除咗有海鮮鮮甜，花膠嘅骨膠原之外仲加咗啲粟米南瓜同芋頭！ 南瓜同粟米令到個粥嘅甜味再提升！ 裏面仲有秘製菜脯同埋豬油渣，菜脯有咬口！一咬d 油渣，個種豬油香必曬岀來！ 食材非常新鮮，而且服務都好好。時不時會幫你落配菜，夾食物。 價錢非常親民，真係自己

收工經過見到幾多人食就同朋友一齊試吓一去到老闆就介紹今日嘅龍蝦新鮮啦，所以我哋嗌咗龍蝦餐，佢包左7款時令海鮮，6款自選火鍋配料，3款煮粥時蔬配料，1款精華海鮮粥，就咁睇緊Menu都覺得好似好豐富咁龍蝦套餐蜆沙白魚片蝦龍蝦鮑魚套餐火鍋配料美國肥牛黑毛豬腩片牛骨濃汁牛丸手作凍豆腐凍魚皮娃娃菜首先試食咗我最鍾意嘅沙白煮左幾分鐘每一隻殻都打開了無沙，好鮮甜濃湯牛骨丸，真係唔係度度都有咁岩見到！即刻叫黎試下大大粒，口感彈牙，牛骨丸最重要係超爆汁，入口濃厚牛味湯汁 爆開個下勁正。佢係食哂邊爐才問你做粥未，所以想試個粥要留肚到最後職員會過黎幫手，加飯加蛋加菜脯煮成粥，因為之前已經太多精華留返喺個粥底裏邊，所以呢，成個粥都係好甜美，超正，同埋啲飯唔會好冧啦，所以都好有咬感 ！而每次我打邊爐都會嗌嘢飲㗎，就係竹蔗茅根一樽好正飲完都好想再嗌多一樽！

朋友同我都係好鐘意食海鮮粥所以今次book 位黎試龍蝦餐環境都ok ,,,唔係好迫服務態度都好好！佢包7款時令即劏海鮮，6款自選火鍋配料，3款煮粥時蔬配料，1款精華海鮮粥，好多野食咁！首先係先落沙白煮幾分鐘D殻就打開了佢每一隻都無沙而且好鮮甜仲有蜆，魚片，蝦，龍蝦，鮑魚套餐火鍋配料美國肥牛黑毛豬腩片牛骨濃汁牛丸手作凍豆腐凍魚皮娃娃菜另外仲叫左竹蔗茅根好好飲，打邊爐必備要講下！唔係間間火鍋有濃湯牛骨丸，咁岩見到有即刻叫黎試下上枱見大大粒應該都係正常來貨咬落口感彈牙，牛骨丸最重要係夠爆汁，完全交足哂貨，入口濃厚牛味湯汁爆開極度滿足。用粥底效果又唔錯，掛左d白粥係面反而無火鍋咁，中和左肥膩感.我一個人可以對一碟話就話粥底，但其實係用米水做底打邊爐，唔好期望有特別味道，始終最後個湯先係精華佢係食哂邊爐先問你可以做粥未，所以想試個粥要留肚到最後食哂後叫職員過黎幫手，就會加飯加蛋加菜脯煮成粥，食食材精華好難會唔好食 😂🤣始終係由飯開始煮，粥底好味，唔係好綿滑的。(Ps米飯難煮到開花)btw 整體 黎講都唔錯👍👍👍👍😄😄

慶祝朋友生日，想吃海鮮粥底火鍋，去左滿粥順德粥底海鮮火鍋，港鐵澳運站C1出口，步行約6至7分鐘。店內面積不大，裝修平民化，是間港式地道食店，服務員禮貌推介多款海鮮套餐，套餐食材多樣化，價錢合理，難怪未到食飯時間，已經客似雲來。肉蟹套餐每位$198火鍋調味料相當豐富，自助型式，任客人自由配搭。先來一煲白粥底，服務員貼心提示，每款海鮮落粥底需時要訣，能提升海鮮肉質的口感。七款時令即劏海鮮，包括有肉蟹、蟶子、鮑魚、脆肉鯇、兩款蜆、海蝦。肉蟹鮮甜，肉質彈牙。蟶子肉脆夠爽口。鮑魚鮮嫩有嚼口。脆肉鯇，魚味濃夠爽脆。蜆肉嫩滑，有海水味。海蝦鮮甜彈牙，沾上粥底提升嫩滑感，各款海鮮極新鮮，每款都食到不能停口。6款自選火鍋配料，包括美國肥牛、手功鮮蝦雲吞、醬爆瀨尿牛丸、手作凍豆腐、魚腐竹卷、唐生菜。肥牛肉質嫩滑，油脂均勻。雲吞餡料飽滿夠彈牙。牛肉柔韌爆汁好味。凍豆腐吸入粥底，口感豐富。魚腐彈牙吸味好食材。生菜新鮮爽脆。整體非常滿意。明白為何未到食飯時間已經枱枱坐滿客人。最後還有滋味粥底，服務員來了一碗芋頭粒、南瓜粒、兩塊甜粟米及一碗稀飯，一隻鮮蛋，還有一碗豬油渣、菜脯，店員幫手煮粥，粥底鮮甜得難以形容，口

琴日咁啱喺奧運放工，就緊係去大角咀搵好嘢食😋喺眾多食店中，今次就揀咗好有順德特式嘅粥底海鮮火鍋😍我哋7點半去到，已經滿咗座，不過等咗一陣就入到去，原來夜晚分咗3個section，分別係6點8點10點。滿粥好特別，係我第一次品嘗粥底海鮮火鍋。佢嘅食法大概係咁嘅：首先用無味精純粥水打邊爐，食完海鮮同自選食材之後，粥水就變成好香好濃嘅海鮮味，最後加入粥膽同配料，就可以品嘗海底底嘅粥。今次㨂咗肉蟹餐，都已經飽到上頂。套餐包咗幾款海鮮，包括肉蟹、蜆、蟶子、鮑魚、魚，另外再自選6款食材，今次每類都揀咗一款，所以其實都好多份量，2個人食真係好滿足！每款海鮮都好鮮甜，蜆亦都冇沙，蟶子啲肉都好彈牙，鮑魚同魚都好爽口，唔洗點豉油都已經夠味，真係要講多次好鮮甜！另外，自選食物嗌咗魚腐、肥牛、牛丸、手工雲吞、花膠。提到順德又點少得順德魚腐😍😍係超大舊超多層又好香口嘅順德魚腐！牛丸好香牛味，又多汁，咬落好彈牙，一啲都唔梅，雲吞又大大粒，所以2個人食嘅份量都好足夠。記得要落芋頭、南瓜、粟米！佢哋煮溶咗之後令到粥底特別甜，亦都增加咗粥嘅綿綿口感！！！最後要落粥膽同埋配料，配料有蛋漿，豬油渣、芫茜、菜脯、冬菜，攪拌後

秋風起最啱打邊爐，平時普通火鍋/ 粥底火鍋就食得多，但係海鮮粥底就第一次食，而且唔使走入新界咁遠，市區就已經有得食，於是乎同男友揸車就過去試下。呢間餐廳標榜用最新鮮嘅海鮮，而且粥底冇油冇鹽冇味精，保證食到最鮮味嘅火鍋粥底，重點係肉蟹餐先$198一位，難怪餐廳裏面人頭湧湧，等咗一陣就有位。估唔到肉蟹餐仲跟咗六款時令即劏海鮮、六款自選火鍋配料、三款煮粥時蔬配料同埋精華海鮮粥。餐廳先用粥水開鍋，用粥水煮海鮮。六款時令即劏海鮮，有今晚嘅主角肉蟹，好大隻，而且肉質鮮甜好多膏，冇得彈。另外仲有好大隻嘅沙白、大細蜆、聖子、脆魚鯇、仲識郁嘅基圍蝦，每款都好生猛，而且餐廳有晒指引要煮幾多分鐘，我同朋友都食到舔舔脷，非常鮮甜，啖啖肉。食完所有海鮮之後，我哋點咗六款自選火鍋，我哋揀咗唐生菜、金菇、肥牛、芝心牛丸、墨魚丸、花膠，選擇都好多，有少少選擇恐懼症🤣🤣食哂所有配菜之後，嚟到今晚既高潮，要煮海鮮精華粥，店員將粥膽、蛋漿、菜脯加入去我哋嘅粥水火鍋入面，結合咗今晚我哋食過嘅海鮮精華，煲成一鍋金黃海鮮粥，一滴味精都冇，超級鮮甜，真係大開眼界。總結今晚每人$198可以食到咁多款海鮮同埋配料，捧住個肚走，真係大滿

💖 滿粥順德粥底海鮮火鍋 (大角咀)✨大角咀杉樹街2-16號金基大廈地下G7號鋪〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️天氣變涼大家最鐘意做啲咩呢？我自己就一定系打邊爐🤩我好少去大角咀食嘢，不過今次朋友介紹就儘管試嚇😆-肉蟹餐🦀 $198/pp7️⃣款時令即劏海鮮🦐:全部都系超生猛嘅海鮮包括有沙白、蟶子、鮑魚、肉蟹、海蝦、魚片等等😉，墊枱墊已經寫明每一道海鮮需要滾幾多分鐘好方便😍，時間夠就食得🤫我最鐘意就系佢哋啲沙巴，唔會話有沙，只只都好肥美。只蟹更加唔惹少😆啖啖肉🤟🏻6️⃣款自選火鍋配料🍲:我哋就揀咗肥牛、韭菜豬肉餃、牛骨濃汁牛丸、養顏花膠片、娃娃菜同粟米☺️，我自己最鐘意就系佢個牛丸，真系好濃郁嘅牛味🤩好Juicy‼️3️⃣款煮粥時蔬配料🎃:賠率就系根據佢哋餐廳當日嘅材料而準備，我哋今日嘅就有南瓜粒、芋頭粒同埋粟米😌三樣嘢加落粥底後都會變得更加鮮甜。1️⃣款精華海鮮粥🍚:食到差唔多就會有職員幫忙煮粥，加入菜脯同蛋汁🥰，好好食呢！想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

誤打誤撞食到呢間大角嘴近旺角隱世海鮮粥底火鍋店！我哋2個人叫咗肉蟹餐，好有驚喜，好掋食～真係每一啖都感覺到好新鮮！——《調味料》係自助嘅，有芫荽、蔥、蒜蓉、辣椒仔，豉油有分甜同咸，有胡椒粉、麻油等等！好齊全！但係，學我朋友話齋，食材真係夠新鮮，唔使點醬都已經好好食！平時少煮嘢食嘅朋友仔可以跟足佢枱面上嘅指示～有煮海鮮嘅順序同埋時間！——《7 款時令即劏海鮮》1. 海蝦6串（仲係跳跳紮架！）2. 沙白1碗（每一粒都好包滿，無沙架！）3. 蜆1碗（店員好細心，提醒我哋開殼就食得～）4. 聖子2條（真係30秒就得！）5. 新鮮鮑魚2隻（彈牙得嚟，唔會un）6. 肉蟹2隻（隻腳仲郁緊！可想而知有幾新鮮～）7. 鮮魚肉片（啖啖肉冇骨㗎！）——《6款自選火鍋配料》1. 美國肥牛（薄切，有好多塊，半肥瘦，好食）2. 黑毛豬腩片（薄切，煮熟左之後同牛肉好似樣haha，鐘意食肉嘅朋友可以all-in埋雞）3. 醬爆瀨尿牛丸（真！醬爆，入面係拉絲芝士，好正～～）4. 萵筍 5. 油麥菜6. 冬瓜片——《3款煮粥時蔬配料》1. 粟米2. 紅蘿蔔粒3. 芋頭粒——《1款精華海鮮粥》啲湯底包含晒煮海鮮嘅精華同汁

呢排啲蟹真係好Hit,所以呢個星期都食咗好多次蟹 不過蟹係真係食極都唔夠朋友介紹咗我哋嚟食呢個海鮮粥餐肉蟹餐198好抵食坐單落單坐低就見到枱面有食呢個肉蟹餐粥嘅先後次序, 寫明每種食物要烚幾耐坐低咗出去揀配料，見到有超多超多芫茜，好開心成個餐海鮮份量好多有蝦、蟹、蟶子、鮑魚、 沙白大蜆、魚海鮮好新鮮， 仲要大大隻擺靚曬個位就可以開餐·蟹、蟹、蟹超開心跟住個指引整鮑魚就啱啱好夠熟蟶子好大條食到差唔多最尾店完就幫我哋預備粥料收返少少水就食得…… 非常有海鮮味我自己再加咗大量嘅芫茜另外足料裏面仲有一啲豬油渣，食落香味滿溢冇諗過食海鮮都可以食到咁飽，最尾勁飽但係都食咗差唔多食曬全煲粥加40蚊可以轉膏蟹，下次嚟可以試埋膏蟹

滿粥順德粥底海鮮火鍋👻今日想食海鮮黎到大角咀有海鮮又有粥底邊爐滿足我兩個願望佢地除咗肉蟹餐仲有龍蝦餐海鮮既份量都係一樣下次試下升級龍蝦仲吸引🫣🤣.🔅肉蟹餐 HKD 198✨即劏海鮮7款✨沙白 蜆 鮑魚沙白同蜆幾有驚喜比想像中仲要鮮甜好多仲要一啲沙都無處理得好好✨聖子皇 海蝦 魚片最鍾意食聖旨同蝦咁啱今日兩樣都有得食鮮甜彈牙無得輸咩醬都唔使已經very good😆✨肉蟹好大隻好多肉仲有啲膏添肉質係好實既靚蟹睇黎老闆係揀海鮮入貨做得好好👍🏻✨自選6款火鍋配料美國肥牛 鮮滑雞件食肉獸既我即刻揀咗兩款肉打邊爐點都要食下肥牛既醬爆瀨尿牛丸 台式墨魚丸大大粒既丸 幾特別既味道出面好少見炸魚皮 娃娃菜炸魚皮配粥底邊爐好正放入爐一秒就食得就咁食一樣都正😛✨精華海鮮粥底最後店員會幫手加入南瓜芋頭粟米仲有佢地既粥膽同埋啲配料攪勻就係全晚既精華啲海鮮味係個粥底到散發出黎好鮮甜既粥底好滿足既一餐🤭🤭.整體黎講：粥底邊爐 海鮮高質😋.🎈 滿粥順德粥底海鮮火鍋 (大角咀)大角咀杉樹街2-16號金基大廈地下G7號舖

星期中啲時見特別難過收工約個friend去食正宗順德粥底海鮮火鍋去咗近年好少嚟嘅大角咀附近多咗好多新樓同餐廳想食咩都有呢間滿粥店面雖小但五臟俱全店員熱心介紹又幫手整粥又不斷留意收碟 服務非常之好餐牌都幾多選擇粥底火鍋可以揀肉蟹或龍蝦亦可以選擇其他湯底只打邊爐我哋要咗$198肉蟹餐有7款即劏海鮮、6款火鍋料同埋3款蔬菜廚房入面有個水缸 海鮮即叫即撈先食沙白、蜆 大大隻好新鮮全部都好快開口食落去蜆肉新鮮 帶少少咸味 再食蟶子、鮑魚又係好快淥一下就熟蟶子同鮑魚都好大隻 好爽彈 再嚟就係重點 肉蟹呢個要多少少時間去淥睇住佢慢慢變成好靚嘅橙色急不及待就想開吃蟹肉好多好鮮甜 唔需要調味料已經好好食蟹殼幾薄 一咬就開到 食起上嚟唔麻煩基圍蝦同魚片蝦上枱時仲好生猛 keep住郁又係好新鮮 基圍蝦勁好食 夠彈牙淨食海鮮已經物超所值再嚟6款火鍋配料肉食獸試晒肥牛、雞件、黑毛豬腩片肥牛雪花分布平均 淥一淥就食得 鎖住到牛肉汁喺裡面雞件同黑毛豬都好嫩滑 再叫咗花膠、牛骨濃汁牛丸、鮮蝦雲吞花膠大大件 滋補養生牛丸令人為之驚艷！好juicy好彈牙 雲吞嘅蝦又係好爽彈 皮薄餡靚最後食埋個粥底店員幫忙將粥膽、蛋漿、豬

開始轉季就好想打邊爐，知道屋企附近開咗間新開嘅粥底火鍋，見價錢都幾吸引，今晚就同老公去食我哋兩個揀咗肉蟹套餐，每位$198連加一，佢套餐包7款時令海鮮，再可以揀六款火鍋配料。海鮮種類豐富，有兩款蜆，食落完全無沙，好清甜，另外有蟶子，基圍蝦，肉蟹，鮑魚，同魚片。蟹同蝦送上嚟嘅時候仲見到好新鮮有郁動，抵讚。另外都好欣賞餐廳有寫低每款海鮮要煮幾耐，記得蟹蓋可以最煮粥先落，雖然我早落咗，煮完肉蟹之後聞到超香。六款火鍋配料我哋揀咗魚腐春卷，響鈴，墨魚丸，肥牛，娃娃菜，同手工豆腐。個人喜歡魚腐春卷同手工豆腐，好好食，打邊爐必嗌。怕太熱氣我哋另外嗌咗一樽雪梨海底椰，比想像中驚喜，好清甜，值得一叫。去到煮粥嘅時候，入面已經有粟米芋頭番薯煮到淋晒，仲有咁多款海鮮嘅精華，之後會再加粥同其他配料，都好似芫荽同菜脯，仲有落雞蛋添，依碗綿綿嘅海鮮粥真係一試難忘。