漁品酸菜魚火鍋放題 (已結業)

放工經過大圍，幾條線聚埋一齊，梗係旺啦！周圍都係美食，見到人氣排長龍嘅漁品，fun fun fun 烤魚，門口放咗個抵食二人餐招牌，一於試吓！好彩等咗陣咁啱有位，店長提醒我哋下次記得訂枱，如果唔係可能有排等呀！烤魚二人餐 $398魚肉一向都係俾人健康感覺，烤沙巴龍躉外面比較少見，餐廳叫得做沙巴龍躉專門店，又點可以唔試吓呢個招牌菜呢？烤原條沙巴龍躉來自馬來西亞東岸的烤原條沙巴龍躉，每條都約有1.5斤重，我哋兩個人揀咗酸菜味，好期待！烤原條沙巴龍躉果然好大條好好味，套餐價錢好抵食，真係值得推介，肉質鮮嫩，鎖住魚汁的精華。賣相色彩繽紛，烤鍋裏豐富的配菜，酸菜、豆腐、萵筍、薯仔，醬汁好入味，微辣夠惹味。酸菜味，湯汁配上酸菜，不會太油膩，甜酸苦辣鹹又味道適中，口感不錯。越食。越靚。越健康。黃金炸魚皮一份惹味可口，黃金炸魚皮即食小食，沾滿了咸蛋黃碎好香口，脆卜卜食到停唔到口，外酥內香。響鈴芋頭雙拼一份響鈴沾滿烤魚酸汁，味道簡直一流。芋頭爽口結實，芋香味很重。雜菇拼盤平時火鍋我會鍾意食雜菜，但一講到食烤魚我就覺得雜菇吸收湯汁更美味，口感更加豐富。稻庭烏冬一份最後食多個稻庭烏冬，吸收了魚的精華味道，伴

成日經過大圍都想試下，今晚打完波好餓，岩哂～除左烤魚套餐之外，仲有酸菜魚、水煮魚同埋火鍋放題，咁多選擇。因為朋友想食酸菜魚，所以我地決定散叫～醬料區～基本嘅火鍋醬料都有，最特別係個潮洲醬油，值得一試～登登登～酸菜魚（$228/ 2-3人份量）超級足料的酸菜魚，酸辣味十足，入面除左有好多酸菜魚之外，仲有魚腐、菜、薯粉等等嘅配菜。魚啲份量好足，兩個人食完之後都飽左6-7成，仲好惹味～我地配外加左雜菜拼盤（$48)因為唔知個鍋已經有薯粉，我地配外再叫左份（$14)，一份都有成一大碗，抵食～配外加左安格斯牛板鍵（$80)，牛味濃，正～萵筍片（$40)，略煮半分鐘食得，好爽身～飲品要自己配外加錢，$6一罐，都好抵～總結，好抵食又好味嘅酸菜魚，下次要試下佢個火鍋放題先～

上個禮拜好忙，所以今個禮拜決定慰勞吓自己，要食一餐勁嘅！嚟咗呢間食酸菜魚，店舖裝修好靚亦都有好多打卡位🤩我嗌咗一個酸菜魚套餐，配菜有萵筍、豆腐、仲有好多自己最鍾意食嘅芫荽！跟餐嘅有雜菇、響鈴、芋頭等等。種有邪惡嘅黃金炸魚皮，鹹蛋味超重，食到停唔到！冬菇同埋芋頭浸完酸辣汁之後，吸晒湯嘅精華，食落去有爆汁嘅感覺，正。講返條魚先，條魚係先烤過先再煮，所以特別香口。魚身好結實同時亦都好滑，簡直係啖啖肉😊 佢個酸菜湯底唔會好油膩，而且調味得好好👍🏻值得大讚！店舖入面有沙巴龍躉嘅介紹，原來呢種魚點解叫沙巴，係因為當年喺沙巴大學發現，佢係將花尾躉同埋老虎斑溝埋一齊，之後生出來嘅後代發現又清又厚肉，所以就叫做龍躉！龍躉做煎魚我覺得比起烏頭更加好，因為佢嘅肉更加滑同埋多肉，識落嘅口感我覺得更加好！再要讚下嘅就係佢杯嘢飲，又抵飲又靚😌 絕對會再嚟，下次試吓佢其他套餐！

漁品火鍋 , 專業烹調 , 用料上乘。 採用大大條兩斤重以上大 沙巴龍躉，做酸菜魚火鍋。一個極致嘅組合 沙巴龍躉除咗 味道濃沃 咬口彈牙 , 喺火鍋返滾之中，不會容易散開。 輕鬆用筷子掌握!要形容到極致的部分， 就必須要睇下佢條魚嘅處理方法。 睇上去就已知道魚處理方法十分繁複。 首先 去魚鱗清潔好內藏， 再將兩斤重大沙巴龍躉開邊。 再用高溫 煎封魚皮， 令到魚嘅蛋白質可以用出來成為湯嘅部分。 再來調味令到味道濃沃複雜又厚實。你睇成塊魚肉可以用筷子輕鬆夾起。呢度嘅響鈴仲平時食開嘅好唔同 比較短同埋比較粗 好似係 裏外十分之容易 控制火候。 如無意外應該係餐廳而家 製造的。呢一點黃金炸魚皮真係冇得頂， 炸魚皮最緊要 係新鮮脆。如果放得耐就唔好食。套餐可以選擇蔬菜或者 草菇 拼盤， 火鍋比較油膩食菜嘅話好容易就將所有油份全部食曬落肚。個人認為肚咕配酸菜魚係一個 極佳 嘅組合。

放工約朋友到大圍食漁品酸菜魚火鍋放題，超抵食, $275一個人，仲要免加一, 食盡包羅萬有既食物，唔單止係放題，頭盤的指定菜色都有好多款，首先送上一盤航空六刺身，魚生有三文魚，帶子，最厲害係超大隻的牡丹蝦，超多膏, 夠彈牙, 另外海膽竟然配上獨立包裝既紫菜, 好貼心, 夾埋一齊食, 口感更多層次, 淨食海膽都好甘甜。北寄貝刺身都夠彈牙。再來4款餐前小食, 有黑松露蝦多士，炸雞，梅子醃苦瓜片，話梅味突出，顯得苦瓜唔苦喎。麻辣無骨鳳爪, 微辣，較重口味。第三樣到主角來喇, 我們選了酸菜魚, 直程係期待, 因我同朋友都好鐘意食酸菜魚, 先來一啖湯, 酸甜味剛好, 魚片又好嫩滑，配菜有黃芽白菜, 金菇, 魚腐, 還有水晶粉索晒啲酸菜濃湯，好入味。第四樣可選火鍋湯底喇, 我地選擇了胡椒豬肚湯底, 材料十足, 有豬肚, 粉腸, 湯底夠味。第五樣是深海郵輪, 係海鮮火鍋盤， 有新鮮帶子、青口、鮑魚和花甲,好大隻, 還有墨魚仔。最愛鮑魚夠鮮甜。第六係火鍋配料, 可無限追加的, 係靚牛靚豬任食第七有個三層架配料, 有炸魚皮，粗大響鈴, 厚切香芋片, 另一碟係肉丸同餃類，最正係鮮打蝦丸, 好彈牙, 再來一

週未沒甚麼方向，兩口子到大圍走走看，路經漁品的門口突然被火鍋魚引起了我的食慾，於是便上去看看。從梯間到餐店門口都是給客人拍照留紀念的裝潢，雖然不明白為甚麼嚐餐要留念，但仍很欣賞餐廳的用心。一看餐牌後我們不需多想便決定選烤魚二人餐，全因為我們都不想太多，選已確定套餐可享有我們喜歡的食材。烤魚二人餐主要有一條沙巴龍躉(約1.5斤)配上蕃茄湯、黃金炸魚皮(蛋黃炸魚皮)、響鈴、炸芋頭、雜菜拼盤和稻庭烏冬一份。隨套餐可選兩罐飲品，我們選了慣常的汽水以便降溫吧。等了一會，黃金炸魚皮先來，香脆鬆化，而且表面的蛋黃平均地分布在炸魚皮上，十分可口。再一會後，主角出場了。一整鍋的烤沙巴龍躉送到，由於需加熱到沸點，因而要再等一會。同場到來的有響鈴、炸芋頭、雜菜拼盤和稻庭烏冬，我們即時覺得烤魚二人餐十分超值，全因為份量十足，如不是很大食量的話，三至四人都夠享用。不到一會烤龍躉已可享用，魚味十足，配合各香料配菜實在是恰到好處。然而雖然是選的是蕃茄湯，但仍會有一定的麻辣度，如完全不食辣的朋友或需落單時說明清楚吧。麻辣味對我反而是提神的味道，配合香滑魚肉，十分惹味。蕃茄湯底亦是中上水平，特別是蕃茄軟滑香甜，是值得推

最近去咗大圍嘅漁品酸菜魚火鍋放題食飯🥳之前都有聽朋友講過佢嘅酸菜魚好好味,今次我就試咗佢嘅烤魚套餐,三百幾蚊一個2人餐,入面有來自馬來西亞東岸嘅烤原條沙巴龍躉、黃金炸魚皮、響鈴、芋頭、雜菇拼盤/雜菜拼盤、稻庭烏冬瓜同飲品兩杯🤩好豐富嘅套餐😍湯底可以選香辣味,酸菜味或者蕃茄味,我揀咗蕃茄味🍅 佢嘅蕃茄湯好濃好好味,正到我飲咗兩碗🤣而條龍躉好大條,有大約1.5斤重🐟魚肉好嫩滑一啲都唔腥👍🏻入面重有薯仔、萵筍、豆腐、芫荽同洋蔥,好豐富🤩黃金炸魚皮即係鹹蛋黃魚皮好正😍而響鈴好脆口,連埋蕃茄湯食一流👍🏻而佢個集材拼盤入面都有好多菜🥬有金菇、生菜同椰菜🤩等我下次試埋佢嘅酸菜魚先🥳

今日放工去咗大圍果頭，咁啱打算返屋企嘅時候，收到老公電話話想去食酸菜魚，我就即刻諗起喺大圍有間好出名食酸菜魚既漁品酸菜魚火鍋放題～～等埋老公後我地就即刻上去攞位，等咗十幾分鐘就有位了，入到去成間鋪都香噴噴既魚味，十分醒神！我地叫咗一個烤匠亞拉卡二人餐，裡面包括咗好幾款野食，有烤原條沙巴龍躉，烤魚有幾款湯汁可以選擇，香辣味，酸菜味，蕃茄味，我地擇咗酸菜味。。。。。沙巴龍躉很大條!!應該也有斤半重！鍋内其他配菜吸收酸菜的湯汁，十分美味。沙巴龍躉肉質爽實, 淡淡魚味滲出，肉厚，非常之正！！！仲有黃金炸魚皮，咔嚓咔嚓⋯⋯開始食之前一定要食一口炸魚皮，炸魚皮發出清脆聲音，越食越想食。。。跟住就係響鈴，響鈴非常巨大，脆口程度爆燈，幾乎是放入湯中就軟掉，十分新鮮。另外兩杯飲品非常特別同大杯，就係紅柚荔枝梳打同藍柑白桃梳打！！非常好味難忘既一晚，下次再戰😆

今日點了酸菜烤魚二人餐包1.5斤重的烤原條沙巴龍躉，送雜菇拼盤和炸物拼盤👍🏻👍🏻超級豐富黃金炸魚皮都好正！才上枱就聞到濃烈且刺激的鮮香，鮮紅的泡椒配上酸菜大大增加食慾！原本以為整條魚上枱很難夾，但沒想到魚肉和骨很易分開，魚肉嫩滑且鮮味仍在，浸一下湯再吃酸酸甜甜的更惹味。餐廳附送形形色色的配料，蓮藕片、萵筍片、薯仔片配酸菜湯更是絕配，另外響鈴和稻庭烏冬也是浸湯汁必食之選。最後點了一杯藍柑白桃梳打，新配搭飲落都好清新，夠晒大杯！好飲！

大圍火車站🚉次次都係約人踩單車🚴🏿‍♀️先至過去！但今次專登過去試沙巴龍躉魚！因為外面好少會用沙巴龍躉魚！餐廳仲係沙巴龍躉專門店！剛好見餐廳做緊兩人套餐優惠，$398就可以食到原條沙巴龍躉烤魚，仲有火鍋配料，響鈴，芋頭，烏冬，菜。鹹蛋魚皮，真係好味，好香口。跟餐加$40元就可以轉特色飲品兩杯，試吓青萍果熱情果梳打以及藍柑白桃梳打，好香的水果味仲好大杯！主題烤魚出場啦，眼見都好大條，仲放上好多配菜加以特色賣相，真唔知從何入手！今次試酸菜味，清清的湯汁配上酸菜，不會太油，味道適中，沙巴龍躉魚的肉汁鎖住加上個酸菜味，口感不錯👍🏾真係應左餐廳口頭提示，越食越靚越健康😂

難得放假，但竟然落大雨唔想浪費假期，唯有去食餐好嘅！既然大把時間慢慢食就決定去試吓呢一間冇限時間嘅放題😬星期一至四仲要免+1 ，真係好抵！上次晚飯嚟過食二人烤魚餐，幾好食今次慢慢食，啱晒試呢度嘅無限時放題仲有啤酒任飲添👍🏻😬首先會上咗限量嘅刺身質素幾好，尤其係帶子同蝦👍🏻而4款餐前小食就無限追加嘅有蝦多士，蕎頭，無骨鳳爪同雞粒黑松露蝦多士，下面其實係油炸鬼但咁樣嘅配搭原來都幾好食我食咗好幾碟😂然後就試酸菜魚啲魚片好滑，湯好好味可惜係啲魚應該係煮熟再放落湯所以魚片唔係好入味跟住就到水煮魚同酸菜魚一樣，個湯好香好夠味但魚片一樣唔係太入味湯底就揀咗雜菌牛骨湯普普通通無乜特別湯裡面有茶樹菇同花膠海鮮盤有帶子，蝦，鮑魚，魷魚，元貝等全部都好新鮮，好好食另外仲有蔬菜盤同響鈴等炸魚皮可能放耐咗，有少少怪味無限追加嘅牛肉同豬肉質素算係咁，追加咗一碟牛最後嘅餃同丸就無咩特別啦199免加一咁足料仲包啤酒任飲抵哂啦值得一試👍🏻👍🏻👍🏻

有人話大圍都好多野食🤩於是我地某天放工後就去左大圍食晚飯啦～最後去左呢間專食烤魚火鍋放題既餐廳 漁品 @fun.fun.fun_tai.wai 😍 一到餐廳已經覺得入口既擺設好有心機好趣緻～即刻要影返幾張相來欣賞下🤣..我地今次叫左烤魚二人套餐，烤魚採用來自馬來西亞東岸既烤原條沙巴龍躉1.5斤！🐟 而口味方面分別有香辣味、酸菜味同蕃茄味～我地揀左酸菜味🤤 另外套餐仲包左一份黃金炸魚皮、響鈴芋頭拼盤一份、雜菜拼盤、稻庭鳥冬一份同兩罐飲品..酸菜味烤魚勁香啊啊啊啊啊！烤爐大，裡面仲有好多唔同配料，包括豆卜、木耳、紅薯粉、洋蔥等，超惹味！酸菜味湯都好好味，少少香辣咁，唔多食辣既朋友都可以一戰😎 烤魚既肉質好軟好鮮甜，食到索索聲啦～～..黃金炸魚皮，就咁食都好味！有少少鹹蛋黃既味，昇華左魚皮既味道呢～響鈴大大件，放一放入湯然後即刻拎起，好味道！要重點講下擺稻庭烏冬入去煮，一食超入味啊吸收哂湯汁，超正😋..呢度有好多卡位，坐得超舒服！除左烤魚，呢度仲有放題同打邊爐，好吸引！

星期日晚7:00鬆啲嚟食酸菜魚放題，呢度食嘢係有次序嘅…… 首先第一步會上4款小食，包括蝦多士，甜酸元貝、涼拌苦瓜同鳳爪。我覺得蝦多士最好食，炸得夠香脆👍🏼 個苦瓜應該加咗話梅粉，味道怪怪地😅 元貝同鳳爪就普普通通啦⋯⋯第二道菜會上剌身拼盤，有三文魚、蝦、北寄貝、帶子同油甘魚，尚算鮮甜😋 (注意⚠️ 剌身拼盤係冇得encore！)到第三味會上酸菜魚，魚片夠滑，份量都多，不過味道就一般。食完個酸菜魚就到火鍋，你可以選擇轉湯底，我哋轉咗牛骨湯，湯底好淡冇咩味。火鍋配料海鮮拼盤，包括蜆、蝦、鮑魚、元貝同青口，都算新鮮嘅。不過注意⚠️ 海鮮拼盤又係冇得encore嘅！其他仲有牛肉、豬肉、炸魚皮、響鈴、魚皮餃、韮菜餃、墨魚丸、蝦丸同蔬菜拼盤。食完以上所有食物，其實都飽咗八成，想添食蔬菜同魚皮餃，點知佢話菜同所有丸、餃都冇曬。其實都幾攪笑，呢度食物款式已經唔算多，又話做放題，點知食完一個round就已經呢樣冇嗰樣冇🤣⋯⋯順帶一提，汽水🥤烏龍茶🧃啤酒🍺紅酒🍷白酒🥂同梅酒🥃係任飲嘅，最後每人仲有一杯雪糕！呢度環境同服務就正常嘅，收費每位$275+10%，三個人就九舊水鬆啲，可以食到10點！

嘩❣️好大條原條沙巴龍躉啊😻一直都好鍾意食烤魚🐟 今次約到同我一樣咁鐘意食烤魚嘅朋友去到大圍嘅漁品食烤魚二人餐～ 烤魚二人餐 ($398)包括烤原條沙巴龍躉🐟嗰度嘅龍躉來自馬來西亞東岸🇲🇾 我地二人餐條魚約1.5公斤重，已經好夠我哋兩個人食～湯底方面可選香辣味、酸菜味或蕃茄味，今次我哋揀咗蕃茄味，都有少少辣，但係好易入口唔算太辣🌶二人餐除咗油烤魚之外，都有稻庭烏冬同幾款小食～包括黃金炸魚皮、響鈴、炸芋頭，全部都好香口食唔停😻仲有蔬菜拼盤，雜菇拼盤或雜菜拼盤二選一～飲品方面🍹我地加咗$40升級杯裝梳打，只為見好大杯同打卡able🤣 我地簡咗紅柚荔枝梳打同藍柑白桃梳打～ 味道都算唔錯😋

近排食肉食多左想食下其他野，於是就經朋友介紹黎左大圍呢間漁品食下酸菜魚，轉換下口味，做好安心出行同埋量體溫就入座。由於依家疫情問題仲未解決，好多人出街食飯都擔心衛生問題，而呢間食店就提供左熱水鍋比客人清洗一下食用既餐具同埋碗筷，等客人可以食得更安心！咁我就同女友叫左烤魚二人餐，當中就有一條約1.5斤重既沙巴龍躉，仲可以揀香辣/酸菜/蕃茄味，我地就揀左酸菜味。當龍躉一上枱既時候都嚇一嚇，龍躉大條到差啲連個大鍋都裝唔住，試埋更加不得之了，龍躉肉質新鮮嫩滑，魚肉既甜味滿滿覆蓋住口腔，而且魚肉既份量相當之多，兩個人都差啲食唔晒，另外食魚最怕食到魚骨，但食呢條龍躉就無有怕，一黎魚骨唔多，二黎魚骨較為大條，一定唔怕哽親！除左條龍躉之外，酸菜魚湯同樣出色，湯底酸酸甜甜帶一點辣，味道夠濃，即使食其他配料都唔洗再點豉油。而且內裡仲包左好多配料，有薯仔片、蓮藕片、芽菜、豆腐等等，配料吸盡晒湯底既精華，普通既配料都變得不普通！套餐都仲包左其他食材，黃金魚皮夠晒香脆可口，而且蛋黃份量十足，就算空口食定浸湯再食都同樣出色。而我較為欣賞既就係響鈴同埋芋頭，響鈴捲得比較鬆散，當一浸湯既時候就可以令所有位置都沾濕而又