漁樂場

營業中

休息中

落咗荃灣行街順便喺附近搵啲嘢食下,朋友帶咗我去一間有串燒,有川菜,仲有live 唱歌表演嘅餐廳。漁樂場 地址喺荃灣眾安街55號大鴻輝中心6樓 ,上到去餐廳環境氣氛非常好,樓底高舞台大,空間感好足夠。惹味蒜香烤魚 328元烤魚賣相賣相真係勁吸引,面層鋪滿芫茜,芹菜,洋蔥,芝麻。魚肉份量真係好多肉質好嫩滑,江團魚肉味香濃,魚肉吸收咗香辣味味道好有層次。真係啖啖肉,好過癮。燒茄子一份 36元茄子加咗香蔥,蒜蓉,芝麻好入味,香噴噴入口熱辣辣。茄肉仲係好嫩滑juicy。翠玉瓜 13元翠玉瓜燒到有少少焦香,加少少辣粉味道又香辣又清爽。菠蘿的海一份 26元燒菠蘿賣相真係好吸引,燒香咗嘅菠蘿特別清甜, 味道酸甜多汁又解油膩感, 食串燒必點。孜然牛肉 5串 48元牛肉燒到啱啱好肉質仲好嫩滑,入口牛肉味香濃芝麻同辣味粉增添味道層次。超級水果茶 45元,水果茶油清涼又解渴,味道又香又甜特別開胃。德國小麥精釀啤酒500ml 68元,呢杯啤酒麥味好香,咁好嘅氣氛飲杯啤酒真係好relax。

呢間餐廳喺荃灣新開，因為屋企人鍾意食烤魚，所以帶咗佢哋嚟！估唔到仲有歌手live表演！氣氛真係chill爆！醬香烤魚（江團魚）魚肉鮮嫩多汁，外層烤至金黃酥脆，配上濃郁的醬料。每一口都能感受到魚肉的鮮味和醬料的香氣！值得一讚就係魚骨好大條沒有細骨，就算唔叻食魚嘅人都唔會驚哽親！紫菜響鈴紫菜的鮮香和響鈴的脆度完美結合，仲好索汁！孜然濕辣牛肉是一道充滿辛辣風味的美食。牛肉切成薄片，入味後用孜然製，散發出濃郁的香氣。每一片牛肉都帶著微辣的口感，加上孜然的香味！雞腎是一道口感爽脆的美食。雞腎肉質鮮嫩，羊架羊肉經過精心處理，烤至外焦內嫩，肉質鮮美多汁。每一口都能品味到羊肉的獨特風味和烤肉的香氣！串燒烤雞腿肉，炭烤香氣，肉質鮮嫩霸氣芒果（冰沙）感受到芒果的濃郁香甜，冰沙的口感清爽，給人帶來無限的涼意和滿足感。大大杯好抵飲。超級水果茶一款結合了多種新鮮水果的茶飲。它不僅感覺健康，唔算好甜，而且色彩繽紛，富含維生素和抗氧化劑，是一款健康又美味的飲品。

一連幾日假期梗係要約班朋友去行街食飯啦，今晚住荃灣嘅朋友仔介紹咗間新開嘅烤魚「漁樂場」一齊去飲返杯🍺食下串燒，餐廳啱啱新開大半個月，裝修十足十遊樂場咁，餐廳中央仲有個大螢幕同舞台，有駐場歌手唱歌，可以一路食飯一路聽歌，不得不讚佢唱得真係唔錯👍🏻價錢方面好抵食，飲埋酒人均都只係$300，I will be back😈醬香烤魚我地揀咗江團魚，魚肉嫩滑較少骨，食落啖啖肉，江團魚先煎過再上枱，會比較香口同入味，底下有萵筍、蓮藕、大豆芽，醬汁味道香濃，魚肉同配菜吸收晒醬汁嘅味道，又鮮又美味👍🏻店員非常貼心，會定時幫我地加湯同加火酒膏，一路keep住熱辣辣，越煲越入味🉐孜然牛肉牛肉軟腍嫩口，上枱時大概7成熟，如果怕生嘅可以放上鐵板上加熱一下，上面灑上孜然粉，辣辣地非常香口惹味黑椒豬頸肉肉質鬆軟腍身，濃濃嘅黑椒味香氣撲鼻，火候控制得剛剛好，一啲都唔乾，送啤酒一流燒茄子食串燒必點嘅燒茄子，上面鋪上大量蒜蓉同辣椒，茄子燒得軟綿綿，又軟又腍，個個都爭住食😆海蝦必點👍🏻一碟4隻只係$40，食得出隻蝦非常新鮮，炭燒後肉質依然保持爽口彈牙，加上蝦頭香濃嘅蝦膏，鮮甜無比🉐碳酸蜜瓜精釀啤酒好適合女仔飲嘅啤酒，蜜瓜味

Live band 質素未夠班，無氣氛，但叫做比個機會年輕人。價錢貴，食串燒傾場好似食翻熱食物咁～新鮮燒嘅食物會加好厚嘅汁，為何？一條魚嘅份量等於其他地方嘅1/2。自己諗。

中秋節唔想食傳統中菜咁普通但又要就屋企人？食呢間新開嘅川菜 又有live聽就啱晒啦一上到去就見到紅色嘅牆襯上燈泡仲有霓虹燈同埋歌聲 好有歌舞廳嘅感覺入面樓底好高 有一個大嘅舞台、LED、2面吧台空間好大 坐得好舒服Live嘅歌單有新有舊 仲可以點歌餐牌有烤魚、東北串燒、港式炭烤、海鮮好啱一班人gathering share食必食烤魚 因為老人家唔食得太辣所以揀咗唔辣嘅秘制醬香烤魚 要咗江團魚 江團係四川一款名貴嘅魚種 用烤嘅方式嚟整味道一流上枱烤多5分鐘 湯滾起就食得隱藏喺大量芫荽、西芹下面 魚嘅份量都好多魚肉肉質鮮嫩可口 入口魚香湧晒出嚟掛起嘅湯汁香濃 但又唔會完全蓋過魚肉嘅鮮味魚骨大塊 對於唔擅長食魚嘅朋友可以話係恩物因為湯底較濃 staff會幫手加湯 令佢維持喺適當嘅濃度配菜有蓮藕、萵筍、大豆芽 吸滿湯汁好食👍🏻濕辣牛肉要咗孜然味牛肉嫩紅 唔會過熟 食落去好滑如果怕生嘅朋友都可以放喺枱上面個爐烘一烘佢串燒試咗羊肉串、五花腩、魷魚鬚烤得好香 羊肉唔會臊 加咗孜然粉帶起肉香五花腩肥瘦參半 口感非常好魷魚鬚有5串 彈牙爽口碳酸青瓜精釀啤酒好特別嘅口味青瓜味道好freshMix埋啤酒好解

新店開張去試下新野，一入到去給睇前情境。震懾,我啲朋友都睇到嘩嘩聽，空間感，氣氛一流，6點幾去到已有註場歌手唱歌。坐低點野食，點了烤魚和其他串燒，想點水果茶，但比氣氛吸引下點了精釀啤酒，淡淡的，很易入口，點了個藤椒烤魚，好厚肉，很香，不太辣，串燒必推介的濕辣牛肉，很嫩滑，$48五串，很低食，所以追加了兩次一邊聽歌，一邊吃串燒，一流享受好像晚上10點後可以點歌上台唱，但我們10點前走了，留番下次必定會再帶朋友去，佢地一定響香港小見咁正的地方

視覺感受:走進「漁樂場」，首先映入眼簾的是一個充滿活力的用餐環境。鮮豔的紅色裝潢營造出熱情奔放的氛圍，讓人忍不住期待即將品嚐的美食。餐桌上擺滿了各種色彩鮮豔的川菜和串燒，令人垂涎欲滴。此外，廚師在開放式廚房中熟練地翻炒和燒烤食材，散發出誘人的香氣，讓人食指大動。聽覺感受:在「漁樂場」，你可以聽到熱鬧的談笑聲和炸鍋的聲音。當炒菜鍋和燒烤爐發出噼啪聲時，你可以感受到食物正以高溫被烹調成美味的節奏。這種聲音讓人心情愉悅，期待著即將上桌的美食。嗅覺感受:一踏進「漁樂場」，你就會被四川川菜和串燒的誘人香氣所包圍。辣椒和各種香料的香味混合在一起，讓人嗅到一股濃郁的辣味和麻味。這種香氣充滿了餐廳的每個角落，讓人胃口大開，迫不及待地想品嚐這些美食。味覺感受:讓我們開始一場四川川菜和串燒的味蕾之旅吧！第一口尝试的是麻辣雞翅，外脆內嫩，辣味和麻味完美融合，帶來一種舌尖上的刺激感。接著，我品嚐了一塊烤魚片，魚肉鮮嫩多汁，配上四川特色的豆瓣醬，酸辣鮮美的味道在口中綻放。而串燒部分更是令人驚艷，烤得金黃酥脆的牛肉串，咬下去肉汁四溢，口感鮮嫩，入口即化。每一道菜都帶來不同的味覺享受，讓人回味無窮。觸覺感受:最後，