漁樂場

營業中

休息中

漁樂場位於荃灣美食林立嘅大鴻輝中心裡面，一出lift口就已經感受到呢間餐廳好有氣氛，呢到裝修最大嘅特色就係想令客人覺得自己彷彿置身於五光十色嘅娛樂場入面！另外呢到仲設有Live Band表演，將成個Chill嘅氣氛再昇華咗，好啱同朋友或者伴侶好好咁享受食飯嘅美好時光～招牌香辣烤魚 (江團魚)💰HK$328烤魚超大條，江團魚外面燒到有少少焦香，入面肉質新鮮嫩滑，重點係冇乜碎骨！至於烤魚嘅辣度，雖然望落去個顏色令人覺得好似好辣咁，但食落去又唔係太辣，用來配搭烤魚真係令人回味無窮～孜然味濕辣牛肉(5串)💰HK$48呢到嘅招牌菜之一，有四種口味！我哋簡咗孜然味，牛肉鮮嫩多汁，啖啖都係牛肉嘅鮮味～燒大大茄子💰HK$36呢到嘅燒茄子同平時食嘅唔同，主要係用滿滿嘅蒜蓉來調味，茄子肉燒到軟綿綿，即使本身冇落到孜然粉去調味，茄子都依然咁惹味啊～豚肉韮菜花卷💰HK$18豚肉表面燒到好香脆，入面嘅韮菜咬落去有汁，整體口感係爽口得來保留到juicy，估唔到豚肉片同韮菜都可以咁夾～雞腎(2串)💰HK$28雞腎用咗孜然粉同辣粉調味，口感偏爽脆！ 餐廳亦設有好窩心嘅串燒爐，令啲串燒保持溫度，等客人可以安心慢慢品嘗串

荃灣出名多野食，但住喺荃灣嘅朋友就介紹我試下呢間餐廳，因為個氣氛好好，同有live band。我好少去呢類餐廳，所以見今晚有時間就試試，估唔到真係有驚喜❤️一入到餐廳，已經同我平時食開嘅餐廳好唔同，成件事懷舊得嚟又唔老土，座位亦寬敞👍🏻我地點左串燒同烤魚餐廳有個細心位，就係有個爐熱住，咁啲串燒就唔會凍，讚👍🏻第一份食物係濕辣牛肉，我地揀左孜然味。同平時食開嘅串燒唔同，濕濕地，而孜然粉一啲都唔吝嗇，所以好夠味。另外，仲有串燒魷魚鬚，豚肉韮菜卷同羊肉串，本人大推魷魚鬚，入味又唔靭❤️另外 豚肉韮菜卷亦都配搭得好👍🏻食食吓，主角上場🎉藤椒江團烤魚🐟烤魚有好多配料，多青椒多藤椒，仲有好多我鍾意嘅芫荽，好加分👍🏻👍🏻👍🏻江團魚啖啖魚，食落都有濃郁青花椒油，而且唔太辣，食到小辣嘅朋友可以試呢款，食得辣嘅朋友，可能會覺得唔夠過癮。川粉同烤魚兩個配搭亦都無懈可擊❤️食住烤魚串燒，飲住啤酒聽人唱歌，原來真係幾好feel👍🏻👍🏻👍🏻我地食到九點半，臨款仲見到啲職員派應援棒，個安排又真係幾好👍🏻

今日黎左荃灣一間有live band既餐廳，一行到入去就覺得好有特色，五光十色的燈光好有氣氛，估唔到喺荃灣有一間咁特別既餐廳，一間將餐廳同酒吧元素結合，融合左兩者既氛圍，黎到可以chill住食餐飯又有live band聽☺️岩晒Happy Friday。菜單上嘅選擇都唔少，直接叫職員推薦菜式比我地。🍴招牌香辣烤魚（江團）職員話江團（較細但厚肉）同黔魚（大條但薄肉），所以我地揀左江團黎試。魚既外皮烤到脆卜卜好掛湯，個皮真係一定要食，一咬果下啲魚油出晒黎，加上濃郁既香辣湯底，好惹味，又唔會覺得油膩，魚肉仲係好嫩滑，啖啖肉之餘又冇細骨。配料方面有萵筍片、蓮藕片、香菇，會越煮越入味，所以建議遲啲先食😌🍴 濕辣牛肉（孜然味）牛肉烤完都仲嫩滑既口感，孜然味好香帶小小辣味，食完5串感覺唔夠喉🍴差點失傳的豆腐串呢個大推‼️豆腐烤到外皮小小脆，入面仲係軟淋淋，吸左啲鹹鹹甜甜既醬汁👍🏻🍴燒大大茄子茄子同個名一樣🤣大大份，鋪滿蒜蓉，每食一啖都有蒜香🍴 三絲炒米粉幾有驚喜😍 炒得好香，配菜加埋有不同口感，味道岩岩好🍴手打鴨屎香檸檬茶最近愛上左鴨屎香檸檬茶，覺得比一般檸檬茶多左浸香味，飲落更加清爽同埋解膩🍴超級水果

今日同老公去荃灣行街，晚飯時間佢就帶我去食烤魚串燒。餐廳好大，環境勁有娛樂場feel，五光十色。七點鐘仲有live band show，好有氣氛。餐牌種類都OK喎，有5款口味烤魚、唔同風味嘅串燒同伴酒小食，另有仲有酒同無酒精飲品，我哋樣樣都叫D。蒜香烤魚：揀左江團魚，魚新鮮，呢款魚無咁多骨，肉質比較質嫩。烤魚先炸後烤，魚皮炸到好香。配菜表有荽茜同洋蔥，墊底有芽菜、蓮藕同萵筍等。蒜味又濃又香，唔辣，入口啖啖肉，配菜同魚都吸晒D汁，越食越惹味。濕辣牛肉(5串)：有4款味道，我哋揀左香辣味。牛肉切得薄薄多汁，辣味剛好，唔算太辣，幾好食。燒魷魚鬚(5串)及黑椒豬頸肉(2串)：串燒燒到剛剛好，唔會好乾，帶少少肉汁，送酒啱晒。燒茄子：大大份，茄子燒得淋，上面鋪滿蒜蓉，啖啖蒜蓉味，好香，我幾鐘意呢個。啤酒：老公叫左個stella啤酒，佢話呢款啤酒麥比較香，有好淡嘅甜味唔會好苦，泡沫細細，佢鐘意呢個品牌。超級水果茶：夠大杯，生果有西瓜、哈密瓜、菠蘿同藍莓等，另有仲有D青檸仔，果汁係百香果汁，甜甜地，幾好飲。

Stella（$78/500ml）大大杯飲成晚都得！仲有現場歌手超好feel！霸氣芒果（冰沙）真材實料仲可以少甜！羊肉串（2串）和鮮磨山葵牛肉（5串）羊肉串口感嫩滑，肉汁鮮美。鮮磨山葵牛肉則是融合了牛肉的鮮嫩和山葵的辛辣，竟然同牛肉好夾！而且牛肉充滿牛肉味係貴嘢！惹味蒜香烤魚（不辣）是一道令人嘴角生津的中式美食。江團魚小骨！而且又大條肉鮮嫩多汁，外焦內嫩，散發出誘人的蒜香味和金沙骨表面甜甜地，而且唔乾！豬肉的鮮美。燒雞腎雞腎的質地爽口得來，又柔軟細嫩，口感豐富，入口即化，帶來愉悅的咀嚼體驗。而且餐廳仲好貼心俾個爐仔我哋令到串燒保持溫度！最值得因責任就係餐廳人手幾足夠，而且服務態度好好！不斷幫我哋加湯！

首先，我地想試吓串燒，第一樣叫係牛胸油，呢款平時好少有得食㗎，五串嘅份量足夠，每一串烤得剛剛好，外層微焦，內裡肥膏咬落咇曬出出黎。🥩🫓🔥再試啲魷魚須，味道濃郁，口感鮮甜而有嚼勁，另外，羊架肉質鮮嫩，烤得恰到好處，此外，孜然牛肉調味夠惹味，牛肉咬落不會鞋。🦑🐑🥩之後就到主菜，皇牌藤椒江團烤魚，湯底麻辣濃郁，帶出爽麻嘅風味，搭配新鮮嘅江團魚，好大條，魚肉嫩滑肥美，吸收曬湯嘅精華，非常美味。🐟🎣🐠有啲口渴就於是點左超級水果茶，冰涼爽口，裡面嘅新鮮水果粒令層次更加豐富。接著，朋友點左碳酸蜜瓜精釀啤酒，清新嘅氣泡搭配蜜瓜風味，酒香四溢。🍈😁😌

【我食左啲乜】揮手區貴到離譜😰我唔需要Live  band! 我只想食得飽條魚四個人分，每人得嗰幾啖肉，望落以為好大盆。之後係咁叫串燒，貴都照叫😖你睇吓塊土豆片，薄到薯片咁樣， 3塊收你$20。一條蟹柳$18，等等… 豆腐好食，同埋因為份量少、唔飽，搶下搶下特別好食，貴！但唔飽！全部串燒廚房燒好晒擺上去個盤到俾你，叫做微溫暖住（其實無用）啤酒唔特別新鮮，無特別。我淨係知貴但食完唔飽。我知呢個場係sell live Band，有兩個註場歌手，9:00pm員工會派燈棒俾你fing，10:15pm打後俾所有客download 個app點歌自己上台唱，一台有5首可以點，但我怕醜唔敢。所以去嚟唔知做乜。如果去正經齋食嘢既餐廳可以都唔洗咁貴。

喺香港呢種繁忙嘅都市角落裡面，想搵一間又可以滿足味蕾又有娛樂嘅餐廳唔係咁容易。漁樂場，一間將餐廳同酒吧元素結合得宜嘅熱鬧地方，完美地融合咗兩者嘅氛圍。一行入門口，就能感受到漁樂場的特色——熱情但又唔係喧囂。嚟到呢度，晚飯唔再係單純嘅食物，而係一場視覺同味覺嘅盛宴。菜單上嘅選擇多，我地就揀左啲推薦嘅菜式試下。首先係烤孜然牛肉，牛肉烤出肉香又保持到細嫩質感同口感，孜然嘅香味立刻就喚醒咗牛肉嘅風味，作為開胃菜十分適合。至於主菜皇牌藤椒烤魚，就係味蕾嘅另一場冒險。新鮮嘅魚配上蓮藕、荽茜、藤椒、洋蔥、芽菜同花椒，喺味道上都層次分明、細膩精緻。每一啖都係對味覺嘅一次新嘗試，加上小辣嘅辣度帶住輕微嘅麻，刺激而又不失平衡。當然，啤酒喺呢種氣氛中差不多係必備嘅。凍啤酒同菜式嘅搭配，俾咗個放鬆夜晚嘅理由。Stella Artois有著麥香仲帶有少少甜味，啤酒泡沫細緻，食一啖串燒再灌一啖啤酒真係絕配。特飲百香果四季春就係一款外型同味道都吸引人嘅選擇。呢款飲品酸甜適中，百香果嘅香氣同四季春茶嘅清新混合，非常醒胃。講到串燒，漁樂場都有相當唔錯嘅表現。魷魚彈牙鮮美黑椒豬頸肉嘅風味同五花腩嘅豐潤油脂香，喺炭火嘅烤制

同移民朋友約係荃灣食飯,朋友search到呢間餐廳覺得環境唔錯, 主打烤魚同串燒,就試下佢😌一入去係有d surprise, 無唸過食烤魚既餐廳氣氛係甘樣,裝修新得黎又有d歌舞廳feel, 樓底高好有空間感, 仲有live band 氣氛好好💃🏻🕺🏻食物方面：🍽️ 藤椒烤魚烤魚揀左藤椒味, 賣相好唔錯, 鋪滿青椒,洋蔥同芫茜...至於味道方面,成條魚既面都有煎香, 煎香既魚皮帶少少韌度,吸曬d湯汁,非常惹味,魚肉滑溜👍🏻烤魚有跟埋碟炸腐皮,如果係腐竹仲正烤魚底本身有d配料,蓮藕,萵筍等等...我地食曬d配料唔夠喉,所以加左個拼盤...係拼盤入面竟然有樣未食過又未見過既食物, ’花生芽’😆 除左烤魚,仲叫左d串燒🍽️濕辣牛肉濕潤既串燒真係比較少見, 香料十足, 嫩口juicy, 唔錯, 其他串燒調味都👌🏻, 燒得夠焦香🥰再有下次既餐廳! 十分推介🍻

漁樂場今次要介紹荃灣一間新開有Live Show、又有烤魚食、又有串燒食、又有酒飲嘅馬戲團風格嘅餐廳，會有駐場歌手表演，我果晚係 @regent560 駐場唱歌表演，氣氛超好！1.藤椒烤魚（江團）$328（10/10）呢條江團魚好新鮮好大條，肉質嫩滑少骨，揀咗藤椒無咁辣，食得辣可以揀香辣口味，店員提醒我等8分鐘先食就更加入味，除咗烤魚仲加入粗身芽菜、蓮藕、酸菜、芫茜、紫洋蔥 、藤椒、胡椒等，味道濃郁又唔會口渴，好正！2.濕辣牛肉（香辣）$48/5串（10/10）呢個濕辣牛肉串係佢哋招牌菜，揀咗香辣唔算好辣，如果食唔慣太生可以放上爐燒一燒，口感一樣嫩滑多汁！3.青椒釀蝦滑$18（9/10）呢串青椒釀蝦滑個蝦滑好彈牙，青椒唔夠厚身，得一層青椒皮，一串有3舊！4.燒羊架$38/支（9/10）呢個燒羊架燒到外脆內嫩，肉質鮮唔韌唔羶，不過唔夠多肉，少肉骨大！5.茄子$36/份（10/10）呢舊茄子好大舊，茄子上鋪滿蒜蓉，每一啖都食到蒜香味！6.霸氣芒果（冰沙）$45（10/10）呢杯芒果沙冰芒果味濃郁，飲落口感清爽，份量算大杯！7.Hoegaarden 500ml $88（10/10）一路飲，一

天氣開始轉凍，當然就係去返啲人氣旺嘅餐廳到暖下身，俾我搵到呢一間喺香港應該絕無僅有嘅烤魚餐廳，點解咁講？試問香港邊一間餐廳係會有酒飲、有嘢食、有歌聽、仲要有波睇？真係講得出都有，勁誇張。我同另一半夜晚8點鐘就到咗，因為坐高枱嘅關係所以就唔使等位，一入到去就已經有駐場band隊喺到搞暖個場成場一齊「愛我啤酒」，氣氛超好🤣。唱完就開始點菜，我地就嗌咗：1） 皇牌藤椒烤江團魚 🤩🤩🤩🤩🤩/🤩🤩🤩🤩🤩2） 鮮磨山葵牛肉（5串） 🤩🤩🤩🤩🤩/🤩🤩🤩🤩🤩3） 魷魚須（5串） 🤩🤩🤩🤩/🤩🤩🤩🤩🤩4） 燒大大茄子 🤩🤩🤩🤩🤩/🤩🤩🤩🤩🤩5） 差點失傳的豆腐串（2串） 🤩🤩🤩🤩🤩/🤩🤩🤩🤩🤩6） 爆檸西西茶 🤩🤩🤩🤩🤩/🤩🤩🤩🤩🤩7） Hoegaarden 🤩🤩🤩🤩🤩/🤩🤩🤩🤩🤩呢到主菜係食烤魚，我地就嗌咗招牌菜烤魚，真係好重麻香味，配埋佢地呢杯爆檸西西茶同Hoegaarden真係愈食愈惹味，杯爆檸西西茶比內地所有嘅茶飲店都出色，仲要有滿滿嘅西柚肉，我地兩個人輕鬆將成條魚K.O.。之後就到串燒環節，我地嗌咗魷魚須、鮮磨山葵牛肉、茄子同豆腐串，特別係山葵牛肉配上山葵嘅攻鼻感，反而食到另一種好似奶香嘅味道

第二次黎呢間餐廳會再去第三次👍🏼環境個feel好正👍🏼又有人唱歌冇人唱既時候又會播歌個氣氛真係好正如果多人可以預早book房有得唱k嗌咗烤魚再加d串燒同酒

今晚和朋友去左荃灣眾安街大鴻輝(荃灣)中心6樓一間叫漁樂場的店吃烤魚和串燒，吃得開心。現場有歌手唱歌，又可點歌，玩得盡興。店裝潢以拉斯維加斯娛樂場為設計藍本，有好多五光十色的打卡位，座位舒適，服務好。我們選了香辣江團魚，條烤魚份量足，魚肉鮮嫩多汁，外層烤到又香又酥脆，配埋香辣濃郁的醬料令人胃口大開，正! 魚骨唔多，易食。配菜都好豐富有風味。孜然濕辣牛肉有濃郁香味，牛肉味道濃，好食。其他串燒都香辣有特色。黃喉小串有咬口，送酒一流。黑椒豬頸肉好惹味。朋友最愛吃魷魚須。超級水果茶清新好味，朋友鐘意飲Stella啤酒配串燒。下次約多幾個朋友再來chill下，開開心心又一晚。

朋友生日飯話想食烤魚 ， 見到呢間op訂座有9折就試試。一踏入呢間餐廳真係嘩嘩聲 😳 裝修落重本！單係環境燈光已經無得輸！由7點至10點有live band唱歌，D歌好岩聽， beyond 、dear jean 、 mc 、台灣歌、英文歌等…仲唱得好好聽添呀🤩 大概去到九點半左右員工開始向每一台派螢光棒， 客人甚至可以上去舞台唱k🎤🎶成晚一路聽歌一路食嘢真係超hyper 🎸🎶覺得自己好似去咗演唱會咁，超正！💃💃食物方面，揀咗秘製醬烤魚江團魚🐟啖啖肉無細骨，醬汁香濃好入味！ 另外再叫咗一些小食，蒜香燒生蠔、蒜蓉粉絲元貝同埋幾款串燒等…食完烤魚就可以加湯叫配菜用嚟打邊爐～ 飲品叫咗近期內地好興嘅鴨屎檸檬茶，香茅味較重。鐘意聽歌有氣氛超推介過嚟～真係會比個度環境令到你唔捨得走 ～

我試咗一間裝修一流 食物唔錯嘅餐廳山城毛血旺烤魚（江團魚）魚肉鮮嫩多汁，夾埋啲毛肚同血旺湯底，真係味道豐富！湯底麻麻辣辣咁，好開胃，令人食到停唔到口。入面仲有萵筍、菇同蓮藕等蔬菜，增加咗啲口感豐富嘅層次魷魚須都係一定要試嘅！魷魚燒得恰到好處，惹味嫩滑，仲留有魷魚嘅鮮甜味道👍🏻👍🏻黑椒豬頸肉豬頸肉肉質嫩滑，每一口都有濃郁嘅黑椒味道，好開胃！羊肉串兩串羊肉烤得恰到好處，肉質嫩滑，配上孜然粉，入口鮮香同唔會帶有羶味香辣濕辣牛肉串五串牛肉肉質鮮嫩多汁，撈埋香辣醬汁，辣度十足，配合牛肉嘅鮮甜味道，真係一絕！另外我哋試咗碳酸蜜瓜精釀啤酒清新嘅蜜瓜味道同微微嘅碳酸感，帶出啤酒嘅風味，飲落爽口 蜜瓜味濃。手打鴨屎香檸檬茶我哋第一次飲 香水檸檬嘅味道令人驚艷🥰🥰🥰 鴨屎香同香水檸檬嘅結合，帶出一種獨特嘅香味，未試過一定試👍🏻👍🏻唔止咁，呢間餐廳嘅裝修都好別緻，特別嘅燈飾製造打卡點。餐廳內嘅燈光設計精緻，每個角落都有不同風格嘅燈飾，營造出浪漫同遊樂場嘅氛圍，同時都係一個無得頂嘅打卡場所。呢間餐廳嘅菜色同串燒都好多樣化，可以一邊享受美食，一邊欣賞臺上嘅唱歌表現，呢間餐廳絕對值得一試！🎊😻😻