漁樂鍋 (已結業)

今日做完野係紅磡周圍行，本來諗搭西鐵走，跟住突然見到呢間餐廳.之前係朋友度都有聽過，今日咁岩見到就走左入去試下。一入去可能我地都比較早，所以唔洗等都已經有位。前菜根據餐廳職員講呢個前菜係自家製的，入口都幾惹味海鮮我地叫左個海鮮套餐都唔錯，海鮮都幾生猛雞骨丸雞骨丸粒粒都係真材實料都係師傅親手打，粒粒入口夠晒彈牙，一啲都唔會粉，仲好多肉汁，餐廳果然係手打，一啲都無花假手切牛肉牛肉最重要嘅一點係唔好煮太耐，入口就會保持嫩滑，餐廳呢碟手切牛肉入口夠晒肉味，而且份量十足，又唔會太肥。二個人食到飽晒，真係好滿足，絕對值得再黎

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過打邊爐198套餐係門口就見到個198套餐，於是叫左個198套餐，不過發現呢個真係值得試下，所有野係用新鮮料，好似鮑魚呢啲都有得食，都幾令人驚喜，入口夠鮮味，煮完口感依然都唔錯，真係一個幾令人開心。牛肉呢度嘅牛肉都真係幾有心思，夠份量唔再講，重點係牛肉嘅肉味好夠，又唔會入口好多肥膏餐廳嘅火鍋都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得。

係紅磡放工選擇真係多，本來諗住食老麥，跟住突然發現餐廳，見到餐牌啲價錢好似都ok，係openrice睇左一陣，最終決定去呢間餐廳，地方都算幾大，但員工好有熱心招呼我地，都幾貼心海鮮198套餐店員強烈推薦我地叫個海鮮198套餐食下，不過上枱之後我地都發現個海鮮198套餐真係好唔錯下，店員話海鮮198套餐用嘅海鮮，係新鮮海鮮黎架，入口鮮味真係好足下夠晒份量，入口都真係唔錯，最後底仲可以食埋。牛肉呢度嘅西班牙豚肉雖然係冷藏貨，不過都真係有啲意思，份量足之餘，師傅係晚市前會預先解凍架,真係都幾貼心,等客人叫嘅時候，入口唔會有雪味貼心嘅服務再加埋唔錯嘅食物,餐廳都值得再食下

雞煲係我既至愛,真係日日食都唔怕,今日同左阿妹去黃埔睇戲,睇完戲再search 下付近有咩雞煲食,見到間唔係太貴既雞煲拿拿淋行過去試下先~~~yeah ,勁香喎,D香味好遠都聞到,唔入黎都對唔住自己成煲雞勁多,仲要用鮮雞,口感勁正件件雞都入晒味~~~洋蔥好爽口牛肉粒都幾靚,唔會太肥,好多肉汁'雲吞好大粒,皮都唔易爛....蝦好彈牙, 我每次都會牛餐肉,好好味~~~~魚皮餃都唔錯魚皮比較細塊,但都好脆~~~~

之前同屋企人泥過食一次，已經讚口不絕，回味無窮一路都想再返尋味，咁岩有機會，大家都好樂意再食返呢間既打邊爐，今日係閒日所以無咁多人，不用等都已經有位，幸運😎好快坐低服務人員已經泥招呼我地食咩，我地緊係即刻Oder 食海龍皇餐啦，上次食過一次，我地今次更加食得得心應手，知道海鮮幾耐就食得，今次既海鮮有花蟹，海蝦，鮑魚，蜆，貴妃蚌同龍躉魚片。新鮮依然，蜆無沙，樣樣海鮮都洗得好乾淨企理。大滿意！今次我地再多人食，所以都無話跟次序泥食嚕，反正大家自由發揮吧，哈哈，今次5款配料我地揀左鮮雞，手打墨丸，韭菜餃，火鍋必食午餐肉😂豚肉同雲吞，份量絕對夠哂我地食，我地將雞留到最後煲粥先落，試下整雞粥😂我地清哂枱面煲既食物，就叫服務生俾栗米南瓜芋頭我地煲淋。再加入雞件煲，最後加香菜蔥花調味，原本粥底已經有海鮮既鮮味再加入雞件，絕對好味非常，大家可以試下真係👍🏻食到全煲清。最後仲有埋我最鐘意既紅豆沙作結尾簡直大滿足，很少食店會包埋甜品，呢到已經加分！總結還是會有第三次😂食上引呢！

紅磡抵食嘅海鮮粥底邊爐🍲價錢OK座位又闊落👍🏻海龍皇鍋 (HKD 198)套餐有7款海鮮+5款自選配料+3款蔬菜+2款餐前小食+ 重點嘅順德粥+甜品一開始男朋友仲驚唔夠食，點知最後飽到連甜品都食唔落😂海鮮有7款：魚🐟 /蝦🦐 /蟹🦀 /大蜆 /沙白 /貴妃蚌 /鮑魚🦐蝦好新鮮係咁跳跳紮😂 大蜆同沙白完全冇沙✨其他海鮮都鮮甜😋教埋要煮嘅時間👍🏻配料我地簡左肥牛/ 雞肉/ 手打墨魚丸/ 午餐肉/ 娃娃菜手打墨魚丸幾彈牙☺️最後店員姐姐將南瓜粒、芧頭粒& 🌽粟米粒加入粥一齊煮🍲 真係好好食🤤原本已經飽嘅我地都食哂啲粥🤗

自從上個月嚟咗呢度食粥底海鮮火鍋之後，老婆就念念不忘，不停遊說我要再黎食，終於，今日就答應左再同老婆和家人再次幫襯了。坐低冇耐，粥底同埋分量十足嘅海鮮就送到面前了，除咗分量十足，海鮮都十分新鮮，貝殼類冇沙，個個都顧住剝殼食蟹、食蝦，好快我哋就清空左d海鮮，哈哈食完海鮮，自選五樣火鍋配料亦都立即送到枱面，墨魚丸爽口彈牙，豚肉本人十分欣賞，肉質唔鞋口，好味食完所有火鍋配料，當然要食埋個精華粥底喇，粟米、芋頭粒、南瓜粒加上粥膽，食落鮮甜，個個都食咗兩至三碗，最後我哋係全部清晒。食完粥，仲有個紅豆沙甜品送超飽、超滿足總結，呢度嘅海鮮粥底火鍋$198冇加一，超抵食，分量足， 店員服務態度好，坐得亦都十分舒適，其實唔洗老婆叫，我都一定會再嚟。

今日係poly聽完talk，就孖住朋友去紅磡食dinner喇，好耐冇去紅磡，其實都唔知有咩食。出poly行到天橋嘅盡頭落去就開始搵嘢食喇，行幾步見到一間火鍋店，$198全包打邊爐，好似好吸引喎，就入去食呢間啦。店員好熱情咁招呼我哋入去坐，兩個人坐四個人嘅卡位呀，好闊落，成張枱好大，可以隨便擺嘢，勁舒服睇睇餐牌先，$198海龍王鍋，成個餐好豐富呀！有好多海鮮，又可以自選打邊爐配料，就叫呢個餐十下十下啦原來除咗$198全包打邊爐之外，仲可以散叫打邊爐㗎。見到門口有個大牌食雞煲，其實都好吸引，不過兩個人食唔到咁多嘢，唯有下次先叫啦張打邊爐仔都好多野食，下次一定試 檯面有包濕紙巾，非常貼心！對於呢包濕紙巾，小妹真係感激不盡！ 事緣係咁嘅，小妹非常粗心大意，唔小心倒瀉成碗豉油，成身都係，灰爆好彩有呢包濕紙巾咋！！可以即時係咁抹店員都非常之好 ，第一時間有兩個店員幫我抹枱抹櫈，又抹埋地下真係好唔好意思！！要好多謝啲店員黎幫我，如果唔係真係拿手唔成勢非常感激店員，超好服務，唔該曬 ！！一嚟就有兩碟餐前小食。食主食前先食下小菜，好開胃呢除咗豉油之外，仲有六款調味醬料，任添加，調返啱自己嘅醬料先一嚟就有

之前都同一班朋友去其他地方食海鮮火鍋，但價錢偏貴，而且份量唔夠。今次 聽到其他朋友介紹紅磡嗰間好食而且抵食嘅海鮮火鍋，於是一班朋友去試吓啦。每人先198 ,就可以食海鮮火鍋，仲要係好多款海鮮！首先餐廳都好細心，寫明晒每樣海鮮需要淥熟嘅時間，所以全部都煮得啱啱好！每款海鮮都非常新鮮，上菜時亦都有冰浸住確保佢保持新鮮。除咗海鮮之外我哋叫咗其他嘅海鮮配料，例如豆腐花膠粟米等等。我哋叫到成枱嘢食，個個都捧住個肚走。每人埋單都係二百幾蚊咋！咁抵食嘅海鮮喺邊度搵？一定會再encore

台灣朋友飛過黎睇演唱會, 當然要約見面食飯啦, 由於佢行程緊湊只能夠係紅磡附近食, 上網睇到呢間”漁樂鍋”有粥底海鮮火鍋, 就帶朋友去試新野喇~ 訂左枱到達後唔洗等位, 侍應安排入座後介紹有咩野食可以選擇, 而我地目標明確揀左”海龍皇鍋”套餐, 套餐有 (1) 餐前小食 (2)粥底 (3) 7款時令海鮮 (4)自選5款配料 (5)滋味蔬菜 (6)甜品餐前小食- 係麻辣土豆絲同甜甜地既芋條, 好香口海鮮- 每款都新鮮而且洗得乾淨, 店家亦好貼心係餐紙上列明每款海鮮要煮幾耐, 唔洗驚過熟自選5款配料- 我地揀左比較小有既花膠 , 肥牛, 墨魚丸, 鮮淮山同響鈴, 水準以上!粥底+滋味蔬菜- 食野其他食物之後, 通知店員佢就會拎d蔬菜同配菜黎幫食客煮個粥, 個粥吸收哂海鮮精華, 食落去好鮮甜, 所以好飽都食哂佢~

一班朋友仔去左食粥底火鍋，之前試過其他地方粥底火鍋，感覺唔錯，所以有興趣再食。我地叫左一個套餐，包左人頭份量嘅蟹、蝦、魚、蚌、蜆等海鮮，之後仲可揀5款配量，每人198，覺得份量啱啱好～～而且海鮮都好新鮮生猛。

朋友同我都鐘意粥底邊爐，有一段時間冇食，所以我地約左來呢間漁樂鍋試試，呢度位置都好方便我地，坐地鐵就來到。8點鐘好full下，可能因為天氣都涼少少咁多，所以多人打邊爐。呢度主要食火鍋，我見門口餐牌show左雞煲，都差D受誘惑，好想食。粥底鍋價錢好抵食，每人二百蚊都唔洗，包埋前菜、七樣海鮮、五樣配料，仲有蔬菜同粥底，飽到上心口，唔怪得D人話性價比高。仲要俾我地見到枱面上有tissue同濕紙巾，正前菜兩小碟粥水花蟹都好大隻，啖啖肉架蝦係好新鮮，所以可以見到有個煲蓋給住，仲會跳出來除左蟹、蝦，仲有另外五款海鮮呀，有蚌、沙白、蜆、鮑魚，夠哂睇頭鮑魚好大隻，又爽；兩隻蚌都好大隻，洗得乾淨，好鮮甜架；魚肉都好有彈性！墨魚丸係手打架，每人有3粒，都幾彈牙雲吞都係細細粒，有蝦肉明顯，淥一陣食得。魚皮餃都係每次火鍋必定食！雞骨丸好新奇，幾爽脆美國肥牛唔差架，都幾有牛味，又夠lum。響鈴粥底配埋南瓜、芋頭、粟米，加埋粥底，食左兩大碗，好正

鐘意食火鍋，都有唔同形式，有麻辣、海鮮、主打牛的，仲有唔少人都喜歡嘅粥底火鍋，食過嘅粥底鍋就唔多，一張手掌數得哂，其中有間印象特別好，亦經常回訪。今後可以加埋呢間漁樂鍋入去名單中，有機會喺呢邊，都會再訪。漁樂鍋位於紅磡灣中心地下，鄰近黃埔站，十分方便。餐廳裝潢光猛，一律卡座，十分舒適，唯冷氣唔係好夠平日晚上八成滿座，我地一行四人一早預約，店員好快安排好位置，我地都有再仔細睇過餐牌，最終都係選擇最抵食嘅「海龍皇套餐」，即係我地都好鐘意嘅粥底鍋，定價$198/位，包括7款時令海鮮、5款自選配料、2款餐前小食、粥底配料、粥底，仲冇收加一、醬油。餐前小食粥水待滾起之後，可以先淥海鮮，餐紙上有列明各款海鮮嘅烹煮時間，可以作為參考。7款海鮮：花蟹、鮮蝦、鮑魚、貴妃蚌、象拔蚌、沙白、魚海鮮按人頭份量，花蟹兩大隻，有少少膏，所以粥底都會好鮮味，我地睇住時間，大約煮左十分鐘。鮮蝦生蝦咁跳，用個煲蓋蓋住，食落爽口彈牙另外其他海鮮會一整盤上，睇落都幾吸引，擺放整齊。貴妃蚌好大隻，爽口鮮甜象拔蚌都好大隻。鮑魚每人一隻，5分鐘剛好，唔會韌。沙白吐沙乾淨。好多粥底都會用多寶魚，我同朋友就麻麻地，陣味太勁。反而呢度

星期一與朋友聚頭約食飯，有幾個朋友住土瓜灣，所以約jor紅磡食飯；於是乎搵到哩間粥底火鍋餐廳。餐廳都幾寬敞，而且感覺有啲似冰室；🧐全部都係卡位，坐得都幾舒服。😌由於我地有提前book位（怕無位啊），所以好早就到（7:30pm）；餐廳都未見多人，但係8點後就開始好多人。我地一行六人嗌jor海鮮火鍋套餐🤗火鍋跟7款海鮮、粥底、5款自選小食；我地嗌jor肥牛、魚皮餃、豆腐、花膠、🌽。本身以為會唔夠食（我地4男2女）但係最後都超級飽！🤓揀配料既時候仲有小菜俾我地醫肚！7款海鮮有🦐、蟹、貴妃蚌、魚、鮑魚、2款貝殼類（我唔知叫咩名🤭）而且檯面都有寫明每款海鮮需時幾耐所以全程自己操作都無問題。啲🦐上黎仲跳緊嫁！而且好鮮甜我忍唔住食jor好多🦐！真係好好味最窩心既係佢竟然每台都有韓國啲baby濕紙巾！方便你食完海鮮抹👋🏻，好細心啊。而且我地嗌嘢飲既時候，佢得凍柚子蜜...但係知道我地想飲熱既之後就馬上安排...佢地好好人！而且沖得幾好飲😋最後食完之後，店員會幫我地整格海鮮粥🤤我食jor兩碗！😝皆因啲粥有曬海鮮精華，好鮮甜唔腥☺️最後滿載而歸，飽到不行了。🤪個店員仲文我地要唔要甜品（跟餐的）我地即刻擰頭.

如果我話香港人真係好愛打邊爐🍲，冬天打，夏天打，日打夜打，相信冇人會反對。😝但係次次打邊爐都搞到又飽又滯，分分鐘第二日飽滯感都仲未散，其實真係唔係好頂得順。😟相比起啖啖肉🍖極濃味嘅打邊爐，我最近愛上了吃海鮮🐟粥底火鍋，既有打邊爐嘅特色之餘亦唔會食到滯住滯住，最緊要食海鮮冇咁肥嘛！😈經朋友介紹下知道紅磡開咗一間主打海鮮🐟粥底火鍋的<漁樂鍋>，今日就和爸爸👨🏻來一起試試店內雖然祇有簡單的裝修，但非常光猛而且整齊衛生。👍🏻原來<漁樂鍋>不祇有朋友上次吃的<海龍王鍋>🐟套餐，還有<牛魔王鍋>🐮套餐。有睇開我食評嘅朋友都知道我因為宗教信仰所以都儘量都小食牛肉🐮，今次還是選<海龍王鍋🐟>套餐吧！有無朋友會擔心唔知粥底海鮮鍋嘅進食步驟或者各種海鮮要滾幾耐⏳嗎？？不用擔心！墊枱紙上已經清楚寫好，唔記得都可以隨時睇，非常貼心❤套餐包括兩款餐前小食，今天是土豆絲🥔和青瓜豆乾🥒，兩款都是微辣🌶的，可以邊吃著邊等待湯底滾起。與其說是打邊爐湯底，倒不如說是米漿水🍚。起初送來的時候都擔心會不會太淡，但嘗試了第一隻蝦🦐便知原來清淡才好！