漁樂鍋 (已結業)

上次食過海鮮打邊爐之後，深深俾隔離枱既香噴噴雞煲吸引住，今次一於再黎試下個雞煲點菜紙有好多打邊爐配料可以選擇，又有即食小食，仲有海鮮叫潻海鮮餐牌，都有幾多款海鮮，價錢合理飲品有支裝汽水，亦有樽裝飲品任選調味料，每位$10食雞煲前我地叫住小食先，頂頂肚一口脆豆腐一上枱熱辣辣，粒粒炸得好香脆，薄薄既炸粉唔會覺得油膩，豆腐好嫩滑，一啖就瀡入口配埋d炸蒜蓉一齊食，超好味！！話咁快就清晒到主角出場喇--漁樂醬雞煲開爐慢慢加熱，一陣就聞到陣陣香味！！真係好香好惹味，雞肉啖啖肉，d秘制醬汁好特別，成個煲加埋洋葱芫茜等配菜整，好正丫！！一食就停唔到口，真心好味食完個雞煲就加湯打邊爐喇，雞煲汁加湯好夠味，做打邊爐湯底一流打邊爐必食--美國肥牛肥牛質素比想像中好呀，本來對$58要求唔大，但估唔到有驚喜！！塊數都唔少，2人好夠食lu牛肉味好濃，烚完仲好淋，唔會好靭好難趙，非常值得推介性價比極高！！龍躉片龍躉片好新鮮，幾大碟下。每一塊都係厚切，啖啖肉，好有口感！魚皮好爽口，魚肉就好鮮嫩好滑食左咁多肉梗係要食返蔬菜balance下啦！新鮮蔬菜籃有好多款蔬菜喎！！粟米，冬菇，雲耳，金菇，生菜，娃娃菜......

漁樂醬雞煲 半隻 $138完全沒想過這間的雞煲是這麼的好吃！有別於有名的雞煲店，這裡的味道不會過鹹，能夠真正享受惹味的醬料味，而且半隻雞分量亦不少，足夠二人分享，另外追加幾款火鍋配料，每人都只不過需要200多元。手切安格斯肥牛 $148牛味雖然未夠突出，但分量取勝，肉質也很。鬆軟牛根 $58難得火鍋店有牛筋，當然要試一試！牛筋需要較長時間去煮，黏黏的質感相信可以補充膠原蛋白！出前一丁 $15香港人最愛！煮一煮再加麻油，簡直是難以抗拒的窮人恩物。手工雲吞 $36蔬菜籃 $58

與火鍋控朋友食飯，點可以唔食火鍋，不過今次的火鍋太利害喇~~~卜卜蜆煲一鍋滿佈大大小小的沙白、白蜆，未食就已知道一定很甜、很鮮！果然冇錯！ 蜆肉飽滿，鮮甜，分量係食極都仲有的感覺！不要忘記個湯底呀！所有蜆的鮮味集於一湯！極愛！手切安格斯肥牛 (中)眼見D安格斯肥牛，已經知道好正！肉上帶著油脂，令肉質更鬆軟香滑！安格斯牛頸脊的牛肉味香濃，脂肪分佈平均，頂級果然係頂級，入口也很不錯，有咬口！不過要記得不可以灼太耐，否則會破壞肉質，甘就浪費左D靚牛喇！手工韮菜餃韮菜餃，皮薄餡靚，香濃韮菜味道。每隻都好飽滿，食落都覺得很新鮮！唔似出邊有些係冰鮮過呢~~墨魚丸、鯉魚丸口感搭配，滿足你我的味蕾。每款丸都有多層次，梗有一款滿足到你的口腹之慾！鮮淮山、紫洋蔥、冬瓜片、娃娃菜蔬菜類係唔少得的！最梗要夠新鮮！沾過蜆湯的蔬菜特別鮮甜！特別係個冬瓜片，煮到軟軟的，整個冬瓜片都滿有蜆湯的精華！正！

五小时谈天说地，卡座舒适，食物新鲜，员工服务殷勤到位，价钱更是非常合理。选择它因为好位置，地铁红磡站 B出囗，步行几分钟就到。订了二人座位，准时18:00到达，餐厅已有数台客人。店员引领在四人卡位，空间感十足，冷气亦够。立刻下单，火锅，啤酒，辣子鸡。甜品是冰糖雪耳，口感甚佳。因为没有加一收费，埋单$482.00，所以付现金，超级愉快的一顿！看看手表，已是 23:55。谢谢朋友的好介绍，虽然火锅是主打，小菜亦绝不简单，厨师应记一功。绝对是亲朋戚友欢聚畅饮的好地方！

趁早收工去接媽媽放工,順道一起吃個晚餐...平時較少去黃埔紅磡，經網上一查見到有人推介呢間「漁樂鍋」。據知這間餐廳的主打是粥底火鍋，其實是不是粥底與否對我來說都不重要因為有我喜歡的火鍋啊。當時六時左右，店內還未有太多客人...店員安排我們坐一張卡位...真心環境非常闊落，我們的卡位足夠4-6人坐呢...太幸福了吧原本點粥底火鍋的我們最後選了漁樂醬雞煲，因為媽媽跟店員姐姐太好傾了，而姐姐又極力推薦了這個雞煲，媽媽被吸引了...那好吧，雞煲繼續係近年港人的寵愛之一當然也點了些配菜不過還是先食雞再之後打邊爐吧店員隨即攞調味料比我們自行調配漁樂醬雞煲 $138雞煲熱辣辣上枱，眼看兩個人半隻雞已經很夠了，我們選了唔辣但個陣醬汁味非常香濃惹味...等了會讓雞件煮多陣更加入味既時候再食！雞肉食得出是新鮮，因為肉質香嫩又多汁而且沒有太多骨件再配上呢度既漁樂鍋醬好入味，醬汗經火鍋口熱的時候愈來愈濃稠，有點點辣，好正！呢個時候一定要食配料，就係洋蔥啦...超超超好食，你會愛上的。因為呢個煲回頭率極高！提提你點雞煲時可自選微、小、中、大或勁辣，甚至唔辣都得，照顧嗜辣程度唔同嘅食客需要。食完雞煲當然要食埋火鍋

聽朋友介紹呢間野好食，今日終於同朋友黎食。好耐冇嚟過黃埔，估唔到新開左好多餐廳，而呢間就位於紅磡同埋黃埔之間，地鐵站行一陣就到。餐廳入邊有卡位，而且裝修簡約，幾舒服！我個人覺得雞煲係好食嘅，雖然我好少食雞煲，但係我鍾意食重口味嘅嘢，而呢間嘅雞煲正正係好入味。我地叫咗海鮮醬雞煲，入面有半隻雞、大蝦同埋蜆。雞肉嫩滑，一啲都唔鞋，而且沾滿醬汁，好惹味！啲蜆雖然唔算多，但同啲汁好夾，同樣好味！所以建議大家可以額外加錢叫蜆。廚房仲好細心將啲蝦頭剪走，方便進食，啲蝦算大隻，啖啖肉。另外煲入邊仲有大量洋蔥同芫荽，個人好鍾意食洋蔥，覺得啲醬汁炆洋蔥，超好食！我同朋友都食晒啲雞我同朋友真係食晒啲雞架！因為真係好味另外我哋仲加錢叫咗美國肥牛、手打四寶丸、雲吞同埋蔬菜籃。肥牛好有牛肉味，而且厚身又唔鞋口，都係$58，值得嗌！另外手打四寶丸都好味，我朋友話墨魚丸係最好食，不過因為太飽，所以冇食到。我食咗好多蔬菜，尤其係娃娃菜同粟米，因為兩種菜同雞煲味道好夾，變得更加鮮甜！

同父親大人慶祝父親節，諗左好耐，唔知食咩好。唔想咁普通，又要岩口味！思前想後，仲有一個星期就已經係父親節。一於去食高貴嘅海鮮火鍋啦！拿拿聲打電話訂位！好彩仲訂到位！預訂埋海龍皇餐😋之前食過一次，所以都好清楚食法。今次4人份量，海鮮盤上枱，真係嘩嘩聲！好大盤，好有份量！啲牛肉超好味！海鮮鍋製作中😂唔好以為啲蝦唔郁，一打開個蓋，就跳出來，嚇C人，實在太生猛了，好新鮮！其他食物無影相了，因為掛住食😂太好味！開始煮粥，可以自行決定加唔加以上配料。鮮味海鮮粥煮好了！實在太飽太滿足！仲有糖水😅食唔落了！

今晚跟朋友在紅磡行街，突然落大雨，急急腳找餐廳避雨，來到了這家漁樂鍋 。餐廳座位寬敞，坐得很舒服。看見身邊的人很多都在吃海鮮粥底鍋，上網看看食評發現這是$198的海鮮套餐，非常抵食。可惜朋友不吃海鮮，餐廳老闆便推薦了漁樂醬雞煲。當然也點了些配菜，先食雞後打邊爐。以下是推薦的：【漁樂醬雞煲(半隻$138)】這個雞煲十分惹味，值得一讚！點了小辣的，越煮越香辣。吃的時候要把洋蔥也一起吃，風味更佳。加湯之前，記得把餘下的雞肉先拿上來，否則味道會變淡。【美國肥牛($58)】肉色鮮明,紅白相間, 可見挑選的部位很好，味道當然也很好。意想不到的是份量很多，不禁讓我再看看餐牌，是否寫錯價錢....哈哈【黑毛豬腩片($58)】豬腩片是厚切的，咬落很有質感。肥瘦也適中，增加層次感。【貴妃蚌($68)】貴妃蚌一份有4隻，大大隻，咬落很有肉感，十分鮮甜。【甜粟米($28)】粟米很新鮮，十分清甜。咬落多汁，沒什麼渣。【炸魚皮($28)】炸魚皮非常鬆脆，浸一秒就剛剛好了，不錯!【響鈴($38)】這裡的響鈴是軟身的，需要浸久一點，味道會更佳。除了海鮮套餐，我覺得漁樂醬雞煲也是值得大家一試的~

今日食飯五想去甘遠，於是就係黃埔食晚飯。今次同陳生簡左呢間餐廳，食海鮮粥，好抵食！$198元，一個人我地簡左呢個海龍皇粥底鍋，有7款時令海鮮。有蜆，蟹，鮑魚， 魚 ， 蝦，貴妃蚌，沙白，海鮮整體都好新鮮，最值得一提係魚，d魚好爽口，好有口感蝦都幾大隻，啖啖肉另外套餐可以自選5款打邊爐配料。我地簡左生菜，肥牛， 響鈴，豬腩肉同手打蝦雲吞。手打蝦雲吞皮薄，而且好足料，啖啖蝦肉正食完d配料後，就會用反個湯黎煲粥職員幫我地放左粟米，南瓜， 芋頭落去煲，粥好綿，而且食到好鮮甜海鮮味，正最後，仲有糖水食！$198一個人，真係好抵另外，呢間鋪頭仲有雞煲食，而且價錢又合理，下次黎試下先btw，餐廳服務一流

今日同一大班朋友去咗黃埔嘅漁樂鍋度食野，間餐廳個位置都算方便，由紅磡站行過嚟都係10分鐘左右，如果搭觀塘線的話亦可以行去黃埔站，亦都係只需要5分鐘嘅路程。我哋大概七點半鐘去到，一入到去嘅時候見到唔係太多客人，但原來依間係岩岩新開。去到點餐嘅時候，我哋每人叫咗一個海鮮餐，每人都只不過係＄198 ,同埋餐廳有樣嘢都好細心嘅，就係佢會寫明晒每種海鮮需要煮嘅時間，方便我哋呢啲門外漢可以食到最好味嘅海鮮。個餐都包左好多唔同嘅海鮮，有鮑魚、蟹、蝦、貴妃蚌等等，每種食材都非常之新鮮，特別啲蝦送到枱上仍然係扎扎跳嘅。食到最尾仲會俾埋南瓜等等嘅材料落去煲粥，非常惹味。而另外仲有一樣非常好嘅地方，就係佢每張枱都會送一包濕紙巾，當我地食完海鮮成手痴粒粒嘅時候，嗰啲濕紙巾真係我哋嘅救星，非常抵讚！總括嚟講呢間餐廳食物質素非常好，服務質素亦唔錯，絕對係一間性價比高嘅海鮮邊路餐廳。

自從黃埔有MTR站之後，間唔中都會黎呢邊食野，有大把唔洗排隊等位、唔迫、價錢合理嘅餐廳選擇，食飽仲可以去維港海旁行一行吹海風。呢個「漁樂鍋」餐廳係紅磡灣中心，近地鐵站，座位空間好spacious，坐得舒適，仲好新淨，應該新開張唔係好耐。不過我最近個胃唔係好舒服，唔可以食咁濃味嘅嘢，所以冇揀雞煲咁辣咁chur個胃，見呢間餐廳嘅海鮮好似好鮮甜唔錯，所以就order左 「海龍皇鍋」粥底火鍋。包括7款時令海鮮，有蟹、鮑魚、貴妃蛽、大蛽、魚等，非常新鮮、鮮甜。仲有自選5款配料，揀左肥牛、手打墨魚丸等。而且價錢超值，咁都係港幣$198（呢個仲要唔洗加一）。另外，仲叫左個「涼拌皮蛋」，都一樣高質！下次我要再黎試埋個「卜卜蛽火鍋」🤤🤤

係紅磡唔想食Aeon時新 仲有咩好食？可以黎一試呢間漁樂鍋可能因為無咩人知 所以夜晚7點到 都仲有位店裡面大部都係卡位 最啱小情侶又或者三五知己過黎食同男朋友揀左小辣既麻辣雞煲 原本都有啲擔心 因為食過好多雞煲 一係就得辣唔麻 一係就小辣都辣到想死有驚喜既係唔單止食得出有花椒八角既麻 辣度亦真係符合小辣雞肉入味唔老 加點既邊爐菜裡面 最推薦黑毛豬腩肉 真心爽脆彈牙有豬肉味 係一定要點黎食!!!!仲有男朋友揀既炸骨腩 係有少少多骨 不過椒鹽脆漿厚薄適中 好啱鍾意香口重味既朋友

有時好怕食雞煲食到件衫都好大陣味，好彩呢間食完都冇咩味☺️餐廳環境開揚，坐得舒服！！ 調味料～ 漁樂醬雞煲 半隻$138雞煲叫左唔辣，醬汁都幾香濃，叫小辣應該惹味啲，雞肉幾嫩唔會整到老晒🤣除左漁樂醬雞煲，仲有芝士雞煲同卜卜蜆煲等～ 同朋友都食到津津有味！ 之後就加湯變打邊爐喇～手打墨魚丸 $78 打墨魚丸好食，粒粒大小相約，爽口彈牙！！！黑毛豬腩片$58 黑毛豬腩片紅白相間，十分吸引，豬味都幾香！手工雲吞 $36 雲吞非常足料～沙白 $68 沙白都幾大粒而且食落冇沙同鮮甜❤️ 炸鬼馬油條 $48 仲叫左個炸鬼馬油條，釀左墨魚滑，可惜炸得耐左少少，唔夠脆口～😆 餐牌 我覺得價錢適中，而且同朋友坐得好舒服，慢慢食慢慢傾～漁樂鍋地址：紅磡必嘉街112號紅磡灣中心地下20號舖

平時行開都想去試下呢間茶餐廳式嘅打邊爐- 漁樂鍋，今日終於去左試下。門口大大個招牌寫住漁樂雞煲半隻$138，一隻$218，可惜朋友唔太好雞煲，最終無試到，但個人認為好抵食，下次一定要再試下。 佢都有幾款特色鍋底，包括卜卜蜆煲、芝士雞煲同埋漁樂雞煲，奈何朋友話想食清清地，最終揀左個雜菌清雞，但材料一樣做到足，湯底又香又清甜。火鍋配料當然唔少得，豉油、香蔥、炸蒜樣樣足。烏冬煙韌有咬口手打墨魚丸有墨魚香味，彈牙有嚼勁！魚皮餃新鮮，魚肉足夠，魚皮不會太薄或太厚。黑毛豬梅頭肉新鮮嫩口，份量亦足夠。手切安格斯肥牛新鮮，雪花紋排列整齊，入口有很香的牛味老闆仲好好人，一人送左一碗南瓜雪耳糖水，滋潤又清熱，太貼心啦

朋友誠意推介，於是一試。餐廳的位置不算偏僻，非常開揚易搵，無論黃埔站或紅磡站都很快就去得到。環境方面，坐位十分舒適，是朋友聚餐的好地方。食物方面，我們叫了一個卜卜蜆煲，及一些打邊爐常見的食材。☝🏻卜卜蜆煲蒜香味超濃郁，蜆超多，就算水燒得只剩一點點，我們都捨不得加水，因為怕味道會變淡☝🏻其他配料我們叫了一些普通的打邊爐食材，例如：手打墨魚滑、魚皮、生菜、冰豆腐及魚皮餃等，其中，我認為冰豆腐最為出色，放入蜆煲內，蜆的蒜香味完全浸透在豆腐中，令平凡的豆腐出乎意料的美味整體而言，漁樂鍋的質素頗高，是回頭率頗高的餐廳。