漁樂鍋 (已結業)

因為母親節臨近的緣故，男朋友帶左我同父母去漁樂鍋食海鮮粥底火鍋漁樂鍋已經係我第二次幫襯，當然係信心保證環境方面：漁樂鍋位於黃埔同紅磡附近距離兩個地鐵站只需要行十分鐘內到達漁樂鍋入坐後，店員會為你介紹不同的食材及配搭係店員既推介下，我地再次點選左海鮮粥底火鍋食物質素：海鮮種類多達六款分別有：魚、硯、沙白、花蟹、扇貝、象拔蚌花蟹入口鮮甜，令到成個粥底充滿鮮味象拔蚌同扇貝入口清新爽甜，食完覺得唔夠喉呀配料亦有唔少選擇，我地就點左大熱既餃子、雲吞、牛肉等等漁樂鍋好適合大家帶同家人黎食，無論環境定食物都幾有保證！

記得幾個月前已經黎過呢度食粥底火鍋，當時真係覺得好好食，呢排為左慶祝母親節，所以決定帶家人黎食啦！環境方面：店舖位於黃埔區，好多交通工具都可以直達尚算方便！入到店舖有大大張卡位可以坐下，確係坐得好舒服好岩帶家人黎！食物方面：每樣海鮮都好好食！屋企人最中意食蟹，佢地覺得好鮮味，絕對係驚喜之作！另外，墨魚滑都好好食，食落好彈口好有口感！我就最中意食個雲吞！入面大大粒蝦，1d都唔媽夫架！食物質素都幾平穩！

最近黃埔越來越多新開嘅食肆，去附近探朋友都唔驚冇嘢食！今日就黎到位於必嘉街嘅漁樂鍋，打番個邊爐😊卜卜蜆煲 $128店家極力推薦的，果然冇介紹錯！蜆隻隻肥美新鮮，少說也有兩斤，蒜蓉極多，配合西芹的香味，我地都食到停唔到口😋黑毛豬梅頭肉＄58口感都幾嫩滑細緻，比預期中正！美國肥牛 $58睇下色澤幾靚！紋理清晰，牛味重，好想叫多兩碟☺️手工韮菜餃 $36韮菜餃令人喜出望外，絕對大力推薦，不但香軟紮實，而且多汁，好好食！手打四寶丸 $88丸類選擇多，點四寶丸就可以試多啲不同口味。甜粟米 $28稻庭烏冬 $24薯粉 $15今餐好飽呀，整體覺得好滿意，服務態度友善親切，食物亦冇令人失望，大家可以黎試下！👍🏻

今晚約埋朋友食飯，我提議去紅磡「漁樂鍋」食火鍋可一邊吹水，一邊拾下拾下，氣氛特別好，又可以消磨一個晚上, 現時火鍋店限定推出$1麻辣雞煲(超值)。調味料選擇只有數款，唯有靠湯底幫補。卜卜蜆煲$128，名字是gimmick，實情是採用新鮮生猛的連殼中蜆肉，再配以大量生蒜蓉，焗一焗蒜味更出。蜆肉湯精華可先小斟一碗，後再加雞湯打邊爐。漁樂少辣雞煲$1，看其期間限定做推廣，份量沒有減少之餘，香料及配菜也炆得出味。手切肥牛仔肉(中)$148, 肉質油脂平均分佈, 質量可見一斑。墨魚滑$78， 口感稍為硬了一點，不過墨魚鮮味可作撘救， 不過不失之作。 新鮮包雲吞$36，價錢相當廉宜，雲吞裏包住整隻大蝦。食火鍋，當然要點鮮冬菇及金菇菜， 解解肚子油膩的感覺。

店鋪係平民格局，冇特色裝潢。不過大部份係卡位，寬敞明亮，坐得舒適。我哋叫咗海龍皇鍋+順德粥底套餐，包括2款餐前小食、7款時令海鮮、5款自選火鍋配料、3款滋味蔬菜、1款精美甜品同粥底。咁多嘢只系$198咋，仲要免加一，真正明碼實價。先嚟餐前小食，有花生同菜。個花生好好食。7款時令海鮮包括花蟹、蜆、蚌、鮑魚、蝦、魚等等。粥底鍋一定系放海鮮先，令成個粥底充滿鮮味。花蟹肉夠甜、肉多膏多，不過肉質稍為唔夠爽。蚌同蜆都好鮮甜。鮑魚同蝦就大大只又夠爽彈。火鍋配料選擇唔算多，但基本嘅都有。我哋點咗美國肥牛、黑毛豬腩片、手打墨魚肉、美顏花膠片同響鈴。美國肥牛份量少咗啲，又瘦左啲，不過肉質紅潤。黑毛豬腩片肥羔夠多，食落嫩滑又邪惡。墨魚丸就唔算大粒，但都爽口。食完海鮮同配料，就加入芋頭粒、南瓜粒同粟米粒，然後再落飯。煲滾就食得啦。吸收曬海鮮嘅精華，味道係極鮮甜，口感軟綿。最後食到一滴不剩，大滿足。糖水係紅棗雪耳，滋潤吓喉嚨。呢個餐每人只係$198，已經食到咁正嘅海鮮+鮮味海鮮粥，唔怪得咁多食客幫襯。呢度系紅磡住宅區，對面仲有理大宿舍，客源充足，我哋食咗一陣出面已經開始有人等位，而且睇得出唔少系熟客/回頭客呢

今日同朋友去左佢屋企附近間火鍋店食野，7:00未到見到得返一張枱，好彩無留比客，超幸運的我們~叫左雞煲，但係好肚餓既關係，一食得就掛住食完全唔記得影相。雞煲個汁好香，少少辣令到味道更加昇華。牛根，幾大兜，但係就稍為細舊，煮完唔係咁易搵返。手切安格斯肥牛，貴野梗係唔同啲，煮完幾淋，好重牛味。炸魚蛋，係即食的，好少食即炸魚蛋，黎到非常香，新鮮炸起特別好味，而且魚肉又好彈牙！美國肥牛，食完貴野唔夠口，叫左普通肥牛食，一分錢一分貨吧，不過起碼佢唔係比"街保"貨你。黑毛豬梅頭肉，可能切得薄既關係，完全唔韌，仲有少少爽口。另外仲叫左啲菜同菇，響鈴一啲都唔伏，食得過。

黃埔周圍都係食肆, 今次同朋友行邊啲地方搵食, 見到間鋪仲有幾張枱就爆場, 同埋係打邊爐就無諗衝左入去了.點完野食, 等左陣就黎左碟涼拌牛肚, 佢啲麻辣唔係好勁, 食落唔算好辣, 牛肚好淋一啲都唔韌.之後就到主角雞煲啦! 我地要左少辣, 所以唔多覺有辣味, 不過嗰醬汁沾滿哂成件雞, 超入味呢~諗住叫梅頭, 但手殘剔錯左腩片, 不過煮完都好爽口, 唔覺係肥膏黎.另外叫左碟手切安格斯, 牛脂既紋路好靚, 脂肪唔多.仲有叫左少量普通野.

今天和朋友去了他家附近的漁樂鍋嘗新之前聽他說這間火鍋店除了招牌海鮮粥底火鍋外，亦有雞煲和普通火鍋可以選擇！總有一款可以滿足我們就算只有兩人都可以坐到四人卡位，十分舒服今次我們選了雞煲，兩個人的話半隻已經很夠了每人平均六十多塊就可以吃到又香又辣的雞中辣對於我們來說算挺辣的 看看圖內有這麼多辣椒就知道真的真材實料讓我們辣得很過癮雞件份量十足，肉質很滑我們一人一口的把雞都全吃光後，就來到最重要的環節 - 加湯吃火鍋！見到有人在吃海鮮的我們也忍不住叫了貴妃蚌（4隻，HKD68）每一隻都很大隻，放進鍋內滾一兩分鐘左右就可以吃到很鮮甜的蚌除了貴妃蚌，這裡也有很多其他海鮮選擇 喜歡吃海鮮的你也可以考慮選海鮮粥底鍋，一次過吃到很多種類新鮮海鮮除了海鮮，我們也加了很多不同的配料！相比外面的火鍋館，這裡的價格真的算挺便宜沒想到HKD58就可以吃到一盤肥牛而且肉味濃，雪花挺多絕對比任食的好吃好多另外要重點推介的還有墨魚滑墨魚滑超大一份，也很彈牙侍應姐姐很好的幫我們分開一塊塊放到火鍋裡煮性價比十分高

早幾年真係沉迷雞煲，雞煲盛行，雖然近年多左好多圍爐新選擇，又粥底、又蒸氣鍋咁。但我都係偏愛雞煲，自己腸胃唔係好，只可以偶然食，但又相當滋味👍🏻今日同幾個朋友去到紅磡諗住打邊爐，但經店員介紹後，我地決定試下雞煲。原隻雞煲幾有份量，而且食得出雞幾鮮，唔係雪藏野，幾有肉地，而且唔鞋口😋我地揀左漁樂鍋醬雞煲，點少辣，啱啱好。個醬幾杰，幾容易入味。而且個爐滾得快，唔洗等好耐就食得，正。食完雞煲，例牌加水打邊爐，鍋底都唔會太油，點左幾款配料。值得一提，呢度D配料唔會好貴，雖然唔係話好正好正果隻，但計番價錢，都幾抵食👍🏻手切牛肉冇乜筋，食落唔un，另外墨魚滑幾好食，夠彈牙。至於咁濃味嘅雞煲，當然要點D好似響鈴、豆卜、蔬菜呢D咁吸汁嘅配料😋原本想點雞骨丸，聽落好吸引，可惜賣哂，點左貢丸，都幾彈牙。整體漁樂鍋嘅質素真係唔錯，最重要係埋單時見雞煲做緊優惠，收左$1！咁就真係超級抵😍

雖然近排熱番少少，但無助我地對打邊爐嘅熱愛。收工之後，幾個來到紅磡呢間有唔少好評嘅漁樂鍋，而家有地鐵可到，真係方便好多，可以多D來呢邊食飯都得。漁樂鍋裝修企理，大部分係卡位，坐得舒服。平日晚上都有唔少客人，最好都係訂位。原本一早睇定，想食佢地嘅粥底火鍋，價錢好抵呀，198全包。原來佢地都仲有火鍋，湯底除左一般鮮茄、雜菌、皮蛋等等，仲有好吸引嘅雞煲、卜卜蜆鍋，好心動，最終轉呔決定試下久違了的雞煲，真係好耐冇食過喇！仲有，呢度D配料都唔貴，性價比高。醬油(10)雞煲有幾款，有漁樂鍋醬、海鮮醬、鮑魚雞煲，我地揀左漁樂鍋醬雞煲 (218/一隻)，少辣，一上鍋，都哇一聲，雞煲足料，加埋芫茜好香。原本都覺得抵啦，點知埋單先見到，收左1蚊呢唔知係咪做緊優惠，超抵食呀，人頭百五蚊，飽到反肚。(最好訂位時，先查詢下仲有冇折扣)不過老實講，就算原隻218蚊都唔貴，起碼係鮮雞，雞肉夠滑，又啖啖肉漁樂醬係有少少似重慶雞煲，醬汁濃稠，帶少少麻，好在我地點左少辣，啱啱好。如果鐘意食辣嘅，可以中/辣。手切肥牛(148/中)質素都唔錯，價錢唔貴，中份量三人都夠食韭菜餃 (36/8粒)抵食呀，皮薄，餡就係韭菜，淥嘅時候

接朋友仔收工，諗住近近地係紅磡食少少嘢，搵個地方坐下傾下偈，咁啱呢幾日都落雨涼涼地，打邊爐就最暖身。入到去，老闆表示佢哋佢雞煲非常唔錯，尤其雞肉係農場雞，肉質鮮味，可惜朋友唔太喜歡食雞煲。不過海鮮粥底火鍋亦係招牌菜，有七種海鮮咁把炮。好，一於會一會佢個海龍王，睇下係咪真係咁堅。侍應首先上前菜，而呢個海龍王鍋亦可以揀五種配料，我哋揀咗手打嘅墨魚丸、雞骨丸、雲吞、農場雞同手切肥牛，賣相似乎唔錯。比較特別既係雞骨丸，食落有脆脆既雞軟骨，好得意。而雲吞都幾新鮮，入面蝦多過肉，我鐘意。農場雞件好香雞味，唔似平時既冰鮮雞，啖啖都係肉之餘，肉質結實，如果份量再多少少就好了。另外肥牛都非常唔錯，有雪花但唔肥，食落又香牛味，最啱啲怕肥但又鐘意食牛既朋友。跟住係大大隻既花蟹，夠曬新鮮，而且肉質鮮甜夠實淨，絕對唔係水蟹。食落都多肉架，而且仲好甜好多汁，蟹既甜味仲保留係粥底，勁正。唔好睇少啲蝦，食餐飯最難忘既就係佢，點解？佢正當我想夾起佢落鍋時，佢竟然從個碗跳左落地，新鮮到不得了，嚇到我同隔離檯既客人，大家相視而笑。肉質夠彈牙，果然夠新鮮，而且仲流出橙色既蝦膏。而海鮮拼盤就有鮑魚、貴妃蚌、蟶子、大蜆、斑腩肉，

帶住小朋友食以人頭計的火鍋，真係好唔抵，小朋友食唔到幾多，但要比全份錢，就算有小童收費，小朋友點都食唔到咁多。OpenRice 見到漁樂鍋，有海龍皇粥底火鍋，心思思想試，打電話訂位時問吓，小童可以唔計，有得散叫合適食物比佢地，這個安排非常合我心意。我們三大兩小，叫了三份海龍皇火鍋。有7款海鮮5款自選食物。見到個海鮮拼盤，已經嘩嘩聲，好吸睛！然後係蝦同蟹，啲蝦仲識跳，要蓋住佢，以免跳出來。啲蝦好大隻啊！自選了花膠，肥牛，雞肉，雲吞，墨魚丸食完火鍋，職員會幫忙加入芋頭粟米等配料煮粥，很美味！補充返兩款前菜，仲有糖水，真係好飽好滿足！溫馨的安排：紙巾及濕紙巾

之前見到facebook有介紹漁樂鍋🍲都係有關$198海鮮粥底火鍋🦀🐟🦐今次我黎食雞煲！估唔到都有驚喜👅環境好寬敞，都坐得舒服嫁！服務態度都好👍🏻首先有醬料比你自己mix 醬料費$10/位等左8分鐘左右，雞煲就上枱啦🐔漁樂醬雞煲 $138半隻兩個人share份量剛剛好 雞亦非常入味惹味而且唔會得骨無肉食咁 仲有好多超索汁的豆卜食完雞煲仲可以加湯打邊爐tim✌🏻額外仲叫左幾個配料貴妃蚌 $48/4隻都算幾新鮮！用冰一齊上😁特級牛肉粒 $88好味！彈牙！黑毛豬梅頭肉 $58這個有少少失望，食唔出同平時豬肉有咩分別😭魚皮餃 $38這個皮太厚了 不建議叫呀😭韮菜餃 $38反而呢個好味！ 有8隻都幾抵

朋友生日,又唔想太貴,建議左去食雞煲,近近地去左佢屋企付企,見間餐廳開左無幾耐,好新淨,位置好多,坐得好鬆動,我地3個人,可以坐係度慢慢嘆先黎左個雞煲先,好香,好熱即叫即整,所以等左一陣,一上枱我地勁興奮,原來都好大份而且雞肉好新鮮,好滑,唔會太鞋,好野味每人搶住食唔停,加上配料又多,特别開胃~~墨丸牛丸豬肉丸,又真係幾彈牙喎又無雪水味,唔錯唔錯向鈴好大舊,成碟有6大件,每人2件已經好夠牛肉肥瘦一半一半牛肉粒有雪花,唔肥喎,好香牛肉汁味,我好鐘意今晚個個都好飽,仲要好平~

今日黎紅磡揾個朋友，跟住為左揾個地方好好坐低傾下偈，就費事走出我mk揾野食，一上openrice就見到呢邊有多間食打邊爐嘅舖頭，於是就去左簡下有邊間好食，行行下見到呢間舖，作為火鍋發燒友嘅我地，就簡左呢度開飯喇。一開始就緊係要簡個套餐先喇，呢度個海鮮套餐真係好鬼抵食，入口好鮮味，唔洗加入任何嘅醬料，都好好食，而且份量唔小。自家雲吞雲吞好有口感，料夠晒多，加埋配料本身嘅鮮味，唔需要任何嘅調味都已經好正。豚肉片未煮之前嘅非常亮身，煮後豚肉片入口令人感覺好夠肉味，入口有口感。海蝦煮後入口夠爽口，而且唔會有陣陣腥臭味，餐廳肯定係新鮮貨嘅。今次嘅體驗都算幾好，比起一般任食嘅舖頭所有野都做得好更到位，食材亦都更加新鮮，有機會都要再黎先得