漁民樂 (已易手) 新餐廳

今日同女朋友經過大角咀~見到呢間"漁民樂"漁湯餐廳裝修幾好幾乾淨入左去試左兩份米線餐~睇餐牌價錢唔太貴 平均都係30蚊咁上下~我地order左 漁湯浸深海釘魚米線(店員新鮮推介)川式剁椒炸加州鱸魚(店員好味推介)最初心諗~30蚊,應該都係一碗米線加兩舊魚肉幾條菜但係約8-10分鐘後,放係台面既竟然係一大碗漁湯米線 另外一碟係條原條既魚估唔到咁既價錢 可以食到原條魚@@ 街市買都要啦=.="再試下味道漁湯主打~~當然先試下味道如何---- 湯夠白色(唔係加奶)~有膠質,漁味好自然~唔會太假太誇張釘魚--真係幾新鮮~幾甜,肉質都ok(雖然有小小過熟),唔會"梅"鱸魚--個樣好似好辣咁,食落有小小酸辣~辣度適中(本人唔太好辣) 爐魚仲係脆的~好香,可能炸過走左d魚味~但係夾埋d剁椒真係好惹味米線--係通心的~可以吸到魚湯既味道,而且比一般米線彈牙

本想向OR投訴打手問題，不過口講無憑，算了。只作食評分享。點了墨丸魚腐米線 魚湯底 再加兩隻香辣雞翼。先說魚湯，微奶白色，無丁點鮮甜味，白湯一碗。 好，我當是一時失手。第二樣，通心米線。煮得唔夠火，還有硬的米線。當時嘅感覺係食緊 "滖水硬米線"再吃墨丸、魚腐，墨丸是既腥又粉那種。劣品。魚腐更甚，似乎係在水中泡了整晚的樣子，無味，一pat野。再上香辣雞翼，雞翼係炸嘅再灑上極難吃的辣汁。最後只捱左大半碗就放棄。再此衷心希望老闆看了此食評後多花誠意去炮製美食，而唔係搵人充打手。。。記住 : 一間留唔住客人嘅餐廳係永遠唔會成功嘅!

終於等到星期五,又係同女朋友食餐好的日子,今次經文哥介紹目的地係大角咀漁民樂,該店以漁湯米線為主打,地方闊落,店內大約有三十幾個座位左右,地方整潔,店內員工服務主動食物方面,我們叫了,漁湯米線+川式刴椒汁炸原條鱸魚+美國肥牛魚湯火鍋 川式刴椒汁炸原條鱸魚 (辣得黎,又唔會遮左魚既鮮味.同埋賣相好靚,真係食得又睇得)美國肥牛魚湯火鍋 (呢個火鍋岩哂一個人食,份量岩岩好!佢d魚湯非常鮮味,每樣配料拾完都有魚湯既味道..佢地仲有個什錦海鮮鍋,今次食唔到,下次會試呢個)價錢都唔算太貴, 呢個價錢食到大廚用心煮既食物, 環境又企理,,我鍾意,下次有機會會再幫襯!

我都幾鐘意食米線，但由於分店越開越多，質素每況越下。不能保持水準。因為到友人家中的關係，友人稱附近開了一間米線舖。就決定到這裡一試。晚飯時間，裡面只有一枱顧客。看見餐牌，漁民大雜面很吸引，叫了一碗 。(我選了這裡推介的通心米線)來到的時候，如照片完全不符，有些失望。(由於没有帶相機的關係，真實的圖片就如樓下‘不眠王子’所展示的。)既然來到，當然要吃啦。我只覺得這得這碗通心米線一般，米線略淋了一些，配料：帶子不新鮮，其他的都没有什麼特色。我點了蕃茄魚湯底，蕃茄味淡了一些，像一般上湯。

得 罪 講 句 ，下 面 個 食 評 肯 定 係 打 手 所 為 ，忍 唔 住 開 聲 ，俾 大 家 睇 吓 個 事 實。店 子 小 小 ，簡 潔 嘅 茶 記 格 局 ，主 打 魚 湯 火 鍋 、魚 湯 麵 食。招 呼 唔 錯 ，感 覺 本 來 係 幾 好 嘅！但 食 物 賣 相 跟 店 內 宣 傳 照 片 出 入 之 大 ，去 到 匪 夷 所 思 嘅 地 步，直 接 講 即 係 搵 客 笨 ，就 連 烹 調 水 準 都 唔 合 格 ，味 道 完 全 貨 不 對 辦。食 完 . . . 應 該 係 話 未 食 完 已 經 後 悔 到 不 得 了。漁 民 大 雜 麵 套 餐 即 係 乜 配 料 都 有 ，10 個 餸 唔 逐 一 提 ，自 己 睇。價 錢 貴 過 附 近 車 品 品 嘅 同 類 出 品 ，但 俾 面 佢 用 魚 湯 所 以 咁 貴 吧？女 友 見 可 以 配 魚 湯 冬 蔭 公 ，於 是 加 $2 試 試 ，再 加 $4 要 一 杯 凍 飲 ，又 加 $7 試 吓 好 似 有 啲 料 嘅 漁 民 香 辣 雞 翼 . . . 最 後 變 成 一 個 $53 嘅 套 餐 .

上次 行經大角咀 見到有間新開店.. 主sell 魚湯, 就同友人 試試 我自己叫左個魚湯冬陰公 通心米線, 友人 就叫左個 咖喱 豬 飯先講我個 魚湯冬陰公 通心米線..湯冬陰公 ! 好似 $32 連野飲!好正呀 !!!!!! 好特別!! 好鐘意個湯底!!!!! 第2度搵唔番種味 !!!! 個通心米線 幾得意 !! 仲有好多面可姒揀 有波菜面.. 墨魚面...呢d都好想試 !!!揀!! 都好似好正 !!! 咖喱 炸豬扒 飯 $32 連野飲 讚 !!!!個豬扒既厚度切得岩岩好!!!! 好正!d咖喱 都好好送飯 !!!另, 個凍檸荼幾好飲 !下次會再試下其他野