漁牧 (已結業)

想不到，一路只開晚巿的漁牧都推出午餐SET。原本係諗住去隔離的茶木食飯，但見漁牧開咗，午餐SET又好鬼抵，所以走入去試一試。福建炒飯套餐呢度啲套餐都係幾十蚊一套，有飯有埋嘢飲。茶餐廳價錢，好抵食。而且座位絕對舒服過樓下的茶餐廳。不會俾人趕、又唔逼，冷氣也比一般茶記的夠凍。所以都好抵過黎試一試！呢一碟福建炒飯，夠晒大碟，份量足對夠晒誠意。而且用料好足，當中有蝦仁、肉片及蔬菜，夠量份量！陳皮冬瓜鴨腿湯飯呢個係我自己比較喜歡，因為一般茶記比較少呢一款菜式。而且佢堅係原隻鴨腿上。係夏天食，還可以消消暑。用上了老陳皮，個湯好夠味，再加上消暑的冬瓜，好啱夏天食這個菜。個飯係另上，大家鐘意倒入個湯或者係分開食都可以。手打墨魚滑湯烏冬唔鐘意食飯，可以試呢個烏冬。誠意地用上手打的墨魚滑，都有好多粒架！墨魚都幾足料，所以食起上黎唔會一舊舊既粉。咬起黎都幾彈牙，師父手打都幾用項。烏冬呢就還OK，不過不失！個湯頭清清地，夏天食也是不錯的選擇哦～～木瓜雪耳燉豬𦟌想要滋潤一下，可以試這個木瓜雪耳燉豬𦟌，一盅上黎，也是份量十足。木瓜有好多件，還有著養顏的雪耳。用上豬𦟌燉一點都不會油，啱晒怕肥又愛滋潤的女仕們了吧？

係尖沙咀返工, 一到食LUNCH 周圍都好多人;仲要太多選擇好多時都唔知食咩好!!咁岩同事就發現係加拿芬廣場既漁牧宜家開埋午市, 咁就幾個人係 LUNCH TIME 就落左去試試~午市套餐有成十多款選擇!!!價錢由 HK$42-HK$58, 套裝包飲品一杯;仲可以加 HK$28 飲埋滋潤老火湯, 睇落又唔算好貴~見佢MENU 推介呢個【陳皮冬瓜鴨腿湯】就試試~配埋一碗滿滿既白飯, 夏天就最適合食湯飯架啦!一隻鴨腿, 加上大大粒既冬瓜粒;又瓜類又有肉, 都幾豐富, 而且仲幾消暑下!!湯底仲有微微既陳皮味, 如果唔鐘意陳皮味既就唔好揀佢啦~~同事就叫左咖哩牛根腩飯~~咖哩味幾濃, 帶少少辣, 味道都唔錯;而牛根腩都幾軟腍!!佢仲加左 HK$28 叫左個杏汁豬肺湯~杏汁味都幾重下, 豬肺都有2-3舊, 幾足料架!!滋潤度十足, 下午都有足料湯水飲, 真係正~~~下次再黎試埋其他款既套餐先得;價錢又唔貴, 可以再黎~

之前一向好鐘意黎漁牧吃晚飯~~因為佢地既沸騰魚同埋漁牧混豬真係好好食!!早排得知佢地宜家做埋午市;推出左好多款午市套餐, 價錢相宜, 款式亦不少~趁星期6得閒就同朋友黎試試啦!!!我就點左個手打墨魚滑湯烏冬~份量都幾大碗下, 都有成6-7粒手打墨魚滑架!!!仲有生菜添, 真係好似平時出去食粉麵咁"*手打墨魚滑大大粒, 爽滑彈牙, 加上湯底清清地, 岩哂唔想食咁濃味既人士~~烏冬份量亦好多, 女仔既食量黎講絕對夠肥, 仲會食唔哂添"*朋友仔就點左個福建炒飯套餐;大大碟既福建炒飯, 配料都唔少, 仲有好多茨汁, 撈飯一流!!份量真係多到一個點, 兩個人 SHARE 都仲得"*呢個絕對抵食~~我地仲點左個老火湯試試~~見喉嚨有D 痕, 就揀左木瓜雪耳燉豬展潤一潤佢"*味道唔會太甜又好滋潤, 不錯!!如果係尖沙咀返工既人又多個食LUNCH 既選擇啦~~款式都幾多, 味道亦不錯, 價錢仲唔貴添!!

好掛住漁牧的沸騰魚、水煮等辣辣菜式，不過，由於份量蠻多，想2人去吃也吃不到太多， 加上身邊朋友又不吃辣，要吃辣就要等約齊腳了。。。。今晚坐房， 點不辣菜式止止渴，原來也很有水準啊!原條香飄蒜香味海鱸魚HK$298 ，鱸魚先燒香再煮， 魚肉既不容易散開， 更有烤過的惹味； 配以大量配料同煮， 鮮甜魚肉吸收了蒜香，美味不腥， 吃得舒服!漁目混豬， 4分1邊乳豬配有3款醬料 - 抹茶醬、傳統乳豬醬、漁目混豬醬， 乳豬下有軟糯的糯米飯，乳豬皮好薄脆，若少點脂肪會更美味。 個人認為 漁目混豬醬有點像蜜糖芥茉， 跟乳豬也蠻搭配的!酥炸雞翼，單骨雞翼炸得好酥脆，粉漿份量剛好，加上有點微辣，好香口， 佐酒一流!最後 來杯 Hoogaden Rosee 清油膩!不喝酒的，也有多款健康飲品，梅子冰就最解渴!

美味漁牧沸騰魚@漁牧 我非常喜歡食辣，尤其是川菜，喜歡其麻辣令舌頭麻痺的感覺，喜歡辣中帶著不同香料的豐富口感，喜歡食到頭皮出汗～ 早陣子和朋友到了尖沙咀漁牧食川菜，漁牧是比較新式的餐廳，主打食川菜，價錢在區內萛中等，裝修得很別緻，我們六時左右到埗，客人不萛很多，空間感十足 午餐看起來很抵食，＄４５左右就有飲品和主食，下次要來試試看 食物以川菜為主 不食辣的朋友也有很多東西可以點～ 飲品也有很多款供選擇 飲料點了青檸柚子冰和梅子冰 很喜歡青檸柚子冰的味道很清爽，不會很甜，青檸和柚子味道很合拍，酸酸甜甜 拍青瓜，食起來很爽口，那陳醋令青瓜食起來更開胃，非常清爽的一道前菜 點了一份皮蛋，皮蛋加了醋汁有減少蛋黃的飽滯感，食起來很美味 朋友不能食得太辣，因此點了一份不辣的漁牧沸騰魚 一份漁牧沸騰魚份量十足，未食已聞到陣陣香氣，那種很複雜的味道，有點燒過的魚香，莞茜的清香和酸菜的酸味～ 水煮魚～紅卜卜好搶眼，令人食欲大開 其實只是看起來辣，食起來只有一點點的辣 雪白的魚肉食起來沒有很多骨，而且很滑，不愛食辣的朋友也嘗試食了一點，那種辣度其實沒有想像中的辣，而且辣椒對身體

以川菜作為星期日的第一餐⋯⋯有點過份吧！不過同朋友們聚在一起，吃什麼也是福喲！ 拍青瓜伴梅汁雲耳 青瓜同雲耳是最夾的了，一般伴黑醋，這裡健的是梅汁，多了一份甜味，酸酸甜甜的作為開胃的前菜是最好不過了！ 麻辣牛肚絲 不要被麻辣騙到而不敢吃，實在是麻比辣多，不過作為前菜，這個辣度是剛好的，牛肚絲也十分爽口美味， 香飄蒜香味燒魚 這個是不辣的燒魚，蒜香味很濃，對不吃辣的是一個不錯的選擇。入面還有少許豆卜等配菜，加上魚身幾滑，這樣煮著煮著也不會老。 漁牧沸騰魚（大） 這個香味大於辣味，但確是十分香口。入口時記得睇熱，全碗也是滾油來的，真是要小心呀。不過話又說回來，不是這些滾油，魚片又不會這樣滑啦！ 紫薯驢打滾 喜愛紫薯的，不愛紫薯的，也會愛上這個紫薯驢打滾呀，煙煙靭靭的又不會太甜，實是美味呀！ 生津梅子汁 吃了一輪濃味的食物，來一口生津梅子汁只有一個字可以形容⋯⋯爽呀！

朋友話去尖沙咀食漁牧，我一直以為是日菜，到坐下才知原來是川菜，還好我是一名「辣妹」，就放馬過來。先來前菜拍青瓜伴梅汁雲耳青瓜爽口而清新，整道菜酸酸的，頗開胃。麻辣牛肚絲老實說説如是辣妹，真是覺得不夠辣，不過麻香滿溢。Hoegaarden Rosee 我最愛的啤酒，微甜帶果香，而且更是浪漫的粉紅色。果皇榴槤雞煲我完全無想過榴槤可以用來下雞煲，一放下來已非常香。雞肉帶上榴槤甜香，不過不要煮太久，否則會失去香味。水煮魚賣相真是無可挑剔，魚肉非常的滑，辣椒乾味很香，令人食指大動。甜品是紫薯驢打滾就此。

其實我真係好鐘意食川菜 難得lunch time都有人肯陪我食 我就search到呢間 連星期六有lunch set ! 有主食 飯加飲品!當日叫左:1) 農家小炒肉 $45除左肉片 仲有豆干 京蔥 呢個好惹味 送飯唔錯 除左啲肉微乾2)川香口水雞 $48啲雞肉好滑溜 個口水汁調得夠麻夠辣 好好味丫我地仲額外加左一碗杏汁豬肺湯 share, 夠哂大盅， 仲有4舊豬肺，好滋潤丫(唔知點解一UPLOAD就打橫左張相=-=)店舖仲有個位比客人自己裝水 好方便

又到一班朋友相聚的時間，這次一行六日來到漁牧，裝橫時尚舒適，座位寬敞，枱與枱之間有一定的距離，所以好適合一班朋友聚餐聊天﹗門口有個影相位XD餐具也得精緻⋯酒精飲品有不少選擇，而且價錢相易，這杯Hoegaarden  Rose酒精含量不算太高，香甜的玫瑰味容易入口，適合平日較少飲酒的女士⋯論勝價比一定是這杯Corona特調全勝，單是賣相加份量，很難相信只售$68，酒精含量較Hoegaarden  Rose，但亦有小許甜味，以藍蝶花、雪碧及啤酒混合而成，單是賣相及顏色已經令人興𡚒﹗我們一行六人點了3款前菜，第一款醬油皮蛋個人來說覺得非常出色，一直我都不太喜歡食皮蛋的，因為始終覺得有陣酥味，但這款醬油皮蛋不單沒有酥味，而且爽滑惹味，值得推介﹗第二款前菜是酸甜蘿蔔，酸味較重，甜味較輕，非常爽口，是一款開胃前菜﹗第三款是涼拌心裡美，聽名字完全猜不透是甚麼來的，問問店員，原來是日本紅菜頭，跟我們本地或中國紅菜頭很不同，顏色較淡，而且不會令到其他配料混染出一片血紅，口感清爽，微微清甜，感覺很清新﹗來吃京川滬菜式菜，怎能不試烤魚，這個清江魚回味酸辣味的湯底酸辣惹味，由於我們有朋友不太能吃辣，所以我們點

茶木同一集團另一餐廳推介，以尖沙咀區午餐唻講，價格合理食物有心思。點了麻婆豆腐飯，估唔到平凡小菜中見驚喜。加入了麻辣風味，非常惹味！平時半碗飯都食唔晒嘅我竟然成碗食晒！同事叫咗叉燒飯都好驚喜！蜜味加焦香，連侍應姐姐都認唔住話「呢個叉燒飯得呀！」仲有港式奶茶飲！我會番唻的

因為之前食過有優惠卷送燒魚半價咁就去食多次上次食麻辣海盧魚，結果好'鞋' 298尼個價錢食尼種質數真係有啲失望見到上網食評幾好，諗住一心俾多次機會今次就叫左個酸菜龍利魚🐟以為會滑啲🤦🏻‍♀️🤦🏻‍♀️🤦🏻‍♀️🤦🏻‍♀️點知尼隻魚仲差🤦🏻‍♀️無乜肉又干酸菜魚五知點解有蕃茄又甜甜地🤧，反正好怪煮多陣已經超酸 酸得有點想嘔，不敢再食🤢😷👎🏻配料還可以，土豆豆卜的分量幾多的，其他就一般Um....以這個價錢可以在出面吃到更美味的烤魚了，要去吃的真係要考慮考慮，反正再有優惠我都不去了

是夜一家人出去食川菜，所以選擇了坐得比較舒適的漁牧。座位間有一定的距離不會有壓迫感。加上室內環境整潔又企理，難怪會如此受年輕女性的歡迎。而最重要的是這裡的川菜除了可以選擇正常辣度的傳統味道，又可以選擇唔辣或者少辣。不管是環境還是食物都很適合一大班好友相聚時，不用擔心大家因口味不同…在點菜時為此煩惱的問題。我們點了3個前菜來開開胃...好開胃的酸甜蘿蔔 $30夏天最愛的醬油皮蛋 $33涼拌心裡美 $30睇個名就覺得好靚，細問店員之下原來這是日本紅菜頭來的。而食落好爽口，好適合夏天食。來漁牧必點的一定是這道 --- 清江魚回味酸辣味 $298(辣度只有一隻辣椒)湯底味道酸酸的，基本上沒有什麼辣味，不太能吃辣的人選這個應該沒錯了~而且因為酸酸地所以好開胃。魚肉嫩滑…另外也一定要食入面的金菇菜，超入味。漁牧混豬 (1/4隻) $168簡單點說就是乳豬(乳豬底下有糯米飯)搭配3個醬料一起食用。醬料按個人喜好就好啦~乳豬脆卜卜的很香口，而糯米飯的質感幾煙韌。但又因為是以一小口糯米飯搭配乳豬一起食的，所以口感一點都不會覺得膩，反而剛剛好。香辣左帥蟹將軍 $268龍蝦雞煲 $298第一次見龍蝦雞煲，好

是日又去咗尖沙咀食飯，今次朋友話不如去食川菜，不過我就係怕辣所以唔咁食，驚乜都食唔到，一去到門口見到一隻隻掛鴨，即刻令我諗起北京烤鴨，坐低第一件事order做得果然有水準, 油香滿溢見到餐牌原來都有D唔辣菜式，而且口味都有D特別，或者自己小食呢D飯店所以唔知道有都未定。至於飲嘢就要咗一杯 Rose Beer，朋友今晚做有事人由佢發版今晚食乜餸，我自在參與先點咗小食青瓜伴海蜇頭，入口青瓜清甜開胃,海蜇又夠爽口,撈埋醬汁食，即時有麻辣感覺出來，不過仲可以食到唔算太辣至於今晚主菜係果皇榴槤雞煲，果皇真係果皇未上已有陣香味四溢，而且仲係整粒上，跟著員工才開始攪拌均勻後再煮多一陣才食，整煲已呈濃烈黃色，先食件雞肉肉質滑溜，至於榴槤果肉黏口香濃，湯汁一樣咁香甜又估唔到咁好食再來甜品係紫薯驢打滾，將糯米粉卷埋紫薯蓉，入口煙韌香甜下次來試埋個蟹先！時間真係過得快又食完一餐

我唔知由幾時開始就好鍾意食榴槤，但係身邊嗰個就唔多喜歡陣味啦！今晚好難得約到一班friend，唔介意我食榴槤坐低吹水叫杯啤酒嘆下先咁就真係食盡佢啦！果王榴槤雞煲，果然係名不虛傳，我最估唔到嘅就係原來榴槤同雞係咁夾嘅成個雞煲食物都好香甜美味大大件榴槤，同雞煲一齊煮，成煲汁都變得好 creamy, 店員仲會自動自覺幫我地攪勻佢以免癡底幾個人share一㷛，好快就已經清左啦！呢個時候先有時間食小食海蜇青瓜超入味，而且啲汁做法好正宗第二樣一定要叫嘅就係片皮鴨，我懷疑佢真係即叫即燒，因為我哋都等左差唔多成個鐘先有得食，同埋我鍾意佢夠認真，會暖住啲粉皮，等佢哋唔會黐住一齊。皮脆肉嫩，而且啲鴨皮脂肪夠晒香口，一放入口有初戀嘅感覺跟住我覺得呢個係外省甜品宮廷驢打滾，仲要係紫薯口味，真係好特別呢！都算係口味幾獨特嘅川菜，下次可以再encore

今天與朋友到位於尖沙咀加拿分道20號加拿芬廣場2樓的漁牧，是新派的京川菜館。這裡很氣氛，有點像西式的高級餐廳，燈光很有情調。店服殷勤的安排我們到一張大桌。這裡果然有很多菜式選擇，菜牌像翻不完的，最終我們點了前菜是涼伴心裡美，醬油皮蛋，酸甜蘿蔔，而主菜點了清江魚回味酸辣味，漁牧混豬，龍蝦雞煲，香辣左帥蟹將軍，紫薯驢打滾，還點了Coronarita特調，Hoegaarden Rosee，鮮榨西瓜汁。醬油皮蛋是糖心的，心好滑好軟，有入口即溶的感覺，好好食啊 酸甜蘿蔔酸酸甜甜，作為前菜，相當開胃清江魚回味酸辣味，起初怕川菜會好辣，但原來這回味酸辣味屬於微辣，入口不會太辣。漁牧混豬名字很有趣，還附上三味醬料，我最喜歡芥辣味道。第一次食龍蝦雞煲，這樣的配搭都幾創新，味道不錯啊香辣左帥蟹將軍，底部舖滿了小辣椒乾，蓮藕片及薯仔片，以為這麼多小辣椒會好辣，原來不太辣，還很惹味。甜品紫薯驢打滾，感覺非常健康的甜品，因為只是微甜。Coronarita特調好有氣勢，好大杯。Hoegaarden Rosee，好清新鮮榨西瓜汁好清甜，解暑一流總結：漁牧是一間不錯的新派的京川菜館，味道不會太辣，適合一般香港人口味，