漁牧 (已結業)

返工日日忙忙忙。。終於擠到一日帶呀媽出黎威:::食餐好既~喺附近返工，次次黎呢度食lunch都話要搵日試下個晚餐! 終於講到真係有呢個雞會~夏日炎炎坐低叫左個沙律菜過下冷河先::估佢唔到既係佢用我地平時會煮到淋曬既旺菜，但係呢個冷盤texture係超爽既!配埋冇得輸既芝麻醬真係胃口大開喺苦惱緊食咩好既時候，有個哥哥走埋黎問我地係唔係麻辣既fan屎::正中下懷!佢推介我地食個麻辣雜菇:::::哇唔係有人介紹真係分分鐘會miss左呢碟極品::感覺上係將口水雞既汁撈雜菇又麻又辣真係好好味!!!終於到主菜!!!乳豬乳豬漁牧混豬好新奇地佢有綠茶醬，蜜糖芥末同埋燒烤醬::其實我個人覺得。。乳豬應該就咁食，享受喺口腔入面既脆皮同肉香，之後用墊底既香茅糯米飯點蜜糖芥末，咁先食得曬啲精華瞬間消滅完碟乳豬，就黎養顏花膠雞煲!!!!!半隻手板咁粗既花膠!一啖咬落去。。漿住成個口好感動!!再加啖啖肉既雞!!吸收曬啲精髓!其實食完咁多野都好夠飽。。但係心思思未滿足，索性叫個甜品餵埋個甜品胃呢個唔單止係眼前一亮，仲係非常滿足::呢個紫薯淡淡地味，個皮又唔乾，入口即溶::真係::大!滿!足!

一班愛吃辣嘅朋友今次相約到這裡吃晚餐，貪佢嘅環境舒服，地方闊落，絕對啱晒一班人聚一聚嘅好地方，原本以為大家都愛吃辣原來有些人不是太吃得辣，為了佢地，所以點了啲唔係太辣嘅菜餚吃！係餐牌上食物嘅選擇都超多，有辣有唔辣，見到人地點了條水煮魚，上面放滿了辣椒，望望餐牌燒魚三步曲，先從三種魚選出一款，比較喜歡吃鹹水魚所以選了海鱸魚$298，第二步選口味，今次要唔辣嘅香飄蒜香味，第三步選配料，加了蟹柳$18、老豆腐$16；另外再加多個餐前涼菜小吃青瓜伴海蜇頭$44，青瓜爽口配埋個辣酸汁辣真係十分開胃，而海蜇頭亦好爽口彈牙，好有口感，重要係浸泡在酸辣汁中後，夠晒入味！另加多個壇子花雕醉雞$58，入口時感受到雞肉嫩滑重要充滿花雕酒嘅味道，餐前必吃推介！主菜上枱，大大個盤上放滿了配菜，最緊要係條海鱸魚，見到廚師已經將魚身分對開放在上面，魚身肉質嫩滑，真係啖啖肉，而今次雖然不是火熱香辣味而是香飄蒜香，但味道亦十分出色，爆香嘅蒜粒，加埋濃郁嘅湯底，魚肉吸收晒啲味道！反而愛吃蒜香唔吃辣嘅嘅朋友另一個選擇！當然吃得濃味就會有啲口渴，點杯飲品解一解口渴先，Cornoa特調$68，看似較貴，但望完就知道係超抵，大大

星期日同朋友約去尖沙咀食Lunch，本身諗住食茶木但好多人排隊，就轉場到隔離同集團嘅漁牧。想不到星期日仍有午市套餐，價錢更只是40至50蚊不等，包小菜，白飯加飲品。我答朋友叫了口水雞同小炒肉，再加$18要了菜和加$28要個湯。餐具非常精美，與餐廳名稱緊扣。川香口水雞套餐 - 雞肉嫩滑，唔似一般餐廳太熟口或者未熟既兩極，香辣但不麻，送飯一流！農家小炒肉套餐- 用老抽醬油做的炒肉片，能夠肉香及辣椒香兼備，充滿濃濃鄉土味。可惜對於不太吃得辣的我這個辣得過火。杏汁豬肺湯-豬肺湯充滿淡淡杏汁味，豬肺非常乾淨，非常美顏滋補。唐生菜也非常鮮綠。值得一提的是餐廳有自助式裝水，對於不能吃辣的我這是非常貼心的服務。餐廳非常闊落，星期日午市人流不算太多，能夠和朋友聊天上兩小時，比去Cafe更划算。

同朋友 The One 睇完戲先食飯，有一個特別鍾意食川菜，其他人無乜所謂，不過我就好驚麻辣太刺激。去咗旁邊嘅加拿芬廣場搵食，成條魚係個招牌度咁即係我一定要試吓啲魚喎！一坐低熱辣辣叫杯特飲先，顏色望落去好醒神，面頭仲有啲生果食下Coronarita $68。好大杯架其實都可以share 嘅不過我一個人都飲得晒跟住係今晚嘅主角燒魚，我哋選擇海鱸魚 $298朋友見我唔食得辣，特登就我點左個唔辣嘅香飄蒜香味食燒魚都真係好 flexible, 喜歡嘅可以加配菜，加 $16 就可以有老豆腐Fiona 推薦，咁一於試吓啦！吸晒啲魚汁嘅精華正到爆炸原來同焼魚一齊煮熟左嘅蒜頭係咁好食嘅我見我啲朋友食到一粒都冇得剩。魚肉非常嫩滑，食落去好鮮味，一啲油膩感都冇。因為酒精係我嘅朋友，所以我靜靜雞點左個小食花雕醉雞，獨食難肥，好味到冇朋友。跟住大家都勁鍾意食蟹，叫咗個香辣蟹將軍，唔太記得價錢，好似係 $268我覺得呢個辣好刺激我接受得到同埋我好鍾意食啲配菜啊！蓮藕片呀！薯片呀！同埋雲耳囉！大大隻蟹鉗，爆開勁多肉食一隻真係唔夠喉，勁想encore。最後食返個特色甜品，紫薯 盧打滾 $36 有半打 happy e

從餐廳嘅格局由外看，裝修新潮，正好配合尖沙咀嘅時尚味道，往內走，發現空間很大座位十分舒適，與熙來攘往的尖沙咀街道有點兒差別。兩個人分別點了兩個午餐，平均價格只是40多元，還包了飲品，價格十分相宜。最愛叉燒飯的我，點了這個秘蜜叉燒，原來秘密之處在於叉燒面上的柚子醬，酸酸甜甜，讓肥瘦不一的叉燒帶來一陣清新的氣味，這個配搭是我第一次嘗試，留下了滿足的味道。另一味菜是川香口水雞，不太吃辣的我，覺得口水雞的味道十分鮮嫩，而且不是太辣容易入口，雞件雖然不是很大，但份量10分十足。這個新飯堂真的不錯。

川菜呢種食物，聽到就即刻諗到D食物好辣，唔敢去食，咁就錯啦佢都有其他唔算太辣菜式選擇而且都好好味，今次就去咗呢間係尖沙咀加拿芬廣場，去品嚐一下美食入到去已見到半透明廚房，看到師父即場手藝。呢度都有幾種口味迎合大家緊有一款啱你胃口，有燒鴨&燒魚同雞煲。仲可以加入其他食材坐低先點咗杯Hoegaarden rose飲住先。跟住叫咗D涼菜食住先，佢就係川香鴨舌，未食已見鴨舌色水相當深色，已製作咗一段時間才會咁樣應該入晒味道，食入口都幾刺激，先輕輕咬一口肉質爽嫩，味道慢慢係口裏滲透出來麻辣嘅味道，好嘢味再來係主菜點咗燒魚，至於囗味係香飄蒜香味，魚係海鱸魚。仲可以加配菜食添，要咗海帶&蟹柳同老豆腐。海鱸份量幾大條，師父已將魚煎一煎面層香口啲，再切開一半才上鍋燒，未食已聞到D蒜子香味，煮左一陣已經可以起動筷子，先食海鱸魚肉超滑嫩鮮甜，啖啖肉又小魚骨，蒜粒一樣好香口，點埋湯汁更好食我就叫咗個白飯撈埋D湯汁食，唔好浪費佢唔經唔覺又享受咗一頓川菜味晚餐。

位於尖沙咀加拿芬廣場2樓既漁牧之前都聽朋友介紹過e度主打食雞煲同烤魚招牌條魚好得意 原來有意思， 由甲骨文做基礎，演變出來的漁牧文（即係老細自己創出來的文字）意思：雞魚鴨今日本來約左朋友黎食烤魚，但發現e位新界朋友竟然連門口都未出既情況下，而自己到達左餐廳唯有轉一轉，試下e度既午餐地方都幾寬敞， 坐得幾舒服星期日既人流較少，午餐平均收費$5x,尖沙咀區算正常，今次等我試下乾炒牛河。。全名：老乾媽牛肉炒牛河 $45跟飲品牛河個色水唔錯， 炒得都幾乾身，牛肉較少， 但味道唔錯

一連幾日落雨，都冇乜出過街，今日決定去尖沙咀食餐好嘅午餐。今日同大人行開尖沙咀，先發覺原來加拿分廣場有間漁牧，所以入去一試！由於比較細食嘅關係我哋叫咗一個午市兩份食^_^係餐牌度見到佢嘅叉燒好吸引，就決定叫個秘蜜叉燒飯！原來秘蜜叉燒飯係咁解😂叉燒上邊有啲柚子皮好似平時沖柚子蜜嘅柚子皮咁！再加上蜜糖燒烤而成嘅叉燒！味道非常之好味而且十分開胃！叉燒係有厚切切成的，所以有一定嘅厚度，入口好有質感，而且肥瘦適中，好啱女士食用！加上叉燒上面有一絲絲嘅有柚子皮，食落好爽口好開胃😍！叉燒上邊沾上叉燒嘅蜜糖汁同有柚子汁，撈左落啲飯到，真係好惹味呀！

茶木難搵位，開正隔壁的漁牧與茶木屬同一集團，相對較易搵位。我們三人被安排到寬闊的卡位。開了一整天會，立即點兩個小菜和飲品。香甜爽口菜（＄33）以各人大愛的日式芝麻醬拌沙律菜，受歡迎程度可想而知。麻辣醬汁則是絕味雙菇（＄34）的重點，冬菇與雞脾菇立即被一掃而空。當初以為這裡只有水煮菜式，原來還有片皮鴨、雞煲、乳豬等經典中菜。雞煲選擇多達 9 款，最新的有榴槤雞煲。我家都不吃榴槤，所以點了養顏花膠雞煲（＄318）。雞煲以鑄鐵鍋端上，賣相美味吸引。雞煲以新鮮雞炮製，內裡有 4 隻大花膠。微辣的奇香醬汁全滲到雞件和花膠內，夾起每件都爆汁入味。花膠份量十足，如果再煮稔一點就更完美了。漁牧混豬（＄168/ 1/4 隻）啖啖肉烤乳豬底下有糯米飯墊底。除了傳統乳豬醬汁外，另有抹茶醬和蜜糖芥茉兩款創作醬汁。創新醬汁原來與脆皮乳豬很搭，就連烤乳豬也有新穎的吃法。人多的話另有半隻或全隻選擇。雖然吃得飽飽濟濟，不過仍然想將一點甜品放到嘴裡。紫薯驢打滾（＄36/ 半打）有種「估你唔到」的驚喜。暖暖的溫度，咬下去軟綿綿，紫薯蓉與糯米合而為一，不甜不膩，是整晚最精彩的小碟。

呢間好似標榜食辣野🌶，但係佢個咸比起來更加突出。三個人，可以食嘅嘢唔多。燒豬🐽糯米飯，好食真係講唔上，最多只可以講塊皮好脆，糯米飯係OK的。主菜係呢兜魚🐋，另外加左三四款逐樣收錢嘅配菜，上枱前已經放咗喺🐟下面，少到👀要落足心機先搵得到！呢個年糕蟹好平，賣相都好靚，但係食第一啖已經覺得超級咸！日日出街食飯，重口味嘅我都頂唔順！呢度嘅侍應個個都比較後生，高級啲嘅好似想對個服務有啲要求，對低級嘅比較凶狠，睇住佢響你面前鬧人都幾尷尬。

本來好開心同朋友慶祝生日，因為訂了房間所以有minimum charge $2800。 本身訂左隻燒豬，突然話個爐壞左，咁就算啦。於是叫多隻鴨食，又話冇，叫醉雞，又話冇。叫咩都話冇，到我地食完，收晒枱上所有野重之後有位小姐入來話我地差$150 先夠。 我就同佢地講，大佬呀我地叫咩冇咩，如果我地原本想要果D野有既話，果度都$500 啦。跟住個小姐態度極差咁話因為房冇時間限制所以一定要夠數，你冇時間限制，但食物有限公司呢! 為左差$150令到我地個生日飯唔開心，冇左9個客人，本來係滿意，但最後比果位小姐既態度搞到冇晒mood!

補祝母親節飯 當然系主角話事 ---- 漁牧----打電話訂位時 最好oder 埋 片皮鴨/乳豬先因為佢每日都有限定數量 訂左就吾洗睇彩數1830 到達 未見滿座 未見排隊 應該時間尚早吧安排到卡位位置 最鐘意坐卡位 左右吾會有人騷擾menu上有既food 冇供應都算太多喇 扣分！上菜速度都幾好 吾會太急落齊 又吾會等到2046鴨舌 ：本人覺得味太濃太咸 同埋似系BB舌 好細粒 漁牧混豬 (半隻):同中式吾同 呢個個脂肪層好分明亦好厚 但皮系炭香既脆 同埋連埋好多肉 肉都系好嫩既 但得本人覺得重點系底下既糯米飯 吸晒豬油同用薑蔥混埋一齊好香口呢個煲個明堂吾就得 但就勸大家吾好太貪心 食一款料既鍋好喇 呢個有龍蝦 大吊筒 花膠 半隻雞 同蠔 龍蝦頭多膏 但吾好期望肉多同埋肉吾爽吾嫩 應該系半生半死既情況下煮的 花膠算大舊冇'lim'口既感覺亦冇味道 半隻雞好似系食左三/四細舊其他系腳同骨 蠔就吾洗講 系搵食咩好既時候已經撩爛晒 $5xx 真系吾抵食 本身仲諗住晒個麵 點知佢得一款 我地唯有嗌雙色曼頭算🙈好果系呃like既都可一試 但相信有第二次既機會都難難地 吾系吾好食 只系未將食物既

眾所周知食魚有益，佢有獨特嘅不飽和脂肪酸，有助降低膽固醇，從而預防心血管疾病。此外，仲含有豐富礦物質、鈣質及維生素。之但係。。。我係唔鍾意食魚嘅，啲魚有骨😔又有腥味！但一場黎到漁牧，點都要試下食燒魚啦！叫咗海鱸魚，因為有人唔食辣，所以配蒜香湯底。食唔到四川湯底，覺得好可惜！但係我錯啦。。一上枱，已經聞到香噴噴，試一試，魚肉甘香可口，冇骨，帶有濃濃蒜香！加配薯粉及其他蔬菜享用，薯粉索晒啲汁，又爽又彈牙！蒜香湯底比預期惹味！最後我哋食晒成條魚，連骨都「蒜」埋！順帶一提，憑單再光顧可以有優惠，叫燒魚可以半價，抵啊！

辣妹子表示不夠過癮之四川菜(☝︎ ՞ਊ ՞)☝︎來自成都的友人竟然吃不了辣？在日本生活的成都友人來港一直說想要吃中菜，看見這裡有他最愛的北京鴨，所以被照騙騙了我們來吃『四川』菜？哈哈，又不能就是被騙的，反正就是來到又可以吃鴨鴨又可以吃一下他的家鄉菜，讓他懷念一番也好。眾人就是被這一鍋鍋的LC吸引而 來~~這個要預訂，所以就『下次見嚕』在等『齊人』時，忍不住叫了幾碟小前菜，皮蛋很入味，汁不會太咸，剛剛好﹗(不太吃皮蛋的姐也嚐了又嚐那好味汁﹗)青瓜海蜇也同樣出色﹗兩款材料也是我的菜只差一位友人…她到達前…親固encore了皮蛋，再加這個<<風沙雞翼 - >>好像…不太入味，也不夠惹味圖片真的只供參考…menu中那圖片比例也太差了吧…(職業病又來了)和友人各點了一杯右邊的Corona…大到呢…可是味道…可想而知，一支Corona例進這麼大杯冰裡，其實真的是像喝水一樣﹗幸好紫色的沒有藥水味﹗(萬幸)小前菜後就是大前菜﹗<<片皮鴨子>>老老竇竇.so far so good.是友人想吃才會點，看似經理的幫我們下單時提醒需時1小時製作…應

由於我同我fd book左位 好快就入得😂😂😂一去到 我地都好肚餓 就點左個誘人麻辣味嘅烤魚烤魚等左15分鐘到就到左 都算快到但條魚我覺得未夠辣 同條魚唔係好滑相比起其他餐廳差小小😞服務就幾好嘅會幫你切開條魚