潮叔 (駱駝漆大廈第三座) (已結業)

咁岩觀塘約朋友 順便食晚餐 去左附近火鍋店 系工廈 入到去有好特別既語句👏同Bear擺設 正宗汕頭人主理既牛肉👍分左唔同部位揀來食🤣📌$88一人小火鍋 X 2 番茄薯仔湯底 烏冬牛肉👍揀左吊龍 好有牛肉味 with 菜籃、五寶盒豐富、抵食既火鍋盤香濃沙茶湯底黃喉📌飲品：😋冬瓜茶清涼👍📍觀塘開源道60號駱駝漆大廈第3座4樓A1室🏷️潮叔 (駱駝漆大廈)#觀塘 #火鍋 #牛

今日去開觀塘，返歸前去潮叔打個一人邊爐先。我地兩個人每人叫左個一人火鍋（$88），大家share唔同嘅牛肉黎食。麻辣湯：朋友只係食得少辣。我試過個湯，有麻，有辣既味道，香料味夠，而且唔會太鹹。入邊有兩舊雲耳。蕃茄薯仔湯：有兩舊蕃茄同兩舊薯仔。湯底清清地，冇落味精。我打完邊爐之後，飲晒全部湯。匙仁：牛肉味重，冇肥肉。啱晒瘦身人士。因為佢切得夠薄，淥幾秒等牛肉熟之後，都好容易咬開。吊龍：佢每一舊都黐住少少肥肉，所以食到牛肉味之餘，仲有一陣油香味，肉質嫩滑。五寶丸：有魚蛋，豬肉丸，魚皮餃，牛丸同埋豬肉餅各一粒。各種丸都好有質素. 魚蛋彈牙，豬肉丸同埋牛丸都彈牙同juice得來入邊有油香. 時令菜藍:有生菜，蓮藕，萵筍，娃娃菜同埋蕃茄。生菜爽脆，蓮藕清甜，萵筍爽滑。蟹王麵：兒時回憶，每次我見到有都一定會叫。麵質爽口。嗰包油係精髓！烏冬：正常可樂（$8）及手作金橘檸檬百香果（$18）：手作金橘，檸檬百香果，應該冇額外加糖，所以係非常健康嘅飲料。個啤啤樽好得意。如果大家注重牛肉質素，而又想食重牛肉味嘅牛肉。潮叔係一個好選擇. 希望大家支持小店！

男朋友最喜歡食牛，今次仲食得好嘴刁，搵到間可食牛不同部位的小店，佢真有研究。環境整齊企理，有九至十張四人枱，每枱都有火鍋用具，原來呢度主打一人火鍋。除了一人火鍋外，還有小食和飲品。另外見人買一包包的火鍋料回家。我地各要一人火鍋($88)，每份包有主食、麵底、湯底、五寶丸和時令菜籃。男朋友揀咗吊龍、蟹黃麵和芫荽皮蛋湯底。芫荽皮蛋湯底有好香芫荽味，仲有些皮蛋，又好飲又下火。五寶丸有石斑魚丸、牛丸、豬肉丸、蝦餅和魚皮餃，每款都好彈牙和多汁。最喜歡是蝦餅，好特別和鮮味，真材實料。時令菜籃有唐生菜、娃娃菜、粟米、蓮藕和蕃茄，全部都好新鮮，粟米仲好甜美多汁。男朋友揀了吊龍，潮叔教：它係牛肉眼，肥瘦均勻，肉味最濃，鮮美有嚼口。果然牛味香濃，色澤紅潤，涮一涮，好有嚼口，正!我的一人火鍋 ($88)就要三花趾、烏冬和芫荽皮蛋湯底。潮叔教：五花趾係牛後腿肌腱，筋肉分明，口感嫩脆，嚼勁十足。唔知五花趾和三花趾同唔同，但食落都好有牛香，口感嫩而嚼勁，好岩我。男朋友要手作金橘檸檬百果 ($18/跟餐)，而我要了手作酸梅湯($12/跟餐)，兩樣都係手作，用心! 仲用咗好得意的樽仔和貼上“Have a nice d

潮叔位於觀塘駱駝漆中心，在觀塘地鐵站步行約數分鐘就到達。鋪頭燈光光猛。比較容易找到。環境乾淨 方便三五知己一起去食飯。飲品櫃有多款不同的飲品，有烏龍茶、可樂，雪碧王老吉，還有自家製飲品等等。百香果金桔檸檬 $22老闆說是手制的飲品，非常特別。樽身可愛，百香果酸酸甜甜，滋潤又開胃。羅漢果菊花茶 $22清熱降火，亦是不太甜，健康首選。🍲一人火鍋（烏冬、小辣、麻辣湯、三花趾）$88蔬菜籃有蕃茄，粟米、生菜，萵筍等。這間店舖的牛肉款式非常多，幾乎每個牛的部位都會有！老闆推介了三花趾，肉質鮮嫩，口感獨特，具有較高的營養價值。麻辣湯叫了小辣，並不太辣。五寶丸很爽口，非常新鮮！烏冬正常口感，非常飽肚。🍲1人火鍋（烏冬、沙茶湯・匙仁）$88匙仁因為連著脖子，筋肉結實，肉中間穿插著細筋，是嫩上加嫩，肉質極為柔嫩甜美。沙茶湯是香而不辣。附有不同的醬料，可以免費添加。推介指數：⭐️⭐️⭐️⭐️⭐️

一人一鍋潮州邊爐推介🤩性價比好高仲有唔同牛肉簡~🤤主食: 七選一吊龍，肥牛，豬板筋，三花趾匙仁，牛拍葉，黃喉麵底: 四選1烏冬，米線，蟹黃麵，出前一丁五寶丸一份時令菜籃一份最後揀火鍋湯底粟米蘿蔔湯蕃茄薯仔湯麻辣湯香濃沙茶湯芫荽皮蛋湯酸湯另外加$10 仲有醬料唔會另外加錢，老闆話蒜蓉辣椒醬係自己整十分推介自家製蒜蓉辣椒醬點肉類又辣又惹味 😍😍香濃沙茶湯好濃郁，淡淡嘅花生香味簡左吊龍襯沙茶湯，一食唔會搶咗佢嘅牛肉味吊龍比我想像中好重牛肉味食落去好有口感🤤好鐘意最後食埋公仔麵，索晒啲湯真係好正皮蛋芫荽湯好重芫荽味湯入邊亦都有幾粒皮蛋揀咗豬板筋襯皮蛋芫荽湯食落去比較冇咁重口味😆豬板筋食落去口感好爽口好似豬頸肉，好好味如果唔食牛嘅人推介食佢🤤呢個湯底就揀咗烏冬烏冬爽口彈牙😋

一到冬天就好想打邊爐🤤 放工去觀塘區駱駝漆搵食，見到網上唔少好評，一於試下依間潮汕牛肉火鍋😍 食物方面有多款火鍋配料選擇，目前有推廣優惠，一人火鍋只需$88，免醬料費免加一，超抵食！一人火鍋包括一款牛肉、一款麵、一份五寶丸、一份時令菜籃，好豐富~我們選了粟米蘿蔔湯及香濃沙茶湯，粟米蘿蔔湯清甜滋潤，香濃沙茶湯鹹香惹味~牛肉好有驚喜！我們點了吊龍及肥牛，吊龍口感軟嫩有咬口 牛味濃，肥牛則爽口彈牙，好好味！🤤 還有豐富蔬菜及麵，好飽好滿足☺️

咁啱喺駱駝漆行街，行到四樓聽日盡頭，有一間叫做潮叔嘅舖頭，見到有一個$88嘅火鍋，可以揀潮汕牛肉 ，就入咗去食。環境都幾乾淨，獨立包裝嘅餐具，夠光猛。$88火鍋可以揀想要嘅肉類同主食。一個人食嘅份量都非常之足夠。除咗潮汕牛肉同主食之外，仲有唔同款嘅丸，新鮮嘅蔬菜。我揀咗清清地嘅蕃茄薯仔湯，除咗蕃茄同薯仔每樣一兩嚿之外，仲舊粟米。另外，我仲叫兩個小食，$24有咁多件都好抵食，熱辣辣要攤凍啲先至好食～夜晚都坐滿晒人，如果想去就記得盡早book位。

去開觀塘工業大廈嗰邊買嘢.lunch都未食嘢肚餓.喺4樓見到有得食汕頭牛肉.喺香港好少見而且一人一鍋幾好👍🏻決定同朋友入去試吓!食物:同朋友叫咗兩個一人餐湯底:粟米蘿蔔.芫荽皮蛋每個套餐包一份牛肉.五寶丸.菜籃.麵底牛肉揀左吊龍.匙仁另外加咗半份雪花牛麵底揀左米線.蟹黃麵吊龍有小量油脂入口好順滑.牛味重.匙仁相對上油脂少好嫩滑.而雪花肥瘦均勻做到入口即溶👍🏻三種牛肉唔同部位都好好食.五寶丸當中我最鍾意蝦餅同魚蛋好爽滑彈牙!食到最後加埋麵底.吸晒個湯底好好食😋整體而言:喺工業大廈入邊相對人流冇咁多.唔使同人迫又冇限時幾好.冷氣都夠涼唔使驚打邊爐會好熱.點餐後店員有比六種調味料可以自己混醬.我個人比較鍾意一人一鍋.鍾意食咩就自己加落去個爐又唔驚俾其他人食咗.重點係唔記得用公筷都唔驚同埋比較衛生.食物都好新鮮同埋乾淨.價錢都好平👍🏻

天氣涼涼lunch都好想食熱辣辣既野呀！今次試左個一人火鍋，可以自選一款肉類、湯底，一人火鍋仲會包括埋五寶丸、蔬菜籃同一個麵！首先可以揀左醬料先，醬料冇額外收費我揀左吊龍，口感都好滑！另外就叫左個乾炒鵝肉蟹王麵，份量都幾多，炒得幾香跟餐可以用優惠價加配小食，我地加左個蜜糖雞翼同涼伴皮蛋！蜜糖雞翼炸到好香脆，但內裡仲係好juicy 同好滑！涼伴皮蛋個辣醬幾惹味，皮蛋又夠軟心！原來而家午市一人火鍋做緊第二位半價，咁樣都幾抵呀！

觀塘區潮汕牛肉專門店💖 食物方面主打牛肉火鍋，亦有粉麵選擇，店員細心有禮，整個用餐體驗很好～目前有推廣優惠，一人火鍋只需$88，免醬料費免加一，超抵食！人均消費$100以下已經好飽肚我們選了粟米蘿蔔湯及芫茜皮蛋湯，兩款湯都好清甜滋潤牛肉好有驚喜！我們點了五花趾及黃喉，五花趾口感軟嫩有咬口，黃喉則爽口彈牙，好好味！🤤 還有豐富蔬菜及麵，好飽好滿足☺️飲品選擇都好豐富，我們選了酸梅湯+$12及烏龍茶+$10，清爽解渴😋

好鍾意食牛肉，但今晚又唔想食日式燒肉。上OpenRice搜索一下，竟然搵到一間潮汕牛肉火鍋！之前喺深圳食過幾次，非常回味，唔知香港是否有相同質素？【潮叔】又係位於觀塘工廠區美食地帶駱駝漆工業大廈三期樓上。原本只在長沙灣區有一間小地舖，主力販售潮汕火鍋食材，尤其多款不同部位的中國黃牛肉。三個月前左右，索性開舖做埋火鍋；選址觀塘工廠區樓上鋪，估計貪租金平，小本經營作為試點。門面沒有任何裝修，只有兩個易拉架，掛起大大張海報。招牌設計簡單搶眼，只用紅藍白三色。架上墨鏡的「潮叔」，果然很潮；既配合餐廳名字，同時取其寓意「潮州大叔」。室內裝修同樣簡陋，只簡單擺上幾張木枱及矮背靠椅，用餐環境並不舒適；慶幸今日客人唔多，否則肯定會不太理想。甚至只是採用家用式電磁爐，並非正規火鍋店的嵌入式電磁爐，可見開業成本慳得就慳。暗灰色工業風水泥牆上的這兩句話，有點不明所以。唯一可以使人聯想起【潮叔】是間火鍋店的裝飾，就只有這張用中文標注的簡單「解牛圖」。餐牌簡單，只有不同部位牛肉、潮汕丸類及幾款蔬菜。所有牛肉全部在潮州屠宰、清洗、切片、獨立包裝，然後急凍運來香港。叫套餐或者全部單點火鍋配料的話，店家會提供電磁爐。

天氣轉凍就緊係要打邊爐啦🫶但想放工食個一人火鍋？呢個係個好好既選擇！88蚊一個set食到超級飽～首先每人一個大大既煲，我嗌既係沙茶湯，非常之濃郁每份仲要有五隻丸，選擇困難症表示好開心每隻都可以試到😂個人好中意牛丸，夠彈牙牛肉味夠真，唔似平時街市買既咁假🥹芝士丸都唔錯蔬菜盆望落去每一份感覺都好新鮮，粟米蓮藕娃娃菜份量都好足，食落好安心d～另外湯底都有少量蔬菜重頭戲就係牛啦！想要重牛味、肉質又夠嫩滑嘅一定要揀吊龍😍有少少油脂所以煮耐左少少都唔會好嚡 ～ 份量好足夠 啲牛由頭食到落尾🤣打邊爐必配酸梅湯🤓佢哋嘅酸梅湯用熊仔樽裝🫶🏻好可愛～酸酸尾尾好開胃解膩 不過個人鍾意飲酸啲，所以覺得佢略嫌有少少甜🤣

喺觀塘，知道呢座大廈某啲樓層有食肆，咁就諗住上去簡單試吓新嘢，上咗4樓，一開電梯門就見到呢間，咁就唔考慮啦，就呢度啦🤣$58「鵝肉撈 配紫菜牛丸湯」，可選：米線/烏冬/蟹黃麵/出前一丁，咁我揀咗 出前一丁，另外再加 「匙仁」同埋「三花趾」（每款 $10）🤩「鵝肉撈」上邊有 鵝肉、匙仁、三花趾，鵝有鵝咪😋；匙仁、三花趾 呢兩部份嘅牛肉有少少咬頭，真係好牛味🤩；仲加埋甜甜哋嘅沙茶醬，食得好開心🤣；「出前一丁」 麵底就當然係好食啦 🤩「牛丸湯」嗰2粒牛丸有濃郁牛味🤩$12「郊外油菜」：油菜係生菜，新鮮爽脆，加咗少少醬油同麻油，簡單好食😋$8「無糖可樂」：凍冰冰，配濃味嘅食物好夾😋

呢日同朋友各order佐一人火鍋只要88～就食到超級飽我地嗌既湯底都係沙茶湯底，感覺沙茶味十分濃郁！入面已經already有好多蔬菜，我嗌既肉類係吊龍，同個湯底非常夾🥹食到肉質既彈牙！朋友嗌既肉類係豬板筋，原來係一條條嘅，店員好細心提醒我哋煮15秒左右就夠，食落好爽口，唔會肥膩除此之外每個人中有個菜籃，入面都有成4 5樣蔬菜🫶呢個一人邊爐感覺非常之健康啊～而且每款蔬菜都十分新鮮！套餐入面仲包埋五款丸😼我個人好中意粒芝士丸～同出面d芝士丸唔同食到好香魚丸～我朋友覺得魚皮餃最好食套餐仲可以烏冬、米線、蟹黃麵、出前一丁四揀一，我哋都嗌咗烏冬，份量超多😂索晒沙茶湯底好正，食完真係好飽我同朋友都嗌咗酸梅湯，佢用個熊啤啤樽裝住好可愛🐻好開胃解膩，又唔太甜呢度環境都闊落，坐得幾舒服，好啱同朋友收工過嚟邊一邊爐～

觀塘食飯真係好難搵位，好彩早左出去食，咪晏少少都有排等位！朋友簡左食潮叔，位於駱駝漆四樓我叫左個一人火鍋，幾多野食，食到好飽！湯底選左莞茜皮蛋清甜，多芫茜打邊爐個醬料好重要！最中意食個沙茶醬，甜甜地，又香！肉我選左豬板筋第一次食呢個陪位，望落同食落既質感好似豬頸肉甘，一啲都唔肥，好爽脆！好特別！蔬菜籃有生菜，娃娃菜、蕃茄等，好新鮮，個湯唔油膩，所以食落好清甜！五寶丸牛丸同魚蛋都好彈牙！艺士丸多芝士粒，好味！食埋個蟹王麵就飽晒！個麵滾一陣就得，好爽口！干炒鵝肉蟹王麵麵炒得乾身又爽口，味道剛好，唔好太咸或太油！炸墨魚餅熱辣辣，好多墨魚肉，食落好爽口彈牙，配埋面頭既芝麻香料好夾，好食！唔錯既一餐！