潮叔 (駱駝漆大廈第三座) (已結業)

前排行觀塘駱駝漆，見到有間新開嘅餐廳，可以食到特別嘅牛肉部位，就同朋友一齊去試下。佢嘅座位都好寬敞，坐得都好舒服！佢呢間餐廳除咗會提供炒湯粉面飯，仲可以簡一人火鍋，最尾我同朋友都簡咗一人火鍋，簡咗番茄薯仔同沙嗲湯底。1. 一人火鍋佢個一人火鍋好吸引，可以四簡一款牛或豬嘅部位做主菜。我同朋友就各簡咗吊龍同三花趾；吊龍肉係牛脊背上的一條長肉，肉質比較軟腍，而三花趾係牛前腿上的一小塊肉，牛筋會比較多，口感會比較豐富。呢到嘅牛肉食落都好新鮮，同埋好有牛味。呢到嘅店員都好nice，會主動同我地解釋啲肉屬於牛嘅邊個部份。一人火鍋套餐除咗包一碟肉，仲包埋菜籃、五寶盒同一款面底；五寶盒有魚皮、魚皮餃同三款丸，最推介嘅係牛丸，食落好重牛味同多汁，而面底最推介嘅係蟹黃面，其實佢係即食面，但佢嘅口感比較彈牙同掛湯，同沙嗲湯底好夾！

今天買完東西經過走廊，看到入面的環境乾淨整潔，氛圍舒適就和朋友試下食。點了他們的招牌美食。首先，我點了一碗沙爹鵝肉麵。這碗麵條彈牙幼滑，經處理過的鵝肉肉質鮮嫩多汁，搭配上濃郁的沙爹醬汁，為整個麵食增添了豐富的風味。而我朋友嘗試了一碗牛肉、墨魚丸、魚皮餃、魚丸紫菜烏冬。墨魚丸和魚皮餃口感紮實，牛肉的鮮美與紫菜烏冬的清爽搭配，份量多，美味之餘十分能充飢。小食方面，我選擇了涼拌蓮藕和蒜味雞翼。蓮藕清脆可口，帶有醋味及微微的麻椒味，非常開胃。雞翼則是酥脆多汁，灑上炸蒜粒，味道又高了一層次。最後，我點了一杯酸梅湯來解渴，這款飲品酸甜可口，讓人感到清涼舒爽。這家餐廳的食物豐富多樣，口味獨特，絕對值得一試。呢間的服務也非常親切周到。

記得上一次屋企打邊爐喺「潮叔」長沙灣鋪頭買料，覺得啲料好新鮮，牛味好濃。估唔到今日竟然係觀塘見到有「潮叔」分店，間舖唔止有得賣火鍋料，仲有堂食添。咁我就同我朋友即刻入去試吓。店舖內外嘅裝修都好新潮，加上入面嘅座位好「骨緻」，入到去，店員見啱啱開始晚市，人未算多，所以安排咗四人座俾我哋，十分貼心。餐牌有唔同嘅選擇，有特色嘅客飯同麵，另外有招牌一人火鍋餐。我同我朋友就叫咗個$268套餐，為咗可以試多啲牛肉。呢個套餐有5款湯底可以揀，今次就揀咗沙嗲湯底。丸類就包左魚冊，豬肚丸，墨魚丸，牛筋丸。墨魚丸熟咗之後好大粒又彈牙，牛筋丸咬開之後爆汁，好正!!蝦滑係自家製出品，呢個包裝好方便，仲好抵食，入面有一粒粒蝦肉，打邊爐食好啱。牛肉方面就包左三款:匙柄，吊龍同三花趾。呢個套餐價錢好抵，而又好足料，每碟肉都好新鮮好正。匙柄塊塊都好大塊又唔會好薄切，好有牛味，好鍾意。至於吊龍就有小小脂肪，食落幾嫩口。三花趾就食落好爽口，唔似另外兩款口感。套餐時限為兩個鐘，仲包埋沙嗲湯底，不需加錢，真係無得頂。飲品方面跟餐仲可以有優惠價加5蚊就有罐汽水，加10蚊就有罐王老吉添。今餐潮式火鍋好抵食，下次要再搵多啲朋友一齊

大熱天時，同事居然話lunch 去打邊爐佢搵到一間一人火鍋$88 價錢太平，抵受吾住誘惑一人餐勁抵主食四選一肥牛/吊龍/豚肉/三花趾揀左肥牛，以為係超市肥牛，但原來係手切肥牛，真係好驚喜，肉質好淋，鮮嫩肉味濃湯底蕃茄薯仔瀑五寶盒牛丸，魚皮餃，魚丸，豬肉丸，炸魚皮丸類無雪藏味，仲幾彈牙有菜籃，唐生菜，娃娃菜，萵筍，粟米，蕃茄蓮藕菜都好新鮮乾淨麵食揀左蟹黃麺，好飽，差d食吾晒Lunch 真係好豐富👍🏻👍🏻

駱駝漆大廈雲集左各式各樣嘅美食，今日就黎試下呢間主打潮汕菜嘅餐廳😎🍲獨樂樂一人小火鍋 $88 🌕🌕🌕🌗🌑呢個一人火鍋餐真係好抵，包好多款肉類同菜。我地四個人一個嗌一個鍋，揀左唔同嘅肉類同麵食。由於張檯唔算太大，所以我地全部都揀同一個湯底，用一個大煲share食，慳啲位😆 -湯底：蕃茄薯仔湯湯底唔算濃郁，偏淡，不過跟湯嘅蕃茄幾鮮甜，薯仔都好粉好吸湯👍🏼-肉類：肥牛、吊龍、豚肉、三花趾牛肉幾高質😍特別係吊龍，口感好爽，而且好重牛味👍🏼豚肉就略為遜色，有啲騷味同雪藏味。-菜籃：唐生菜、娃娃菜、萵筍、蓮藕、番茄、雲耳、粟米粟米幾甜。整體蔬菜質素都唔錯。-五寶盒：牛丸、魚皮餃、魚丸、猪肉丸、魚皮牛丸好正😆彈牙之餘好juicy👍🏼其他丸味道偏鹹。食完呢餐飯後好口渴😵-麵底：烏冬、米線，蟹黃麵最推薦烏冬👍🏼烏冬同米線都好索湯，幾好味😋但蟹黃麵就唔太索湯，而且有好大陣油益味，不過店員就解釋話隻麵本身就係咁嘅味，咁我就唔太清楚啦～整體而言，牛肉質素真係相當唔錯，而其他類別嘅嘢食就略為遜色。不過店員嘅服務態度十分好，令客人都食得好舒服😌喺觀塘返工而又想打個快嘅邊爐嘅你，可以bookmark呢間餐廳😝

駱駝漆開左間好抵食嘅餐廳，尤其係一人火鍋，$88唔洗加一，可以揀肥牛/吊龍/豚肉/三花趾，有蔬菜籃（唐生菜、娃娃菜、萵筍、粟米、蕃茄、蓮藕）、五寶盒（牛丸、魚皮餃、豬肉丸、魚旦、炸魚皮），麵類可自選烏冬、米線、蟹黃麵。吊龍肥瘦均勻，牛肉味好濃郁，有嚼口，肥牛同平時食開嘅好唔同，牛味更香，但又唔會太多脂肪☺️呢到嘅丸都好好味，牛丸係潮州牛丸，超有牛味，爽口彈牙，令人回味無窮😋魚旦都係潮州魚旦，好彈牙，有魚肉嘅鮮味🤩 麵類推介大家叫蟹黃麵，第一次食個味道都幾特別，口感就有d似食伊麵😌另外，呢到嘅芫荽皮蛋湯底好清甜，煮埋個烏冬可以連湯都飲埋🤪

相約同樣喺觀塘返工嘅朋友食lunch，好邪惡咁去咗駱駝漆大廈4/F新開嘅潮叔打邊爐🤟🏻 潮叔主打潮汕牛丸，店內亦都有做零售，有興趣都可以自己買來煮麵或者打邊爐。獨樂樂一人火鍋($88)都幾豐富，包括：肉類、菜籃、五寶盒及麵底。肉類肥牛/吊龍/豚肉/三花趾中四選一，同朋友揀咗吊龍同三花趾，吊龍即係牛裏脊，肉質鮮嫩，帶少許油脂甘香。三花趾則係牛前腿，肉質都好腍，但比吊龍多咗份嚼勁。菜籃蔬菜種類都幾豐富，有娃娃菜、蓮藕、粟米、唐生菜、萵筍！五寶盒有牛丸、魚皮餃、豬肉丸、魚蛋及魚皮。牛丸係潮叔嘅招牌，口感彈牙，肉味香濃！豬肉丸都好食，咬落仲有肉汁！魚皮口感香脆，款式多多，啱晒樣樣都鍾意試嘅我哋！麵底可以揀烏冬、米線、蟹黃麵，絕對飽肚！

觀塘嘅駱駝漆大廈除咗outlet之外，仲有唔少特色餐廳小店，絕對係觀塘上班一族繁忙小休嘅飯堂呀！不過，喺駱駝漆大廈搵食一定要預先鎖定目標，因為駱駝漆大廈人流多但電梯少，喺度搭lift絕對係一個挑戰，而我哋今日就鎖定新開張嘅潮叔啦！涼拌雲耳炎炎夏日，小食就揀涼拌雲耳啦！雲耳爽脆，加上酸酸哋嘅醬汁，非常醒胃。涼拌青瓜另一冷盤推介就係涼拌青瓜，青瓜新鮮爽口，索哂醬汁，同樣開胃！蒜香雞翼雞翼絕對係小食界嘅代表，又點可以唔叫番碟呢？呢碟蒜香雞翼嘅蒜香味濃，皮脆肉嫩，而且夠晒入味，正！乾炒豬扒烏冬嘩！勁大碟，份量十足呀！乾炒豬扒烏冬即叫即炒，夠哂鑊氣，豬扒份量多，夠晒飽肚。一人火鍋潮叔喺長沙灣設有凍肉店，主要售賣高質上乘食材。而嚟到觀塘嘅潮叔，火鍋配料同樣提供高質上乘食材，質素絕對有保證。好似呢個一人火鍋，肉類四選一，可以揀肥牛、豚肉、三花趾，或我哋所揀嘅吊龍。吊龍大概係肉眼位置，肥瘦均勻，最大賣點係肉味非常香濃！其他配料仲有五寶盒、菜藍同烏冬，特別推介嘅係五寶盒內嘅牛丸，絕對唔係街邊hea貨，因為牛丸嘅牛味超香濃，口感超彈牙又多肉汁，非常驚喜！另一抵讚嘅係，作為小店都提供5款湯底選擇，絕不馬虎求

今日放假無嘢做過觀塘揾朋友吹水，係駱駝漆大廈三座行街，經過四樓發現一間有“辣炒黃牛肉”食，我噶至愛，送飯神器。一於入去試下，鋪頭雖然細細，不過服務都幾好，一定係直奔我的主題（辣炒黃牛肉），果然無令我失望，夠香夠辣，牛肉份量足，還加了碗飯，會再返來食。

我點了一人份的小火鍋，🤓價格非常划算。就在我下單之後，店員就送上了調味料盤，配有蔥蒜、芫茜、🌶同辣椒等各種調味料，非常貼心。這份一人份的小火鍋真的很豐富，👍湯頭非常鮮甜，但又不會太油膩，我還在開始吃火鍋之前就先喝了一碗湯，😙尤其開胃。我點了吊龍肉，食落肉味很濃郁，🥩而且肉質更嫩滑。我把肉放進湯裡煮了幾秒鐘，就已經🐮非常美味。除了肉類，✨還包括了五寶盒，肉丸和海鮮都非常美味，口感Q彈，特別鮮味。

觀塘美食超級多，但都俾感覺幾抵食既一人火鍋吸引佐～晚市兩個人食都係200有找🤡🤡同朋友一人一個火鍋set，有五款湯底同四款肉類揀～分別揀佐麻辣湯同香濃沙爹湯，麻辣可揀大中小辣～唔會齋辣冇佐湯底既味道，麻辣香料味依然好出感覺好開胃😋而沙爹湯較香甜。肉類揀佐三花趾同吊龍～兩隻都相對牛味較重😼落湯底煮完其實冇點點過兜醬料😂湯底已經好夠味！我係吊龍加沙爹湯呢個組合～牛肉爽口，好夾呢個湯底👍每個set仲會有埋幾款丸，每款都彈牙多汁，推介豬肉丸同牛丸👍魚丸都食到鮮味👍丸類味道感覺係潮汕食到既味道係一樣🤣問完先知啲真係當地送過黎😼真係好正宗每set仲會有埋個菜籃同一款主食，菜感覺都好新鮮。另外飲品可以加錢order～蟹黃麵真係世一🤣以上睇完係咪感覺非常飽🤣食完感覺真係好飽肚好均衡飲食的feel😂同埋啲staff都好nice～黎觀塘覓食唔好錯過啦～

今日lunch同同事去駱駝漆三座覓食，發現新開左間「潮叔」，啱開張唔洗等位就入去試下～我地分別叫左三個餐🍜🍚🍲牛肉撈（啲牛肉爽口嫩滑，配左個牛丸湯，啲牛丸讚絕，會爆汁㗎！！）雙拼牛肉➕牛丸河粉（牛肉爽口彈牙，個牛丸都係一樣啦好好味😋）蘿蔔燜牛腩飯（啲蘿蔔同牛腩燜到好入味，啲汁撈飯食一流👍本身唸住是秘製鵝肉飯，不過最後都係唔夠膽試啲未食過嘅嘢～所以揀左牛腩飯😂）呢間嘢啲嘢食唔錯，性價比算高，應該會成為我嘅飯堂之一🫢🫢下次試埋佢嘅秘製鵝肉飯先～見佢地晚餐有火鍋，仲有一人火鍋🤤🤤🤤不過我收工就返屋企，試嘅機會應該唔大😂😂😂

平時茶記食開乾炒牛肉麵但係鵝肉麵真係小食因為認知中鵝肉都比較貴呢度食竟然五十幾蚊就有乾炒鵝肉麵鑊氣十足上檯仲係出哂煙鵝肉份量都多，而且好嫩另外叫左個招牌沙嗲鵝肉麵沙嗲偏甜，而麵身同乾炒個麵身都煙奀有彈牙，有別於公仔麵偏林身咁食鵝肉撈麵有幾新奇另外叫左好多小食，因為碟碟都十幾二十蚊叫叫下都唔覺唔覺一口腸炸墨魚餅一口size一啖剛剛好蒜香雞翼雞翼好香脆，即整好好食餐廳仲有一人鍋有牛肉又有五寶丸打邊爐下次再黎試

🔸五寶米線 $52🔸咖喱牛腩飯 $58🔸加配小食 +$12@-駱駝漆新開嘅飯堂，主打潮汕風味，小妹鄉下都係潮州緊係要朝聖下～叫咗碗五寶米線，有齊蝦丸、牛丸、魚丸、魚皮餃同魚冊，湯底揀咗比較清淡嘅豬骨湯，另外仲有麻辣湯可以揀的。男朋友就食咖喱牛腩飯，咖喱好濃郁好味，牛腩燘得夠稔又有牛味，仲有啲薯仔添。另外$12就可以加配一款小食，今日好肚餓所以叫咗好幾款。涼拌雲耳、青瓜、皮蛋，麻辣好香好開胃！蒜香雞翼即叫即炸熱辣辣，加埋炸蒜食好惹味。仲有好耐冇食過嘅潮州韭菜粿，一解思鄉情懷啊！

[ 潮叔 ]今日嚟到駱駝漆食飯，原來有間新開嘅餐廳，有唔少潮汕特式菜食，而且價錢幾實惠。✿ 招牌秘製鵝肉飯🦆 $58呢款招牌飯非常足料，有鵝肉片、黑椒、花生、芫茜、酸菜&肉丸。大量醬汁令整個飯唔會好乾，入口偏濕，鵝肉唔嚡口，份量充足。✿ 潮叔特色炒飯🍚 $49第一次食汕頭風味炒飯，同糯米飯口感相似，加入花生、肉丸，肉丸爽口彈牙。✿ 蒜香雞翼🐥🐥 $24雞翼熱辣辣新鮮炸起，外皮香脆，肉質嫩口。✿ 涼拌皮蛋🌶️ 跟餐$18 單叫$22皮蛋有陳醋味/麻辣味選擇，麻辣醬香味突出，夠哂辣，好惹味👍🏻✿ 涼拌青瓜🥒🥒 跟餐$18 單叫$22青瓜爽脆清新，用上同款麻辣醬，非常香口。總結🫦除咗以上飯類&小食，仲有提供午市一人邊爐，另外仲有肉丸/牛肉選購，食完仲可以買埋番屋企食🏠🏠✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿潮叔 地址: 觀塘開源道60號駱駝漆大廈第3座4樓A1室電話: 98399061✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿