潮味源牛雜粉麵

營業中

休息中

今日超熱，同家人去西貢，其中一個景點就係呢間必食的牛腩粉麵。佢D牛腩一片片，好夠淋的同時又有牛肉texture｡我選擇食牛肚米，D牛肚淋又爽口彈牙的。不同其他餐廳制作牛肚只是淋。地方不大，staff好friendly都會讓我地選擇喜歡的位置坐低。佢有semi-outdoor枱，但由於太熱，我們選擇坐室內😁。

今日同朋友去咗西貢一日遊，行完山之後，決定搵啲輕食，食完啲嘢先再返屋企 咁啱就見到呢一間潮味源牛雜粉麵 佢嘅地址係位於西貢萬年街77號～ 咁啱我哋係下午茶時間，舖頭入邊都幾多人我就叫咗一個紫菜四寶，咩都有啲咁，再配以少少紫菜 魚皮餃比我想像中好食，口感煙韌，餡料嘅味道亦都適中，唔會有好咸嘅感覺魚片頭外層厚皮香口，肉質彈性結實，非常爽口彈牙 得三件有少少唔夠喉貢丸就軟硬適中， 鬆化得來有咬口，最重要是肉味好濃郁唔會成舊粉埋單$40～

諗住係西貢食啲野於是就入左呢間粉麵舖食。入到去野食都好快到，叫左碗雲吞麵，有5粒，每粒食都有完隻蝦的。但環境就有啲細，比錢時撞正送貨都要讓一讓同啲貨都係放側邊總括黎講野食一般發揮，但環境有待改善

也有一段日子沒有在西貢墟內試新店了。所以，當我在報導一些所謂的新食店時，其實已經開業了有一段時間。這次，一個人在墟內吃早餐，就決定來試試這一間街坊及村友都推介過的《潮味源牛雜粉麵》，看看這間麵店的牛腩麵食，合不合我心意。食麵，我總是喜歡雙併的，因為會有多一種味道，感覺上豐富一點。於是，我選中了帶點潮州風味的牛腩魚餃麵。湯底是濃濃香香的牛腩牛什汁湯，淨這個已經令我可以大叫好味道。牛腩的味道當然是十分濃厚，由湯到肉到麵，甚至魚皮餃，都充滿了牛肉的味道，很是好。而魚皮餃，食落也是香濃多汁，魚皮餃的皮沾滿了牛肉汁，吃起來更香。早餐，就以奶茶配麵。茶底就夠晒濃啦，入口也有香滑感。惟是奶似乎落得唔夠，令到奶茶的茶味偏重，少了奶香，感覺只是一般般的一杯。小試一個麵早餐，感覺係好食的。街坊村友沒推介錯，這《潮味源牛雜粉麵》，果然是西貢的一間牛腩好店。

純粹唔想再有人中伏腸入面係應該有屎嘅先唔好講我眼見嘅衛生問題，點估到衛生問題會係用把口試出嚟麵質、河粉質素呢啲最多話個人口味內臟洗唔乾淨呢個我諗唔到有咩可以賴極差！

有時候喺西貢諗唔到食咩，但又想食d清清地同埋唔太貴嘅嘢，潮味源都係一個唔錯嘅選擇為食貓食過佢既墨丸河同埋蝦水餃河☺️佢d墨丸幾大粒同幾彈牙，唔錯👍🏾但蝦水餃就差d，唔建議大家叫😅雖然d蝦好大隻，但係d皮太散，一夾就散而d蝦既胡椒味都有d重，食唔到辣嘅人唔好叫😂另外，佢d河粉比較清淡，無咩牛腩味，鍾意食清淡d嘅人會比較啱食😀而為食貓亦都推介大家叫通菜，因為佢d腐乳汁幾好味唔覺唔覺就會食晒d菜

來到西貢，抱著一個開心愉快的渡假心情，直至吃了第一啖牛腩麵後…… 心情突然變的很差。韌韌的牛腩沒有什麼五香的味道，配上糊狀的河粉更加不堪入口。甚麼「秘製牛三寶」加了「秘製」二字很像很威風，食落其實唔掂。韌韌的牛腩加上韌韌的牛肚加上韌韌的牛筋。最奇特的是炸魚皮，浸在湯裡會發出「沙沙」的聲音。食完呢餐後，開心的心情立刻化為烏有，帶著遺憾回家。為什麼偏偏選中它。

！！無牌食肆！！呢度都開咗一段時間，之前口碑都係麻麻。咁啱假期人多我咪打算外賣試吓喇。點知返到去打開一睇啲色水已經感覺好唔妥，試埋個味道真係無人有，味精味極重，件牛肚韌到好似橡筋咁😡😡我都覺得奇怪，點解唔覺有食肆牌照貼係當眼處呢，萬一食壞肚都可以去投訴，於是我即刻上食環署網站查詢喇，點知呢間嘢原來係無牌㗎！查曬所有牌照類型都冇紀錄！呢啲無良舖頭真係要盡快封咗佢喇，咁攪法出咗事都唔知搵邊個，仲要係疫情咁嚴重既時候！

強烈推薦！👍🏻👍🏻👍🏻👍🏻👍🏻雖然只是小店，但每次來到西貢都必定會光顧的一家小店。湯底頗香濃，而且牛腩新鮮原味，和老闆聊天之下知道食材是採用了崩沙腩，難怪爽軟不硬。👍🏻👍🏻食材好味道！特別是牛丸、墨魚丸，十分彈牙！味道十足！再附上一杯茶味濃的凍檸茶，在炎炎夏日的天氣下，絕配！多次光顧都沒有寫下食評，今天來到決定要多多支持！光顧了一段日子，依然是出色的食材，合理的價錢，支持良心小店！👍🏻👍🏻

新開張不久，一月份第一次來，支持支持新開小店 ！食得出是新鮮牛腩， 味道剛好，寫過一次好評。也多次來回顧！試過魚蛋及墨魚丸，質量一般，就是這個牛腩仍然保持水準。一向喜歡這裡的瘦腩粗麵，瘦而嫩，這次都不例外。但超級超級超級失望，絕對不是新鮮牛腩，完全兩碼子的事哦 ！！！這次份量十足，牛腩比以前多很多，可是又“乾” 又 “鞋” 實在吃不下 ！！浪費了 ！週末很多來西貢旅遊的人士，生意好到不得了 ！外面的枱一直加，仍然排大隊 ！因為有週末有大量遊客，根本不愁生意 ！不求進步, 還退步 ？不好意思，我不是遊客 ！如果食材漲價，我情願你加價 也不要 「將貨就價」！超失望 ！

突如其來的一號風球令我有點措手不及，在西貢上岸之際打算醫吓肚仔卻發現很多食店因為天氣已經半掩門面。當我路過此牛腩店被其中的通明燈火而吸引，決定入內一試！ 點了一個招牌牛腩米線，上桌賣相唔錯，可能太肚餓的原因忘記手機先食....香港人很多時候都有個習慣先飲湯後食麵，湯底鮮甜可以感覺到沒有靠調味料堆砌，而牛腩軟諗略肥，層次分明油香滿腔！至於米線底就沒有什麼特別，畢竟在香港來來去去都是那幾間米線供應商而且烹飪容易不存在失準的理由和機會。 幾筷子功夫已經食完，湯我也幾乎飲勝，埋單$36，以西貢的物價來說絕對講得上係抵食何況份量十足，因為時間不早這次祇能算是匆匆路過，下次有機會一定會再來大快朵頤！讚👍

兩次手寫單都寫多價錢，極之唔老實，第一次我事後先知 以為佢唔小心。點知第二次幫襯都手寫單都係寫多價錢。雖然係一、兩蚊。但係我條氣就係唔順。第一次可以當你唔小心。第二次都係咁。即係呢間舖頭好有問題 當d客係傻既？就算你d食物超好食 都唔可以接受囉。何況d野食好麻麻。魚蛋河旺角求其一間都好食過佢。魚蛋一味得個彈牙 完全冇魚味，d湯又淡茂茂。只係就腳同趕時間先再幫你襯。我都希望你哋係兩次都唔小心。但此風不可長。出po希望你哋改善一下”唔小心”既習慣⋯

大年初三不拜年，帶毛孩走走運動運動，黃店全部未開，這一家無表態，坐海旁大街，毛孩可以一起坐；店裡面乾淨的，坐外面地下就有煙頭及煙灰，無辦法，總有些無公德心的人。初一至初四加一服務費，合理 ！服務員都是後生仔女。喜歡這裡的牛腩是新鮮腩，叫了一碗牛腩粗麵走蔥，及一碗牛腩粉 （$72+10%），因為是 11 點前，還送飲品。新鮮腩賣相及味道都有水準

假日在西貢搵食，很多食肆都會當你是遊客，會加一及無平時的優惠，疫情關係，來西貢行山及旅遊的人比以前更多，所以食肆根本不愁無客！住在西貢，就會慢慢學懂如何在假日選擇那一些食肆。Brunch 時間，大約 11 點，經過萬年街這間粉麵店，看看門外的餐牌，店員說他們選用新鮮牛腩，我於是馬上網上搵資料，無表態，純粹試食，就進去了。原來是新開的，店員說只開了 4 個月（9 月開業），我們點了一個牛雜粗麵走蔥（送餐茶）$36, 牛腩飯（送餐茶）$46。假日無加一，而且送飲品。牛腩飯是飯、餸分開上的，還附送一小碗紫菜湯，目測就已經看到牛腩是新鮮腩，清湯，份量合理，食落鮮味可口 有小小意見，飯香一般，飯粒比較散。牛雜同樣鮮味乾淨，牛肚、腸、牛膀我個人很怕食到滿口味精的粉麵店，難得食到新鮮原味的牛腩，假日沒有加一又附送餐茶，公道 ！

二零二一年的第一餐牛雜麵，也是第二次光顧小店。呢度湯底真材實料無味精，食完完全唔會口喝。食左牛三寶麵，淨雲吞，淨牛丸，牛腩牛肚牛筋入味，奶茶好味，可惜無影相，只能Po其他相片，我朋友住西貢話，喺西貢真係很難找到咁上下水準的牛雜粉麵，一定會再去的。另外，最重要的是環境乾淨企理，員工都幾好，現在疫情下出街食飯要識得揀，老闆娘話佢地洗毛巾好密，真係良心小店。價錢都算幾平，大大份，我見到有唔少食客買火鍋料打邊爐，下次一定會試下的。如果有空入西貢不妨試下，唔一定要食西餐的。