潮州人 (已搬遷) 新店位置

窮遊香港-太子良心招牌雞湯花膠米粉呢間花膠米粉都幾出名 社交平台一直都有表態店面小小 牆見到有 我真係好撚鍾意香港.呢日試試 ⭐️招牌花膠米粉$53‼️焦點一定係塊花膠👍🏻都算大塊 口感起膠 都夠滑👍🏻雞湯 表面有個蒜油 整體湯底夠香夠甜🤔份量還好 🤔唔算大碗 男仔未必飽 可加$8加底.⭐️清酒大蜆加$8 2隻😋都算大隻 新鮮 鮮甜 有吐沙 好食.⭐️龍眼花膠蔘蜜加$12（我個人鍾意偏甜嘅飲品）呢個入口甜甜地 後面蔘味唔算太苦感覺健康 鐘意蔘味既朋友可以一試.總結😋雞湯高分 呢間適合鍾意清湯嘅朋友👌🏻整體唔夠平民人均$60-70 冇計啦有花膠有海鮮👎🏻餐牌 碗 連蔘蜜個樽都有小小痴痴地 可改善.#潮州人 (太子)地址：太子界限街12號A地舖.⭐️評分：味道：4.2/5 雞湯花膠都高分既環境：3/5 店面小小服務：3.5/5抵食：3/5.

見到報紙報道，太子有間專食花膠米線粉嘅黃店，趁今晚早食飯專程去試吓，佢店舖好細，坐到三四台客only，店舖牆上大大句「我地真係好撚中意香港」今日我有三個人一齊食，我哋就叫咗個二人餐再另外散叫一個面，二人餐除咗包兩個粉之外仲有一碟菜同埋兩支嘢飲。佢最招牌出名就係花膠湯米粉，二人餐裏面其中一個當然會叫呢一個，佢嘅湯係用雞湯，送米粉一流，花膠煮得好入味彈牙，但係略嫌件數少咗啲。另一個就揀咗廣島蠔湯米粉，廣島蠔好肥美，一咬落去蠔汁就會湧出嚟整個口腔都係蠔嘅鮮味。另外仲散叫咗個蠔油花膠撈米粉，幾特別撈米粉唔多有得食。見到佢寫住有推薦額外叫咗一個清酒煮大蜆，呢個好好食，夠大隻夠甜，如果一個人嚟食，可以直接叫佢個清酒大蜆湯米粉。

雖然知道呢間招牌菜係花膠米粉但我同男朋友對花膠都興趣唔大😂所以我地叫左手切肥牛湯飯 同 廣島蠔米粉再加左個清酒大蜆廣島蠔米粉個湯好鮮甜 仲有淡淡既蠔味😋望落個湯都有d油 不過飲落又無油膩或者太鹹既感覺😋一碗有四隻蠔 蠔味都好夠👍個肥牛都好食 佢唔係一堆肥脂果種任食邊爐肥牛 但又比平時d鮮牛肥同埋重牛味😙至於個清酒煮蜆係最有驚喜😛一聞已經好香酒味食落口第一下係好濃既酒香但咬多啖大蜆既鮮味已經出晒黎 好有層次🤤雖然份量唔多但都會再encore😎

即係咁，今日叫左open rice 外賣自取。諗住撐黃店。但我真心覺得處理得好差 。我總共叫左四樣野，但攞外賣得三個盒，一問先知，原來將醉蝦同灼元貝放埋左係一齊。真心好嬲，兩個餸放埋一齊感覺好差好似食返d剩餸咁樣，撈埋一堆，我完全唔知分開食咩味！叫個油菜本身都諗住正常油菜咁，但個菜生嘅！好差 ！ 唯一值得讚嘅係牛肉米粉嘅牛肉，米粉好普通，但牛肉係出色嘅。希望商店可以作出改善。肯接納意見先係真·黃店

在街搵食，兩姐妹涼粉竟然例假星期一，緣分帶我到這店，店內有大愛的我好撚愛香港，label紙牆，撐硬。＄138 2人餐外賣，龍眼花旗蔘蜜真係超香仲好有花旗蔘香，甜度剛好。招牌花膠的花膠大過手掌，好滑。米粉幼滑，是我最愛的台式幼米粉，個湯感覺唔味精，外賣咗個幾鐘，因為隔開麵湯，仍然好味。廣島蠔泡飯，白色的湯底，蠔味都重並清新，和花膠湯非常不同，蠔感覺新鮮，飯軟硬適中，一個多鐘的外賣也沒有變難食，仍然好食。還有2人餐大大碗的菜心，沒有焗黃沒有太軟，還有適合的豉油汁，絕對良心好食之選。湯飯湯麵，食到見底。好味區區食玩遊－ 太子 潮州人

今日去咗食飯 試咗呢一間嘢 本身都鍾意食湯米粉 諗住試吓個清酒蜆米粉 可惜賣哂 就叫咗一碗廣島蠔米粉 朋友叫咗碗花膠share食首先佢個花膠都整得幾夠「淋」同埋湯底好夠味 令到啲粉都幾入味 蠔嚟講都幾甜 雖然未算話非竹常好食 但係以幾十蚊嘅價錢嚟講係性價比幾高 最後個米粉底都幾唔錯 雖然少少硬 但係我比較鍾意硬身多過煮得太淋 所以都係可以接受 美中不足係份量相對細份 好彩今日食飽咗早餐 所以都可以接受 由於我叫2人餐 所以有一樽花旗蔘蜜送 都好甜好好飲 總括嚟講 雖然未算最好食 但係性價比好高 值得再試

人氣花膠食堂來到都要排一陣隊必點·招牌花膠麵大大既花膠配埋爽口米粉 而且個湯底清清地 都幾唔錯呢 ·蔥油廣島蠔蠔好甜 而且佢唔會有沙 呢樣好重要加埋超清甜既湯底 喜歡蠔既你呢個必點·師父醉雞翼如果可以再加強多d酒味仲更加好味套餐所以跟埋一碟菜·龍眼參蜜🥤飲落夠足料 滋潤滿瀉

呢間店想嚟懲罰好耐，咁啱去太子梗係去試試。位置有啲偏遠唔太易搵，不過有心實搵到店鋪唔太大，不過用心間隔，食得好安心👏🏻招牌花膠米粉$58⋯⋯侍應送嚟果碗，嘩！有冇搞錯，呢塊黑色咁大塊竟然係「花膠」😱😱😱😱清酒大蜆米粉$48，有4隻大蜆；入口有點點清酒好香，湯底都好清甜😋師傅醉雞翼（3隻）$28雞翼夠入味，入口即時嚐到濃濃酒香；雞翼肥味啖啖肉，食多幾隻唔知會唔會醉？裝修簡潔，超愛這幅牆！黃色易拉架真係好正，真正黃金店🤩

經過太子，發現一個完全唔起眼嘅小店，睇間鋪個名，完全估唔到佢唔係食潮州滷水打啦，而係食花膠。位置喺間IG出名賣千層蛋糕店隔離。我平時都冇乜上嚟寫食評，但今日食完，真係忍唔住要俾個like佢！今日試咗佢個花膠拼醉雞翼米粉，真材實料，花膠、雞翼都好入味，花膠大大塊，雞翼大大隻，醉雞味夠，湯底又濃自家製龍眼蔘蜜又係另一必叫，蔘味香，少少甜再加龍眼味，值頭係養生消暑良品，雖然細支，但女仔夠飲。一定會帶家人一齊嚟再幫襯！

招牌花膠米粉 $53花膠係一大塊 色澤都幾深色 個人幾鍾意佢係好腍果種 好易就整得開 雖然唔算好厚 但都食到啲膠質👅聲稱無味精既湯底都真係好清甜好好飲☺️米粉既份量對於肚餓既人黎講可能要加底先夠飽 除左米粉仲可以轉湯飯 亦可加$8於廣島蠔 醉雞翼 清酒大蜆 醉蝦之中選雙拼龍眼蔘蜜 +12幾推介飲呢樽 蔘味重 又有蜂蜜既香甜 加埋龍眼感覺好滋補 重點係佢夠凍！師父醉雞翼 $28明明寫3隻 唔知點解黎左4隻😂可惜雞翼既肉質偏乾鞋 而且酒味唔太濃溏心醉蛋 $18溏心效果唔錯 略略食到酒既苦味 如果鹹多少少會好味啲

米粉以及配料的份量少，未食前，已有聽聞過！所以已經特登加多一個餸！！但大大無預料到米粉是福字牌的米粉！！這個價格，這樣的份量和食物的質素，真係有點過份囉！！真係大大無預到的！味精湯！以及福字米粉！！放在餐桌上的筷子兜！上面放了一條有好多污漬的毛巾！！

天氣好熱，諗食咩變得更有難度，成日都想求其食啲粉麵就算，反正無乜胃口。不過原來求其食得黎都可以遇到間甘好既小店叫左花膠湯米粉同大蜆湯米粉花膠湯米粉係雞湯底，完全無油膩感，好有雞味米粉係我最鍾意既新竹米粉，好有咬口。大蜆湯米粉，我初頭以為應該都會係雞湯底就甘擺幾隻蜆上去，點知，原來真係蜆湯黎架!!!!! 蜆肉仲要幾大隻，湯頭又鮮甜，我最後仲飲哂啲湯。再叫左醉蝦，超好食! 勁有酒香，又有蝦鮮味，我連個蝦頭啲汁都啜埋真係要再讚下佢個龍眼花旗蔘蜜，好重花旗蔘味，而家完全無任何死甜既感覺，飲完feel到自己養生左食完一行出門口，我同男朋友都一致覺得呢間野要俾滿分我地會繼續幫襯，食哂個menu入面既野

是日和友人食下午茶，去潮州人食花膠店內比較小，只有約4張枱，與鄰座距離遠，坐得舒服。閒日下午茶時段來客人不多，不用等位。夏日炎炎，吃不下湯麵，選了花膠撈米，另外加了$6凍豆漿。凍豆漿先來，味道正常不會過甜，冰涼消暑。花膠撈米隨後上桌，配了一碗清湯。花膠有厚厚的兩大塊，十分足料。吃下去軟腍，佐以蠔油味道很好。美中不足是米粉底比較幼身，用來作撈麵雖然不難吃，但口感有點奇怪，亦較難掛醬汁。總括來說用料實在，價錢合理，下次來想試溏心醉蛋

係ssp做完嘢去搵嘢食，之後行過依間鋪寫住潮州人就入了，因為想食潮州嘢，但入到去到發現原來唔係😅😅不過都照坐低食咗。咁佢菜單上嘅嘢唔係好多，主食就一眼睇曬咁，牆上有啲圖比你睇下叫嘅嘢係點樣，咁佢都圖文相符嘅。咁我同朋友都叫咗個花膠米嚟食，我就叫咗枝蔘蜜，佢就叫咗豆漿，食緊嘅時候聽日啲蔘蜜係自己煲再裝樽啲味道都十分夠。講番個花膠米先，佢係用新竹米粉睇落好似好少咁，但食落好飽，另外個湯底好濃好夠味而又唔係啲味精味！！花膠大大舊勁張口重膠質，超正🤤🤤。2個人計埋飲飲食咗大概130左右。推薦👍🏼👍🏼

第一次去潮州人時，已經感覺似日式小店多過似食潮州嘢，鋪面細細，座位唔多，傳統嘅潮州嘢食煎蠔餅呀，鵝腸呀，蠔仔粥呀，你一樣都揾唔到🤣取而代之嘅係花膠湯米粉，手切牛肉，酒糟雞翼呢啲未喺潮州打冷店見過嘅嘢，記得第一次嚟食過碗花膠大蜆米粉加個醉雞翼，個雞翼就冇咩特別，但係個米粉湯底真係一試難忘，勁鮮甜，我成碗飮唒。今晚七點幾路過，發現店裏面一個客都冇，我就暗暗決定轉頭做完嘢一定要返嚟食。八點半返到嚟食，後面仲有一枱兩個客人，因為限枱令嘅原因，三枱二人枱已經係上限😞今次我點咗碗手切牛肉米粉，朋友點咗個花膠米粉，另外點咗一個微醉蝦同一碟雞油菜芯，意想不到嘅係牛肉米粉個湯底一樣好鮮，牛肉亦都係新鮮冇用粉乸過嘅（好怕食街度嗰啲用粉乸到滑潺潺嘅牛肉）。朋友係花膠控，果然連湯都無剩一滴🙈 雞油菜芯好香，雖然菜芯本身有少少老（唔係overcook，係同我一樣本身老咗🤣）但係個雞油真係加哂分，食落唔油膩，但係好香口。跟住落嚟，最驚喜嘅微醉蝦出埸☺️雖然話係微醉，但係我一啖咬甩個蝦頭嗰陣，酒香同蝦嘅鮮甜一齊湧出嚟，個味道係夾到唔識形容，（我對上一次覺得做得好食嘅酒糟已經係喺台北，可惜佢嘅蝦唔係新鮮，所以都係差咁啲