潮州人 (已搬遷) 新店位置

搞唔掂，我係網上面睇到相已經好想黎食。食完發現呢間黃店實在太好食，所以我要打尖出post😍😍😍😍————————🔸師父醉雞翼米粉 $42本身我已經超鍾意食湯米，超幼米粉更加係我既最愛😍雞湯加上花雕酒既味道，令個湯更加香😍😍醉雞都好入味，肉質好彈牙，正！評分：🌕🌕🌕🌕🌕-🔸清酒大蜆米粉 $48清酒味唔係好覺有，雞湯味道都濃郁，但我鍾意醉雞米粉多d！同埋得3隻蜆真係太少，不過都係好好味。評分：🌕🌕🌕🌕🌗-🔸龍眼花旗蔘蜜 $12 (跟餐)花旗蔘味好重😍😍少甜，感覺好健康😆評分：🌕🌕🌕🌕🌑-我覺得有d細碗，男仔一定唔夠食，如果可以大碗d就好啦！

#3餐食黃店#太子黃店 #太子黃店⭐️潮州人📍太子界限街12號A地舖==============================🎗店舖貼文宣🍽招牌花膠米粉💰53📝好大舊花膠，超足料。米粉係超幼身米粉，唔係太啱我食。湯底係濃雞湯，米粉索哂雞湯精華。成碗份量係正常，另加小食就fit哂。🍽酒糟雞腎💰30📝一黎到，即時嘩左聲，份量太多了吧。而且舊舊都咁厚實，全部浸哂落酒到。超正。不過我都係比較中意食花雕酒雞腎，酒味會香啲。🍽蔥油廣島蠔💰62📝依到將蠔煮熟先，保留蠔既鮮味，再加上自家製既蔥油落去，即時味道升級。💫⭐️⭐️⭐️⭐️值得一試想睇更多歡迎follow IG: @1day_3meals_

細細間鋪仔，食物選擇唔多，主要係米粉同小食，精而簡花膠米粉係佢哋嘅招牌菜。有湯米粉同撈米粉嘅選擇。撈米粉係甜嘅蠔油汁，唔會好油膩，味道唔錯一大條既花膠炆得夠林又入味，夠膠質，係滿滿嘅骨膠原手打牛肉米粉牛肉夠味夠林，有油脂，有米粉中和油膩感，牛魔王朋友食完都冇咁大罪惡咁推介 清酒煮蜆！一碗有五大粒蜆，粒粒厚肉。無乜清酒味，但勝在嫩滑唔會un，無沙清湯配上自家製蒜油和芽菜，味道清新，連啲湯都飲埋缺點就係份量太細唔夠喉，同埋店舖細，只可以快食.....希望遲啲生意好就再擴充啦

呢間小店主打係個 「鮮」字我同肥仔2話不說叫左好幾樣野食 假如材料新鮮配湯米當然會係最佳既配搭啦 米粉係會索哂鮮味將層次昇華 我地叫左花膠湯米&清酒大蜆湯米&醉蝦&醉雞翼&雞油菜心 花膠同清酒蜆湯米個賣相都好美觀 但食落口 米粉係無味 湯得個顏色無咩味 似係滾水烚完再加蠔油溝水比我 個清酒蜆 食落無酒香 聞都聞唔到 我諗食粥會好過食米粉 米粉食落肚 完全唔實在 好似食空氣咁 花膠好有咬口 真係好大塊 鞋口唔滑身 但都係無咩味 蜆就算啦 我都真係no comm 醉蝦肥仔話好食 索哂味 我終於食返樣似樣d既野 但唔係凍食黎架咩？我係覺得奇怪點解會係熱啫 醉雞翼 可能浸得唔夠耐 味道只流於表面 裡面有既只有雪藏急凍味 唔好食 雞油菜心 我就覺得最好食 說穿了 烚熟D菜 之後淋個雞油 呢個如果都可以做到唔好食 都真係可以拍手掌 🙌🏻😓利申，我唔係一個飲食專員。我寫食評只係為左記錄我同男朋友既生活飲食日常 好食就好食 唔好食就唔好食 唔會話咩好食就講到識飛xxxxxxxxxxxxx etc 呢間係第一間我係劣評覺得唔ok既食店 岩聽就聽 唔岩聽都無所謂 我純粹發發牢騷 🙂🙇🏼‍♀️我就係一個咁堅持

太子出名有好多好嘢食，有次經過一間好細嘅舖頭，俾佢門口嘅有良心裝飾吸引咗，而且我好鍾意食花膠，對皮膚好啊嘛，咁就入去支持下啦。我哋兩人叫咗一個花膠撈米，花雕醉雞翼同蠔仔米，仲叫多咗支龍眼花旗參蜜飲。先講雞翼啦，都叫做醉得好夠味，同時酒味又唔會過濃，做得都幾唔錯。龍眼花旗蔘蜜都做得幾好，唔算太甜，甘甘地都幾解渴。因為想試吓其他嘢所以嗌左蠔仔米，個湯清清地，啲蠔都幾好食，正正常常啦。花膠撈米舊花膠好大舊，而且炆得好入味，每一啖都感受到滿滿嘅骨膠原，正呀，個汁醬都唔算太鹹，用嚟撈米粉啱啱好，每一啖都將住個口，唔錯唔錯。不過其實價錢都唔算太平，我諗係因為小本經營，不過唔緊要啦，良心冇價呀嘛！

其實我第二次食架啦，第一次同朋友食😃 就已經覺得好有誠意。難得有五一勞動節，所以我決定再帶多次男朋友一齊去食。 同男朋友食果次我就叫咗招牌花膠米粉，男朋友就食手切牛肉米線。由於我地兩個都中意食米粉，所以都好滿意兩碗野。🥰🥰有時候係出面啲餐廳食米粉，米粉好似煮唔熟會一嚿嚿咁😤 但係食潮州人絕對冇呢一個問題，米粉煮得熟之餘仲好爽口。花膠同牛肉好新鮮😛😛 絕配😚 我哋仲叫咗兩個小食，就係醉雞翼同埋醉雞腎。 本身我哋都好鍾意食啲有醉汁味嘅食物。 無論雞腎同埋雞翼同種醉味都好配合🤩🤩 最緊要份量仲要好夠兩個人食。 雖然一路食熱辣辣嘅食物感到有點熱，不過慶幸兩杯飲料都是凍冰冰的。一杯豆漿和龍眼花旗參蜜。 野好食野好飲，值得支持，食過返尋味🥰

典型小店格局，全舖應該唔超過12個位。一入門口見到牆上嘅連儂牆同埋文宣，就覺得好熟悉。睇完餐牌，內心不期然充滿驚喜餐廳主打食米粉，基本上所有面都係米粉底（都可以轉湯飯）。另外有幾款小食，出奇地係主打海鮮，都有雞腎、雞翼同糖心蛋今晚晚餐叫咗兩個湯麵+一款小食手切肥牛米粉 $53- 雖然名就比較普通，但係啲牛肉食落充滿驚喜。係打邊爐食本地手切肥牛嘅感覺，有咬口亦都有肥膏，雖然厚切但食落都係爽嘅- 個湯飲落鹹鹹地，都算夠味，但就唔會令人好難忘。配米粉綽綽有餘師傅醉雞翼米粉 $42- 肥牛咁出色，醉雞翼就屬於正正常常。醉雞翼一早整定就無可厚非，不過上菜嘅時候可能就有少少攪唔清楚究竟係熱上定係凍上。搞到放湯嘅時候雞翼表面就熱，不過咬落裏面就凍- 雞翼味道可以，都算入味- 湯就比肥牛米線更加濃郁，不過都係得個鹹字蔥油廣島蠔 $62 - 老實講係呢啲小店食號本身都唔會太大期望，事實上呢道菜又真係冇乜令人失望，不過都冇乜驚喜- 蠔算係中小型size，有蠔味，不過唔算肥美- 食食下就會覺得其實三款湯可能都係同一個湯底。有少少dry總括來講，大致上不過不失。價錢來講，喺深水埗食一碗米粉要差不多$50都算貴

香港人支持黃店💪🏻，但係除左喺大街/熱門地段既鋪頭需要懲罰之外，有唔少‪藏身小巷既隱世小店‬都好需要大家大大力懲罰嫁!!♥️.#師傅醉雞翼米粉 🐣🍜喱間鋪頭主打住家老火湯同埋花膠扒湯米粉等等既特色雞湯米/湯飯~不過小編其實對大大塊既花膠冇好大興趣🙊，多數都係煲湯先會飲😂 所以今次就試左佢個醉雞翼米粉啦!😝不過我想講佢碗米粉好香，一上枱即刻聞到好香雞湯味夾雜住醉雞味，超吸引!!🤤🐔 米粉係好吸湯底既粉麵，佢喱度仲要用新竹米粉，係比較幼身既，更吸湯!小編好鐘意食喱種米粉!👍🏻 雖然米粉冇得講d咩口感，但係喱度都煮得岩岩好，唔會太淋一pat pat，大家可以放心！😉 同埋個湯都有陣雞湯少少甜甜地既味，佢好似係有雞油喱樣野，我相信都有加落碗米粉度!雖然邪惡但真係好好味!!☺️ 另外d醉雞翼都好正，大細適中，又唔乾，聞落好香醉雞味，食落又唔會太誇張，岩岩好!!值得一試~~~😍.而兩位同事仔就食左蠔皇花膠撈米同廣島蠔米粉，同事都話D花膠都係唔錯，小編望到都真係幾大舊下，而D蠔佢都話唔腥，係好味既!!😋.🏆 「豬」味指數：8/10📌 溫馨提示：不過…大家知米粉唔會好飽肚啦，加上佢既份量又唔算多，所以就連

平時搭車經過成日見到「潮州人」，終於有機會食到喇！店舖小小，乾淨闊落～🍜蠔皇花膠撈米: 採用左新竹米線，真係第一次食呢種米線。實在太驚喜，超級幼細兼腍😋 花膠一啲都唔慳，大大舊！醬汁又惹味！🍜鮮牛頸脊米粉: 湯底鮮甜，唔似味精湯，食完個幼滑米粉之後係會想飲埋個湯😋 牛頸脊有濃郁牛味又腍身👍🏻🦐甘香醉鮮蝦、鮑魚仲有大大隻鮮甜帶子😋 呢度有唔少海鮮選擇，個人最鍾意食佢嘅醉海鮮！！非常甘香美味！海鮮食得出好新鮮👍🏻

孖Day Off 訓到自然醒就落街搵野食，聽朋友講過太子附近有間黃店，所以去試一試佢，店舖環境唔大，座位唔多，11點幾去都有幾枱已經坐左人，兩個人叫左兩個粉：蠔皇花膠撈米，粉一上枱，我同男朋友都對望左，因為個碗太細😅😅份量唔多，定係我地大食呢？花膠本身靚，發得好好，好大塊好有冧好有只黏性，加蠔油，正，好好味手切肥牛米粉，牛肉有牛香味，食完個口仲有牛香，唔老岩岩好，我個人好鐘意e 種米粉，幼身同爽口，湯都好有味加左樽花旗蔘，我平時都有沖花旗蔘飲，但佢有加龍眼同鋒蜜，所以甜dd，因為我平時飲就咩都唔加，但唔鐘意花旗蔘味都可以試下👍🏻

第一次幫襯呢間小店，試咗花膠湯飯、肥牛湯飯同醉鷄翼米粉。花膠湯底清甜無味精，原隻花膠冇花冇假。本來以為無驚喜嘅肥牛竟然用厚身有口感又唔肥嘅部位，似牛冧肉，湯底一點肥膩感都冇。家中嘅牛魔王都話似高質火鍋材料🤤。至於醉鷄翼就好入味，酒味濃郁。幾款湯底都差不多同飯全部食清😬。不過每碗材料份量略嫌重質不重量，胃口大嘅可能唔夠喉，店主可考慮有加大份量揀就更好。雖然店舖地點少少偏僻，但值得再去試埋其他幾款湯料。不枉我行咁遠去幫襯，希望遲啲有聯繫外賣app送外賣就更方便。

四月第一個星期天晚上，太子。跟友人逛了一天，在尖沙咀逛完買完鞋後，想念起之前友人帶我去吃過的醉米粉，就坐巴士來到太子。這家位於太子界限街的小店，店面小小的，跟潮州菜完全沒有關係，老闆是位空手道教練，從門面黑底金字的匾額看到主打的是招牌米粉，取名潮州人是為了提醒自己要秉承潮州人刻苦耐勞的精神，很有意思。招牌花膠米粉，足料的花膠煮得軟嫩，吃起來滿滿的膠原蛋白，喝一口雞湯完全沒有味精，想必是熬了很長的時間，採用新竹米粉，充分吸收雞湯精華，香濃又暖胃，我跟友人都覺得這湯很有幸福的感覺。清酒大蜆，第一時間當然是喝一口湯，香醇的清酒盡收大蜆的鮮甜，煮過後添了一份醇美，新鮮的大蜆嫩滑，清酒香濃在慢慢散發，滿是滋味。甘香醉鮮蝦，每顆都很大隻，友人看到有殼的蝦最開心，因為我會幫他拆肉。蝦肉鮮甜沒話說，肉質爽口彈牙，就是酒味太淡，蝦肉的鮮味蓋過酒的香醇，酒味突出一點就更好。醉雞翼，每份有三隻，每一隻都醃得非常夠味，每一口都是濃濃的酒香，記得有一次跟朋友吃飯，我想點醉雞翼卻不給點，說外面的都不會好吃，其實懂吃的人自會找到自己想吃又好吃的食物，固執的思想只會阻礙自己試菜的機會。這醉雞翼好吃得我們加點多一份。酒

上次食完蕃茄師兄，諗住呢間野好彩啫，其他黃店一定嘛嘛地，見到黃色經濟圈大哥大渣哥話呢間一潮州人 唔錯，咪又試下囉，不過唔近我嗰頭所以又要揾一日再試坐最愛既MTR 去到打死人站快快趣落車行過去阿佳老街都要一陣，去到唔多枱但都有D 人叫佐嗰花膠米同醉洒鮑魚.老老實實，我見到佢D 文宣呀，宣傳好鬼谷氣，不過佢嗰花膠鬼死甘入味，又用台灣嘅新竹米粉甘唔愛國..... 自己重要唔爭氣買佐嗰外賣. 我呢類藍絲都幾冇骨氣係甘上下

Small shop that doesn’t offer a lot on the menu but can taste the warmth and care with their food. The 花膠米線 was superb, very flavorful and your mouth basically gels because of the richness! Also tired the drunken abalone which was splendid as well!

潮州人，撐你！我雖不是潮州人，但這間「潮州人」，我一定會撐你，因為我和你一樣都深愛香港。前次到來，我是在遊行過後，獨自到來的，這次到來，我則是和第一次來這裡的太太一起。店舖環境沒變，店中售賣的食物款式也變化不多，但生意卻好像愈來愈好，在這段生意難做的逆境中實在難得，也令我替它高興。兩夫妻一人一碗米粉，她吃的是「招牌花膠米粉」（$53），我吃的是「師父醉雞翼米粉」（$42）。一塊花膠薄身但大件，三隻雞翼肥大肉厚，米粉幼細如銀絲，湯甜可口，兩碗米粉雖然份量不太多，味道卻好。單吃米粉，總是覺得有點不夠，於是再點來全是海鮮的「海中寶」（$78）。這「海中寶」內有兩隻廣島蠔、一隻大蜆，兩隻小蜆和兩隻中蝦，在清湯中載浮載沉的海鮮，滿是清酒的味道，酒味香濃。太太不愛吃蠔，兩隻廣島蠔全數落入我的腹中，感覺滿足。大蜆肉厚鮮甜，感覺也好。兩隻小蜆，肉不多，一有沙，一無沙，一好，一不好。兩隻中蝦，蝦肉爽彈，新鮮，就不錯。也喝了「有機鮮豆漿」（$12），味道不太甜，正合我意。「潮州人」，加油！香港人，同樣要加油！