潮林園滷味大王

營業中

休息中

位於銅鑼灣軒華大廈地下呢間❤︎︎潮林園❤︎︎新開業無耐，食正宗潮州菜，裝修企理舒服，食物份量多，味道比啲出名嘅潮州菜館更好味😋價錢合理，附近嘅街坊有口福啦👍🏻午餐/晚餐/夜晚加餸又多一個好選擇啦。❤︎︎招牌獅頭鵝片❤︎︎$148店主對食客好好👍🏻我食過噤多間潮州野，呢間嘅鵝片算比得好大塊👍🏻超加分🩷師父刀工都好厲害，片片嘅size都幾乎一樣🤩滷水味濃郁，鵝肉香軟，油脂均勻。❤︎︎清遠走地雞(半隻)❤︎︎$118必食推介🌟雞皮同雞肉超嫩滑😋我同呀妹食唔停口👍🏻肉質鮮美，雞味濃鬱，送飯一流。❤︎︎乳鴿皇❤︎︎$68呢到嘅乳鴿皇szie好大隻😋👍🏻肉香四溢，啖啖肉，肉汁豐富。❤︎︎老火例湯❤︎︎$8呢到嘅例湯真係真材實料😋👍🏻絕無味精，我碗湯入面有成個雞殼喺到，每啖飲落都覺得滋補，得閒想飲啖湯，來幫襯返碗都抵。💁🏻‍♀️

行過見到有間新開潮州嘢就入嚟試吓，午市鵝片飯$70 ，跟一個湯，上到嚟見到鵝片超多，同例牌差唔遠 鵝片肥瘦適中，有淡淡鵝油香味，仲跟咗兩件豆腐同埋鹹菜，豆腐香甜圓滑，食完之後好滿足。午市可以做到咁嘅質素同份量喺銅鑼灣實屬罕見，個湯清清地，係節瓜排骨湯嚟嘅，食完飯飲落暖暖地唔係味精湯都唔錯。環境乾淨企理，唯一要改善嘅係醬料瓶嘅設計，佢個醋係用一大瓶裝的，入邊有隻膠匙羹，但佢差唔多被淹沒在醋中，每次要喺樽入邊沈返隻膠匙出嚟感覺好唔衛生，其實改用倒出嚟感覺仲好啦

潮州菜正正又係我杯茶～去搭車返屋企中途見到呢間潮州滷味新開梗係要幫襯下啦❣️初試牛刀 少少地嗌個雜拼飯同蠔仔粥就知斤両果然冇令我失望 一盒有齊唔知鴨定鵝件、豬腩肉、鵝腸、豬頸肉、豬肚、滷水雞蛋、豆腐份量好充足的平時好少會點豬頸肉 呢盒有齊咁多嘢好滿足滷水膽香口 樣樣食材都好入味 最開心係底下嘅豆腐好滑溜蠔仔粥裏面嘅蠔仔粒粒飽滿粥底呈現泡飯嘅狀態仲配有好多肉碎 食落好滋味想惹味啲 仲可以幫襯買樽菜圃返去撈飯食啊！

今日同屋企人經開銅鑼灣 到LUCNCH時間廢事翻屋企煮飯～一於嗌外賣翻去食啦！！！屋企人想食滷水 😍上網搵左陣發現潮林園滷味大王幾正 一於試下先 ！！沙薑雞 🍴沙薑雞肉質十分嫩滑 皮爽肉嫩 雞肉入晒味之餘又唔會過鹹～沙薑醬獨特香氣和味道 層次豐富 風味極佳 🥢滷水豬手拼豬頸肉 🍴齒頰留香既豬手 滷水醃製得好入味 👄食落唔油膩～絕對係加餸首選！而豬頸肉 爽口彈牙又juicy !呢個組合真係不得了ah ✌🏻潮林園滷味大王 (銅鑼灣)銅鑼灣軒尼詩道446-450號軒華大廈地下C號舖

滷水鵝片飯 ❤鵝片厚薄岩岩好，片片size都好平均，師傅刀功十足! 鵝片肉汁豐富，咬口軟嫩！淡淡甘香醇厚既滷水，唔死鹹，現場睇到滷汁晶瑩。鵝肉上色均衡，愈嚼愈香，鵝香十足🤤潮州春菜😎食咁多鵝肉，緊係要食返D春菜清熱下火，實行有菜有肉食。感覺健康好多! 春菜味道帶有少許甘澀，色澤夠哂鮮綠，可以中和返鵝片既肥潤感，佐飯一流嫁都。☺滷水拼盤有滷水豆腐同鹹菜🥰而且件件都有返咁上下厚度同份量，用料十足。而且食起黎滷水味香，材料亦爽口彈牙，平時唔愛食潮州野既媽咪都忍唔住食多碗飯! 😋係CWB想搵間乾淨企理抵食又好食既潮州菜，大推❤

潮州打冷食極吾厭，銅鑼灣原來新開咗間潮州小館，有多款經典打冷菜式，潮州菜愛好者要去試試喇😼✿ 滷水雜錦拼盤 (小) $108有選擇困難症揀呢個啱曬，有滷水蛋、滷水豆腐、紅腸、大腸、獅頭鵝掌翼、鵝片、豬腩肉、豬頸肉，只系細size已經包咁多野了😳滷水使得每樣野入味，滷水蛋同紅腸細細個戈陣已經中意食😋豬腩肉夠曬肥正呀😆豬頸肉配滷水又系另一番風味。✿ 招牌獅頭鵝片 (例牌) $148鵝片仲要系獅頭鵝系靚鵝肉，每片切得薄片相信師傅刀功亦不俗，脂肪吾多但竟然吾會好硬👍🏼肉質軟稔。✿ 蠔仔粥 (窩) $118講到潮州菜想必會諗起蠔仔粥，蠔仔隻隻新鮮🦪粥水同時吸收蠔肉鮮味，飲多幾啖亦覺得正。

平時好少食開滷味 但係今次收工同啲同事行過見到又好似幾好食咁 所以就勁即興入咗去食😂😂嗌咗幾個小菜 因為平時都唔冇食開所以都唔係好知嗌啲咩 所以就問下老細有咩好食 老細同老闆娘都好好人 好熱情 介紹有咩好食抵食 仲送左湯同野飲俾我地 我地4個人叫左5個餸 樣樣都大大碟好食得黎又唔會太過膩 有d滷水會好油 食到最後個胃好辛苦 但呢間唔會 值得一讚 第一次食春菜 有d似好淋既芥蘭 好入味 仲有d腩肉食下 解下膩唔錯鵝肉例牌 老細加左d鵝片俾我地試下 超好！！！ 鵝肉真係多肉 唔會全部都係骨 墊底仲有花生豆付送！豆付係超級超級推薦 豆香濃 夾落唔會散曬 但又唔會好實 真係鬆軟 😂雖然佢真係只係豆付 但真係好好食凍烏頭唔錯👍🏻 4個人都食 唔會太細條呢個豬紅重點唔係豬紅 係個汁 個汁真係正 好似偏甜既沙嗲汁 掛住d豬紅一流豬手叫左一隻試下味 多肉既 但相比其他就普通少少 可能唔係咁中意食豬手😂總括：好食 親切！老闆佢地好人到好似老豆老母咁😂仲問我地要唔要多碗湯

潮林園滷味大王🌟整體: 係令人懐念嘅味道 典型潮州野 價錢平貴都有🏠環境: 一般茶記咁 不過勝在乾淨 正正常常 食物先係主角🧑🏻‍🍳服務: ✅☆║．．．．．．．．．．．．．║☆‼️ 滷水雜錦拼盤 $168✅ 有好多款 大腸、香腸、豬耳、鵝肝、豬肚、腩肉、鵝腎、豆腐、滷味鴨蛋、咸菜、花生✅ 滷水冇好似其他地方咁浸哂成碟餸 反而少少地係碟底 唔會過咸 好好地掛上D肉‼️ 鮮鵝紅 $48✅ 豬紅 鴨血就食得多 原來鵝紅都幾好 煙銀煙銀咁 有少許咬口‼️ 蚝仔粥 ✅ 用珍珠蠔 大大粒咁 比起其他地方大 食落更加爽 同鮮✅ 飯底幾好 唔會煮到糊哂 仍然可以食到粒粒飯咁‼️ 獅頭鵝片飯 $70✅ 鵝片幾滑 鵝香味更濃 完全無骨 好爽📍 銅鑼灣軒尼詩道446-450號軒華大廈地下C號舖⏰ 星期一至日 1030-2200☎️ 電話號碼 28198938📷 Fujifilm XE4 + 23mm F2📩喜歡我的文章，可以關注我及讚好以作鼓勵

今日好早起身，約咗人去灣仔跑步。回程時，路經軒尼詩道，見到有間新開滷味店，門口大大隻字寫住由米芝蓮師傅主理，反正午餐還沒想到吃什麼，即管試下。櫥窗放滿各式各樣滷味，除咗大大隻獅頭鵝之外，仲有鵝掌翼、滷水腩肉、紅腸、鵝腎、走地雞等，非常吸引。一坐低，店員已經率先為我倆送上每人一碗老黃瓜排骨湯，湯水夠曬火候，入口溫潤回甘。原來而家新張期內，堂食仲有飲品送，值得鼓勵。先嚟一份鮮鵝紅 ($48)  新鮮熱辣送上，賣相挺吸睛，食落口感非常嫩滑，唔會「起渣起窿」，加上吸收晒滷水嘅精華，啖啖滋味。第一次嚟緊係要試下佢哋嘅招牌獅頭鵝片 ($148)，鵝片厚度適中，鵝皮薄脆，鵝肉鮮嫩，肉質鬆軟腍滑，食落好香鵝味。連墊底嘅豆腐都好正，滲出油香及豆味，用嚟送粥一流！呢碗蠔仔粥 ($58)  真係值得畀個 Like，食材好新鮮，勁多蠔仔，大大隻、脹卜卜，入口鮮甜又唔腥，仲有少少芹菜帶出香味，兩個人 Share 啱啱好。一場嚟到，再點多碟滷水雜錦拼盤 ($108/小) 試下。雖然只係點咗碟細嘅，但原來份量一啲都唔少。有紅腸、墨魚、豬大腸、豬脷、豬耳、鵝腎、鵝肝等，仲有滷水豆腐同鹹菜墊底，用料十足。墨魚好新鮮，吃

誤打誤撞入咗呢一間滷水店原來係啱啱新開張兩星期一入到去老闆已經好好 拎定碗湯俾你叫住兩個雙拼飯 個飯好足料 但變左3餸（因為裏面仲有豆腐）豆腐好好食，好有豆味 啲滷水汁好香值得再黎💕兩位老闆都好好人

今日經過見到新開張，作為一個潮州人，又好耐冇番過汕頭就入左去試試，叫左一個鵝片飯，鵝片多肉夠肥😋 ，滷水亦腌得入味，唔會太過死咸，係我既口味，值得一讚鵝片底同飯中間會有滷豆腐同咸酸菜，送飯一流，份量算多，正常一個男人都夠飽，檸茶就不過不失。服務方面可能岩岩新開張，落單比較慢，但都可以接受，衛生環境都算ok，香港餐廳不嬲都係眼不見為淨😂以前做過飲食業都會明。總結：係銅鑼灣黎講算係值得一食既滷水，價錢都唔會話好貴👍🏻👍🏻👍🏻買少少番屋企加餸都抵