潮滙館 (已結業)

鵝肝超嫩滑，好似豆腐咁，夾起時要筷子同匙羹並用。每晚好快賣曬。薄殼好少地方有得食。鵝片肉質柔軟，普寧豆醬炒通菜豆漿偏少，可要求多豆漿。整體味道唔錯，唯獨係淋上碟嘅鹵水汁偏咸，建議分開上。地方唔算細，可惜擺位少，好早就坐滿客，最好打電話訂位先。

一向不太喜歡吃泰式螄蚶，怕它那血腥味，自從在這𥚃試過潮式螄蚶，超喜歡.......喜歡它沒有血腥味，喜歡它脆口感覺，每粒也有專人打開及檢查，保證沒問題，食得也放心！雖然今晚主角是來食螄蚶，但其他食物也不錯！潽寧豆腐：真的外脆內滑沙爹牛肉芥蘭：牛肉可以不理，因為太過鬆肉粉了，但芥蘭超嫩椒鹽蠔仔：炸得夠乾身，沒腥味豉油皇鵝腸：不算太肥，但豉油不夠香及有點咸炒薄殻：可能未係時候，薄殼超細隻，但炒得幾香

舖面唔係好大，一行四人諗住食過番尋味 walk-in，爭d 無位坐！舖位隔離棟樓重建緊，所以比較多小昆蟲，街道有點暗，建議如果女士們晚市要來，最好找個伴。先來個鹵水鵝片。鹵水汁夠味夠多，鵝片同下面的豆腐都夠入味。鵝片肥瘦厚薄適中，這一碟我實在找不到要負評的地方，一上枱大家就以光速食完蠔仔肉碎粥，例牌份量四人很足夠。芫茜葱分開上夠細心，料很足，蠔仔食極都仲有。不過我覺得味道上稍嫌淡，不夠香。不是最好味的蠔仔粥。食潮州菜叫蠔餅是常識吧。很standard 的味道，同粥一樣，料很足，不過我覺得整薄些少會比較香口。四人分每人有兩大件，好飽。 最後上的芥菜排骨煲。芥菜煮得焾，排骨有點淡。有家的味道。

鹵水鵝件拼盤-ok九肚魚肉碎粉絲湯- 不能接受的咸蠔仔粥-一D鮮味都冇豆腐煲-咸+油蠔仔餅-超多粉、超多油，冇乜蠔似起似一條濕了水的碗布咸肉炒韮菜花- 韮菜可以,咸肉咸得食一啖就自然吐出可能在舊區，老人家多，食物是嚴重的咸又或是只能重點吃出名的小菜，怪自己沒做資料搜集

潮州菜雖然唔係成日食，但其實我都好鍾意，尤其係各式鹵水、胡椒豬肚湯。心水店唔係好多，九龍城樂口福、北角和平飯店甚至某d大排檔都唔錯，今次就試比較少去的長沙灣呢間人氣店。佢位處寧靜小街上，格局好街坊，以大枱為主。未點食物枱面已有一碟仔醃菜+花生，醃菜酸味甚低，反而甜度好高，仲好似食到少少砂糖，易入口好好食。食潮州嘢當然要點鹵水，大部分鹵水食物都可以雙拼，以較貴價的一樣計算。除非人多，否則建議點雙拼，因為一碟分量頗多，單食一樣未免有點寡。我呢碟係鵝片（$118）拼鵝粉肝（$128），所以一碟係$128。鵝片切得好薄，皮薄脂肪少，鵝肉好滑好腍，鹵水味夠香，點少少醋鮮味更出，非常唔錯。鵝肝唔油，實感偏實淨，初初咬好似冇咩味，食多一兩件香味先慢慢滲出，不過食左兩件已開始覺得滯了。見到隔離枱的椒鹽蠔仔（$78）賣相吸引，又跟住點來試試。原來又係超大碟，粗略估計都有約三十粒。每粒蠔仔好飽滿，粉漿薄薄的，仲清楚見到蠔仔個樣。質感外脆內軟，加埋炸蒜粒好香，想減輕油膩，可以加點醋食。呢度都有好多款潮州小炒，樣樣都好似好吸引，有菜脯蛋、梅膏骨等等，最後揀左豉椒鵝腸（$138）。上枱時睇色水已覺得好對版，食落

3個女仔行完街唔知食乜好，Openrice 一下邊到有好野食，咁岩我地係長沙灣區，見到有呢間野，咁我地就去試下，本身因為都幾鐘意打冷。不過呢，我地得3個人，所以食得唔多野，叫左好少野食咋！去相↓椒鹽蠔仔 - 大大隻好好食，個椒鹽味適中，入面好嫩，值得一試。炒菜 - 冇特別，但係就覺得都幾油，都幾唔抵好似$4x-5x。招牌”老”水鵝腸拼鵝片 - 好食，我覺得真係可以稱得上招牌，食完好想再食。加碗綿綿的潮州白粥

好久沒食砂鍋粥了，看到呢間店覺得就呢間啦，我同老公兩個人叫了蟹粥、鹵水鵝片同薑汁芥蘭，是不是有點多呢鹵水鵝片，非常高水準之作。鵝片軟稔入味，肥膏很少，合我的心意。鹵水汁沒有死鹹的感覺，帶有八角、香茅等味道，禁不住一吃再吃。墊底的豆腐更出色。薑汁芥蘭，煮得剛好，仲有一啲薑片夾雜喺中間，有薑汁味。蟹粥，粥帶著海鮮的鮮味，螃蟹鮮美，還有很多蟹膏，真是好好味

新加坡朋友來港, 帶佢去試食潮州菜。醃螄蚶好在可以叫半份, 好鮮味, 但同枱冇人敢食, 所以我一個人食哂半份。滷水鵝片好香滑同多肉汁, 冇切得太薄, 超正!普寧豆腐, 原本好有期望, 確係外脆内軟, 但其實冇乜味, 亦唔覺有咩特別椒鹽蠔仔料靚, 蠔仔好大隻, 但椒鹽感覺唔夠惹味其他菜式質素也可以。會為滷水及生醃菜式再嚟~!

朋友推介，咁就姑且一試去試吓⋯今晚試咗香港好少見嘅醬油賴尿蝦，食落去係好鮮甜⋯但係亦浸滿醬油嘅鹹味，身邊兩位朋友就讚不絕口⋯但可惜非我杯茶。鵝片就不過不失普通，同街邊大排檔一樣，以佢哋嘅呢度嘅煎蠔格⋯同我鍾意食嘅炸蠔餅感覺相差好遠，所以我都唔多Like。全晚最好味就係碟話梅排骨，鹹鹹甜甜送飯一流。最搞笑係我哋叫咗個凍烏頭，食完野都仲未黎⋯最後原來漏單，鋪頭細細⋯當晚又唔係好多人，咁都可以漏單，總括來講呢間餐廳並非我杯茶，應該唔會有下次。

平時同朋友食飯，唔係西餐就日本菜，突然同朋友講想去打冷，朋友都讚成。搜尋之下，搵到呢間評語好似唔錯，就同朋友黎一試如何。可能早去到關係，店裡面只有一兩大檯客，但侍應都問了聲:有無BOOK檯?，就知道再過一陣一定會好多人。就坐之後，先飲左啖熱茶，可能太耐無飲茶，茶雖然唔太濃，但就有一種茶香，用黎消膩的話唔錯。花生同甜酸菜就幫助開胃。雖然只得兩個人，但大家都想試多啲野，最後叫左煎蠔餅、鹵水鵝拼盤同糖醋麵。當然，食打冷緊係要配埋支啤酒啦!先黎既係煎蠔餅，蠔仔份量好足，啖啖都食到蠔肉，蠔餅邊緣圍住加左蛋煎，所以餅邊特別鬆脆同有蛋香。只食蠔餅覺得太單調的話可以加啲魚露同胡椒粉，味道立即提升。鹵水鵝拼盤入面有鵝片、鵝件、鵝掌、紅腸、滷蛋同豆腐。最好食既係面頭既鵝片，切得夠薄身而且入味，連皮食都唔會油膩。鵝件唔知係咪我地唔好彩，切中個無咩肉既位，舊舊都成舊肥肉，失色不少。還好鵝掌、紅腸、滷蛋同豆腐都有返正常水準，滷水汁唔太鹹，有鵝肉香味，但香料味就唔太突出，不過配合返清淡既豆腐都唔錯。兩面王糖醋麵，加埋砂糖同醋一齊食，開胃得黎又消去左油膩感，可惜雖然面煎得香脆，但底嗰面就淋左啲，變了"一面王"。整體

身上明明未有半點潮州血統的我，卻偏偏對潮式美食趨之若鶩：各式滷水的濃香厚味、蠔仔粥的鮮甜多汁、胡椒豬肚湯的香辛暖胃、還有金黃香脆的煎蠔烙，每一味都令我垂涎三尺，食指大動。幾位多年同窗好友小聚，選擇吃潮州菜，小弟自是期待萬分，欣然赴會。星期六的夜晚，店內人聲鼎沸，坐無虛席。便急急點了數道小菜，然後耐著性子等待佳餚一一上檯。* * * * * * * * * * * * * * * * * * * * * * * * * * * * * * * * * * * * * * * * * * * * *潮陽梅羔骨 - $78這裡的「羔」正寫應為「膏」，即是指用上梅膏醬 (冰梅醬) 烹調的排骨。就菜式而言，並非每一家潮州菜餐館都會提供，的確很有一試的價值。潮州人吃飯好以醬入饌，一檯餸菜，各配以不同醬料：滷水有蒜醋、蠔烙有魚露等等‧‧‧店家用上肥瘦交錯的一字肋骨 (即是金沙骨)，先炸過、走油後再以梅醬一同爆香，外面不沾油，咬下去時卻甘香鬆脆、脂香四溢。梅醬本身味帶酸甜，又恰好抵消了排骨的油膩，和上海菜裡面的甜酸排骨和廣東菜的咕嚕肉、生炒骨一樣，都是送飯妙品。若真要挑剔其不足之處，就是排骨未能完全去

早兩三個月曾經試過walk in 但無位。今晚突然想食潮洲嘢、打電話無人接聽，於是再次walk in博一博。今次竟然博到！  星期二晚竟然都全爆！好在啱啱有二人枱走。另一加分地方：估唔到可以簽卡！咁啱帶唔夠現金。好彩！

有日放工行過見到呢間潮州野就想試下，跟住就膽粗粗叫幾個同事一齊食，去到見到全場爆滿，好在我地早訂枱，去到唔洗等。介紹食咩先呢個蠔仔肉碎粥值得一試，蠔好新鮮唔腥兼且一煱份量足料。普寧豆腐外脆內滑，師傅好野。滷水拼盤不過不失，但略嫌個汁唔夠香。前菜好入味，加埋杯潮州鐡觀音，真係胃口大開。

大部分中式餐室都供應花生 前菜給食客醒醒胃。奈何味道不太誘人，吃一口便停下來。但這裡的花生爽脆香口，沒有放久了的油益味。甜菜應該是甜味菜，吃一口便停不下來。新鮮沖的鐵觀音非常香濃秘製梅羔骨味道香濃，單試梅汁的話，會偏咸。但配上排骨的話，味道卻剛好。原來羔骨是指排骨的肥膏比例相對會高鹵水鵝拼盤不特別，鵝片不嫩滑，反而有點"鞋"普寧豆腐個人認為必食! 有別於坊間餐廳的炸豆腐，更滑更輕身，即使外皮炸得酥脆，豆腐依然嫩滑無比! 👍👍方魚蠔仔肉碎湯飯蠔仔飽滿又新鮮，方魚先炸後煲，肉碎彈牙而不肥膩。很久沒吃到好評的蠔仔粥

星期曰～因“港人港樓“的效應，街道聚集了很多排隊買樓的人士，我與蝦子餅亦趁熱鬧去感受吓氣氛，由下午3：00一直坐着等消息，至晚上6：30又悶又餓，於是我倆去附近食潮菜輕鬆吓，於卡位坐下即點了凍烏頭、鵝片鵝翼拼墨魚、普寧豆腐和蠔仔肉碎粥醫肚；晚上8：00街上的人群漸漸散去，雖然今次空手而回，但順路食到水準依然的潮州菜，亦不枉此行！