潮福蒸氣石鍋 (已結業)

當日約左係尖沙咀返工的朋友食飯估唔到係尖沙咀都有潮福分店，咁就去呢度啦~厚福街呢間其實開左幾耐？真係唔知，不過佢既格局好似開左好多年既舊式酒樓咁~因為有好多海鮮真係唔知咩黎~，所以海鮮係放哂係度俾大家睇左先再落單, 當然，仲可以睇下係咪新鮮嘛~黎呢度係既第2個理由係有個半任食套餐以時段計，最平都係298一位，以食海鮮黎計真係好抵~自助調味料有好多唔同醬料可以自己混醬不過當晚食八點場，D蒽同芫茜已經見哂底了~套餐仲有啤酒，汽水同竹庶水任飲呢個竹庶水清清地，唔係好濃，不過好夠凍，又唔太甜~幾啱用黎食海鮮~套餐係包每人一個湯我地2個人，揀哂2款湯~西洋菜燉唐排雲腿粒冬瓜燉海螺湯燉湯黎講呢2款唔係好濃個隻。西洋菜湯既菜味好濃郁，而冬瓜就較清甜最好係個湯唔肥膩，清清地，好有住家靚湯FEEL~套餐包一個粥底有新鮮排骨同瑤柱鮮淮山我地揀左瑤柱鮮淮山 估唔到2個人既份量都有成碗米咁多~@@ 之後就可以蓋實佢再係上面蒸海鮮啦~套餐有2個海鮮定食 南非龍蝦龍蝦係每人包半隻, 睇到好新鮮，仲好大隻，蒸出黎既肉質勁爽脆~ 另一個定食係貝殼盛盤是晚有番薯蜆 同北寄貝蕃薯蜆就麻麻鐘意，D肉唔係爽甜，淋淋的。有一隻

我見好多人食就去試試！食物方面有好多海鮮選擇，我食左龍蝦98蚊隻、日本太子88隻、象拔蚝仔78一隻，同埋時價的花竹蝦44蚊兩。我叫左兩隻。無問佢幾多兩。我估兩隻蝦應該好輕掛。味道方面，花竹蝦一大一小，味道普通，同一般蝦無咩分別。帶子好大粒，配粉絲蒸，味道不錯，d湯汁好鮮甜。龍蝦唔係好大隻，無咩蝦味，口感一般。象拔蚝最好食，好鮮味，不過一隻好細。食物味道整體還可，點知服務差到嚇死人！首先茶位12蚊，我壺茶叫佢加水，之後就從來無再拎番來！催極都無再俾。渴死我！我叫左個粥底，諗住食晒d海鮮就可以食d吸晒海鮮精華的靚粥，點知竟然無落米！頓時變左無米粥！但成80蚊！我之後同佢嘈，最後就取消到。最後埋單發現花竹蝦2隻計我6兩,收左我288!!! 144蚊一隻蝦!!!!！大家要小心時價的海鮮！

我們一行三個女士於晚上11時多到達，之前在旺角食過服務幾好又食物新鮮，但果次第一次唔知11點後有6折，所以今次諗住去試11點後特價時段，先講在旺角那個侍應姐姐很細心海鮮蒸夠鐘很醒目就會幫客人夾起，反之這間夠鐘要三催四請先有人黎，基本上當晚得果三四枱客，唔知d侍應喺度做咩，我哋叫咗花竹蝦（冇6折，3隻12兩$576）蟶子，鮑魚，膏蟹，勝瓜，茄子（呢d有6折，膏蟹明明揀就生猛，但食落肉有d霉），一輪飽餐埋單，發現花竹蝦計多2兩（果度已經計多成百蚊），咁我哋咪對單，計多兩計，個收銀阿姐係咁咿咿哦哦講電腦唔出錯，又話如果繁忙時間比你哋玩死！！！！！吓？！你而家收多我哋錢，唔再對下唔得吖？一路行一路仲極不禮貌！講真成$500位，d嘢食又唔新鮮又計多錢，又冇服務，又極不禮貌，我唔會再去，呢個價位大把選擇！

海鮮尚算可以，睇海鮮時經理不停介紹貴海鮮，有少少感覺太hard sale, 每個蒸海鮮都有時間，不錯，但員工太忙，未及時打開分食，引致聖子太老。竹庶水淡而無味，仲有水喉水味，感覺很差。蝦新鮮但$600半斤有點不值，總體食物唔算差，但太貴，每人$800 其實會有好多其他好選擇。

想試好耐，放工鬆一鬆與同事去試蒸氣石鍋，想唔到係咁好味$98隻蒸龍蝦，好鮮甜d肉仲好彈牙，但優惠價只限每隻 $78大元貝，有點貴，但蒸完出來好滑好鮮味 $68隻鮑魚，用蟲草花蒸好鮮甜唔會太un，而且他們已經清除左內藏，食得容易$48隻石蠔，睇落好美味，但因為他們加左胡椒和黑椒粒，影響到蠔沒有蠔味 $48隻象拔蚌，加上蒜容粉絲，十分鮮味蒸得剛好 $148斤北寄貝係最差嘅一款海鮮，肉好un又無鮮味最後嘅粥底簡直係精隨所在，所有海鮮嘅精華都係哂裏面好鮮味，如果唔夠鹹侍應會提供大頭菜比你加入粥食

近年蒸氣石鍋開得成行成市，沒試過好像很落後似的。是龍是蛇，今亱就探個究竟。 看此店有那麼多分店，東西差不到哪裡去吧。尖沙咀是總店，應是最好的，約齊姐妹，訂枱光顧。 我們不懂架步，在菜單上選食物。阿姐見狀，提點我們説，海鮮每天不同，要到海鮮檔選啊。原來當天有的東西都明碼實價寫在白板上，實物就整齊地排放在下面，任君挑選。 紐西蘭刀貝，168大洋一斤，有10隻。隻隻肥美多汁。 元貝有不同產地的出品，個子也有大中細之分。我們選了蘇格蘭元貝，個子算是中碼，78大洋一隻，加蒜茸粉絲蒸，簡簡單單，原汁原味。 肉蟹足有36両重，要792個大洋。選料新鮮的話，如不清蒸就太浪費了。製成品無令人失望，啖啖肉，堅實飽滿，鮮味十足，絕無花巧。 我們還選了結單上的其他食品，埋單要2196個大洋，有點費。總結此餐，一字記之曰鮮。 後話，結單寶號未改，保留上手店名。

真係唔係講笑, 呢期真係興食蒸氣石鍋, 今次又比另一個朋友請我好食第二間! 講真, 咁食海鮮法, 分分鐘會破產, 兩條友都過千! 唔係朋友請, 真係諗諗先!原來個蓋都幾重吓ga wor!大大粒元貝, 好好味！咁樣好食過食刺身！花竹蝦, 好大隻呀, 好甜喎! 通常咁大隻唔好太好味, 又估唔到咁蒸又幾好味喎, 好鮮甜! 啖啖肉！南非鮮鮑， 唔駛講啦, 識食一睇就知彈牙, 新鮮!蕃薯硯, 個名好得意, 外型都幾大隻, 好甜, 肉身夠厚, 最開心係無沙, 真係好驚出面個d成口沙!朋友唔夠喉，再嚟多隻龍蝦！雙腸糯米飯, 係我除咗試過食八十年代街邊車仔最好食外, 今次竟然比我發現呢到有, 仲要水準唔錯, 唔知兩條腸邊到買嘅呢? 咁鬼香嘅! 加上味道唔錯! 最欣賞係d糯米飯, 軟硬適中! 諗住d糯米會好硬, 對我呢d有長期胃病嘅人嚟講, 真係不宜多吃! 加上頭先實在太多餸, 真係食唔落ga! 點知咁鬼好味, 又再tim多碗!! 好正呀! 打包攞走，第二日翻叮都唔硬，仲依然咁好味！正！原來咁樣加水ga wor!

未食過蒸氣石鍋貪得意試下... 點知出事 ！  首先餐廳環境好一般。 坐底職員帶我去揀海鮮 (請參閱附件賬單) 最离譜係奄仔蟹 $108/隻  ，依個價錢可以食到大閘蟹， 而且肉質也一般般。另外點了兩隻花竹蝦， 由於趕時間無細心查閲賬單付款，之後才發現共收了我們六隻花竹蝦價錢... 唉 ，唯有下次聰明 D 睇清楚 

同成班FD聚會完諗住食宵夜，企係條街係到諗食咩好？因為都成10點，有個泊車叔叔話叫我地去呢間食海鮮，佢話一流！見佢盛意拳拳又唔想食咁罪惡清清地就去左。😂😂去到幫我地揾左張大枱等左陣，啲姐姐都好nice。主動介紹今日有咩例牌做特價、有咩新鮮、抵食，可以自己揀好似去街市買餸咁，即揀即磅。8個人，叫左蝦（都大隻，一人一隻）、魚腩、蠔、蜆同勝瓜加左隻蟲草花蒸雞同個南瓜排骨粥底。叫左拍青瓜，有埋海蜇雙併，個燒肉麻麻唔太脆，仲叫左渣竹蔗矛根，個姐姐知我地唔想飲凍主動話幫我地座翻暖佢👍🏻👍🏻佢蒸嘢係有次序分，食完一樣再蒸，全程有人幫我地整，坐係到就有得食。成個過程都好快，開頭諗住會等好耐😅點知食都未食完下一樣就蒸好如果食得慢其實可以叫佢等下先再幫妳整，因為有啲凍左就唔好食，不過值得一讚嘅係凍左都無腥味👍🏻👍🏻啲嘢份量都可以係夠嘅。總的來說呢間都係會值得再翻轉頭幫襯，下次會再叫蝦同魚（如果唔太鍾意食Q彈嘅魚皮就唔好食佢個皮比較厚身）每樣都只係加蒜同少少調味去蒸，真係原汁原味，個爐一響就即刻埋嚟幫我地熄爐上碟、換碟又勤唔會堆到啲殻滿晒。每樣海鮮嘅精華就滴晒係個底啲粥到，個粥完全無加過一滴水但最後竟然無癡

之前看了食評，一大班朋友很期待這次海鲜宴，點之超級失望而回。。。海鮮数量不是太多選擇，雖然海鲜尚算新鲜，可惜蒸煮時間太耐。。令海鲜失去鲜味之餘，又老又韌牛肉同雞又蒸得過熟，牛肉太韌，雞竟然無味。。失敗服務水平—般，價錢又唔大眾化，總之，超失望及物有不值的一餐。。。

食物新鮮度——合格。因為蒸煮，必須新鮮。這只是基本。食物的質素——總括來說，不達基本水準。因為蒸煮時間是非常關鍵，直接影響最後食物的質素。可是，服務生並未能按時從煱中，將食物取出，而令致食物質素下降。因過時而取出的蝦和蠔，這不單欠缺彈力，失去口感；還浪費食材。而蒸蓋是用藤織成，吸了蒸氣後，變得重和熱。若不小心，容易被蒸氣焯傷。小弟因沒有服務生幫助下，好幾次，差點焯傷。還有餐單上所建議的蒸煮時間，較為保守，與大部分香港人要求不一樣。因為，香港人要求海鮮煮熟的程度是剛剛好。小弟也請教服務生的意見，他的回答是建議時間只供參考。所以，若食客對食物有所要求，則要自己控制時間。上菜的速度——因為未熟，當然快。但煱的空間有限，並且每種食材的蒸煮時間不一樣，所以，如果食客是性急之人或餓肚子去食，那應該要打底。因為，小弟訂了位，也等了35分鐘。這店特色是，所有海鮮、蔬菜、糯米飯、馬拉糕也是要蒸煮的。所以，性急和有要求的食客，請考慮一下自己的耐性才去。餐館的環境——普通的火煱店。很濃蒸煮的食物味道。清潔度略為欠佳。光線充足。 

朋友生日, 一行八人到尖沙咀分店. 早一個星期訂位, 到左等左十分分鐘先入座. 真係好爆埸!一坐低, 侍應就叫我地去後面一個好似魚檔嘅地方揀海鮮, 睇落好新鮮!我地揀左8樣海鮮, 勝瓜, 雜菜同埋排骨粥底!海鮮有: 龍蝦, 大蝦, 鑽石蜆, 聖子, 扇貝, 老虎斑, 鮑魚, 蟹飯!全程有人serve, 幫我地較好每道海鮮要蒸幾耐. 樣樣都好好食!清蒸嘅好處係食到海鮮嘅原味鮮味, 如果食材新鮮的話.....好明顯佢D海鮮真係好新鮮! 食到我地lam lam利 ~~~ 最驚喜係個煲底嘅排骨粥, 由我地未開始食仲係生米, 到我地蒸完8樣海鮮嘅精華焗到佢變成粥, 鮮甜到不得了!!!呢間一定會encore!

跟相識了30多年的朋友吃晚飯，全部暫時拋低老婆仔女，去尖沙咀蒲。之前在潮福的西環分店飲茶食點心，實在相當難食（参見另一篇食評），本來諗住冇下次，但朋友大讚她的蒸汽石鍋海鮮一流，所以儘管俾多一次機會。位於尖沙咀厚福街，整條街的地舖差不多全是食店，盡頭的人氣銀座式食厦H8更經常有人在樓下大排長龍等電梯。潮福則潛藏於其中一種舊式大厦的一樓，地下只有一個老土的招牌。酒樓面積不大、樓底矮、裝修老土，只將其中一個角落劃作海鮮魚池蓄養龍蝦、海魚。部份對水質、氧氣及活動空間要求低一點的，如海蝦、鮑魚，則只採用一個小水池養殖。可以不需海水魚缸養殖的扇貝、生蠔、蟶子，甚至只舖在冰面，與街市無異。單就餐廳室內環境來說，實在相當一般，甚至可說是非常街坊。每枱的這一頂草帽，就是近期最火紅、最具人氣的蒸氣石鍋的重要烹調工具！用上這頂呈尖塔形的草帽，當然有其道理。草帽本身透氣，可以將多餘蒸氣排走；另一個重點是不會如不銹鋼鑊蓋凝結「倒汗水」，滴在食物上面形響原味。第三，草帽呈尖塔形，更能有效封存熱氣及引導熱氣上升。自助醬料架設置在酒樓一角，有各種基本醬料如豉油、沙爹醬、生蒜、熟蒜、蔥花、辣椒等等，客人可因應需要自行混

係FB見到呢個潮福蒸氣石鍋一排，仲突然間由旺角一間擴張至好多間，好想試，諗住book中秋節，佢有兩個時段8：30前或後，前好似有拆，但旺角個間超full，話星期五週末假期只有3張細枱可以book，所以之後就試下打去尖沙咀呢間新開，好彩有位～Book咗枱去到都要再攞飛等一等因佢地執枱，有訂位個好處係細枱有得坐卡位～唔想要佢地嘅茶，可以叫粟米馬蹄水代替，一渣$30～ 之前花生$10，茶芥醬油$12位，ok合理～之後必叫，個侍應一定攞粥嘅材料放鍋底，個粥細嘅都$60～之後叫海鮮要行出去叫，因得兩個人食所以叫咗少少：1）花竹蝦，兩支四兩重$144，大隻好新鮮～2）紐西蘭鑽石蜆，一籠一斤$128，厚肉同蜆竟然會爽口，好味～3）蟲草花蒸南非鮑魚8－10頭，兩隻$136，呢個又係好好味，想encore多隻～4）蘇格蘭元貝皇，兩隻$116，配埋個蒜茸粉絲，好好味～所有海鮮都好新鮮爽口，全部清蒸已好好味！！最後食埋個粥，排骨加南瓜已變蓉，個粥好綿好滑好味，細嘅都可以有4碗～

朋友生日, 約好在尖咀晚餐慶祝,剛好近來蒸氣好多層塔 / 蒸氣海鮮鍋都備受追捧.所以選擇了蒸氣系列的餐廳.這一家叫蒸氣石鍋, 名字有點不同,好明顯又係貪新鮮想試新野.來到餐廳, 又真係幾特別喎!枱面中央, 應該是蒸食物的石鍋,上面有個特別的蓋, 是以藤編織, 頂部尖尖,藤織蓋子中間有疏孔,能聚氣保溫但疏氣, 估計不會有倒汗水.花甲先品嚐清清地的花甲,花甲打開了 = 熟了,花甲不可蒸煮時間不可過長,殼打開後, 要盡快放入碗內,真係時間剛剛好, 肉質唔韌.蟶子:蒜蓉+蟶子層層叠起來蒸熟.時間剛剛好, 蟶子爽甜, OK好味.龍蝦蒜蓉蒸開邊龍蝦, 中式做法.清蒸更能帶出肉質鮮甜,基本上是無得挑剔了.鮑魚鮑魚肉約2”長, 面鋪蟲草花.由於鮑魚己界花, 加快蒸熟,鮑魚肉鮮甜, 爽口彈牙.(個人覺得蟲草花没有特別提味作用呢!)巨蟹 X 2件個人覺得, 蟹用蒸的方法是最原汁原味.(註: 如果是自己家中煮蟹, 就會原隻翻轉蒸,蟹肉的汁夜及蟹膏就能保留在內)而這次是蒸氣石鍋,要盡量將每款食物的精華集中至鍋底.所以蟹身己砍件, 蟹肉及蟹黃的精華更易釋出.幸好蟹肉仍很鮮甜.(我選擇了連接最扁的蟹腳果部份!)肥