潮福蒸氣石鍋 (已結業)

其實今次飯局有點不如預期，原本一行幾位朋友約好一齊試這個蒸鍋，不過因為公司OT最終遲了個幾鐘才到達酒家…貼心的朋友們已經為我留起了食物，不過都已經放涼了。但蒸鍋就有個好處，可以即時加熱返！服務都頗為周到，侍應會親自過來幫手調控蒸煮時間。所以我們與侍應講明想返熱食品，他就幫我們較了時間，一席「快煮蒸鍋餐」就此出現！可能平時都不會有機會這種方式吃蒸鍋吧…翻蒸了一次，原本對於味道不太抱期望，不過卻返而帶來驚喜！幾道海鮮仍然保留鮮味，先吃花甲、馬刀貝、蠔與及龍蝦，貝類翻蒸後仍然彈牙，味道鮮甜；而龍蝦亦不見過老，如果可以即蒸即吃應該會更好味！所以食材應該非常新鮮。蠔size好大隻，啖啖肉，必嚐！而元貝亦上佳，配搭粉絲、蒜同蒸，是最傳統亦是最配合的味道！牛柳粒、蝦丸等等都是水準食物，不過印象深的要數我到達酒樓後才蒸的馬拉糕，鬆軟香口，值得一試！至於蒸鍋的精髓：集蒸華於一身的「蒸粥」，比起其他餐廳的粥來說米飯比較少，看起來稀身似白果糖水，味道是濃厚的，不過可能個人喜歡厚身弼底，好味不過未稱得上最喜歡。但同行的女友人讚不絕口，味道足又唔太飽的粥始終都受女性歡迎吧…總結，服務好、食材新鮮，值得再去！

同家人慶生, 當然出外食餐飽, 蒸氣石鍋呢幾年大熱, 當然要帶同家人去潮一潮, 食一餐蒸氣石鍋當晚8點15分到達, 前檯告知8點半後入座會便宜一點, 當然係樓下等一等先夠鐘入座, 先選粥底/燉湯及海鮮供廚房準備食材, 粥底選了瑤柱淮山粥, 燉湯三選一, 選了姬崧茸燉螺肉, 個湯好足料好清, 菘茸亦好香. 首先貝殼盛盆, 當中有4-5款, 青口/大蜆/花螺/花甲等, 分量剛剛好每人都有龍蝦開邊每人半隻, 是新鮮啖啖肉, 沒有太多調味, 只有數粒薑蔥已經食到原汁原味乳鴿都是每位半隻, 乳鴿size比較細, 唔算厚肉, 有點油膩, 剩下一半要打包扇貝蒸嘅時間剛剛好, 就算唔落醬油都足夠 石蠔個殼好大, 不過蠔既size不一, 有肥美, 但有一隻偏細, 這一點店員要留意一下, 味道不算太特出鮑魚用了蟲草蒸, 每一隻都好飽滿, 口感彈牙蟶子皇新鮮, 口感又爽, 好厚肉, 連本身毫無味道既粉絲份也吸收了海鮮鮮味和牛片比較厚切, 和牛粒已有黑椒調味, 同樣是蒸2分鐘, 和牛粒未完全熟晒, 較juicy及嫩, 有口感, 和牛片應該過老了, 有點靱,但牛味會比較特出, 和牛片應該一分鐘就食得清遠雞及污糟

夜晚8:00嚟到，因為book咗枱，所以唔洗等就上到去，不過可能係平日關係，就咁walk-in都會有位，上到去都仲有少少空位一行5人叫咗呢個任飲任食海鮮餐，先嚟每個人都有3樣嘢送：乳鴿：個面嘅皮好脆，啲肉都好滑，就算之後掛住食海鮮涼咗再食，個味道依舊好回味貝殼盤：有花甲、馬刀貝，馬刀貝係絕對一定要試，好大隻，入口亦都好解甜，另外入口亦感受到鮮味，very gd龍蝦：比我哋預期大隻，同埋佢哋set嘅時間啱啱好，蒸好啲肉仲好嫰口，好爽燉湯：3款入面揀咗姬崧茸燉響螺，足料，味道夠，同埋好夠熱，好好飲，攪到飲咗一半先記得影相>.<另外自選海鮮揀咗呢4款：北寄貝：佢連埋粉絲一齊蒸，粉絲短時間都好入味，個北寄貝size好大，推介大家一啖食晒落口，會好感受到解味，好正! 桶蠔：就咁睇相應該都覺得吸引喇，size方面又嚟一個king size大元貝：同北寄貝一樣粉絲好入味，個元貝蒸嘅時間亦啱啱好，就算唔係好似平時酒樓食嗰啲咁多蒜油，但少少蒜亦已經夠晒味，當然仲有新鮮嘅味道喇龍躉件：首先怕好多骨同腥，不過今次呢個魚係多肉少骨，易入口，同埋食埋完全無腥味，單呢兩嗽條件已經夠我食多咗幾件其後

天氣開始寒寒地，搞到呢幾朝返工嗰陣，個腦係咁諗住要食熱辣辣嘅嘢！咁啱琴晚去開西灣河等友人們放工兼搵食，見到原來嗰頭都有潮福，早幾個月我先响旺角店食得好滿足，所以二話不說，就拉大隊衝去食！同旺角店一樣價位，都係有自選海鮮同任食嘅食物，兼任飲。講到任飲，同行中有兩位友人係酒鬼，所以一坐低就即刻叫咗兩支朝日啤一啤，話雪得夠晒凍，好正！但咁凍就咪搞我啦，我都係好似上次咁，叫返盅燉湯暖暖胃先。今次我唔係飲唐排湯，而係試咗特別啲嘅松茸螺湯，個湯齋聞已經好香螺味同菇味，飲落仲好甜，好多料！友人仲爭啲就食晒啲料，俾我勸止咗！因爲重頭戲即將嚟～～個鍋滾起咗啦！同上次一樣，粥底都係要返瑤柱淮山，侍應好快手幫我地蒸完自選嘅海鮮，全部都好新鮮，貝類中，我地一致通過最正最甜嘅第一名係馬刀貝，佢仲係最大粒添！第二名嘅北寄貝都唔錯！呢兩款係就咁食都夠咸鮮，至於其他嘅龍蝦帶子桶蠔魚呀，其實都好好味，只不過就咁清蒸就淡咗啲，要加啲豉油吊吊味！雖然自選海鮮得一輪，唔係任食，但一輪已經好夠皮，因爲呢班食肉獸要開始食肉！我地真係閒閒地就食咗三四轉和牛片，和牛粒，豬頸肉，雞肉，豬肉釀豆卜釀菇，仲點咗好多手打丸，蝦丸鲮魚丸牛丸，

想喪食海鮮又食得原汁原味當然要揀蒸氣鍋啦，潮福我都第一次試，新推任飲任食，但肚皮有限，其實同套餐份量都相差無幾。首先每位送半隻乳鴿，半邊龍蝦，貝殼類盛合同燉湯。燉湯夠足料，味道香純。貝殼類包括花甲，蜆同馬刀貝，非常鮮甜肥美，無沙，馬刀貝最為厚肉。龍蝦有膏，肉質紋理清晰，爽口彈牙。自選4款海鮮揀左北寄貝，桶蠔，元貝同龍躉片，推介北寄貝同桶蠔，味道鮮甜，蠔夠大隻又厚肉。肥牛可以任叫! 夠哂原汁原味，比火鍋煮得更juicy。個人最期待既馬拉糕! 新鮮蒸出最正! 不過已經好飽食唔到第2舊......蒸氣鍋精髓粥底，就算幾飽都要食埋 !! 好綿，淡淡海鮮精華，又帶魚香肉香，食淡粥都咁多層次，神奇每人埋單3百幾蚊，仲有朝日啤酒，竹庶水，汽水任飲，值回票價，下次要再幫襯。

星期一永遠都是拖著疲憊的身軀而渡日，本日又到晚餐時分不知道是否連家庭主婦也覺累？是夜我的母親大人不想在家煮飯的關係，我們便走到熟悉的地方-西灣河。西灣河如果你想找到街頭小食你可以到太安樓、甜品區可以到明記糖水，但如果想吃中菜又可以選擇那一間酒樓呢？ 位置於西灣河文誤中心附近，途徑潮福蒸氣石窩店；蒸氣的東西是近期火熱的主題，一來走進健康，二來又有新鮮感。適逢母親大人還未品嚐過「蒸氣」的利害，便揀選為今晚的嚮宴。 別以為星期一人流會寥寥可數，不知道是否任點任食的關係；人數相當多而且適合一家大細前來。有卡位及圓檯之分；原個石窩呈現眼前，店員細心地將窩內蒸出的水份倒走，可以令到整個粥底更為鮮味。 逢星期一至五黃金時段為$338/位，星期五、六、日更要$388/位；如果八點半過後星期一至五$298/位，星期五、六、日更要$348/位。如果小朋友140cm以下則免費(不包海鮮)。但如果八時十五分結帳則人頭計九折。 其實我不是第一次吃蒸氣石窩，不知道是否已進入寒冷的季節?酒樓卻有燉湯給予客人品嚐，可以有三款選擇，每位客人有一款選擇相堂不錯。每位客人更有脆皮乳鴿、貝殼盛盆及生猛龍蝦敬送。任食任飲的關係

有時食海鮮唔一定要去布袋澳或者係西貢嘅，食海鮮最緊要係要食到佢嘅鮮味用蒸氣蒸熟啲海鮮就保持原汁原味！由於朋友遲到我哋先叫一個馬拉糕蒸住邊食邊等，即叫即蒸嘅馬拉糕非常鬆軟，甜度適中鍋底下邊有米鮮排骨日本南瓜水份就全靠蒸氣火鍋上的海鮮流落來的海鮮汁蒸氣放題上有幾個錢財首先有個燉湯非常足料又滑雞金華火腿等等即叫即炸乳鴿，上到枱熱辣辣皮脆肉嫩鴿味特濃蒸鮮鮑魚上面有蟲草花薑蔥帶出鮑魚迪士尼，由於蒸嘅時間啱啱好，食到原汁原味鮮美好出蒸原隻鮮魷，好爽口，一定要連埋啲粉絲食因為粉絲吸哂鮮味清蒸聖子王隻隻聖旨到好似手掌咁大只食落好爽口，好鮮味清蒸牛柳粒，肉汁所晒係牛柳粒中間當你咬落去嘅時候肉汁後係你個口腔內爆出最後就要食個粥底鮮味無窮夾雜着不同海鮮嘅鮮味

潮福蒸氣石鍋，都幾多分店，嚟到港島都有蒸完都有待應比我地，新鮮。燉湯真材實料，有螺嫁。飲品有竹蔗水常見，有蘆薈汁少見龍蝦蟶子超大隻，好彈牙。手切和牛肉同清遠雞都好正好嫩粟米甜，蒸耐d仲甜，好好人。粥底甜，有哂精華

蒸氣火鍋聽就聽得多，食就第一次。朋友推介潮福蒸氣石鍋，就即管去試下。地方乾淨企理，唔似出面酒樓咁嘈。員工好好服務態度，每一次蒸完都有員工分菜，完全唔洗自己郁手，值得一讚。燉湯唔似外面既例湯，真材實料。飲品任飲多選擇，有竹蔗水、啤酒、汽水、蘆薈汁等。員工推介蟶子超大隻，海鮮夠新鮮。最欣賞佢既手切和牛肉，薄薄地夠嫩口。粟米超甜，encore左2次！粥底鮮甜，雖然好飽，依然清哂！

蒸氣火鍋食得多，用藤做既蓋別有一番風味。一開始醬料區已經好多選擇，有10多款俾你揀。最鐘意食佢既XO醬加蔥，好味。開始先黎西洋菜生魚燉湯，看似簡單，飲落鮮甜。再黎既乳鵨，皮脆肉。海鮮方面有蜆類、龍蝦、鮑魚、蟶子、美國桶蠔、扇貝，樣樣新鮮。鮑魚好好味，最特別係佢加上左蟲草花，又夠嫩口鮮甜。任食方面選擇不太多但勝在質素搭夠，和牛粒加左黑椒，正！最驚喜連荷葉飯同馬拉糕都有，可encore! 我地選擇左新鮮排骨粥底，排骨略淡，醃咸d更好!

同左舊同事去左西灣河潮福食蒸海鮮鍋，天氣剛剛凍起來！！也令今次蒸海鮮更有睇頭！食完一定暖粒粒喔。 潮福原來都有有小菜食wo~~但今晚食左蒸海鮮先啦！下次再約食小菜。去到先知原來有套餐食！更加抵食啦。仲可以任飲任加某d item~例如牛肉片，丸類，菜類。所以我地都無慮即決簡左食套餐。 餐跟左個燉湯！我就選擇左老黄瓜燉唐排！成盅上~沒有味精！飲落好滋潤。令到胃部得到窩心體貼既感覺。貝殼盛盆~有花嫘，鑽可蜆，花甲，白蜆。全部都好新鮮，一d沙都無！肉質肥大而鮮甜，唔使加任何汁醬鮮食出原味！超爽。 生猛大元貝~果然係大元貝！！不單單大咁簡單而且仲好厚身！蒸完既大元貝~柔軟多汁天甘香！底下既粉絲吸受了鮮味！粉絲蒸到濕濕潤潤！好味呢。 美國桶蠔，美國蠔出名大隻~蒸完之後都無乜點縮水！蠔既内層堅甘香重蠔香！韻味留在口腔中持久不散。非常得喔！ 大連鮑魚~較為細隻左少少！可能我貪心了。。。hehe!! 但係好煙韌~加左d蟲草菇，葱，薑片！食落另有一番風味~都係新鮮貨色。手切牛肉片~細細塊！輕輕蒸一蒸轉色就食得，感覺油脂豐富！肉質充滿彈性！入口牛香陣陣。配埋d葱花卷住食！人生一大樂事。 仲有個馬拉糕一定要睇

今天小敏生日，她說要吃蒸氣海鮮，今次我帶她到西湾河任点任食，讓她吃過痛快呀!首先我們自選4款海鮮，小敏選了北韓鮮鲍魚，又大隻，伴着草蟲蒸像滋味!生猛海中蝦色澤鮮明，也很新鮮爽口!蘇格蘭蟶子皇大大隻，很鮮甜美味!生猛大元貝伴着粉絲，原汁原味，口感一流!生猛龍蝦加上大蜆吃過番尋味，脆皮乳鴿外脆內軟停不了口!其餘任食的款式也很多，有豬頸肉，手切和牛，梅菜豬肉丸也很有特色!不得不提是馬拉糕和葱花卷是自家制，很軟也很有口感，真的吃過番尋味，我們兩個大隻妹真的很滿足!

秋風起，又是時候去吃火鍋。近年，身邊不少好姊妹都投入了蒸氣海鮮的懷抱，貪其味道清鮮，且油分較少，適合愛追求健康的朋友。早前瀏覽網站時，發現《潮福蒸氣石鍋》推出咗個任揀任食任飲海鮮餐，見個定價唔算貴，以星期一至四為例，晚上 5:30pm - 8:30pm 前入座的話，成人收費只是 $338 (另收醬油、花生 $15 及加一服務費)。雖然自選海鮮方面，每檯只限四款，但一個價錢，就已經包埋粥底、燉湯、乳鴿、貝殻盛盆同生猛龍蝦，而且還有其他任飲任食項目，價錢都算合理，所以就決定拉埋老公去試試。選了最近我家的西灣河店，可能這天是閒日，再加上我倆到達時，只是晚上 6 點，所以店內食客不多。先隨意選個卡位坐下，再分工合作，由老公發辦揀粥底、燉湯和海鮮；而我就趁空檔一於先點飲品及「混醬」。任飲的項目有大支裝嘉士伯、朝日啤酒、五款韓式飲品、五款汽水和自家炮製的竹蔗水。另外醬料自助吧就有豉油、甜醬、XO 醬、麻醬、大頭菜、潮州辣醬、芫茜、香蔥、辣椒粒、炸蒜及生蒜等供應，客人可以因應自己的喜好，自由組合。點完餐後，店員先為我倆每人送上一盅燉湯，滋潤燉湯原本可三選一，不過店員話這晚廚房只有西洋菜生魚燉陳腎及老

好耐冇食過蒸氣火鍋,所以就搵埋啲朋友一齊食呢度有個任飲任食套餐,有湯,有海鮮,有火鍋料,甜品,飲品,好抵食湯揀左西洋菜生魚燉陳腎原盅燉出黎,真係超足料,淨係食湯渣都已經好滿足湯煲到好入味,湯既份量相當多,飲極都仲有蟶子蟶子好爽口,下面仲有啲粉絲蒜香味十足,唔點其他醬汁都好鮮味飽魚飽魚寫住話由北韓黎!?好有趣,北韓有呢啲海鮮架!?北韓黎既鮑魚味道較啖,鮮味亦是普通但口感就係爽口既龍蝦龍蝦好大隻,蒸完之後啲肉好輕易就拆到出黎成條肉,啖啖肉,肉質鮮嫩爽口而膏又多又鮮甜手切和牛粒可以任食,和牛粒一啖一粒,幾有咬口,入面仲有啲黑椒味不過可以唔洗蒸太耐,同要趁熱食,咁先至腍身同食到佢既肉味南瓜,香芋,粟米呢幾樣都係我鐘意食既火鍋料粟米甜而多汁南瓜就好腍,又少少甜味香芋就比較乾身馬拉糕超鬆軟,味道微甜,仲要放入個鍋度蒸熱辣辣咁食,超正!最後食粥已經好飽,但所有精華落哂去個粥度,飽都要食新鮮排骨粥粥底超綿超順口,味道極鮮甜,有哂海鮮同肉類既精華加上排骨煮左咁耐,好入味,好腍滑但太飽,只係食到一碗有啲可惜

尋晚朋友帶咗我去呢間餐廳到食蒸氣火鍋，d嘢食都唔錯。我地揀咗任食，價錢已經包咗每人4款海鮮、一盅湯、半隻乳鴿，同飲品任飲包括Asahi/竹蔗芽根水等等。不過佢張點餐紙寫得好混亂，搞到我地要係咁問侍應即係每人有d咩。送嘅海鮮方面，美國桶蠔（每人一隻）、鮑魚、大元貝都好鮮好好食，但係個日本蚌就爭d......後來侍應話我地知，其實叫蝦都好好食。送嘅乳鴿都好好食，食完想再食......呢到d蟹好多膏，而且蒸完好甜，任叫嘅食物方面，和牛粒同雞係最好食，牛肉都好食但有時肥有時瘦，質素無牛粒咁穩定。呢到有專人為大家蒸食物，同埋佢地會同你吹下水講下笑，都食得幾開心。不過因為每次只蒸一種食物，感覺上食得好慢同好難叫到好多轉，慢慢食下食下又好快飽，所以下次會試下散叫。