澐

營業中

休息中

爸爸係一個非常傳統嘅人，生冷野唔多食，最鍾意就係中菜！有朋友去過澐話佢中菜高質，又難得有釀焗蟹蓋，一於就book去同爸爸慶生～ 因為我遲左book所以窗口位冇哂，中菜廳空間感十足，落地大玻璃設計令中菜廳好光猛，而且裝潢同擺設好有氣質，枱與枱之間相隔得遠而且環境寧靜，坐離窗口一兩排都唔會太差~ Service認真一流，侍應貼心有禮貌，最surprise係見到侍應係set檯時出動蒸氣燙斗燙直檯布，非常認真！Order左四款點心，全部都非常高質，爸媽都讚口不絕。唔好見個焗菠蘿叉燒包個樣普普通通，皮超脆，個包超軟，而且叉燒餡料熱焫焫，係我食過嘅Top 3！黑魚籽金巢香酥帶子芋角有着燒賣嘅外貌，酥脆嘅口感，香口而不油膩，必試！香焗鮑魚叉燒撻嘅鮑魚有啜口，叉燒餡料配曲奇撻皮超正！澐裳金箔鮮蝦餃皇一籠有四粒，加金箔豪氣十足，個皮再薄就Perfecto~杏汁白肺湯絕對係功夫之作，奶白嘅湯熬左好耐，遠處就聞到好香嘅杏仁味，豬肺好嫩滑，好味又養顏。金湯海明珠係令人驚艷勁一道菜，鮮燈色幼滑而清甜嘅南瓜蓉下蘊藏左嫩滑嘅蒸水蛋，加埋面頭隻又大又爽嘅蝦，有視覺同味覺嘅衝擊，好後悔抱住試吓嘅心態淨係order咗兩人

重開食評，腦海裡馬上浮現了澐Nuva，雖然那不是近期的光顧，但Nuva是我去年6月一次偶然的光顧後就喜歡上的中菜館，後與不下十數親朋前往，也是從沒聽過負評的，靜待這家2021年新發現的我最喜愛中菜館的摘星之日！落地玻璃外的海景，如天色好的話可以看到日落美景。為何對Nuva評價那樣高？要評好壞，不外乎三個因素──食物、環境和服務。食物方面，Nuva不論是午市飲茶還是晚飯，水準同樣高。當然，不可能每道菜都有驚人的味美，惟點心、菜餚皆普遍有高水準。環境方面，作為一位有少許要求的女性，個人從來重視環境多於食物，沒有好的環境難以有好心情去享受美食，而這家餐廳正合乎要求。從Nuva網頁得知餐廳的設計出自兩位藝術大師之手，欲將行雲流水的意境走進客人的用餐體驗。說實的，凡人如我，甚麼大師設計與我何干？惟重要的是我欣賞那種看得出的講究，也欣賞餐廳各處的美感，置身於舒適優雅的用餐環境感到既滿足又愉快。這裡連餐具都很美，看得出處處皆心思，而且枱椅間的距離應比不少酒店級中菜廳更具空間感，在疫情下可以吃得開心又放心！一大幅美輪美奐的地氈服務方面好得沒話說，多次光顧，遇上的都是熱心、殷勤、有禮的。此外，這裡有地利

澐的裝修很優雅，疫情初期首次到訪，被枱上的大盤鮮花所吸引，招呼亦很熱情殷勤，有米芝蓮食肆的感覺， 現在疫情後期，重開後就如枱上的鮮花，感覺很不一樣。 於手機下載亞洲博覽館apps，加入會員後埋單即時可享8折， 另送三款迎新禮品，其中一份便是澐的冰鎮鮑魚。 朋友全部點了右手邊的食物。 先來小食， 牛展入味有肉汁，皮蛋如伴少許砂糖更佳，叉燒不是不好吃只是不夠好吃。 瑤柱湯夠熱也很甜， 雞肉夠滑。 蝦是普通蝦這個菜沒有什麼驚喜。 我不喜歡吃雞胸肉，因為比較又乾又唔滑， 這個菜做得不難吃。 加入瑤柱醬 後特別好吃。甜品是普通的一碗綠豆沙所以沒有拍照 ，不過入口有陳皮味，味道又提升了。

停業重開後第一次光顧，午市套餐更新了所以又試試，先來 一個指定點心小食拼盤，蝦餃燒賣蘿蔔絲酥餅也很好吃，灌湯餃清甜， 瑤柱湯濃郁， 琵琶鴨比煎雞好吃，露筍蝦及煎鱸魚也很出色。 年輕侍應比年長的服務好。

去左勁遠既亞博！就係為左依間高度評價嘅中菜, 行premium 路線, 仲被譽為將會擇米芝蓮星！不過之後自費再去質素同服務都唔及第一次去, 距離擇星仲有好大段距離～ 除非住離島/揸車, 如果唔係唔洗特登去咁遠食 🤣🦁 環境｜望海 好彩會見到飛機！不過有阻擋 所以影相唔算靚. 反而室內既artwork更值得影, 拎左獲餐飲空間金獎！🦁 第一次食｜晚市｜小菜全部都幾好食 特別係個蟹蓋, 鮑魚同金錢雞// 金牌焗釀蟹蓋｜海鹽燒鮮鮑魚 招牌蜜汁叉燒皇 ｜金湯海明珠 鳳肝蜜汁金錢雞 ｜趣脆咕嚕肉 紅燒牛肋骨肉 ｜當紅脆皮三黃雞 🦁 第二次食｜午市｜點心景色比晚市靚, 但食物質素完全冇得比～點心賣相比較精緻, 但味道都係點心工場味, 唯獨灌湯餃好少少, 第2次去服務都嘛嘛地🦁 質素最穩定既甜品桂香水中花 ($58)｜紫澐夢境 ($78)兩個都岩打卡同好食～

之前去開亞洲博覽館AWE做野，開完會就已經午餐時間，見到呢間高級fine dining中菜館就想去試下。入到去見到180度既海景，視野好廣闊，枱同枱之間好闊落，啲擺設同餐具都係高級、貴氣，整體感覺都好舒服。入坐後侍應會先倒温水落去客人面前既玻璃杯，入面放左一次性壓縮毛巾，當吸夠水就可以用黎擦手。澐裳金箔鮮蝦餃皇（$68），好精緻有食用金箔係粒蝦餃面，皮夠薄咬落去係彈牙既蝦肉餡。滿園花菊脆春卷($60)，呢個一上枱有驚喜，賣相好精緻，無諗到個春卷係甘用功夫既造型，真係成朵花甘，炸到好香脆，但偏淡。蝦乾啫啫芥蘭煲($168)，爽脆芥蘭配上大大粒蝦乾同少少辣既醬汁，好惹味！個人最鍾意係秘製XO醬炒蘿蔔糕，而家好似新menu無左，但我覺得好好味，蘿蔔糕既每面都煎到焦香，咬落食到一條條好香既蘿蔔絲同臘味，唔會太削同淋，希望會再出返！澐·NUVA而家暫停營業左一段時間，希望之後有機會再食返。

今日朋友帶左我去機場附近食中菜，呢間餐廳叫澐，係機場博覽館2樓，最方便係搭機鐵直接過黎，平時如果揸車人士就只可以泊車係附近停車場了，不過可能因為而家限聚令關係，所以在場人員都比我地直接泊車係博物覽館外。可能因為係食飯時間，所以餐廳幾乎滿座，不過好彩等一陣都可以安排到望海座位，而且2個人可以坐到一張平時可以容納6-8人既枱呢，坐得非常寛鬆舒服。餐廳有高級既設計感，牆上都放了一些畫作，感覺幾有藝術感，而菜式既名稱都一樣好特別，今次點了滿園花菊脆春卷、蝦乾啫啫芥蘭煲、黯然銷魂飯和菜遠清湯牛腩稻庭烏冬。滿園花菊脆春卷（$60/3件）開頭聽到菊花春卷，仲以為有菊花饀，原來只係外型炸得像菊花的春卷，春卷入面有蝦滑，食落很香脆，感覺如果加點酸甜汁就會變成錦鹵雲吞的味道了。蝦乾啫啫芥蘭煲（$168）用砂鍋上碟，所以可以一直保持熱度，一上枱已經聞到香噴噴，蝦乾好大隻，而且數量不少，最欣賞係餐廳用唔到芥蘭苗，所以只有芥蘭芯，而且屬於一口size，不會食得狼狽，配埋蒜片及燒過的蒜頭，食落非常香口，冬天食暖笠笠，適合重口味人士。黯然銷魂飯（$68/位）聽說叉燒是這裏的招牌菜，但因為不想吃太多肉，所以點了這個黯

第二次過嚟呢度食嘢，只因上次嚟見到個「大閘蟹餐」好吸引，所以當晚己經立即訂枱，訂好兩位「大閘蟹餐」，一直期待咗2個星期，終於可以食到啦頭盤係「子姜皮蛋」個皮蛋係好香好濃嘅流心皮蛋，子姜好好味，同皮蛋好夾第二道上嘅係「蟹粉焗蟹腳」呢個真係冇得頂大愛之一，每位一條，真係忍唔住想再食多啲呢個「上湯蟹粉小籠包」個湯好鮮味，帶出小籠包內的鮮、甜話就話係「小籠包」不過分量一D都唔細，有正常2粒-3粒，分量十足之後有隻大約5量左右的公蟹再黎一個「云腿豆苗」呢2片云腿先係重點，入口「甜、香、味燶」不過一D都唔鹹！正再黎一個「糯米飯讓雞髀」正😄食埋個糖水真係覺得好幸福

同家人第一次嚟博覽館嘅澐飲茶，一入去已經被落地大玻璃嘅海景吸引到，好彩訂位時已講希望安排窗口位，未食野前淨睇海景都已經餵飽眼睛😆蘿蔔絲酥餅 $60好耐無食過咁易咬開嘅蘿蔔絲酥餅，而且好足料，入面充滿蘿蔔絲，食極都有！黑魚籽金巢香酥帶子芋角 $60賣相好靚！芋角上面擺放帶子，加上黑魚籽整體更香。芋蓉滑溜，帶子爽口，外層脆卜卜，口感層次一流！澐裳金箔鮮蝦餃皇（四件） $68因為有五個人，所以再額外加左粒蝦餃。皮薄啖啖蝦，唔錯！鮮肉乾蒸燒賣 $68依張相表達唔到佢有幾大粒，好足料！竹炭金葩流沙包 $60成功流沙👌🏻☺️鮮肉小籠包 $60好夠湯汁，皮又薄，可以再encore👌🏻滿園花菊脆春卷 $60賣相好可愛，必點！炸得好脆而且無油味，一個人食兩舊都唔膩！鳳肝蜜汁金錢雞（一件） $48招牌點心之一，由上而下係青瓜、金錢雞、蜜肝、叉燒、雲型饅頭。一口氣咬落去首先會食到蜜糖味，之後蜜肝味開始跑出，最後由饅頭吸收曬所有油膩，做到平衡。但如果唔鐘意食肝臟嘅朋友，個人唔太建議試～酸薑皮蛋拌青瓜 $68係糖心皮蛋！！！好好食！！鮮百合杞子浸時蔬 $138因為同場有老人家，所以叫廚房幫助煮淋啲菜，而佢地真係煮

久聞博覽館有新餐廳，今日終於有機會試！Nuva地方裝修典雅，不會太金璧輝煌，坐得舒服，服務殷勤。食物方面很有水準，點心、叉燒、咕噜肉，糯米雞腿及甜品都好味，賣相更見心思，不停相機先食。以後去博覽館睇演唱會有好選擇。

我必須要向大家介紹以下落嚟這一間餐廳的食品，地點有點遠但係地方環境非常之清靜，裝修絕對係頂級。每一道菜都都用了不少心機來製造。所以絕對要推介所有人必須來試一試。頂級師傅炮製，製作非常複雜，總之都係果句味道非常好👍🏻

揀左呢間中菜同兩位10月之星嘅家人慶祝生日，環境唔錯，免費泊車，訂位時俾埋車牌，不過落車就要上兩層行番去博覽館站出閘嗰邊至係餐廳嘅位置，如果搭機場快線會覺得行少好多，出閘再上個扶手電梯就係。.全場檯唔多，坐得舒服唔逼。我諗大家都明依家坐得唔逼又冇分兩輪甚至三輪嘅餐廳係幾咁難搵，去d一級戰區酒店食個過千嘅buffet都夠膽死分上下兩輪啦，唉。.訂左6:30pm，但奇怪嘅係準時入到去發現全場都已經坐好晒仲有d客已經食緊，貌似我6點25分到卻係全晚最遲嚟嘅客。於是乎：.鳳肝蜜汁金錢雞➡️賣晒化皮乳豬件➡️賣晒唯有叫支酒定下驚先我求其叫嘅，我唔識酒嘅，即場開個wine dictionary 出嚟睇到好似唔錯咁就嗌。但係我覺得呢度d酒好抵飲，個mark up比市區餐廳平三分一左右。.前菜叫左鮑魚，一人一舊。嫩，唔un，冇「銀」胃。我唔食蒜頭所以倒晒d蒜頭俾屋企人，不過屋企人話蒜頭好正，鮑魚仲正。再嚟係蟹蓋，啖啖蟹肉，一梳一梳咁好分明，唔會有醬呀cream呀嗰d嘮到一pat一pat咁，從肉質同紋路中蟹肉貌似、我希望、我覺得、我願意相信應該係自己拆嘅唔係罐頭嘅蟹肉。不過有dd洋蔥而我又唯一一個唔食洋蔥咁

屋企人生日，上網搵到呢間食中菜既餐廳，食完有驚喜一入餐廳已經覺得好舒服，地方闊落，加上設計令整體感和好柔和。坐低之後職員會拎酒精同你消毒雙手，仲有壓縮毛巾可以清潔，感覺好乾淨同周到！叫左個鮑魚做前菜，平時食開蒸鮑魚，呢個鮑魚脆脆地，入口鬆化，好有新鮮感。雖然好多炸蒜，但食唔唔會味重過咸，食到鮑魚鮮味。個鮑魚仲已經切開做3件，方便進食，好細心！呢個蟹蓋我個人十分鍾意！擺碟上已經成個蟹既外型覺得好靚。食落口真係啖啖蟹肉，裡面有好多洋蔥，充滿洋蔥既甜味，仲有蟹肉食鮮甜味呢個湯飯都好正。個湯好濃，聽職員講好似加左啲魚去煮個湯底，所以湯既味道好豐富。如果拉麵係呢個應該都好正而且佢仲有脆米，加埋落湯飯到食可以食到唔同既口感趣脆咕嚕肉冰鎮上場，每舊咕嚕肉都大舊，而且比汁包住，好吸引！脆都真係脆既，不過就略嚴個粉漿厚左啲啲，如果薄啲就更好啦～脆皮三黃雞，即係炸子雞，味道都唔錯既，不過我呢個鍾意食雞胸既，就覺得個雞胸唔夠滑。擺碟仲有幾粒核桃，甜甜地帶有白芝麻，好食如果核桃多啲就好啦🤤由於唔夠肚叫唔到叉燒例牌，所以叫左一碗飯試一試。叉燒夠淋但唔會肥，肥瘦適中，不過我嚴佢唔夠燶邊。另外可能4個人share一

之前聽見好多kol 介紹呢間，當然要試下啦。呢度環境非常優美，望住個飛機景外脆內軟，非常彈牙，食到鮑魚本身嘅味道，一隻鮑魚佢幫你切左三片，令你唔會食得好狼狽內餡好彈牙，但感覺無咩特別呢個係佢地個招牌，叉燒一舊切到好似舊豬排咁，非常大份，入口鬆軟唔會好硬又唔會好乾，蜜汁剛剛好，外面燒到有點蕉香味，如果配埋飯應該好正外表好精緻，酥皮好脆，一咬落口唔會即刻散開，蘿蔔絲好香甜又飽滿，十分好味望落好靚，但感覺無咩個人之處帶子佢用左兩種方法去烹調，炸及煎，食落其實差唔多，但用呢兩種方法整其實好浪費食材本身，即使你選料再上盛都好，蘆筍唔會好老，呢個菜最驚嘆係佢下面嘅蝦餅，非常脆，再吸收曬干貝同蘆筍嘅甜味及XO 醬，佢係成碟菜嘅精髓。不過，呢個菜要$3xx, 就有d 唔值好滑同好香濃嘅牛乳味，個炸鱈魚乾好脆，又有魚嘅鮮味，整體唔錯牛肋骨好大條，d 肉好似牛腩咁淋，入口即溶仲好有牛味，如果鍾意食牛嘅人可以一試個窩好熱，炒到d 菜同埋蝦乾好香口，但個人覺得味道一般，唔係唔好味，但感覺無咩特別炒飯粒粒分明，但有少少嘅鹹香味，味道唔錯，但個人覺得有d 油好貼題嘅甜品，個焦糖布甸中間有栗子蓉，個人覺得唔係好夾，

點解唔係好想寫佢食評？一陣寫紅左佢我就好難再book到位🤔（自私食係列）首先我要定義一下餐廳嘅收費！服務+環境+食物賣相+味道=收費「服務」我覺得這裏的侍應服務夠勤力、又醒目。其實餐廳夠人手不代表好服務！這裡的服務員會觀察客人的需要、係你未出聲之前就已經會為你準備好你想要嘅服務、醒目👍🏻👍🏻👍🏻👍🏻👍🏻「環境」簡潔、其實成個環境十分舒適、空間度十足👍🏻👍🏻👍🏻👍🏻「食物賣相」簡潔、正常中餐應有賣相、沒太大驚喜。👍🏻👍🏻「味道」由頭盤到到甜品、味蕾都充滿驚喜、再加上餐廳經理對葡萄酒有深度的認識、不同的 wine pairing。更加為我們的粵菜加入新體驗。👍🏻👍🏻👍🏻👍🏻👍🏻「價錢」其實好抵、有少少覺得佢其實想做間出名嘅餐廳多過想賺錢。其實佢平均一碟野都係百幾二百蚊、一啲都唔貴、一個套餐$300起。抵到爛。👍🏻👍🏻👍🏻👍🏻👍🏻到介紹今日食左乜！「清酒法國凍鵝肝、金牌燒鵝皇、櫻花蝦腐皮扎蹄」鵝肝+清酒、減少平時食Foie gras的油膩感覺、同時提升鵝肝香味。金牌燒鵝王、食嘅時候塊皮脆卜卜👍🏻。腐皮扎蹄、食出舊香港味道。「叉燒」夠熱、厚切、肉質鮮嫩有咬口。我建議用刀叉嚟食。「松茸雪耳燉鵝肉