澤記魚蛋粉

營業中

休息中

午飯剛好經過呢頭又吾算好餓，最岩食碗粉麵。第一次到來，感覺就是做熟客，同街坊生意。基本裝修，吾係咩華麗餐廳。叫左碗雲吞豬肉丸河，單拼$32，我呢碗雙拼就$39。其實河粉既份量都算多，4粒豬肉丸，兩粉雲吞。-湯底吾錯，清得黎都有豬骨湯未-河粉要讚，慢慢食都吾會索晒湯，愈食愈大碗淋pat pat咁。份量都算多。-豬肉丸，十字開花大大粒，味道正常-雲吞有全隻蝦，吾錯，豬肉就嫌咸左少少，可改善。整體來說，其實都可以。

幾年前朋友帶過我嚟澤記話依度既粉麵平靚正，當時只叫了嗰普通牛腩河已覺得十分驚喜，性價比極高，今晚經開長沙灣已經10點半仲營業緊，原來澤記係開到11點的，馬上走入再回味多次今次食好d選擇了牛坑腩河，因為豆漿已賣晒所以叫左凍檸茶。湯底味道同之前食既無太大分別，味道係剛好不太鹹又不會太啖，恰到好處既湯底，牛坑腩水準又好好，咬口不錯又夠入味，份量又足，河粉份量亦好夠，埋單total $46 算係抵食既價錢，店內廚房加樓面都可以叫得做婆婆了仲要開到夜晚11點，係值得支持既小店

想食牛坑腩，我淨係知哩間有賣，就去試下，叫碗牛坑腩河，好正好正宗好腍，3x蚊一碗都算合理，但確實食完都唔夠飽，可能我本身都超肚餓，結果叫多碗，超晒預算，這間應該都會再返黎幫襯。

粉麵店質素良莠不齊，價錢由$12到三十多元不等，可惜質素有時不成正比。上個月到深水埗買海味，泊車後信步到基隆街。粉麵店就在海味店隔鄰。明明已吃過早餐，看到粉麵店又忍不住躍躍欲試。距離午飯有一段時間，店內只有2個客人；牛魔王當然要牛腩河粉（早上11:00，第二輪早餐，連自己也吃一驚）。牛腩河內有幾片生菜，可讓我減輕一點點罪惡感。湯㡳是牛腩河其中一個精骨髓，所以我通常先喝一口湯，夠味道。廿多元牛腩河沒有欺場，有些店因將貨就價用牛腩碎；澤記牛腩一大塊一大塊在湯中載浮載沉在湯中，像樣；蔥花也夠。雖然時間尚早，但牛腩已經夠入味，鬆軟。現今食材價格上升，廿多元一碗質素中上牛腩河，真要多光顧！

早幾個月已經開始來幫襯, 常叫例牌的牛什撈麵, 因為這裡的牛什雖然不算很好, 但是廿元的物值, 可算不差, 而且味道和份量也可接受, 除了衛生之外, 是不錯的街坊店.三數月前, 食完麵, 在銀包掏出廿元鈔票一張, 施施然在柜面放下便行, 郤給阿姐叫住, 問吃了什麼, 答道是牛什撈麵, 她說要廿二大元噃, 我當堂錯愕了一下, 拿起用來記帳的紙片, 果然寫著廿二大元, 原來已經不知不覺加了兩元價, 於是只好再掏多兩元, 暗地裡罵以後不再來這謀人寺..緣因不是這小小的兩元, 而是在海潚期間, 樣樣減價, 人工又減, 無理由要加價.今天經過, 看到大字橫額, 寫著十五元一碗粉麵, 變回原價, 撈麵變回廿元. 即管入內試試, 叫了牛什撈麵, 份量和以前一樣, 味道也一樣.所以, 現在的消費者也不是任由魚肉的, 用腳來投票便可.

星期六的下午, 經過附近, 無可無不可的入了這店, 就是想試試這裡的牛什.客人不多, 只有三幾個, 叫了牛什撈麵, 比湯麵貴五元.五分鐘有得食. 是碗上的, 以為份量少, 其實也很多.牛什有肺, 肚, 腸, 膀, 都很腍和入味, 不錯. 麵很多, 有少許梘水味, 算爽滑.湯有牛骨的香味和極重蒜味, 味精少不了, 和稍鹹. 廿元的代價頗合理, 會再來的, 要彈的是衛生欠佳, 地方和碗筷都肥膩. 是街坊食店常見的.

常常o係呢度買生ge魚片牛丸同墨丸番屋企煮面。魚片新鮮炸起，還是熱騰騰的。爽口而且唔腥牛丸都好彈牙，很有肉味，一點都不遜色過德發。墨丸有好多墨魚粒，好有咬口。辣椒醬都好香，夠辣。外邊看進去，店子衛生麻麻，所以都未試過坐低食。

朋友於N個月前已經介紹過話好好食既麵店,1月2日終於有機會嚟試下!我叫咗個水餃魚麵($22) , 加$5 要多碟芥蘭全走,佢個湯底一定係魚湯嚟架! 又真係幾得喎!!水餃有四粒, 唔錯, 皮超簿, 魚麵食得出唔係cheap 貨, 幾彈牙,魚湯夠味, 完全唔駛再落調味料(請最好唔好加辣椒油影響原味),最鍾意佢有唔少西生菜做底, 可以食多啲菜嘛~~至於個芥蘭亦不過不失。老公就叫咗碗「牛腩魚麵」($22,), 試咗少少, 都幾好味喎~~ 另外加$5 要咗碟魚皮, 魚皮就反而唔夠好味, 硬咗少少,不過果碗湯仍然係魚湯, 正!!老公就話麵太少, 可能對男仕或唔鍾意連湯飲既人仕嚟講會唔夠食,但對女仕嚟講就絕對夠食!! 呢間嘢真係得得哋喎!! 下次再嚟食過其他嘢先~~