瀛喜日本料理 (已結業)

中午時間同一家人泥食放題，上次食都仲好地地，出齊野食，服務正常今日食就覺得唔同曬，甜蝦次次寫10-20隻，但出得五隻比我，忍唔住催左次，個店員塊面好黑，之後再叫甜蝦二十隻，再到佢last order,問有冇咩未到，我就話甜蝦，直頭同我講冇左張單，壽司都係...五個人叫二十隻甜蝦都好正常，點解次次都唔出齊，食到成肚氣，態度又唔好

依問嘢真係圾垃，海鮮魚生超唔新鮮唔在講，傳單上面寫食2.5小時，琴晚2017年4月上日8:30分入坐，點知食咗個幾鐘就話Let's call 要我地埋單，我哋就同佢哋理論 ，你哋傳單上面寫住食兩個半鐘，點解咁快要我地埋單，好老實講你地啲嘢都唔係好食架啦，你哋仲違反商品說明條例，佢哋居然話傳單係舊嘅，真係好笑！跟住有個經理過嚟話唔好意思，個侍應係新嚟嚄，叫我哋可以繼續叫嘢食，但我地真系食唔落囉，因為啲食物真系超難食，食咁多間放題依間真係最難食嘅方題，以後都唔會再去。

同好姊妹兩個人想食下日本嘢， 又想飲下sake 傾下偈 ，諗咗好耐決定 去附近間瀛喜食放題， 食放題就最好㗎啦 ， 自己點自己鍾意食嘅嘢，又乜都可以食啲，款式又多，而且呢度又有sake飲下， 啱曬心水。除左刺身壽司呢度仲有磯燒放題， 仲教埋你要點樣 去燒 方便又細心。點咗我最愛既珍寶蠔同埋大扇貝， 兩個貝殼類都好新鮮， 兼且大大隻肥美又飽滿，睇見已經流哂口水了！一嚟到就 拿拿臨放上個爐度燒啦， 枱上面都供應咗蒜蓉，辣椒，清酒， 一般燒貝殼類都會放點清酒，帶出海鮮嘅鮮甜味， 不過有啲人都鍾意落蒜蓉同辣椒 落大扇貝到燒，口味因人而異，無乜所謂。不過宵嘅時候要注意小心蠔殼會飛 彈出嚟。泰式生蝦都很不錯， 蝦很彈牙 佢哋個泰式汁調配得都幾地道風味。辣味螺肉 作為餐前小食都係一個不錯嘅選擇如果肚餓又好好等唔切慢慢燒，可以先點個燒扇貝食下先， 上面加芝士沙律醬都幾惹味鰻魚壽司好大塊鰻魚呀， 食一件都可以 完全滿足曬。再嚟點咗份燒羊架，佢哋呢度嘅燒羊架有成個手掌咁，夠哂大件㗎， 而且質素都有番咁上下，肉質夠曬嫩。另外我哋再點左， 甜蝦，海膽，三文魚，劍魚腩 ，榮螺，幾款刺身都好新鮮肥美，值得enco

聽朋友講話荃灣有間日本放題有任食磯燒平時喺出面食磯燒 閒閒地都要四五百蚊今次呢間《 瀛喜日本放題》二百幾蚊就可以食到任食磯燒 又有任食刺身放題好玩得嚟又夠曬抵食雖然餐廳唔係豪裝但都有卡位 坐得都算舒服 傾計又方便入到去就見到有自助嘅甜品櫃同埋嘢飲櫃除左右各款罐裝同紙包飲品仲有新推出嘅梅酒同清酒添枱上面有一個烤爐 專係為磯燒而設快快手點返幾樣海鮮呢燒下先先係點咗生蠔 大蜆同海蝦生蠔夠曬大隻 而且蠔肉都算飽滿燒到脹卜卜之後再加啲青酒 既可以增加鮮味 亦可以防止貝殼爆裂最後隨個人口味加入蒜蓉食落勁juicy至於大蜆燒到開口後就可以加入清酒蜆肉鮮甜而且亦冇沙刺身方面呢度嘅刺身亦好新鮮夠曬凍我最鍾意就係大頭甜蝦同埋油甘魚大頭甜蝦 蝦頭嘅蝦膏非常甘甜油甘魚肉質爽嫩 夠曬新鮮至於新推出嘅深海鱸魚刺身味道鮮甜 肉質爽口仲有我最鍾意食嘅溫泉蛋溫泉蛋加入木魚汁 同蔥花一啖吞下 夠曬滑溜 蛋味湧現必食之選北海道芝士焗帆立貝芝士可以拉絲帆立貝加入沙律醬後再燒 味道超級好炸物方面最鍾意就係榴槤炸彈同埋芝士年糕榴槤炸彈一咬開 榴槤味用曬出嚟流心嘅榴槤餡 啱曬榴槤嘅愛好者芝士年糕食落煙韌入邊嘅芝士味道香濃至於甜品必

喺 openrice 見到呢間放題除咗一般放題嘅壽司刺身同熟食之外，竟然仲有個磯燒爐俾你自己玩，由於二人同行一人半價，個價錢仲要比起其他放題平少少，有得食又有得玩仲要咁抵食，等我今日嚟試下先。刺身方面嗌咗三文魚，油甘魚，大頭蝦，馬刀貝同埋呢度竟然有嘅深海鱸魚刺身，各款刺身都新鮮美味，特別係深海鱸魚，嗰份嫩滑鮮甜，真係唔係度度都有得食。另外溫提呢度嘅 wasabi 都比較攻鼻，第一件唔好點咁多啊。溫泉蛋嘅火候掌握得剛剛好，唔會話老到實的的，又唔會話生到水了了，一啖雪哂入口，嗰個蛋黃味特別濃，加埋上面有我至愛嘅蔥花，仲要鋪到密麻麻，豉油嗰方面又唔會話太鹹，好味。磯燒生蠔，蠔身飽滿，隻隻都有成四吋長，最重要係加埋 側跟嗰兜蒜蓉同埋辣椒碎，嗰份風味，絕對要响深圳河以北先至搵得到。黑松露三文魚壽司，三文魚壽司上面加咗一啲黑松露醬， 黑松露醬滲出淡淡嘅黑松露味，而黑松露味同個三文魚味原來係出奇咁夾，不過做壽司嘅三文魚就略嫌溫暖咗啲。特別鍾意佢舊飯細細嚿，咁就唔怕食唔落其他嘢啦。海膽三文魚花之戀壽司，估唔到舊飯仔細細，上面都可以有成三四塊海膽，仲要塊塊都好新鮮，完全無腥味㗎，魚子喺口入面應聲爆開，同

21/3/2017剛食完午餐，之前食過還不錯，所以今次再來食，但這次不但出餐慢，而且食物質素也差了，我一向不太喜歡食生嘢，惟一會食的，就是三文魚而已，但今次卻大感失望，三文魚不但不夠肥美，而且每次叫來的，都十分細舊，好似都是近魚尾部位，送上枱來的，很多痴住白色魚皮，即係去皮去得不徹底，令我看了，頓時也失去了食慾，真的令人失望！！！

好耐無食過放題，搵左幾間發現瀛喜又抵食又就腳，所以就book 左黎食，佢既地點係路德圍果邊，荃灣地鐵站行過黎唔洗五分鐘。入到去第一時間睇有咩食，咁其實放題都不離開刺身壽司燒物定食，但瀛喜食物種類好多，而食物都好新鮮，而最正既係佢會有個爐係度比你自己燒，所以一入到去就見到每一枱都燒緊海鮮肉類，食物既香味湧埋黎既時候，真係更加肚餓，所以叫左好多燒物，有蠔啦，帶子啦重有燒菠蘿，全部都好鮮味好正，然後定食方面不得不推介鯖魚，非常好食，魚皮位置燒到脆脆地，肉既位置就好鮮甜，當然呢條魚唔洗自己燒，相信自己燒燒唔到咁。總結而言瀛喜係真係幾抵食，又唔貴，款式多，不錯不錯

1行4人book左7點半，好準時到個陣門口已經好多人喺門口等緊，其中一GP人仲話等2x張檯，所以有意食既記得Book定先個爐都唔細架， 唔好一次過叫太多野，唔係就會無位放當然一坐低梗係叫D基本野刺身先啦， 中水平，個泰式蝦都燒既海鮮其實無話會唔會唔好食，因為都係自己燒，自己調味，我就當然唔係負責燒個個，朋友加飲品個邊d清酒，再加蒜蓉算鮮，d蠔都大大隻因為坐既位置唔方便影相， 請勿介意 ， 燒蠔既要小心d啦，有侍應會負責逐張檯解說點燒，同埋都會提醒我地燒蠔要小心會彈，真係會彈水 選擇可能不太多，但其實算唔錯，食到中段，忽然俾個侍應問仲有無野未到，通常尼句都係埋單先會聽到，但原來唔係，佢只係真係純綷問下，睇下要唔要幫手追單但其實真係無漏過單，所以無尼個需要羊架本想俾5分，第一轉真係好食，一咬落去D羊膻味出晒黎，但可惜， Encore 個轉唔太好，燒得耐左，比較實，無第一轉咁好食芝士年糕，同榴蓮炸彈真係好好食尤其係芝士年糕真係好，外皮一咬就有陣薯仔味 ，唔會有油膩既感覺無行到出去揀，友人幫忙揀既雪米滋好食，不是普通的雪糕口味，食左5粒最後先係蟹粥，因為要燒粥先，所以放最後燒，怕太浪費爐既位置

今日同朋友嚟咗荃灣呢間日式放題，一坐低有好多款唔同嘅食物已經好興奮，除咗平時一定會有嘅刺身，仲有比較少見嘅磯燒海鮮料理。飲品選擇都幾多！👍🏻一坐低就梗係叫刺身啦，呢度嘅選擇都算多，三文魚同埋甜蝦嘅質素都唔錯，仲有新鮮鱸魚同埋油甘魚，食落口都幾鮮甜，不過最鍾意都係甜蝦所以我叫左好多次😍雖然海鮮嘅選擇唔多，但都幾好食，個人最鍾意食嘅就係燒垷，放落報道燒到佢啱啱開口，再加少少清酒就食得啦👍🏻 另外我超鍾意食燒菠蘿，佢呢度啲菠蘿好大舊好甜，所以燒完咬去超多汁，放題食咁多野食到濟嗰陣食返幾件就岩！另外最驚喜嘅應該就係呢條鹽燒鯖魚，加少少檸檬汁，咬落去啖啖肉，都幾高質👍🏻另外叫咗啲小食例如一口牛，調味幾好，肉質都嫩，如果熱返少少就更加好🤤 總括來講，放題可以食到咁多野，質素又唔差，上菜又上得快，冇漏單，下次會再戰！

放題一向廣為香港人熱捧，當荷包鬆動，一諗吾到食咩身邊總有人會提議去食「放題」，正當我為今晚傷腦筋之際，被接過的一宣傳單張吸引😍 單張上寫著「二人同行一人半價」「 體驗價$238加一」，比較同區算抵，加上不用出九龍或港島區，所以同媽媽試下瀛喜放題放題必食的刺身✌😋南瓜，紫心蕃薯及海蝦天婦羅我都點了來試，天婦羅好不好食在於師傅的功夫，天婦羅炸得脆身 沾上薄薄的炸漿，三款中我最推薦海蝦天婦羅👍 南瓜跟紫薯略厭有點生😯燒羊架好大份，羊羶味不重可以接受，羊架好厚肉，媽媽食得好滋味👩放題少有的生蝦都做得不錯👅飲品是自助地到大雪櫃拎，有港式紙包及罐裝飲品，有我最愛的道地烏龍茶🍵食到咁上下，就要玩下磯燒🍢 網燒爐已預先準備放在枱上，一開始當然要燒下海鮮同菠蘿🍍，海鮮本來很快就熟，趁快熟淋上少量清酒燒多一會兒就可食，咸香鮮甜的海鮮味出哂黎磯燒海鮮正呀 有大蜆，半殼蠔，蝦，元貝及青口😈餐廳好貼心地將每樣磯燒海鮮的燒法及技巧印在餐紙上，讓客人用餐時一目瞭然，吾洗怕吾識燒啦😎北海道焗芝士帆立貝真是必食之選✔ 原隻帆立貝加上芝士同酸甜的沙律醬去焗，超開胃超好味😍 我一個人好誇張地食左5隻!甜品方面有百福豆腐花，

首先講下環境先…幽暗嘅環境，令你睇不清眼前景象！鼻子傳來一陣一陣嘅魚腥味，好似至身於街市一樣！一坐下，座位相當緊湊，令你可以在短時間同隔離枱的陌生人說話～食物方面…個人覺得熟食就好味啲，不過款式不算多！至於壽司都係熟嘅好食啲！另外磯燒食品～所有甲殼類嘅食品，隨時有爆殼彈汁嘅可能，如不介意都算好食！我個人覺得十歲以下小朋友選擇不多！以下係我推介～份子料理將啲芝麻糕整成流質～犀利回本菜！整體而言，如果budget有限，又想食齊生，熟，燒，煱，甜品的話～都不失一個選擇！唯一欣喜係無肚疴囉！

第一次寫食評，真係忍唔住一定要寫，中午放題雖然第2位半價，但食物質素真係差到無人有，磯燒海解既扇貝，食落口有沙，吞拿魚刺身既顏色好似牛肉既顏色，食落去仲要有腥味，啲壽司細舊到一夾就散，飲品種類十樣都唔夠，燒蝦又霉，泰式生蝦既汁未食過係甜既，令到啲蝦完全食唔到鮮味，從來未食過咁差既放題

之前在這餐廳食過兩次，覺得蠻不錯才會再來。發現多了網燒，初初是有點興奮，但後來發現中伏.........首先，加了網燒後沒有作出任可通風系統的改動。原本就已經有點擠逼，張張枱也有個網燒爐直程好像在焗爐中.....燒完是整身味，其他網燒店舖絕對不會這樣。之後，還送什麼海膽，真的不送好過送，是苦的，完全不新鮮！刺身不新鮮，蒜香牛柳粒沒蒜香味，只有甜味.... 羊架看似超大件，但總覺得不像羊架.....重頭戲網燒的海鮮....也不怎新鮮，而所有都是貝類，極易吃到砂...食物選擇極少，從前多很多！我是未試過吃放題吃不䬲，要到樓下吃碗豆腐花才滿足。我不會在來這餐廳吃了。

趁朋友生日 想大吃特吃食返餐好 就緊係去食放題😬 大家住荃灣區 就簡咗係荃灣區既瀛喜 做緊二人同行一人半價 我地6點幾入座 一人$238 要加一 個價錢算係咁上下🤔 勝在係荃灣區方便哂我地哩班荃灣之友😂 我地唔洗點等就有位 安排咗我地入去坐✌🏻張枱幾大張 我地覺得夠哂位放我地嗌既野👍🏻 旁邊都算係有幾多配備 有清酒 海鹽 剪刀同鉗特登for磯燒用既🍢🍢 算係夠齊全😯我地其實主要係知道有放題有得磯燒 覺得好似幾好玩同夠哂特色先黎試🤤 所以我地主力嗌咗唔少磯燒蔬菜同海鮮💕 個爐算係大 可以放既野食都算多 我地就隨意想食咩就放咩 無分到燒海鮮先定燒蔬菜😬 菜就簡咗燒金菇同翠玉瓜✌🏻 兩款都係用個細細既錫紙兜裝住 份量岩哂我地 可以試多幾款唔同野食既人😂 翠玉瓜幾甜 燒完都仲會有水分 咬落去係幾爽脆 值得一嗌😋 海蝦就當然要嗌 哩度既蝦🦐算係新鮮 肉質唔會話一舊舊痴埋哂 同埋燒蝦都幾快熟 三四分鐘 見蝦身變紅色就轉一轉 直到蝦身呈紅色就可以拎黎食😆 貪新鮮仲嗌咗個鰻魚烏冬 細細兜真係幾得意 入面真係有鰻魚粒 食落係有質素既👍🏻 鰻魚汁唔會揮發哂 反而同烏冬夾得好好 我地後尾都再嗌多一份 因為一

公司近來較清閒，可以準時收工，放左工仲可以約人食飯都唔太夜，是晚黎左食放題，好耐無食日本野，好掛住刺身壽司呀。同朋友黎左荃灣的瀛喜，七點場$238一位再加一，可以食兩個鐘，帶位位店員機械式一晚講左n次，位位客人入黎都講一次，辛苦了。飲品同甜品都係自助的，一般汽水，茶同啤酒都有，攞左罐雞年特別版百氏，個罐好靚呀。先點刺身，三文魚，吞拿魚，油甘，希靈，魚，螺，鮑片，魷魚，蝦，一次過全部點哂大大盤好靚呀，基本上好新鮮，放題黎計好高質素了。到壽司啦，一般壽司同火炙壽司，不算多款，沒有軍艦同手卷飯大大舊，一口一件個size唔錯，飯軟腍，至愛花之戀，encore了。芝士焗扇貝勁好味，芝士加上沙律醬無得輸，encore吧。牛柳粒肥美，調味正。比目魚扒好好味呀，魚油甘香。點左個甜醬油的牛肉鍋試試，打下邊爐先。牛肉不是十分靚牛，但收貨了。細細鍋，食完都不會過飽，仲可以食其他野。又玩下磯燒先，點了菠蘿同蕃薯仔。哈哈，細細個爐幾易控制，燒菠蘿超甜，encore了數回。甜品有蛋糕，糯米滋等，攞了最basic的雀巢雪糕杯，原始但好味呀。有壽司，刺身，打邊爐，bbq，一個價錢有咁多野玩都幾抵，不過兩個鐘要做哂咁