瀛豐放題料理專門店

營業中

休息中

星期日晚跟老公到了銅鑼灣行街，估唔到老公預先book了呢間日式放題做晚餐好耐都冇食過日式放題了，今晚終於有機會可以食，餐廳食客好多，好彩有book定位。餐廳有冷盤、甜品、雪糕、飲品可以自行取。坐低後，當然急不及待用QR code下單點野食我們升級了極品的海鮮放題。嘩，十分豐盛呀，有魚子醬、長腳蟹、鮑魚、螺、大蝦⋯⋯⋯極之吸引，賣相好精美，十分豐盛，完全係物有所值的。海鮮類相類鮮甜，彈牙我跟老公最喜愛長腳蟹，拆殼後，啖啖肉，超鮮甜，正。想不到放題都食到呢類海鮮，相當吸引。另外仲有帶子海膽，相當鮮甜，帶子不但肥美肉厚，切開一半後仲釀入鮮甜既海膽，一啖一粒超滿足，帶子跟海膽相當鮮甜，極之滿足。正這間放題的刺身膽海鮮類真的不得了，超鮮，超好美，刺身都絕不馬虎，每款都厚切、啖啖鮮、勁有口感。仲有勁多款刺身任食刺身拼盤，超吸引，自行點選想食既刺身，一盤刺身拼盤的送到眼前，又吸睛又好美。三文魚肥美肉厚，勁鮮甜。希靈魚超爽超鮮，八爪魚、螺、貝等等都超爽口，啖啖魚鮮，正。最欣賞d大蝦，爽口鮮甜，非常好味。刺身類真係超多選擇及超鮮甜，食完刺身都好滿足。之後就再點了一下其他壽司類同小食、熟食類，超多選擇，再

原價$259泰國菜x日式放題 加$148可以要埋極品海鮮拼盤任食有蟹腳👌🏻，魚子醬👌🏻，鮑魚，凍蝦👎🏻，螺連海膽帶子👍🏻基本刺身唔差三文魚，油金魚，馬刀貝，赤貝，珍寶蝦全部都正常發揮松葉蟹杯👍🏻海膽甘蝦三文籽手卷👍🏻泰國菜款式好多其中-生菜包👍🏻無骨鳳爪👍🏻辣椒膏炒蜆👍🏻熱食都好多選擇燒蠔第1轉👍🏻,第2轉叫得多就全部都細細粒燒元貝👌🏻串燒只叫左牛同雞賢一般般口水雞同小龍蝦都偏辣 飲品多種類👍🏻

今日約咗朋友喺銅鑼灣食日式放題，佢地推介呢間日式放題性價比高，所以一於去試吓。我地叫咗佢地嘅升級海鮮，係任食嘅，所以非常抵食。每樣刺身都勁新鮮，帶子同海膽都好鮮甜，第1次食魚子醬，原來味道係好鮮，每粒魚子喺口果度爆開，都幾好味，長腳蟹都有海水味，食落好重蟹味，鮑魚都幾大隻，味道非常好。佢地嘅炸物唔油膩，熱辣辣，都幾香脆，而壽司同手卷都係即叫即整，都幾新鮮。除咗日式食物外，佢地做緊泰國主題，都有好多款泰式食品，我地叫咗辣椒膏抄蜆，泰式炒雜菜，2款都勁惹味，炒得好香，好有泰式風味。出面仲有好多甜品，飲品同冷盤，都幾多元化。

放假仔突然好想食放題， 之前去過， 今次再嚟食放題， 當然刺身、壽司、天婦羅、燒烤、炸物、湯、 手捲 ，甜品等食品同樣種類繁多， 應有盡有一開始梗係叫刺身作頭炮 🤣油甘魚／三文魚／馬刀貝／赤貝／ 白玉貝／八爪魚😍仲叫咗海膽三文魚子花之戀細細粒好精緻， 松葉蟹杯有蟹肉蟹膏蟹杯子有驚喜燒蠔/燒扇貝 /雞軟骨 / 小龍蝦/瀨尿蝦/ 海蜇頭仲有魚皮， 食到停唔到口食食下發現有一班班人入嚟 ，竟然唔係食放題原來呢度有set lunch， 我見到佢哋叫set 刺身滿滿都係78 ，好抵下次可以試下

銅鑼灣日泰放題🤤🤤同朋友慶生，專登搵間放題食返餐好嘅早幾個星期就book定位，一直都好期待呢間放題除咗有日本嘢，仲有大量嘅泰國嘢，啱晒咩都鍾意食嘅我😆我哋仲加錢嗌咗個極品海鮮拼盤一上到枱真係心心眼 哇出聲😍魚子醬真係人生第一次🥹食落去嗰種鹹味係個口腔度爆炸出嚟，人間美食仲有好鮮味好多肉嘅長腳蟹佢個蝦仲係爆曬，非常新鮮主角就梗係刺身啦，三文魚非常肥美一入口油脂溶化喺個口腔入邊，不得了另外仲想讚佢象拔蚌刺身 爽口鮮甜😙坦白講呢個拼盤真係好值得嗌，食完之後超滿足🥳另外再嗌咗啲熱嘅小食，真心推介芝士年糕我encore 左好多次🥰冬陰功湯非常足味！食完好正！飲品方面嘅選擇，除咗果汁汽水，仲有啤酒任飲🫨好抵啊今餐食得相當滿足，朋友都非常滿意！🤗🤗

天氣炎熱，下午最好食放題，一邊涼冷氣一邊慢慢食！銅鑼灣瀛豐放題罕有地午餐可食足三小時，真係可以慢慢涼冷氣慢慢食！食品嘅質素和環境都相當優質！魚生鮮甜選擇又多，我哋選擇多款魚生如三文魚、鰹魚、油甘魚、鮮蝦、馬刀貝、希靈魚等等！上枱時竟然幫我們放置成一個精美的魚生盤！真係一大驚喜！再加一個精選海鮮盤，內裏有大鮑魚、魚子醬、翡翠螺、長腳蟹等等！當然唔少得再加一個店主推介的鮮帶子海膽！於帶子海膽上，加魚子醬，鮮味無限！除此之外店中嘅小食亦都值得一題，有八款選擇之多，我就推薦魚皮，十分爽甜，簡直係一絕！熱食方面我就推介炸豆腐、芝士年糕和燒菠蘿！甜品就有多款雪糕和榴槤雪條！餐牌中還有多款泰式食品，但係因為實在太飽喇，都係留代下次再食！

🍣好耐冇試過食咁邪惡嘅放題啦!!!呢次bookmark咗銅鑼灣呢間港, 日, 泰式放題食好西~ 好彩一早book定位, 如果唔係都要等一陣先有位! 同其他店舖一樣, 只要掃QR code就可以落單, 我哋仲升級嗌咗任食嘅凍海鮮拼盤😍 首先有極品海鮮拼盤, 有海膽帶子, 松葉蟹腳, 鮑魚, 魚子醬, 珍寶蝦同螺肉!!! 真係好大癲!!! 任食海膽, 鮑魚同魚子醬都係第一次, 無限加追, 高質又好味!!!好幸福!!!.然後仲有刺身拼盤, 無限任食三文魚, 油甘魚, 希靈魚, 赤貝, 甜蝦, 泰式生蝦! 食咗轉刺身後, 再戰小食, 除咗炸物外, 仲有泰式小菜, 我哋勁開心咁嗌咗勁多轉泰式炒通菜, 超有鑊氣😋 最尾當然係甜品時間啦, 除咗有雪條, 仲有一口甜品, tiramisu, 木糠布甸, jelly, 勁多款式~.📌 瀛豐放題料理專門店銅鑼灣駱克道491-499號京都廣場3樓

食放題除咗日式之外，仲有泰式可以選擇！呢間放題一直都人氣爆棚，每位加$148仲可以升級極品海鮮拼盤，任食一碟碟嘅魚子醬同海膽帶子，仲有多款高質海鮮encore，完全值回票價！-——————————————💕◖晚市放題◗ $259/刺身壽司🐟刺身壽司款式好多，基本上都冇伏，大大隻赤蝦同厚切三文魚，大大啖好滿足，仲有馬刀貝、赤貝同白玉貝，爽脆清甜！每人加多$148升級放題，仲有魚子醬同海膽帶子🤩！/燒物🍢有多款泰式燒物，牛雞豬呢啲必點，另外仲有燒元貝同燒生蠔，加入泰式醬料，微辣惹味！除咗呢個，有啲平時日式放題少見嘅款式，好似豬頸肉、羊腩、燒雞腎～/炸物🍘一定唔少得日式天婦羅、榴槤波波同芝士年糕，都好好食！差唔多係即叫即炸，上枱仲熱辣辣！/泰式料理🌴啱晒鍾意食泰國嘢嘅朋友仔！有平時鍾意嘅辣椒炒蜆、飛天炒通菜、泰式蝦餅、泰式肉碎包，想食主食仲有乾炒泰式金邊粉🍝同鰻魚炒飯～/甜品🍨甜品都喺自助區自取，除咗自家製嘅奶凍、布甸之外，仲有唔同口味嘅雪糕、雪條任拎！/飲品🧃有汽水同多款自取包裝飲品，連啤酒都可以無限攞🌟Encore指數：9.1/10

位於銅鑼灣的這家日式料理店,真正用心打造出一場難以忘懷的午市放題。無論是刺身、壽司還是熟食甜品,每一道菜品都散發出頂級食材與精湛廚藝的無可挑剔的完美結合。首先是刺身,包含了三文魚、油甘魚和大蝦等時令新鮮海鮮都呈現出食材本身的鮮美,肉質鮮嫩彈牙,在口中化開的同時,又能感受到海洋清新的氣息。之後的是精心製作的壽司,例如火炙的魚裙邊壽司以及配上油甜蝦的海膽一口壽司,都令人回味無窮。除了生食,熟食也毫不遜色。泰式焗蠔肉質鮮甜,蒜香四溢;烤豬頸肉香肉質軟嫩多汁;泰式炸羊腩外酥內軟,清新爽口。最後的甜品更是讓人驚艷,榴槤糯米糍清甜綿密,朱古力芝士餅濃郁醇厚,絕對是完美的餐後甜點。

日式任食放題就是不二之選🫶🏻 先來一盤極品海鮮拼盤，放上檯一刻勁吸睛: 松葉蟹腳、鮑魚、魚子醬、珍寶蝦、螺肉、刺生… 再來海膽帶子刺身，份量十足，每口都沖擊味蕾; 加錢升級就可無限追加，款款高質又鮮味，感覺超幸福仲有多款新鮮刺身可選擇: 油甘魚、三文魚、赤貝、希靈魚、甜蝦…每款都點就食得更開懷小食方面應有盡有: 各款炸物、串燒、燉湯、港泰小食…朋友勁叫泰式生蝦刺身、燒生蠔同燒元貝，炸榴槤球同炸香蕉也不可錯過呀自助區也有多款前菜小食、甜品及飲品。甜品是一盒子一口，這設計正合我可以試多款的心思，必試Tiramisu、木糠布甸、芝士布甸，好味到忘記拿了多少盒

🤩🤩銅鑼灣人氣樓上放題，有質素有服務，食材新鮮，最鍾意食刺身蝦，大大隻，食到吮手指😋😋原來而家午市唔止放題，仲有抵食夾大件set lunch， $100都唔使，一定要試吓試吓👍🏻👍🏻🤩除咗日式食物外，佢仲有泰式食物，例如泰式生蠔椰菜豆等等，少少辣辣地好滋味😋😋當然，無限飲品實在太吸引，應有盡有，仲有雪糕甜品，食到捧住個肚走。餐廳環境唔錯，坐得都幾舒服，位於地鐵站對面，亦都好方便☺️☺️🤩😎🙏🏻

之前食過一次放題，原來而家唔只有放題食，仲有新出嘅lunch set，性價比十分之高，今日就約咗同事一齊過嚟食lunch。我哋就叫咗兩個lunch set。北海道刺身丼材料有牡丹蝦，油甘魚，帆立貝，三文魚，刺身10分新鮮，牡丹蝦爽口彈牙，油甘魚肥美，帆立貝好肉肥美非常鮮甜，三文魚油脂分布平均。壽司定食有10件壽司，蟹籽爽口彈牙，玉子和蟹柳到先甜，北寄貝煙靭有咬口。三文魚頭湯奶白色嘅魚湯濃郁鮮甜，熱辣辣，完全冇腥味。

太耐冇食放題，就訂左今晚黎呢一間Bookmark 左好耐的放題。餐廳地方幾寛敞，我哋被安排坐卡位，感覺好闊落。本身放題價錢每位$259，職員介紹每人加多$148，就可以任食極品海鮮拼盤，仲有任食海膽帶子，對於我哋兩個海鮮控黎講，好吸引，就一於試吓。🥰🥰先黎海膽帶子，厚身切開左的帶子中間夾住海膽，帶子好厚身又鮮甜，夾埋海膽一齊食，無得輸。😎😎極品海鮮拼盤超多海鮮種類，有蝦，長腳蟹腳，鮑魚，魚子醬，螺肉，熟蝦，個鮑魚真係好得，又淋，一啲都唔韌，用醬汁輕輕調味帶出個鮮味，推介。另外仲叫左刺身拼盤有赤蝦，三文魚，油甘魚，希靈魚，醬油吞拿魚，八爪魚，馬刀貝，赤貝，每樣都好新鮮，特別係赤蝦，超大隻，又鮮甜。除咗刺身，佢仲有唔同嘅手握壽司，卷物，手卷，軍艦壽司，火灸壽司，真係花多眼亂。沙律涼菜都有好多唔同選擇，估唔到呢度有尖椒皮蛋。熟食方面有天婦羅，燒物，估唔到泰式料理都有。芝麻雞翼燒得好香，帶點辣，同埋燒菠蘿好有驚喜，好香甜。自助區方面，仲有其他小食，飲品同埋甜品，佢哋嘅飲品一啲都唔hea，咩種類都有，竟然有椰青水，仲有三款啤酒，汽水，茶類都有。以呢個價錢可以食到咁多唔同類型的飲品食物，真係好開心

本來想食午市放題，但都有新推出午市定食如果唔夠喉，重有午市基本放題午市定食有成9款，除咗壽司定食還有丼飯。我叫左人氣嘅原條鰻魚飯$88原條鰻魚好有氣派，雖然望落去好似好深色，以為鰻魚汁會好咸，但又唔係，微甜嘅鰻魚汁，口感柔軟，唔係乾柴嘅。火炙三文魚丼$68 佢都幾大碗，火炙三文魚係好多片，淋上燒汁，中間位有蟹籽。三文魚唔腥肉質柔軟。外面可以揀飲品同小食，小食好多選擇，有瀨尿蝦、螺肉、蟹柳粉絲、八爪魚、魚皮、海蜇、手撕雞、糯米糍等等。我哋都有叫d刺身。擺盤都好靚，刺身新鮮彈牙。美極大蝦，炸得香口，美極夠入味。尖椒皮蛋嘅辣椒油夠辣。燒菠蘿，清甜亦唔係好酸。泰式生蝦，生蝦微辣肉質爽口。最後叫幾款壽司，生蝦、帶子、一口海膽壽司都有水準。

本身唔太想食呢度，係另外一間餐廳無位至來，以前都有收工來食宵夜（應該係5年前）都估唔到而家都未結業。其實食物方面（主要熟食）都唔差嘅！主要泰國菜好似豬手和炸羊腩幾好食（但我朋友唔食羊肉）炒蜆和魷魚都ok，係串燒比較乾啲嘢都食到無咩剩無咩鮮味，不過叫做出菜快壽司細細粒幾好，唔多飯當晚係星期六比較爆場，出菜比較慢和有漏單我都明白嘅！我對面枱都有投訴，平均每人都接近300＄其實咁嘅價錢唔係咁值得，我自己都做飲食所以唔想比負評，如果呢餐飯要比分數只係合格邊緣食物：⭐️⭐️⭐️（其實能夠比3星半，但又無半星評分所以比3星）服務：⭐️⭐️⭐️環境：⭐️⭐️⭐️衞生：⭐️⭐️扺食：⭐️⭐️⭐️