炉端金 (已結業)

今次係第二次惠顧宵夜時段，入到去眼見飲品櫃空洞洞，就知中伏，主動問職員有冇楊枝甘露，得到回覆係晚市啲人飲咗好多，冇貨冇得refill！大佬，你搞得宵夜市段，係咪應該預留啲貨，確保每個時段都有得供應呢？唔駛人教呀！你哋又響各大報章食評話賣點，對於慕名而來的客人，我接受到限量供應，但接受唔到消失囉！另外你哋宵夜時段已經唔係九點半宜家係九點九，咪再唔導人喇。昨天我由入坐到真係有野食入口已經十點，到十一點你又話last order,我顧得住燒，又要追你刺身壽司，一個鐘頭食餐飯，唔止伙記倦，我都好倦。最hea就係食雪糕，忙足粒記鐘，究竟留唔留到回頭客，好難講。

被一個好有日本店feel既門面吸引下，就梗係要試一試，但係係尖沙咀食飯時間都無乜人幫襯，應該都唔係好掂！（你睇澳牛就知，香港人俾人鬧都要排哂隊，都係為食一個炒得幾好既炒蛋。）就入去試試先。 不需等位直入，爽。呢間店以放題形式加多$38可以有埋燒爐，今次就唔加$38住，如果好食再嚟都未遲。環境寬敞有一個日式吧枱，卡位多數係燒爐，飲品清酒汽水十多款，雪糕兩大牌子Movenpack & Hagen-Dazs 5款口味（識食梗係Movenpack)。 120分鐘開始！放題都係嗰啲啦A-J點菜紙，首先梗係點左刺身先，之後佢送每人一只長腳蟹腳，頂！完全唔凍既，好在佢兜冰夠大兜，即刻埋住佢先遲啲先食。等左十五分鐘先有刺身，喂！太慢啦。又唔多人上菜咁慢，你睇啲店員都係慢慢做，可能之前間鋪唔係食放題，係正宗料理做唔掂，而家改造放題，喂！你唔限時我理得你慢慢來，喂！而家限時你梗要頭單快。未食剩係觀察店營運方法，我敢講我做呢度大佬，可以提升50%營業額，但係食完請我都唔願做！ 刺身唔掂，完全

一邊食放題一邊燒肉 一坐低就等吾切係甘叫野食。當然先叫刺身啦 可能時間早既關係 都無咩人 所以好快就黎左個擺得好靚嘅剌身拼盤 有三文魚 吞拿魚 帶子 甜蝦 北寄貝 全部都好新鮮 好鮮甜 跟住就叫左啲熟食 有牛柳粒 羊架 雞軟骨 餃子雞翼 仲有好多好多 最重要既係我地叫左既佢都有黎齊 吾似其他放題甘黎啲吾黎啲提一提大家 原來每枱客都會有兩隻皇帝蟹腳 好鮮甜冶味 連平時懶得剝殼既我都動手另外 如果中意食榴槤既朋友 你地就有福啦 因為呢度有炸榴槤食！ 啲榴槤味好重好香 未拎到埋枱已經聞到！ 堅正！最後當然吾少得甜品 呢度居然有movenpick雪糕食 真係估吾到 食完都吾夠喉既可以食下其他甜品 重有呢度既飲品係任飲既 最特別既係呢度有鴻星楊枝甘露， 荔枝玉露同埋波子汽水添！出面買一枝都十幾蚊 所以其實都算係物超所值。坐既地方又闊落，呢到係一個舒適食放題既好地方。

早年在尖東上班下班後都愛到此吃 飯，還記得九時後有特價，今日再經過的時候發現已經改了名，變了放題不再做飯了，既然一場來到見價錢都可以就試一試啦。多年不見，入面的裝修同當年大致是一樣沒大分別，一入門口有一排開放式廚房，看到廚師在忙準備食物。後來問店員，才知是原班人馬同一個集團只是由單點轉型為放題。之前食過放題是用Ipad落單的，而呢度係用比較傳統的方法就係tick紙仔的方式下單，款式都幾多元化，包括了刺身，卷物，壽司，軍艦等，亦有熟食類如天婦羅，炸物，燒肉，串燒等都有供應，應有盡有，感覺不錯。晚市放題每人都會送長腳蟹腳做頭盤，蟹腳是粗身的，是平時自助餐的質素，附上蟹剪更加方便食用可，蟹腳肉質相當不錯又甜美，令人更期待之後的美食。食放題當然第一步驟當然刺身吧， 我每一款都點了幾片試試質素，當中最好吃的是珍寶甜蝦大件又啖啖肉，帶子鮮甜無腥味，三文魚肥美又油潤，整體刺身質素都屬中上的。叫咗兩客沙律，築地沙律用了大量的角切魚生配上壽司醬油，味道新鮮而且好豐富就如一座小山，而蟹籽沙律都是挺足料，同平時在旺角放題食的明顯有分別。至於壽司方面，都有店家的配搭，但味道就比較普通，不過不失，可以再做得好一

平時同男朋友黎尖沙咀，總會經過呢間炉端金，但就從來冇食過，因為門口裝潢感覺上好貴，值到上網睇食評先知原來lunch係好抵既每人午市放題$189加$38燒肉再加一一入去成間餐廳比我既感覺係好寬敞，門口會有一排單人位面向師傅，牆身亦有一排組合櫃擺滿酒瓶，有唔少既卡位，燒肉既客人都係坐卡位的一坐低緊係即刻寫紙叫野食啦，刺身方面應該比晚市少，因為張紙寫住A1咁我估A2應該係晚市既，同埋D軍艦午市係不適用既刺身方面我地叫左三文魚，甜蝦，鮑魚等，三文魚入口即溶，夠哂肥美同埋新鮮，呢個價錢食到呢個質素既刺身，十分抵食壽司方面就正常一般水準，火燄壽司依然係我既最愛，當然每款2件啦，果然不失我期望，不過飯就食一round夠哂喇串燒方面，汁燒帆立貝同雞腎確實唔錯，可以encore炸物方面，蝦天婦羅認真好味，炸完隻蝦依然保持鮮甜，個人認為唔點汁食更佳由於我放左好耐先食芝士年糕，所以係涼左冇咁好食男朋友話炸蠔一般水準普普通通由於食得太忘我，完全唔記得要影燒肉既相，我地叫左一口牛同和牛，小試牛刀既朋友，可以叫2份和牛，1份一口牛，因為和牛份量比較少，2份岩哂，燒完一食落啲油流出黎，十分惹味飲品方面選擇都算多，最

每次路過金馬倫道總會被炉端金的巨大招牌吸引，周末午市放題的價錢也不貴，今天終於約了為食同事一起來試一試！炉端金的內裝不錯，可能因為快兩點了店內食客不多，可以被安排坐在寬闊的卡位座，軟軟的坐椅很舒服呢！午市放題的飲品採自取形式，款式非常多，有Asahi啤酒，也有較少見的波子汽水、楊枝甘露等。食物則如其他放題般劃點菜紙，午市點菜紙也由A排到J，刺身、壽司、烤肉、沙律小食、天婦羅炸物、串燒、飯麵等都一一提供，單是看覺得肚子會撐破了XD先點些刺身醫肚，三文魚肥美不在話下、帶子鮮甜又嫩滑、嫩紅誘人的吞拿魚結實無筋、珍寶赤蝦大件啖啖肉、甜蝦BB口感潤滑似果凍，一口數隻大滿足！一般去吃放題都留肚不會吃壽司，但這裡的壽司、軍艦款式又多又吸引，忍不住試了數款：黑松露劍魚腩 – 沒想到甘香肥美的劍魚腩配濃郁的黑松露如些相襯，無違和感海鰻魚 – 長長海鰻軟身又入味，我的最愛！魚子醬珍珠鮑魚 – 切成小片的珍珠鮑魚加上矜貴魚子醬，有嚼勁又滿口鮮香還有很多款式因怕太飽未能一試，可惜！築地沙律有大量刺身，材料意外的豐富，推介！胡麻冷豆腐清新又冰涼，嫩滑的豆腐入口即化，正好中和了刺身的肥美脂香。挺著半飽的肚子來吃烤

沉悶刻板的生活中, 有時候真的需要瘋狂一下。而嘴饞人的放縱行為就是 - 午市放題。午餐食放題聽落好像好瘋狂, 不過難得的是有三位大胃人陪我去顛!我們選擇了位於尖沙咀金馬倫道的"炉端金"。它那浮誇的門面, 早前經過時已留下印象, 加上週末午市放題只是$185/位, 抵到爛! 100分鐘的放題由上午11:30開始供應到下午3時, 我們由下午1點開始進攻。 門面掛了兩個特大版的日式燈籠, 仿日本建築屋頂瓦片裝飾, 放大N倍的金底黑字, 誇張得非常搶眼。 食店佔地非常廣闊, 裝潢風格亦是東瀛味甚濃, 尤其一入門口長長吧檯上的“清酒陣”和"海鮮排場"非常悅目。 位與位之間相當寬闊, 坐得舒服, 我們安排坐卡位, 私隱度高一點, 這樣也好, 免得四個那狼吞虎嚥的食相嚇壞人。 不要以為午市放題沒什麼選擇, 基本上與晚市差不多, 有多張紙的食物選擇: 刺生, 壽司, 串燒, 炸物, 天婦羅, 拉麵還有燒肉, 不過晚市就有清酒放題, 酒鬼聽到歡喜若狂。神速落好單後, 就先取飲品。 飲品全自助, 選擇都很多, 凍櫃內的汽水啤酒少不了, 就連楊枝金露, 波子汽水也有供應, 當然不喝凍飲, 不

話說上左個討論區見到呢間舖頭做放題，加$20仲有得燒和牛，同埋又有兩款貴嘅雪糕任食，今日滿心歡喜同女友晏晝一齊去食返個好西先。去到唔使排隊，但無問我地燒唔燒直接安排左無爐嘅位畀我地。跟住我話想燒肉，點知佢話今日無位。唉，唔緊要啦，見到食評啲野都幾靚，又已經一點幾喇，照食啦。佢有好多張紙，但我地打算叫住啲食下睇下質素如何再寫多啲。一開頭黎左件蟹籽軍艦、刺身。都好快到，我唔食生野，所以唔知刺身質素如何，但望落都幾靚仔。跟住惡夢就開始喇。我地坐左幾個字，叫左好多野都未黎，我地都無催，又無再填單，因為怕最尾又黎一大堆。好似過左二十分鐘，啲串燒一兩串咁黎，但好彩都熱嘅，如果係凍嘅，我真係會反佢枱。之後又再填紙啦，又係過左勁耐都唔黎，好多填左都漏晒單。我見熱食未到，咪食個雪糕先，諗住黎個首尾呼應。點知食完個雪糕，都未到。講真，我都開始有啲飽，慢食原來真係可以飽架。我地隔離有枱人又係填極單都唔到，催完又催先來一兩件畀你食。真係燥，食放題仲慘過食set，一個人$185，燒肉由兩個星期前另加$20變到加$38，加幅快過通脹。去到最尾，我開始催單喇，佢先畀返一兩串串燒我食，果刻，我可能覺得呢串係我食過最好

朋友係一個月前得到買一送一嘅優惠放題活動，所以尋晚我哋就book咗呢間餐廳試食啦我哋比預定時間早咗１５分鐘到，好彩個侍應都比我哋提早入去進食，當時都有好多吉枱由外面望入餐廳至入到去坐低，都覺得呢度嘅環境都裝飾得唔錯，好似置身築地咁~第一round當然嗌哂我哋想食嘅野食先啦，首先黎到一盤淨係放生蝦嘅刺食，當時心諗，點解唔放埋三文魚入去呢？再等多一陣，佢先送黎一盤三文魚，我好記得當時我係寫左要25片三文魚的，點知最後只係黎左10片 完完全全地縮了水不過d三文魚都算肥美，而另外刺身好似帶子，蝦，鮑魚就認真的麻麻，唔係好新鮮咁。。。第一round我哋都有嗌壽司食，火焰三文魚黎到都仲係微暖嘅，但最令我失望嘅係鰻魚壽司，我真係未試過食緊一件唔似鰻魚嘅鰻魚壽司，佢塊鰻魚完全薄得可憐過人失望之後都有嗌下小食，一口豆腐同鯖魚都唔錯，蟹子沙津太少蟹子完全撈唔到青瓜，而朋友食嘅雞翼就表示太咸去到第二round我淨嗌三文魚刺身，仲要強調地寫咗3次要20件寫到咁，佢冇理由唔比足我掛？哈哈，最後佢真係俾足咁多件三文魚！滿足係第一round食咗花之戀明明係正正常常，第二round再嗌，一睇，真係嚇親，d師傅係咪he

晚上和朋友往尖沙咀爐端金食放題, 我們點了三文魚刺身, 鮑片刺身、蝦天婦羅、火炙芝士蛋壽司、火炙鰻魚壽司、炒飯、蝦天婦羅、炒什菜、燒雞肉、燒朱頸肉、燒五花腩、燒雞翼、炸朱扒、特色飲品和Haagan Dazs咖啡雪糕, 火炙芝士蛋壽司好濃香芝士,配上煎得熱辣辣的玉子珍珠米, 好好食, 三文魚刺身新鮮美味；鮑片刺身入口爽滑, 好有鮮味；火炙鰻魚壽司鰻魚燒得甘香, 鰻魚汁好鮮甜, 口感好豐富；炒飯炒得乾身好足料；蝦天婦羅炸得夠熱夠脆, 蝦好新鮮好彈牙、炒什菜炒得乾身, 菜好爽口新鮮、燒雞肉雞肉好鮮嫩, 份量適中；燒朱頸肉好彈牙, 細細件容易燒；燒五花腩, 五花腩好有油花, 煎落去肥而不膩, 好味；燒雞翼雞翼份量大隻, 肉質鮮甜；炸朱扒去左骨；朱扒份量適中, 配上調味料, 煎得義味；特色飲品有烏龍茶和龍井茶, 兩者茶味香濃, 食燒烤飲啖茶不會食得太膩；雪糕有Haagan Dazs和movepick雪糕, 我點了Haagan Dazs咖啡雪糕和movepick朱古力雪糕, 前者有濃香咖啡, 入口即熔, 後者朱古力香濃軟綿,yummy! 總結食物整體質素不錯, 值得再去。

人生第一次寫食評，比大家參考下，我食lunch 一點坐低，等野食等足45分鐘，先黎到一碟刺身，最基本的三文魚都唔新鮮，蝦係好大隻但都無乜蝦味～其餘野更加不值一食，壽司仲衰過爭鮮，一夾就散開，又難食！串燒全部乾爭爭，得牛舌好少少，最重要等咁耐d串燒都係凍冰冰，你話即燒等耐d都無咁嬲！炸物方面也不討好，質感好硬～最期待既榴連波～入面d蓉溝淡左，糖味重過榴連味，燒波蘿賣相好，但入口忍唔住吐返出來，又酸又唔新鮮！等左兩個鐘先話無羊架～無鯖魚～無牛油栗米，成間野最好食竟然係一碟炒菜～夠味有獲氣～,款式本身已經少，上野超慢，質素差！失望失望！

難得weekday放假，去完shopping再同好友食返個豐富嘅early dinner - 日式燒肉放題！佢門面好eye-catching! 經過一定印象深刻！我地大概5點半到，唔使等位即可入座，被安排坐卡位，非常寬敞舒適！2個餓鬼一坐低就研究下點餐紙有咩正野食先！佢嘅選擇真係好多，分類明確簡潔！有刺身、壽司、沙律、小食、天婦羅、炸物、串燒、麵飯類及我地最愛嘅燒肉！我地極速落左order, 再狗衝去拎野飲！見到佢嘅飲品櫃就知佢唔係hea你，種類繁多，包括汽水、茶、啤酒，仲有楊枝甘露同波子汽水！友人好興奮，一口氣飲左2枝楊枝甘露😂！好快啲野食就逐一上枱！首先係刺身。presentation好有心思，出動埋乾冰😱。刺身厚切肥美新鮮！我地勁愛象拔蚌，爽脆鮮甜！炸廣島蠔細細隻，外皮炸得酥脆，入面creamy, 冇腥味！串燒都係大路野，勝在燒得夠乾身，外層仲做到微焦香口。終於到燒肉啦！我地order左2 round, 怒燒澳洲和牛、一口牛粒、韓式牛肉、厚切五花肉同柚子豬頸肉。和牛雪花分佈平均，略燒2邊就食，脂肪烤至半熔，咬幾下就熔化，正！仲有個豬頸肉都好食，呢個我地鍾意燒到佢燶啲，食落外皮焦脆

今日上網找，想試食，看見環境外觀不錯，所以笫-次去試食，-座低送了一客長腳蟹，覮得好味，應該會有驚喜，壽司都覺得多選擇，味道還可以，但之後來了魚生刺生食落口不新鮮已帶-點腥味，我哋從未試過食刺生會食剩，但完全已經不想再食落去，之於串燒帶子入面是凍，羊架更加燒到難而用囗咬開，炸物，生虫毫炸粉過厚，入面生虫毫同樣都是腥，雖然甜品也有很多選擇但又係失望，其實食物選擇不多，價錢2個600幾元，真心覺得不值，下次不會再光顧🖐

好幾次經過呢間餐廳，比佢裝修吸引左，上星期就決定同朋友Book左呢度一試，裝修同座位舒適度都不錯。侍應介紹加$20可以加爐端燒，朋友都係食肉之人，所以就加左。當日座位不滿，而且食9:30個輪⋯但上食物速度真係覺得好慢。黎左一碟生牛肉後就一直等⋯⋯⋯後來請侍應幫我地跟單先發現爐端燒好多選擇都冇！個位女侍應態度亦好晦氣，所以當下真係有d嬲！後來另一位著西裝既男士剛好經過，就主動黎幫我地跟進。解釋原來佢地都唔知道原來大部分燒肉類都賣哂～仲主動幫我地除消爐端燒收費。壽司同其他熟食都不錯，令我有點驚喜既係佢地壽司塊紫菜係脆既～唔同一般放題餐廳，總係令人感覺放左好耐。不過我最愛既魚生就唔係太新鮮，而且好多碎冰痴住舊魚生希靈魚亦有怪味。冇得食燒肉，其他熟食好幾款都冇⋯包括我最想食既流心蛋或者係尾段⋯好多野已經賣哂，我都冇怪佢地。但我覺得處理手法好差，好多食物都係要劃幾次單先出比你（咁姐係明明有，但全心唔比我地？！），或者詢問侍應先同你講冇哂！總括黎講餐飯都幾失望，而侍應方面，著西裝既幾位態度非常好同埋樂於幫忙，但當晚另外2位女侍應態度認真麻麻⋯寫好食物紙交比佢地都黑口黑面埋黎拎。廚房出單混亂，同樓面

放題成日食,250~300蚊一餐得放題通常質素已經係好好,但今次我覺得呢間餐廳已經過埋呢個層次:環境好,夠多空間,食物好,加20蚊有燒爐,仲會幫你搬去大臺卡位燒,我跟我家人都吃得很開心。 個人最印象深刻的是這裡的自己燒既牛肉片新鮮又juicy,抹茶紅豆奶好好飲,叫三文魚刺身會有一般自動upgrade去三文魚腩,有松葉蟹腳送,雪糕係Movenpick,燒酒可以自己去自助吧添飲亦都一絕。甜品係失色d,但其他食物全部都做得好,最重要upgrade去燒爐臺的時候我地覺得幾surprised,靚又坐得舒服,呢個價錢我覺得值既。