炻板燒 (已搬遷) 新店位置

I went there with my Dad after work today. What’s a surprising surprise. You can express yr political feelings here freely.You can decorate a card for HomeKong🇭🇰 Starter comes with the fired chicken ball 🍗 very yummy 😋 you can eat with the salad sauce Beef 🥩 mouth-watering , bake it on a stoneSeems like this, my Dad love it so much蟹子玉子燒 ～ not very sweet, the taste is nice About $300 for two which is acceptable

成日聽朋友講屯門有間幾高質既炻板燒，今日放工一於同距一齊去食。屯門西鐵站，落車行5分鐘就到啦！黎到呢度緊係要叫翻個和牛食下啦!同朋友夾每人百幾蚊就食到和牛啦！跟餐有埋湯同飲品，加多15蚊重可以轉埋稻庭烏冬!炻其實一種介於陶器同瓷器之間既一種陶瓷製品，用黎燒肉，真係夠曬原汁原味!點燒都可以保留到和牛既肉汁!鰻魚蟹子丼味道好夾啊，鰻魚多汁彈牙，蟹子又新鮮，卜卜脆。蟹子椒鹽炸軟殼蟹好吸引啊！唔知點解呢間餐廳就係好有親切感~

天寒地凍唔想煮飯，就去咗屋企附近搵食，因為少響屋企附近食嘢，所以入到嚟先知無揀錯。兩個人叫咗兩個主食，小食好吸引，又叫咗兩個，最後係好飽收場。我叫咗個咖哩吉列蝦丼($68)，吉列蝦好juicy，咖哩一入口有少少嗆喉，但唔辣， 越食越想食，而且食物夠新鮮熱辣保持到溫度。屋企人叫咗個肥牛烏冬 ($62)，佢話肥牛真係夠曬肥，而且份量多到好似食極都食唔完，佢食咗半碗之後覺得啲肥牛好似冇少過咁😂。我地都加咗$10，有嘢飲同埋糖心蛋。小食真係好吸引，先係上咗個椒鹽蟹子軟殼蟹 ($78)，估唔到咁大隻，仲好多肉，而且有膏添！連蟹腳都有肉，加咗椒鹽夠曬惹味。另一個小食就係鹽燒三文魚腩邊 ($68)， 好香口好脆，而且好肥美，成口都係油，天氣凍食油膩嘢感覺最正🤭！全部食物都新鮮熱辣，價錢合理，份量充足，良心小店👍！

今日同女友人黎左屯門食野，我地之前已經係附近食過d地鋪餐廳架啦, 我發覺其實屯門市呢個地方都好多好野食,但都係日本野居多.. 咁岩我又想食燒肉但又唔想食d燒肉放題咁貴。 後黎就比我發現比間火石板燒, 我見佢門口d餐牌好似幾吸引價位又平易近人. 我就二話不說捉埋女友人入去醫肚啦..我地分別叫左板燒牛小排同吉列牛小排... 佢兩個set都跟白飯，麵屎湯同飲品都好豐富。女友人個set就加錢轉左稻庭烏冬..前菜我地都加左個蟹籽沙律.. 味道方面個吉列牛小排就事先炸到脆皮半生熟咁.. 我地就自己係個火石板上燒兩燒就可以放落口.. 我想講吉列左既牛小排比普通牛小排係爽d既， 但肉味就普通牛小排比較濃烈.. 各有特別之處同樣好新鮮好有咬口.. 個蟹籽沙律好fresh好開胃的說，一貫和風料理既口味..我地兩口子食兩個set再加個沙律就岩岩好咁飽住走...

呢間小店座位唔多，夜晚未夠七點已經坐爆曬～我哋叫咗兩個板燒餐，非常豐富！一個餐除咗有15塊牛肉之外，仲跟埋白飯，麵豉湯同埋凍熱飲品，叫兩個餐仲可以送多一款肉，一定夠晒飽啦。我哋試咗一個吉列牛板腱同埋一個牛小排，每人送咗5塊封門柳。啲肉齊哂就可以開始放上板上面燒啦，首先用肥膏搽少少油係個板上面～吉列牛板腱較少油脂，食落肉味會濃啲，但係口感就會有少少硬。而牛小排明顯油脂比較多，入口會較重油香，非常滿足！封門柳係牛橫膈膜下面的一條柳，每隻牛得一條所以特別矜貴，而肉味比起牛板腱同牛小排都比較濃！入口軟林林，值得一試～每款肉都冇落調味料，燒好之後點少少豉油會更加好味！我個餐加左$15轉稻庭烏冬，好味道～我地仲叫咗啲小食，有蟹籽沙律，糖心蛋同埋日式炒雜菜，水準都唔錯！

次次孤獨食都諗住快快食，食個麵又好，食個丼飯都好，最梗要快。今日我黎到炻板燒心情靚，慢慢食，見到掛上好靚既咭，仲可以自己寫字字。好，睇下有咩好食先。全日板燒，日本和牛，跟餐有飯、麵豉湯同飲品。和牛好靚，花紋整齊，脂肪比例足夠。熱左個板，燒舊脂肪岀岀油先。黎啦，開始燒和牛，放上去吱吱聲香味湧岀黎。和牛食落柔軟，咬落脂肪肉質勻稱，軟綿綿既口感，好治癒！麵豉湯夠熱，中規中矩啦。燒到熱辣辣，飲杯凍檸水，爽一爽先！

男朋友來了香港玩，順道慶祝農曆新年，當然要帶他四處覓食，有次在新墟街市買菜時看到這間餐廳，便有帶他去吃飯的念頭😄我們一行二人 八時正到埗，遇上飯市全院滿座，不過，侍應很快便安便我們「搭枱」。雖然位置有點小，但勝在夠快！我們點了二份全日餐：1. 小牛排（10片）148HKD2. 封門柳（10片）188HKD全日餐包飯、湯、冷熱飲，點可口可樂的話，是給罐裝的！！！十分抵，最抵的是，如果點兩份10片裝的全日餐，還免費加送炸雞 / 燒三文魚腩邊 / 追加封門柳，我便點了炸雞！炸雞：很有技巧地炸到雞塊剛剛熟透，非常嫩滑多汁，雖然是送的，卻給了很多塊小牛排：油脂分布平均、充足，即使煮到完全熟透，亦不會覺得韌，反而十分香口嫩滑封門柳：油脂分布比小牛排低，較meaty，但令人最意外的是，封門柳肉味香濃，嗜牛者絕對可以一試！點了10片，卻給了12片，賺了！賺了！

其實出面有好多食石板燒牛既地方，佢地既賣點多數都係大件夾抵食，幾十蚊有大舊肉。但屯門依間黃店唔同，佢係賣靚牛。今日我早收工就早去，差唔多６點就開餐，做左佢第一枱客。本身想試下佢個鰻魚飯，但諗諗下佢招牌菜係石板燒，唔試又好傻，所以我同我朋友都揀左石板燒。我自己就揀左牛小排，另外店員就推介左封門柳，佢話出面好少有得食，叫我地試下，咁我地就叫左。封門柳其實係牛橫隔膜肌肉，每隻牛都係得一舊，唔怪得話出面少有。上菜既時候，店員話深色既係封門柳，淺色既係牛小排，影左幾張相之後就拿拿臨開始燒。十幾蚊一小片既牛肉真係唔同，唔係要令你飽，係要令你食品質。封門柳食入口，肉味極濃，油花少，鐘意有口感既就要叫下。依塊肉我個人認為每邊燒五六秒就夠，熟度岩岩好，唔會太老。另外既牛小排都唔可以睇少，見到佢油脂都幾豐富，所以每邊我煎左兩秒左右，將佢既油花煎香佢就夠。一放入口就未個即溶，但都十分幾嫩口。依個套餐仲有鹽燒三文魚腩邊送，佢都燒得唔錯，燒到個魚香好出。想試燒靚肉既就應該來依到啦！支持下黃店！

作為一隻屯門牛，新墟應該無乜人唔識但原來屯門都有石燒牛，仲要係黃店。入面吊飾佈置已經係一張張訴求卡。我兩個人叫左日本和牛同牛小排，再送封門柳咁就可以試哂三種牛。 兩個人食2百幾一個人性價比極高。另外加左隻溏心蛋💕牛既質素並非最頂級，但絕對唔係cheap野！服務員介紹完點樣燒之後，我地就開始自己動手玩😂我個人比較鍾意食juicy啲，5成就夠。由於個火比較細，所以都好易控制牛既生熟。每種牛燒完都有不同既口感同味道，我個人認為醬汁都可以慳返。不過如果有海鹽，我覺得會比醬汁調味更好👍🏻至於溏心蛋，係正常嘅，一定唔及牛出色😆碗白飯有紫菜脆脆，米就食得出係日本米！餐飲仲叫左一杯勁大杯嘅檸檬茶！總括黎講，如果你真係好肚餓咁就唔好試，又或者你肯定自己無耐性都唔好試，又或者你趕時間都千祈要三思，因為燒一舊再食一啖飯時間會比較耐，我呢餐飯都要食左個幾鐘，然後好滿足好開心咁走💜😂

今日喺新墟街市對面發現咗呢間炻板燒，見價錢咁平就食到日式炻板燒牛肉，一於試試。餐廳麻雀雖小，五臟俱全，而且晚飯時間是滿座的。壁畫很有日本風情，門口掛了很多打氣字句，為香港加油。炻板燒的牛肉有四款， 我們選了牛小排10片，套餐$148, 包括了白飯、麵豉湯和凍熱飲品，可以加$8 配溏心蛋。還有一個日式丼飯，鰻魚拼吉列豬扒丼$88。可以加$10 配冷熱飲品和溏心蛋，或$18 配冷熱飲品、麵豉湯和糖心蛋。估唔到食物上得超快， 牛小排好新鮮，脂肪紋理均勻，肉質鮮紅，十片放得靚靚的。 配有牛肉汁，白飯灑上飯素，裡面的芝麻和紫菜，令白飯吃起上來十分香口。有一小片牛脂肪在，先在石板上燒溶， 職員會協助你燒一下，把牛脂肪鋪滿石板上，才自己開始燒肉。喜歡石板燒可以自己控制火候，愛吃生一點的，就早點夾起牛小排來吃，裏面超juicy, 肉質非常嫩滑，而且牛肉味很香！愛吃熟一點的，就燒長一點時間，令牛小排表面有金黃色，開始有一點乾身的感覺，吃下非常香口，很惹味，配白飯吃一流！還點了一個鰻魚吉列豬扒丼，加配了麵豉湯、熱檸茶和糖心蛋。豬扒是完整一塊，外層炸得非常香脆，夠乾身，不油膩。裡面豬扒肉很爽口，沒有骨也沒有

早排食完石燒牛，食過翻尋味～所以同朋友特登同圍搵下仲有無其他石燒牛食，結果搵到呢間離屋企唔算太遠既小店，就去試試啦～雖然鋪頭細細，但係都幾多唔同選擇，又有鰻魚飯，唔同既丼飯，同埋我最想食既石燒牛。另外仲有玉子燒，天婦羅等等既小食。我地叫左一份10片封門柳，一份10片牛小排，追加左一份封門柳，另外加左一個芝士玉子燒。上牛肉個陣，店員都有細心幫我地用一舊牛既脂肪整一整個石先，等我地容易啲燒。牛小板比較淺色，油花比較多同均勻，啖啖都食到牛油既香味，同埋口感都好好！封門柳比較深色，聽聞每隻牛得一條，比較珍貴，而且肉味好濃郁。食落去唔會因為佢油花少要鞋口，反而仲好軟嫩！兩款牛肉質素都唔錯，唔會食到痴牙，而且有好香既肉味，食得好滿足！！每個石燒牛都跟左麵豉湯，白飯同冷熱飲品。加15蚊可以轉稻庭烏冬，朋友就加左錢轉烏冬，我就照跟左白飯。我食左一啖，佢既烏冬都唔錯，幾彈牙。另外佢比既燒肉醬唔係好甜個種燒汁，而係蒜蓉味既，我覺得呢點幾好，因為唔係個個都鐘意甜既燒汁，蒜蓉味既話相對應該比較多人接受，而且又好送飯。芝士玉子燒甜甜地，雖然似係小朋友食既野，但係我其實好鐘意芝士加蛋呢個配搭，平時食三文治仲會叫芝

山長水遠入屯門，皆因聽朋友講有間高質石燒牛店，仲要超黃，點都要捧下場。一入店內已見天花板掛滿文宣心意咭，餐牌亦有連豬插圖。心意卡可隨意取用，亦備有水筆書寫。叫得炻板燒，筆者自然試試它的燒牛。叫了和牛和吉列牛板腱套餐，各10件；點兩個套餐餐廳額外有食物送，我們選了封門柳。食物上桌時賣相吸引。每碟牛都跟了一小粒牛脂作牛油使用，減少陶板痴底的情況，同時令牛肉更具牛香。日本和牛套餐 (7/10): 和牛很腍，豐富的油脂令它有入口即融的感覺。封門柳 (8/10): 肉質同樣十分嫩滑，比起和牛油脂較少，感覺更健康。吉列牛板腱 (9/10): 吉列炸漿炸得剛好，不會過油；牛肉的油脂分佈平均，筆者和男友都最欣賞這個。餐飲點了最基本的凍檸茶和熱檸水，檸檬無苦澀味，不用加糖都可接受。食完即刻推介給屯門區的朋友～

入到屯門睇完戲，搵下附近有冇黃店。發現有間好吸引嘅石燒牛肉，就不如一試啦！鋪內掛滿打氣卡牌，餐牌亦有心思整理過，值得一讚！！板燒一開始有牛脂開爐，避免牛肉痴底， 未燒之前經已充滿牛香味。叫咗兩個set，第一個係日本和牛板燒套餐跟飯包味噌湯。和牛油脂足夠，肉質軟淋，值得一試。味噌湯夠味，海帶蔥花配合得好，白飯上既飯素好嘢味。最抵讚嘅係點牛肉嘅醬汁，芝麻香加埋日式醬油令牛肉有不同嘅層次。第二個set係吉列牛板鍵套餐，唔鍾意太過油膩嘅朋友可以試吓呢個，相比之下呢塊就油脂較少亦較平均。鍾意一口牛嘅朋友絕對係你嘅首選，有炸粉嘅外層，亦令石燒牛增加不同既層次。本人十分推薦呢隻！食完咁多肉嘅晚上就以一杯清淡嘅凍檸茶作結。特別想稱讚店員嘅服務態度，雖然店內比較繁忙，但依然照顧各個食客嘅需要，如果有機會再入呢區都會再次幫襯！

💛每日一間屯門黃店「#炻板燒」✨🐮吉列牛板腱$158(10片/Set)🐮牛小排$148(10片/Set)🆓食兩款燒肉set可以免費追加封門柳🥩每set都配白飯🍚麵鼓湯🥃同一杯野飲🥤店員會好貼心幫你開爐，然後用啲肥肉幫你煎一煎個面先，之後就可以開始啦！店內都吾會好大陣燒肉味，佢重有好多丼可以食～我自己就最中意封門柳，佢入口即融！脂肪分布得好平均，之後就係牛小排，呢款都好juicy有口感，反而吉列牛板腱我就一般我覺得外圍既吉列粉可以再厚啲，不過我男朋友反而最中意係呢個😝 麵鼓湯都有好多料係入面又吾會太過味精太感，易入口～重配埋日本飯就是有感覺～店內貼滿抗爭poster🥺仲要狂loop抗爭歌👍🏻呢開餐廳必須火！🔥

近年流行一人一爐日式烤肉店， 原來在我朋友屋企附近都開了一間， 一定要去試一試啦。這日來到餐廳的時候已經大概三點，但仍然有三至四枱食客，生意不錯！一踏入餐廳已經被濃濃的燒肉香味吸引著， 因為極度肚餓的關係，我跟同事兩個人很快便各點了一個板燒日本和牛套餐和蟹天丼套餐。 不消一會，店員很快便先送上板燒和牛套餐，聽完店員細心講解後，我跟朋友急不及待把烤肉放在燒爐上，和牛的脂肪分佈平均， 吃上去的口感非常不錯， 加上自家醬汁配白飯吃，非常滿足，白飯一口接著一口，而套餐的麵豉湯亦不太鹹，很好喝。午餐還送個雞軟骨，本身覺得和牛套餐偏小但連小食便剛好。蟹天丼的質素也非常值得一讚，軟殼蟹天婦羅炸得剛剛好， 新鮮熱辣非常好吃，配上松葉蟹及天婦羅蝦， 整個丼的質素很高， 套餐並包有一隻糖心蛋， 加入天丼吃好正。兩個人都吃得非常滿足！店員又非常細心有禮貌，雖然是小店但都充滿誠意。