烏蠅館 (已搬遷) 新店位置

響尖沙咀做完野，見到附近有間烤魚，加上好耐無食過，於是上黎一試😋😋🌟招牌香辣烤魚（紅魚）（$288）招牌香辣果然係點得無錯，味道濃郁，辣度叫左小辣，對小弟黎講已經夠辣，辣椒🌶️既味道唔會太搶，唔會蓋過其他配料既味道，蒜蓉🧄香味撲鼻😋😋烤魚仲會配3種素菜，有蘿蔔，芋絲，雲耳，3種素菜配搭得好好，愈煲愈入味，吸哂香辣既香味，仲有陣陣魚既香味😋😋魚既方面，因為無哂三刀魚，所以叫左紅魚，魚肉新鮮，厚肉，少骨，大條，啖啖肉😋😋🌟西洋菜餃（$68）餃子🥟皮薄，但用黎打邊爐係唔會散，餡料充足，而且新鮮，好好食😋🌟火鍋麵 （$28）火鍋麵同普通麵唔同，比較硬身，仲更加容易吸湯，用黎打邊爐🍲真係好夾😋😋

我知太座無辣不歡，所以帶佢去食川菜，約左佢去亞士厘道「烏蠅館」，七點未到已經開始排晒隊，入去到環境唔錯，以茶為主題，坐左一陣佢睇住個餐牌好多選擇，好多食物都想試下，最後試左個泡椒龍躉魚小辣，加配個鵝腸+水餃+鴨血+黑豚肉+安格斯牛牛，飲品叫左啤酒+桂花蜂蜜+有機烏龍奶蓋，特色飲品唔甜，飲落有種小清新，等左十分鐘，條魚上菜，店員好細心咁講解出煙會過嚟揭蓋，等多五分鐘...店員好留意個鍋，滾左就過黎幫我地開蓋，嘩～索到泡椒味已經留晒口水，好多配料（黑雲耳、萵筍、菇），條魚啲肉好好咬口，雖然叫左小辣，但都好刺激，四個人食都夠，食到咁上下其他追加都陸續上菜，每碟分量偏多，鴨血片配辣野好正，煮極都唔散，鵝腸爽口，餃子上菜已熟，餡料味道還可以，放係鍋度煮一陣索晒泡椒汁好味，牛牛肉香，牛脂好香，黑豚肉啲肉好淋，仲有小脂肪痴住，令到豚肉更爽口，繼續食...繼續食....追加辣椒...再追加左個寛麵，個麵配依個汁同泡椒一齊食勁惹味，第一次食呢款麵，口感唔錯，都好彈牙...食到依個時候都食飽啦!望到隔離枱有人食碗麵...先發現餐牌有冒菜食，都好抵食，六款餸都係$50，六款湯底，多款餸揀，出面食碗車仔麵咁多

好耐冇行街，喺尖沙咀行行吓，俾佢樓下個牌吸引咗上去，個名又幾得意😆，叫做烏蠅館#香辣烤龍躉魚🐟 等一次6:15食晚餐🥣估唔到6:30已經全場爆滿，仲開始排隊等位👍我地一坐底侍應招呼好好，介紹我哋食烤魚🐟，慢慢好長細介紹三款烤魚我哋聽，仲有三款配菜送（雞髀菇、萵筍、雲耳）烤魚到之後仲講埋要煮到個醬汁有少少變色，先會過來幫忙開蓋，侍應好細心題我地食曬烤魚先，再上火鍋配料我哋叫咗招牌龍躉烤魚小辣🌶️，辣得來又香，香得來味道真係好野味（回味）後來叫咗肥牛、鵝腸、鴨血、黑毛豬片、餃子雙拼，食晒之後真係忍唔住加多碟土豆粉，吸晒啲汁食落口真係不得了😋，飲品點了黑糖珍珠奶茶果然水準唔錯，可以再約朋友去多幾次，最緊要係佢哋真係排晒隊都唔會趕客走，值得一讚👍👍👍總括嚟講，食物同侍應態度都一流👍

去尖沙咀睇戲行街食烤魚。上網是但搵到呢間，本身冇咩特別期望只係就腳，但運氣唔錯，食咗好味嘅一餐🤪👍🏻三刀魚冇貨，不過我哋都係第一次試所以冇咩所謂。轉左紅魚，味道揀左招牌香辣。佢有得揀大中小辣，我地就揀咗中。好快就上菜，條魚好大，仲送蘿蔔木耳金菇配料，份量唔少👍🏻滾起，香！😍即刻夾一啖魚肉入口，加埋啲汁真係好惹味，話咁快食晒成條魚。平時我就唔食魚腩既，因為覺得有陣腥味🤔但呢到既烤魚一啲腥味都冇，成條魚食晒落肚😝叫咗杯玫瑰蜂蜜雪蓮子。其實係糖水，但佢整到好似特飲咁。佢係冇冰又唔係好凍既，但冇諗過都可以咁解辣😲👍🏻食一啖魚，飲一啖雪蓮子糖水，正。😛朋友叫左杯檸檬茶。蝦滑新鮮。四川寬粉，好味又特別。一見到即刻等唔切落咗一半，下面係一半份量。滑啫啫放入口，吸晒啲汁。見到後面條魚真係一啲肉都冇嘥😎食到呢度已經好飽，但個醉雞睇落都好好食所以又食多兩件😅因為可以自己控制時間所以好滑。最後朋友清晒成碟雞。😂而家見到張相都流口水。呢間幾有驚喜，會再嚟。😏

呢排天氣開始轉涼, 即刻就唸起熱辣辣香噴噴既烤魚, 收工立即彈閘衝去呢間出晒名既烤魚店!🏃🏼‍♀️🏃🏼‍♀️一坐低就即刻叫咗泡椒多寶魚($228), 其餘嘢食之後至慢慢揀, 天氣一開始涼, 個人就特別容易肚餓, 所以就決定叫啲飽肚啲既填飽個肚, 兩個人叫咗一碟四川寬粉($28), 一碟四川土豆粉($28) 同埋一碟自家制韭菜餃($68), 另外叫咗一杯玫瑰蜂蜜($18)同埋一杯檸檬碟豆花($18)落單時店員話烤魚會送埋3款配料, 今日送既係雲耳, 金菇同埋蘿蔔!首先飲品率先登場, 碟豆花又真係幾靚~ 另外玫瑰蜂蜜真係有玫瑰花瓣喺入面架喎, 有啲天然玫瑰花既味道, 唔係藥水味!👍坐咗一陣條烤魚話咁快就送到, 即刻試試佢先! 估唔到條多寶魚都幾厚肉! 肉質結實, 一啲都唔削, 喺咁濃既泡椒湯底浸住依然可以食到好香既魚味! 💯💯💯食到咁上下其他食物開始送到啦, 兩碟粉絕對唔係市面其他店舖嗰種體驗版, 啜兩啖就冇晒嗰隻! 份量十足! 口感好煙韌, 索晒啲湯汁! 韭菜餃烚完啲皮都唔會爛晒, 一啖咬落去成個口都充滿住韭菜香! 🤩值得一提既係, 佢地加湯唔係加水, 亦唔係加上湯, 泡椒湯底就真係加番嗰隻

好耐冇食烤魚!!!!! 秋風起，好岩食熱辣辣既烤魚～ 招牌香辣烤紅魚，本身叫三刀魚，冇貨就換左紅魚比我地～每款烤魚都會跟上3個指定既素菜，當日係雞髀菇，木耳同蘿蔔！！！！除左招牌香辣，仲有4款味揀，一上枱就聞到好香既香料味(^u^)魚上面堆滿辣椒，烤魚滾起就食得，紅魚比較厚身啖啖肉，比較少骨同冇咩細骨，岩晒我！！  調味叫左小辣，湯底會愈煮愈濃味同愈辣，魚肉食落好香好惹味，不過後期就覺得比較咸(*´∀`)~♥配菜索左湯汁，好入味呀，特別係蘿蔔好甜！！食完魚就可以加湯打邊爐～ 黑豚肉肉質軟腍，肥瘦適宜 響鈴索晒辣汁，但感覺有啲油膩～ 奶蓋茉莉蜂蜜同碧螺春，奶蓋綿滑，兩款茶底都好清香(*´∀`)~♥ 招牌香辣烤魚 $288 黑豚肉 $88 唐生菜 $32 響鈴$48 炸魚皮$38 奶蓋茉莉蜂蜜 $23 奶蓋碧螺春 $23 烏蠅館地址：尖沙咀亞士厘道38號天星大廈1樓B舖

《廢物女孩👭食の覺醒》#尖沙咀篇-👧🏿-·🍴自選6款配菜 HKD 50足足有50幾款配菜可以揀🤪作為有選擇困難症嘅👧🏿 足足諗左差唔多10分鐘先決定到食咩🙈🔅蓮藕片....非常爽脆 增加左口感🔅蘿蔔片....食落冇根 一D都唔老🔅土豆片🔅雲耳🔅肥牛....必叫❗️可以話係成碗麵嘅靈魂😂份量都幾多 食到最後都仲有🙈🔅風琴豆腐串....索湯之選❗️吸曬湯汁超正🔅冬菇🔅豆卜....又係索湯之選🙈🔅雞中翼....有兩大隻🤤好夠食+HKD 5 配跟餐主食主食都有8款可以揀🙈 朋友同👧🏿分別叫左火鍋寛粉同粉絲 寛粉超～級彈牙❗️朋友要食得好小心（帶埋口水肩)先至唔會彈到落件衫度😂湯底有辣有唔辣🔥唔辣有清湯 海鮮湯 蕃茄湯🍅朋友唔食得辣就叫左蕃茄湯 佢個湯底濃到好似成碗蕃茄蓉咁 唔講得笑🤪鍾意食辣嘅朋友就可以揀麻辣（大，中，小）藤椒或者四川酸辣🌶 👧🏿本身叫左四川酸辣 但係店員落單個時溫馨提醒酸辣都幾辣下 問👧🏿食唔食到（店員話會辣過譚仔嘅中辣少少）👧🏿本身都有食中辣嘅經驗 但係又對自己冇咩信心 所以就淆底叫左麻辣小辣🙈雖然叫小辣 但係都唔會好淡味🔥有少少辣勁 食食下都好上癮🙈（👧🏿決定下次會去挑戰返酸辣

我們點了麻辣烤魚（小辣），由於當天沒有三刀魚，就點了取代的紅魚（$288）。.上枱時店員會提醒要再等6～10分鐘滾起才開蓋，使之更入味。不得不讚是醬汁，鮮香麻辣，個人認為比招牌香辣更惹味！紅魚厚肉實淨較大條，新鮮肉質不霉，而且骨小，但要滾耐點才入味。近魚骨位的部分更食得出孜然香料的味道，品嘗到用心烤過的味道。如果想點較滑嫩的魚，店員推介多寶魚，但就較細條和比較多骨。.另外每份烤魚都會送三樣時令素菜，當天是雲耳、蘿蔔、豆卜。配菜十分出色！好索味，配上珍珠米的白飯一流！🤤💕.鴨血嫩滑，正常水準。.另外點了火鍋麵，麵質較實，很適合火鍋用食，非常入味。.不得不提的是這裡的員工態度十分親切和熱心，一開始會介紹各種口味和魚的分別，用餐時又會不停關心夠不夠湯，貼心的態度令人感到賓至如歸。

因為實在太掛住烤魚嘅關係，所以就特登搵咗呢間幾出名食烤魚嘅烏蠅館。我嗰日係平日嘅夜晚，大概七點去到餐廳已經坐滿，食到一半都有食客要排隊等位，所以想食可能要早少少去就唔使等！食烤魚的話有五款口味，香辣，泡椒，麻辣，蒜香同豆鼓。魚方面都有三款: 龍躉魚，三刀魚同多寶魚。比餐牌嗰陣時店員都好主動咁話俾我哋聽唔同魚有咩分別。同埋每款烤魚都會配三款時令蔬菜，店員都有話埋俾我哋聽今日係邊三款。本身我哋係想揀三刀魚，因為店員話會比較厚肉同埋少骨，不過因為嗰日冇供應所以就變咗紅魚。由於我唔係好食得辣所以就揀咗蒜香，味道真係好濃郁，配埋蘿蔔芋絲同埋木耳，好入味，本身以為唔辣可能會遜色少少，不過都好好食！食落都真係幾厚肉，而且份量都唔少，唯一係我覺得整體偏油咗少少，但係味道方面係幾出色另外我哋仲叫咗幾款配料食完魚之後打邊爐。配料嘅選擇都幾多食烤魚當然要叫寬粉啦，煙銀得來好入味好彈牙墨汁墨魚丸呢款真係有驚喜，彈牙得來入邊真係好多墨魚肉，呢款好好食而且份量都好多！另外本身叫咗蔬菜雙拼，不過店員最尾幫我哋攞咗每樣一整份😂 不過好彩都食得晒

係尖沙咀行完街就去亞士厘道揾食,呢係街出名多餐廳。咁就上咗去一間有特別名字的餐廳。係門口店員問食麵或是烤魚,然後一坐下就給相應的點餐紙。我們決定食烤魚,有3種魚選擇,味道就有5種,我們選了招牌香辣味紅魚,由於朋友唔食得太辣,所以點了少辣。食烤魚點少得凍飲,叫了一杯玫瑰蜂蜜和茉莉蜂蜜,真係一絕。上菜時見係魚都幾大條,另外有3種配菜,萵苣,雲耳,芋絲。店員話魚已熟,待5分鐘熱番就食得。由於有少少辣,所以非常惹味開胃,魚肉札實,非常可口。最後叫了寬粉,吸收哂D汁,可口彈牙,一個字正。

冬天除咗打邊爐之外，另一樣好岩暖身既食物就係所有川味菜！鍾意食海鮮既我又點少得食烤魚🤤今次黎到尖沙嘴烏蠅館，一入到門口已經有濃郁既香料味，非常期待！🥳好少可會影餐牌，不過覺得呢到係要解釋下！首先有3款魚可以揀，店員話中間三刀魚冇晒就轉左另一款肉質比較口嘅魚俾我哋(因為佢話多寶魚多骨, 食烤魚緊係要啖啖肉😌)，然後可以再揀上面既煮法/味道為左食完更加熱辣辣我哋揀咗泡椒烤魚🔥另外跟魚會送3款素菜，今次係豆卜、雲耳同萵筍魚真係比較少骨，同埋因為已經煮到離曬骨，食落口都係厚身既肉😍 主要係食烤左入味既香料，點埋湯就會有泡椒味湯既咸同辣度都隨著時間慢慢增加🔥值得一提雲耳同萵筍都好新鮮，萵筍煮淋左煮係爽口！自己另外加左芋絲🤤近年另一個又吸湯又啊低carbs d就係寬粉！份量非常大，加埋浸滿左個湯底，同朋友最後堅持一下先清曬，捧住個肚走😆 2個食量不大就4個菜加寬粉夠曬食最後忍唔住叫左個桂花冰粉，真係食川菜必叫！鐘意佢有好多真桂花，食落唔係得平時桂花蜜既甜味，而係有花香🤤

今日因為要外出去銀行處理事務所以可以自己一個人放低小朋友外出午餐☺️揀咗酸辣湯底土豆粉，餸方面揀咗萵筍蓮藕午餐肉海帶絲豬皮同埋豆皮，非常出色惹味👍🏻👍🏻👍🏻另外亦加點了鮮奶黑糖桃膠，飲品亦令人驚喜，冇諗過呢間唔係一間飲品專門店但係個飲品真係好好味好味過好多好多出邊嗰啲手搖飲品店🤤另外一讚係一位細心嘅男服務員佢見我自己拎住部電話出嚟佢主動為我準備咗個電話座，同埋仲特別同我講咗話已經消毒啱啱抹過，雖然係一啲好細微嘅舉動，但係呢啲確實係有啲難得可見嘅細心嘅服務👏🏻👏🏻

香辣烤多寶魚服務去到好多人食，但係甘多人啲侍應服務非常好，招呼周到，會黎介紹今日送嘅三款素菜，烤魚到之後五分鐘會黎幫你打開蓋，當佢見到啲野食晒會黎收起啲碟，仲會將啲食物擺近啲，真係讚。烤魚叫左招牌香辣多寶魚，好大一條，肉質又白又滑，仲好惹味添，食完一面番另一面嘅時候仲入味，見到顏色都滲透左入去，辣得黎又香，香得黎又好味，簡單啲黎講色香味俱全。今日送雲耳、萵筍、冬菇，超正。見到每枱都叫寬粉，緊係要嗌黎試下啦，佢好似薯粉，闊啲，好有咬口，煮耐少少已經好入味，佢嘅魚腐好大粒，好好味。娃娃菜好新鮮好乾淨。桂花蜜糖加奶蓋佢好吸引嘅係所有飲品都可以加奶蓋，佢嘅奶蓋夠濃，成杯搞混好清甜，食完辣烤魚飲番杯簡直好爽。

之前聽同事講起呢間食四川菜嘅黃店，今日放工就黎試吓先～大約下晝三點幾黎到，都坐滿左¾嘅座位，幸運地唔使等位就可以入去。嗌左八個餸再加寛粉（$58）好豐盛❤️嗌咗娃娃菜、鴨血、蟹柳、芋絲、蜆肉、肥牛、雞髀菇同埋午餐肉，每樣餸有兩三舊過下口癮，四川寬粉份量都幾多～煙韌有咬口，食晒真係好飽肚！話說個湯底真係幾正，我嗌左小辣，辣度啱啱好，勁多蒜，勁香，超好味～ 食完口臭足一日😂另外加左個黑糖珍珠鮮奶（$20）面頭有一層厚奶蓋，好好味😍 不過D珍珠冇甜味，同埋黑糖味有D怪，不過都接受到～最貼心既係，D職員見你用手機煲劇既時候，會遞上一個手機架～好正丫，吾洗做低頭一族🤪🤪

邊個有我咁鍾意食辣？今日心血來潮, 上網揾到呢間四川香辣烤魚, 好受歡迎！即刻要去試下佢！嚟到好多人已經排緊隊, 好彩我哋預先book咗位！招牌香辣烤魚唔使講一定要食招牌菜, 可惜今日冇三刀魚, 換咗紅油魚。原條紅油魚先烤後泡, 用上招牌香辣湯底, 堆滿辣椒, 聞到已經感覺很辣！紅油肉質結實唔鬆散, 鮮甜少骨啖啖肉, 啱曬做香辣烤魚！奉送三個素菜 蘿蔔、雞髀菇、雲耳用上香辣湯底嚟泡, 軟綿綿越食越索味, 很有辣勁！墨汁墨魚丸、牛肉丸丸類雙拼。墨魚丸顏色是黑色墨汁爽口有墨魚味。牛肉丸彈牙醮滿香辣汁十分惹味。雲南豆皮一片片薄薄腐竹片, 吸收滿滿香辣醬汁,滋味無窮！四川土豆粉用土豆粉磨成做粉, 圓渾厚身顏色外形似烏冬, 口感充實煙韌！