烤魚工房 (南天大厦) (已搬遷) 新店位置

最近冇得返大陸，但好想食烤魚，所以特登去元朗食烤魚工房試下，一去到好多人排隊！侍應服務態度好好, 介紹左呢個魚比我地食，品種唔記得咗，但係係最多人叫嘅！我地叫左麻辣味中辣，好好味！沒有太大嘅腥味，三個人都食得曬，魚肉充滿鮮味，配飯食好好味！另外我地仲叫左配料：年糕、萵筍。年糕煮熟左之後真係好好味!非常軟熟同埋入味！芒果沙冰👍🏻👍🏻👍🏻一百分！！！香橙百香果汁！好好味！勁鍾意飲百香果！大家得閒經過元朗就去試吓啦～

入到去元朗就會諗起好多嘢食，花多眼亂，如果要揀一樣嘢食嘅話，烤魚係我心水選擇，食魚之前要食小食，個人心水火熱推介燒茄子，香濃嘅蒜蓉味道，非常惹味，每人一條啱啱好，燒土豆片上面滿滿孜然粉，呢種香味真係難以抵擋，燒四季豆上面加咗少少辣椒粉非常爽甜，串燒蝦燒到非常乾身，可以連埋殻一齊食，每一次都叫一堆串燒先再食魚，因為實在做得非常出色，主角麻辣大辣烤江團魚，先用燒嘅方法燒到半熟，之後再加入去湯汁，形成外脆內軟嘅感覺，吸收湯汁非常平均

食完真係回味，第二次黎食叫左個小辣毛血旺，開胃得黎又唔會太辣，實在太爽了！兩個人食唔曬，魚肉好新鮮，配料又多，值得一食！叫埋杯水果茶一流。仲叫左碟茄子，好多燒烤feel,係香港真係好少烤魚好食，呢間岩曬得地，價錢又抵！

琴晚九點幾去左哩間位於元朗既烤魚工房😆去到入面都坐左大半人幾多人。兩個女仔叫左一條毛血旺烤魚，要左小麻小辣同清江魚($268+$10),再加左萵筍($18)🤩🤩另外叫左份蒜蓉茄子🍆($35)同一杯百香果水果茶🍹($39)仲有一碗白飯🍚($12)。主打既毛血旺烤魚好正!好大條又多配料,有午餐肉同薯仔,仲有豬紅同牛柏葉😋😋D魚肉好多好滑，但都有部分較多刺要小心同沒有炭烤既味道，條魚餸飯一流!!!最後食完兩個人都極飽但都清曬所有野,大滿足🥳🥳🥳🐈好味指數 : 4.5/5 👅

來到元朗要食好西，這邊有好多小店。香港有好多烤魚店其實都做得不錯。看到這家店面的格局，就很有內地的feel～點了招牌的毛血旺烤魚，湯底很濃，就好像內地餐廳的風味，類似海X撈那種重口味！魚還沒吃已經喝了很多湯底，飯後超級口渴😂整條魚也挺大的，另外也有點一些串燒的，兩個人吃的話很夠飽。平常也是吃海鱸魚，肉比較實，可是這邊肉質真的不夠滑～在香港吃過好多家烤魚，說真的比這邊魚肉滑的海鱸多的是。但這濃湯底確實不錯，下次或者試試別的魚類吧。前菜麻辣魚皮，汁很麻。這邊沒有加一服務費，覺得整體不貴啊～

其實我就唔係太喜歡出差評，唔好食嘅嘢我最多唔寫，但呢間食完我痾左兩日，瀉到我腳都軟埋、我就真係好想分享下。今日情人節，諗住簡單食個飯就揀自己喜歡嘅嘢食，嗌左啲串燒。魷魚鬚，39蚊咁樣兩串，真係好貴，又唔覺有咩特別。個茄子都係39蚊，味道還可以，但都係貴。到個主角烤魚，我嗌左個毛血旺口味，賣相就真係好一般，一啲都唔吸引。原本我想要江團魚，但話賣晒，職員推介話海鱸魚岩岩返，照計岩岩返應該係新鮮啲咁解，但係啲魚肉好老好鞋，完全食唔到魚肉本身應有嘅鮮味，其他啲配料就咸到苦嘅。最重要係真係唔新鮮，痾到七彩。

行過經過呢間鋪頭就入去試，小食，飲品都算幾好，係主角條魚鞋到爆，好似𡁻緊香口膠咁，食左幾啖已經唔想再𡁻，真係好鞋，食左d小食配菜，飲杯野就走，極及失望！下次唔會再黎

香辣豆花烤魚，揀左清江魚、中麻中辣，份量適合2-3個人享用，清江魚充滿住麻辣味，係麻中帶辣嘅，雖然都幾重口味，但魚肉鮮味都仲食得出，我覺得就算你食得辣都盡可以唔好order得太麻辣，咁樣先可以食到嗰浸魚味。配埋隔離嘅豆花食就啱啱好。最抵讚就係魚肉同豆花口感都好滑嫩，魚身厚肉少骨更加係無得彈。蒜蓉烤鮑魚，蒜蓉好彩無落到太多，所以鮑魚嘅鮮甜味道依然喺度，而且口感彈牙。烤茄子，茄子份量大，烤得超Juicy，食落有啖淡湯汁，鋪蓋住大量蒜蓉、香葱、辣椒，都幾惹味。烤韮菜、烤娃娃菜，有濃厚嘅孜然味，食落好香口。牛油錫紙金針菇包，金針菇索曬D牛油香味。蜂蜜蘋果蘆薈綠茶，蜂蜜、蘋果、綠茶混合嘅味道好清甜，仲要有粒粒蘆薈，飲落更加清新，做到解渴、解辣效果。健康百香果水果茶，份量超巨型，水果款式都有幾多，有香橙、百香果、蘋果，茶底味道都算濃，但水果味道主要係百香果，其他水果味道較為輕微，有解膩效果。

約了久未見面朋友聚舊，大家都想找一間可以慢慢坐傾計餐廳，朋友推介這間位於元朗的烤魚工房，一於試試！餐廳設計型格，牆上畫滿色彩繽紛塗鴉，有如身在街頭，而且每張台之間都有充足空間，十分適合朋友相聚餐廳主打烤魚，一坐下立即點了一盤毛血旺烤桂花魚。桂花魚肉質嫩滑，一直煲著都沒有溶爛感覺，十分難得。同行朋友不太吃辣，故點了小辣，但由於偏麻香，所以小辣已經十分足夠了。烤魚可隨意加點配料，推介寬粉，可沾滿麻香湯汁，好吃得不得了另外點了一些炸串，意想不到的好吃！厚燒牛舌串十分肥厚，燒得不乾，保留了肉汁，配上孜然粉，食不停口！烤雞中翼燒得皮脆肉嫩，好吃烤茄子是每次吃串燒必點，茄子的多汁配上惹味醬汁，是串燒獨有的美味這間高水準餐廳值得推薦！

平日都會返深圳, 係深圳食烤魚, 水煮魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~ 但係朋友介紹我, 係元朗教育路有一間食烤魚,重慶燒, 新開叫"烤魚工房" 佢話佢個度D烤魚同重慶燒都幾好食, 所以今晚約埋朋友一齊去試下... 開心開心~ 去到環境真係好唔錯, 好時尚, 一D都唔似食中式野既地方, 卡位好濶, 坐得好舒服~~ 我地點咗一個必食江團魚毛血旺麻辣味烤魚$298, 間單時加配菜平D~ 每款$16, 後加就$20, 我地加咗火鍋寬粉, 凍豆腐, 我地再叫咗一堆重慶燒, 有燒蠔, 燒扇貝, 燒魷魚, 燒羊肉串,.... 價錢由26-68蚊不等~ 尚叫低食~ (烤魚開頭覺得有D貴, 上枱原來洗面盤咁大碗, 足夠4人食) 因為有朋友唔食得太辣我地點咗小辣, 未食聞到已經流哂口水~ 魚好滑, 但肉質好實淨好新鮮~ 開始後悔頭先點咗咁多野~ 有D驚食唔哂~ 但個湯麻辣好惹味, 面頭D花椒好正~ 好好味~ 而重慶燒, 羊肉串同燒牛舌係必食推介, 仲有要提提記得飲佢地個沙冰~ 好大杯好扺飲架~ 一杯可以由頭飲到尾~ 好辣既朋友必定要試既餐廳~~ 全給滿分

家姐一直食過就話好好食，所以一直都想同我一齊去。到深夜時分終於大家都好肚餓，可以一齊約去。夾埋我同行有四個人，我哋安排左坐卡位，啱啱好。去到就揀咗江團魚，鮮青椒烤魚少辣。配菜就揀咗優惠組合，感覺個優惠組合好似好抵，食落都覺得因為組合嘅配搭揀得幾好，落係個魚度好入味👍🏻跟住揀咗鴨血同萵筍👍🏻兩樣我都推介嘢飲我哋一日就帶咗一杯唔同味嘅，我就揀咗百香果水果叫咗佢少甜，超級大杯，如果鍾意飲百香果水果茶嘅話一定要叫解渴解辣又好味，其他嘢飲佢哋都話好好味前菜方面都叫咗個芥末魚皮，叫咗佢小芥未，因為家姐食過話平時會好重芥末味，果然冇叫錯好爽口👍🏻我食到最後都好飽都keep住仲有食串燒就叫咗雞翼，金菇肥牛，燒蝦同埋燒蒜蓉生蠔。我覺得金菇肥牛就麻麻哋，燒蝦個殼脆脆地好味，雞翼都外脆內軟好味，個蒜蓉生蠔都好好味👍🏻總結：因為都開到好夜，下次食宵夜都會再嚟👍🏻

好多人返深圳都係為左食野，除左啱啱介紹過既椰子雞鍋之外，烤魚都係大眾之選近近地元朗一樣食到高質烤魚架餐廳除左大枱之外都係卡位，非常好坐，2~4人一爐啱啱好對比深圳當然就無咁平，但烤魚價錢都好合理，其他食物一啲都唔貴，重好大份而且店員熱心服務，居然唔使收加一香辣豆花烤魚 配 江團魚 $298 配菜每款$18烤魚既做法係用一個用火熱住既盆，放上烤過既魚然後好似邊爐咁，加入湯底同小量配料(餐廳建議唔好太多，喺4款以內)咁就可以食到最後一啖都重係熱辣辣，而且越食越有味店員非常熱心，會經常注意個爐夠唔夠熱同埋要唔要加湯烤魚既價錢主要係由條魚決定，有江團魚($298)、桂花魚($338)、海鱸魚($268)、清江魚($268)我地揀左店員推介既江團魚，完全無細骨，啖啖都係肉魚肉嫩得黎唔散，魚香味非常突出烤魚調味亦有好多款揀，有辣有唔辣我地點左個中辣既香辣豆花，會喺爐4角各放上一舊厚身既豆腐豆腐滑嫩有豆味，可以試下先食兩舊，剩返兩舊再煮耐啲先慢慢食湯底用正宗四川空運底料做，真係好香，麻就唔算好勁辣度黎講都唔算好勁，中辣都偏向較易入口 (當然係對食得少少辣既人黎講)魚上面除左灑上辣椒同葱花之外，最正係

天氣凍凍地又係要去食辣野嘅時候啦！我地想食烤魚但友人住係大西北唔想入港島又唔想返大陸食，於是就決定試下e 間位於元朗嘅烤魚工房！我地係平日去食，但係一入到去而已經爆場，睇黎間鋪頭都幾受歡迎！佢地d slogon仲好好笑，不停強調店內有大量靚仔，請小心看管女朋友，至於係咪真呢，就留返俾大家自己黎到觀察下啦hehe首先我地叫左一份烤茄子小辣，超推！佢唔似一般四川食店咁好重孜然味，反而有少少mix左泰式燒烤咁嘅味好特別，係其他鋪頭食唔到嘅味道之後再嗌左其他串燒，分別有羊肉串同雞軟骨。雞軟骨燒到脆卜卜好香好正，而羊肉串燒得啱啱好唔會太老好難咬，而且唔會太肥，食多幾串都冇問題最後就係重頭戲烤魚！首先佢有好多唔同魚俾你揀，例如係桂花魚同海鱸魚。而我地就揀左佢地鋪頭推介嘅江團魚。之後就再選擇辣味。例如有泡淑味同香辣豆菜味。最貼心嘅係竟然有唔辣嘅烤魚！唔食辣嘅朋友可以叫蒜香or豆豉。而我地諗左好耐最後決定叫毛血旺，放棄左小龍蝦。最後就可以揀埋配菜，我地嗌左最扺食嘅優惠組合，有金針薯仔蓮藕同海帶都只係$59! 條魚好大條好香，我地兩個女仔係食到勁飽。而且小辣對於我e d淨係食到某米線鋪10小辣嘅黎黎講都

想過下口癮，食辣辣烤魚，又唔想返大陸食，比我搵到呢間係元朗嘅烤魚工房🤩唔使特登北上！😂-江團魚🐟+香辣豆花烤魚 $298呢度有得揀魚嘅品種同唔同味道，我揀左店舖推介嘅江團魚同香辣豆花，果然冇介紹錯，魚肉肉質嫩滑，最重要係冇細骨，可以大大啖食魚🤩豆花好滑溜，點汁再同魚肉一齊食好正啊🙈個汁好香好惹味-蒜蓉燒扇貝 $75面頭好多蒜蓉，唔怪得咁香😍帶子大大粒，同d粉絲好夾❤️d蒜蓉味入曬落粉絲度 呢度嘅燒烤水準真係好唔錯🙌🏻-烤茄子🍆 $35呢個價錢食到成條燒茄子可以話幾抵👍🏻茄子肉夠熟可以一絲絲咁刮出黎食，而且面頭有蒜蓉同辣椒，燒到好入味🤤🤤

烤魚由國內傳來香港，一向深受歡迎，都被它的鮮，辣、麻所吸引住😂😃我也當然不例外！今晚約左元朗朋友一起過來朝聖，這家呼聲很高的烤魚工房🤩🤩仲有即叫即燒串焼，可以滿足曬我地😉😉星期六，日最好吃早場因為7㸃必定滿座😝我們未夠六點可以直入😙😙地方舒服，卡位為主，店員好nice 食都食得特別開心，全場一起烤魚，麻，香，辣充斥住，很有氣氛😬😬江團魚較小骨，肉厚，大條，非常適合做烤魚😃已配有豆腐，可以吸曬精華🤤🤤更有牛，牛柏葉，金菇，鴨血，午餐肉⋯⋯串燒選擇非常多，雞亦好出色，外皮焼到脆卜卜，肉嫩滑，加上孜然粉，更香口👍👍蒜蓉鮑魚，一上枱蒜香撲鼻大大隻，爽口鮮甜👍👍食返啲蔬菜平衡下，韭菜，茄子🍆份量很多大大碟，感覺很抵食🥰🥰豬頸肉、牛肉、雞軟骨，尤魚鬚，組成左串拼盤，好香口，小小辣，吾太咸，肉質好嫩😆😆好好味呀😛😛飲品方面就試咗佢哋自家製嘅百香水果茶，清新嘅感覺返嚟拉！超大杯，坐幾個鐘都飲唔晒🤩🤩服務食物質素都算高，價錢合理，冬天要再來多幾次🤭🤭