無辣不歡 (已結業)

自從疫情之後好耐都冇去過葵廣食嘢因為多數都係掃街成日要除口罩好唔方便呢日就特登約埋朋友喺葵廣買完嘢食之後上studio食就冇咁唔安心喺街度除口罩首先係麻辣手撕雞呢個招牌菜非常之出色而且$28咁大份真係好抵食相比之下隔離嘅皮蛋都係20幾蚊但係就少份量好多冇咁抵不過都好食嘅仲有就係小食拼盤我哋揀咗豬耳同鳳爪最後仲揀咗必嗌嘅土豆絲呢個係我食親川菜都會想食嘅好惹味又大大份我哋三個人share呢啲食物都食得好飽每個人除翻開都只係$50好抵食要留意嘅係整體都係偏辣我自己就OK但朋友其實唔係太食得辣如果佢有得揀小辣就好啦

自己本身都好鍾意食辣野 每次去葵廣都會見到呢一間好似好辣嘅舖頭 終於忍唔住去試吓🌶.麻辣手撕雞拉麵 細$20 大$30今次叫咗碗大嘅拉麵 麵上面全部都係手撕雞 有少少木耳同蔥 湯上面有好多辣油 睇上去勁辣😋🌶飲咗啖湯 個湯係日式豬骨湯 成個湯都好濃郁同好辣🍜麵質方面都幾好 個麵好彈牙 🐓主角手撕雞都好入味 好夠辣 食完成碗麵全身都出晒汗 個嘴好麻🤤好滿足.麻辣手撕雞烏冬 湯同其他餸都同麻辣手撕雞拉麵一樣 淨係由拉麵轉左做烏冬 不過烏冬同個湯唔係好夾 個人覺得拉麵好食啲

叫左幾樣野 得個辣！冇其他味 如果大家鍾意淨係齋辣而冇味道嘅可以叫呢間第一次食到咁差嘅嘢 真係得個辣字 完全可以冇味道 不如我自己倒啲麻辣油落去 冇味道冇調味 以後都唔會再叫

即食即出😋葵廣多小食係人都知🤓但我而家黎到葵廣，目標只有一個🤣就係無辣不歡嘅#麻辣手撕雞冷麵 ($25/大)之間食過手卷已經覺得好正 但估唔到冷麵更吸引因為醬汁方面完全睇唔出係辣 係胡麻醬咁食落去係好惹味 食多兩啖 啲辣就開始嚟料🥵唔止辣 麻嘅感覺好強 不過真係好好味雖然好麻好辣 但會忍唔住繼續食🤪份量好足 啲雞都好索醬汁 所以超推薦‼️-裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

在葵廣食過兩間手撕雞冷面（另一間係地下）但最後次次都回頭幫襯依間👍🏻這次就叫了一個麻辣手撕雞蕎麥面（小）$20下單的時候記得要講埋要大/ 中/ 小辣呀！我就選了大辣...其實份量都算唔少 吃完剛剛好可以再掃一點小食以麻辣來說 麻係多過辣的 但吃完又唔會好味精好口渴大辣我第一次食 真 係 好 辣 ！但不是「死辣」 是食得出有爆香過啲材料唔食得辣的朋友記得考慮叫小辣😂手撕雞大小都不錯 當然價錢同質素都成正比雞都不算「鞋」，份量都頗多

近排香港日日都又曬又熱，搞到我唔知食咩好。葵廣不嬲出名食嘢又平又正又有冷氣，所以我決定今日去葵廣到食下野！行過見到呢間無辣不歡，見到有手撕雞冷麵就二話不說買嚟試下。手撕雞冷麵 ($25)老闆手腳好快，果頭比錢呢頭就有得食！一見到碗野就好驚喜，手撕雞竟然鋪到成碗麵都係！我好鍾意食胡麻醬撈麵，而呢碗麵嘅胡麻醬都一啲都唔孤寒，條條麵都痴到胡麻醬，但又唔會太稠太heavy。最重點係佢只係$25，平時同樣價錢喺第到都食唔到咁多手撕雞同胡麻醬！我食完之後好滿足，下次嚟葵廣一定會再食呢間！

又到咗葵廣覓食時間🙌🏻唔想浪費葵廣嘅好飲品 配辣嘢就啱曬喇 加上要快速飽肚嘅話 喱間絕對係必選🤓.🍴手撕雞蕎麥麵（大） HKD$35 大大個外賣膠盒分咗兩邊 一邊放滿雞一邊放滿麵 一睇就知份量足 可以happy share👭先講麵㡳 蕎麥麵似韓式個種有少少蒟蒻感 而唔係日式個隻 初食時條條分明 掛埋盒㡳嘅少少辣油都真係幾惹味🤤個麻辣即使係小辣都做到麻嘅感覺 好過癮 辣度就大概相等於譚仔嘅4-5小 可以一戰🤔而雞就同坊間嘅手撕雞唔同 喱度係一舊舊嘅雞 但每舊都唔會鞋 仲好入味添 重點係食極都有 絕對唔使慳住食😍小插曲：本來想買番屋企分享 但麵㡳放耐咗就變到一patpat🤯所以真不宜買完搭長途車 都係即時食最好😣.推薦度：8/10

My local friends strongly recommended this shop for their Mala shredded chicken! It’s my third stop in Kwai Chung Plaza! A piece of advice, if you can’t take spicy, never order this! Go for sesame shredded chicken instead. It’s quite spicy but if you love MALA, you would love it, just like me! I would prefer the shredded chicken to be skinless, but you can remove it manually when eating! The ramen was fully absorbed with the mala soup and every slurp was so good!

麻辣手撕雞微辣少份,味道少麻少辣剛好,吾食得太辣的記得叫微辣,麻辣無骨鳳爪微辣,鳳爪爽口👍🏻👍🏻👍🏻仲有好多唔同款式麻辣食物選擇,下次再試下其他麻辣.麻辣手撕雞蕎麥麵麻辣無骨鳳爪正

好耐無去過葵廣蒲喇🤣XD，去到仍然見到係食店同夾公仔機係佔最多嘅，老實講我好少喺葵廣掃街，應該只係食過幾間，而且喺三樓嘅。但呢日發現原來二樓都有個角落係賣嘢食嘅，其中特別有一間大排長龍，行經兩次都係同一情況。佢就係叫「無辣不歡」🌶。我就即刻上網睇吓食評先，原來係出名食四川辣菜嘅，包括手撕雞同麻辣小食等...。一場嚟到，我哋又忍唔住排埋一份，試吓係咪真係咁正，加上近來鍾意咗試辣，但利申唔食得辣🙈。真係好鬼多人買，落單畀錢到食物Ready，前前後後都成廿分鐘😫。好搞笑哋女店員成日會消失咗，因為佢行咗去布幕後面嘅廚房(偷望到)。題外話，佢好忙，但都OK好禮貌。手撕雞蕎麥麵(細)($20)，賣相幾唔錯，麻辣手撕雞嘅份量都幾多，但蕎麥麵就真係少啲了，嗯應該得兩啖左右。不過當小食嚟講，係OK嘅，無人同你講係正餐嘛，哈哈🤣。$20話平唔平，但呢個價錢確係一試無妨。麻辣手撕雞🐔正如其他人所講，辣味果然係幾勁，一開頭唔覺嘅，但食下食下辣味慢慢滲出嚟。可惜味道唔係想像中咁一試難忘，因為我認為個麻辣唔夠鹹。蕎麥麵就無乜特別，但好過食湯麵，另一選擇。三色芋圓冰粉($18)，呢個係追加項目，因為驚個麵會辣，而且

之前食過拉麵，幾中意夠麻夠辣，麵質唔錯，易入味。今次拎返屋企食，所以買冷麵，都正正常常。但雞翼尖很差，下面只有辣油，雞翼尖無味，白雪雪，中有少少so添😪，不值得一試。

號稱全港首創既手撕雞撈蕎麥麵❤️👍🏻今日買左個大既黎試試（$25），細既就$20😘😘我地再叫左spicy taste架～值得一讚既係手撕雞既份量好多，基本上一半雞一半麵，一打開就覺得好抵了🥳芝麻醬好juicy亦有青瓜絲等等伴菜，唔錯，不過覺得唔夠spicy 可以再辣d就好喇！（個人認為未到tamchai既小辣程度呀）蕎麥麵涼伴其實都幾match chicken 架！見到店內仲有拉面選擇，下次亦打算一試！

想喺葵廣搵食，食辣好廢既我竟然想食手撕雞，弊在大部分手撕雞都係辣既ｈａｈａ我搵到間好似幾出名既店，叫無辣不歡，叫左個雞配麵，辣度無得調整。佢個賣相好靚，見到呢種麵都流晒口水，個雞望落唔辣，食落先知辣，仲愈食愈辣，其實幾好食！不過辣到我成頭汗，即刻去左對面買返杯茶解解辣ｈａｈａａａ佢價錢完全唔貴，所以相對地份量不多，當小食ｏｋ，當飯就不可以了～Ｄ手撕雞好香好滑！！加上大量白芝麻喺面頭，所以非常之香～

去到大人細路都鍾意食嘅葵涌廣場，呢一間好似都有少少名氣，喺第2樓，人流唔算太多，買咗呢個手撕雞蕎麥面😻😻😻嗌左小辣已經好惹味！辣味係慢慢滲出嚟，呢份細份$20。

終於特地來葵涌廣場覓食，知道這裡有很多美食，胃只有一個那就去比較多人讚的小店啦！我們都很喜歡吃麻辣口味，所以就決定買一份外賣和家人一起分享，我們叫了一盒正宗麻辣手撕雞（少辣），我們回到家大家一試原來都好惹味呀！好彩叫少辣因為都幾辣呀😆唯一覺得手撕雞有些比較大件了少許😃