無辣不歡 (已結業)

葵廣多左好多賣辣野既食店，由地下果層到3樓都有，可想而知香港人有幾中意食辣野。我同朋友都唔例外，黎親都要食番少少辣野先得!! 😌今次揀左2樓既無辣不歡，全因為比佢既手撕雞手卷吸引左，佢另外仲有個手撕雞蕎麥麵都幾受歡迎，不過胃唔夠大，要留番D空間比炸雞同薯條😆，所以同朋友Share一個手卷算數。本身想試wasabi味，可惜職員話已經無哂😣，得番原味。原味手撕雞手卷($19)呢度既手卷真係好大份，雞肉份量滿到瀉!!😮 呢個真係好抵食，唔單止頂有雞肉，連個心同底都有架!! 頭一兩啖都未覺得辣，但原來佢既辣係黎得較慢，所以之後越食越辣，我仲辣到要即刻搵野飲….😳 雞肉唔鞋又滑溜，不過食落完全無鹹味，如果鹹番D會更好

路經葵廣總要吃點小吃, 這家無辣不歡感覺相當吸引, 一行三人點了一份麻辣手撕雞及一份麻辣無骨鳳爪, 兩者都要了中辣。店家頗多人光顧, 落單付款後會告訴你號碼等候。左：麻辣手撕雞(中辣), 右: 麻辣無骨鳳爪(中辣): 手撕雞很入味而且雞肉嫩滑, 入口先麻再辣, 唯今天的雞較肥, 而且不夠凍, 雞皮未有爽口感覺。右邊的無骨鳳爪夠冰凍, 吃下整體感覺更好, 而且比手撕雞更辣, 但相對沒更入味, 只是外表很辣很辣。吃完整個嘴巴都麻了, 要到隔壁買豆漿解辣。建議不能吃太辣的朋友還是選小辣好了, 而且要準備好飲品才挑戰。

覓食三人組 又來到無辣不歡兩位組員都叫麻辣勁揪得本人就淨愛辣 麻辣就一般好但試過葵廣咁多間麻辣呢間真係堅好揪麻到入心🌶🌶🌶🌶🌶我地點了麻辣wasabi手撕雞手卷麻辣牛肚拼牛𨫀(中辣)麻辣手撕雞(中辣)手卷好足料 完全多雞到邊食邊跌Wasabi味道唔出 已被麻辣味蓋過雞很嫩 回頭再食的機會很大但大前提是要有野飲先😂牛肚同牛𨫀非常爽口 麻辣亦是越食越辣手撕雞跟手卷的一樣 沒大分別亦是非常麻辣 最後食到舌頭都沒感覺了😅😅😅鍾意麻辣的不能錯過👍🏻

買完衫，到2樓行下，天氣咁熱、突然想吃D刺激食物，見到佢相片都好吸引，於是買咗兩款產品。舖仔細細但有很多選擇，主要是外賣的。我買咗麻辣雞翼尖，要中辣，除雞翼尖好入味外，配菜亦入味。尖椒皮蛋真係好正，超入味再辣D就仲好。

唔係第一次光顧無辣不歡，之前食過手撕雞手卷，亦都食過雞翼尖，最近試過手撕雞蕎麥麵，亦都覺得相當足料，所以幾乎每次黎，都會買兜食下。位於葵廣二樓，平日同假日佢都幾好生意，好多時黎都係只有兩位店員，鋪面多數唔見人，喺廚房製作，所以都會積聚少許人流，要俾少少耐性等由於今日係兩人同行，就點左個大份嘅手撕雞蕎麥麵，一大盒，老實講性價比幾高，麵條、雞肉各一邊，麵條唔會煮到太腍，而且幾入味，天時暑熱，特別想食冷麵之類。食到底會有少量辣油，唔及面頭嘅麵條乾爽。雞肉份量不少，撕成粒狀，經調味後，辣勁十足，唔好睇少，好幾次都食到留哂鼻水。雞肉唔會老、韌、乾、柴，以呢個價錢實在合格有餘除左夠醫肚，味道亦都唔錯，難怪佢生意唔錯架。葵廣都多左好多呢類麻辣、酸辣、涼拌小食，但我食來食去都係呢間

好耐無去過葵芳廣場「掃街」，多左好多特色鋪頭都未見過，不過都係里間比較吸引。就叫左份手撕雞蕎麥麵帶走加餸。叫左個細份($20) 要小辣試試先，好夠味得黎又唔會太油，配蕎麥麵口感比較特別，又好似好健康咁，都幾抵，早知咁好味就要大份啦。

相信蒲開葵廣既人都會試過下，無試過都會聽過下😝👇🏻貝兒仔試過既有😝手撕雞冷麵手撕雞拉麵手撕雞手卷三款都係$19$20咁上下，因為麵類我只會點細份，方便之後繼續掃街嘛🌝三款之中我最中意既一定係冷麵！始終葵廣人潮洶湧咁，如果食拉麵既話，雖然係熱辣辣、味道十足，但係⋯⋯企係一邊食熱野都幾狼狽🙈至於冷麵，除左因為佢食起上黎無咁「哩hea」之外，最重要係佢雖然唔似拉麵咁完全浸在熱辣既湯之中，但佢依然辣味充足，但又唔會太over(本人辣度上係食開譚仔小辣既程度）最後都要提下手卷既手撕雞既份量呢，就三款都係咁足料，絕對係對得住你比$20呢個價既，但係我覺得手撕雞同手卷，就係唔夾啦，尤其仲要係充滿辣汁既手撕雞喲！首先佢幾乎係圈好左個手卷先放雞肉係上面，而且雞肉都比到好足，所以一般食野比較論盡既人（例如我），好容易會咬兩口都開始整跌左啲雞肉😭浪費了其次就係手撕雞本身充滿辣油，啲油會不停滲滲滲，滲到啲飯同紫菜都滲到油，若然食得唔夠迅速/相機食左勁耐但自己都仲未食，就有機會係出現👉🏻啲油滲到連包住手卷果張紙巾都有油😩食舊手卷都食得「烏呢單刀」咁總結黎講呢夏天食冷麵、冬天好好地搵個位置食拉麵😋😋手卷就同我無緣

早前經過店舖門口，看到門口貼了一張海報，內容是某雜誌的飲食排行榜。當中表示「無辣不歡」是必食街頭小食之一。既然是必食項目，就要來朝聖一番了。「無辣不歡」主打麻辣小食，筆者今次就點了手撕雞蕎麥麵來嘗味。除了圖中的小份量，還有$35的大份量。不過，筆者覺得小份量剛剛好，吃罷不會太飽，可以去試同場內的其他小食。不得不讚手撕雞蕎麥麵的辣汁非常入味。一開初兩三口感到有微辣的感覺，然後越吃越有辣勁。吃到最後數口，整個口腔已被麻辣感覺充斥。美中不足：手撕雞中有數塊雞皮舖了在面（見圖）。由於筆者不喜雞皮，有少許扣分。正值炎炎夏日，來一客涼食是不錯的選擇。點餐時留意到店舖有手撕雞手卷出售，這個配搭也非常創新。有機會再來的話，必定試試～

葵廣愈黎愈多川辣野，呢間主打手撕雞，有手卷、麵、涼拌、小食等。對上一次黎葵廣就試左手卷，當時見有唔少人買蕎麥麵，又想食雞翼尖，心思思是日冇地方去，就去葵廣走一轉試埋。由於今次係外賣，就唔怕無地方妹雞尖。手撕雞蕎麥麵 $20/細揀左中辣，廿蚊黎講，都算抵食。盒底唔會有好大層油，正合我意。手撕雞份量俾得適中，有皮有肉，撕到粒狀，稱唔上十分滑溜，唔鞋我已經收貨。麻勝過辣，短時間內口水分泌，麵質軟硬適中，唔會一餅野，而且幾入味喎麻辣雞翼尖 $18一盒約有14隻，由於呢隻雞尖size偏大隻，幾好肉地，所以價錢都可以接受。平時唔係十分鐘意食麻的話，都係揀少辣比較穩陣，男朋友放棄左，我食得好過癮

👁‍🗨 麻辣手撕雞💲28好耐無黎葵廣，今次同行朋友好鍾意食辣，過左黎無辣不歡🤔因為我唔係好食得辣，但係朋友話好值得一試，所以就我叫左個小辣既，第一啖已經覺得好麻，個嘴邊好快痺曬😂之後一路食一路流眼水鼻水好咋🙈不過個味又真係好吊癮，就算係咁都仲想繼續食😳呢個時候味道其實已經勝於一切，肉質都可以唔駛理，唔會話鞋同韌就可以，間唔中有雞皮連住咁樣🤓下次都係會回頭🔛 整體評分（7.5/10）

葵涌廣場所賣的四川小食店可謂有增無減，愈開愈多，所以要逐一嚐遍也要一定時間。因為之前幾次來無辣不歡太多人光顧，沒耐性等候的朋友都不想花時間等待，最後都吃不成。今晚人流相對較少，所以我們一人買了一盒細手撕雞蕎麥麵，蠻會吃辣的我挑了中辣，朋友則選小小辣。由於我的是中辣，故手撕雞跟蕎麥麵的色澤比小辣深紅，看到這令我更為期待它的味道。手撕雞香辣惹味，雞肉肉質軟嫩，雞皮部份滑溜卻不油膩，處理雞肉雞皮方面不錯。蕎麥麵軟硬剛好，不會過於軟腍，也有彈勁，吸附麻辣的手撕雞醬汁後咀嚼時味蕾過癮無比。

講起黎 其實我唔算係一個好食得辣既人食譚仔10小辣有時都辣得出哂汗不過呢間真係辣得好爽 係痛並快樂着既辣呢間葵廣小店係主打麻辣 最出名係麻辣手撕雞 但其實佢其他麻辣小食都做得好出色同朋友之前食過一次 辣到跳舞 但又真係食過返尋味今次就去試佢既新菜 麻辣豬大腸有學生價 28蚊 份量都唔小 因為我唔算食得辣 所以叫既係小辣閒落好香 大腸食落口軟腍得黎係有咬口 而且相當入味 個種麻辣既味係辣落口腔到 食得多係會辣到好似著火咁 真係好上癮好正 佢隻唔係辣到喉嚨痛個種 食得好放心

葵涌廣場雖然好似好多嘢食, 但其實好多食得多啲已經有啲厭。今日試下呢間, 都唔錯。叫左個麻辣wasabii手撕雞手卷, 先19蚊但大大隻。好麻辣。係好麻辣。麻辣味同wasabii雙重刺激住味蕾。其實係正, 但我食唔倒咁辣, 有少少辛苦。而個份量。。好多手撕雞。係好多手撕雞。櫻桃小咀包唔住..一路食一路跌落嚟😂好狼狽😂葵涌廣場有勁多活同嘅麻辣嘢同手撕雞, 但其實每間都有佢自己嘅特色。呢間係幾好味, 下次會再挑戰。

今日係星期日決定搵個friend 去葵廣'掃街'，因為我地兩個都算叫做食得辣所以就梗係要去呢間無辣不歡挑戰下啦！佢嘅手撕雞有好多配搭，除左淨手撕雞之外，仲有手撕雞手卷、手撕雞喬麥麵等等，仲有其他涼拌小食添。麻辣豬耳，牛𦟌，雞腎等，不過應該都同手撕雞一樣味嘅，下次我地會再試下！我地今次叫左麻辣手撕雞，要左小辣。份量都叫做多嘅，但係小辣都幾辣架，食完之後我地都即刻去買野飲。佢有好強烈嘅麻味，食完條脷會麻左。

呢排愈來愈多食四川辣野既舗頭, 但唔係間間好食食過呢間既麻辣牛肚同豬頸肉, 真係辣到飛起, 係跟足四川果隻辣度本人都唔係好怕辣果D, 叫左微辣都唔係頂得順, 見到D人下下叫中辣, 心諗: 佢地食辣食到好勁一般人都係叫微辣算啦同埋食完, 記得要食香口膠, 否則成日都係辣味