煲仔榮記 (已結業)

呢日lunch time路經呢間煲仔榮記就一於同朋友食下佢~我地12:25已經到左, 但係入面既位都比較少, 都等左20分鐘先有位~ 入到去就即刻落單,因為等個陣都諗到食乜, 我地叫左兩個午餐同埋一個沙嗲牛肉公仔麵煲~ 一個係麻辣芝士豬頸肉窩飯, 呢個飯夠哂惹味, 入面D芝士汁俾得岩岩好,唔會話太多同少, 麻辣味好夠辣, 但又唔會太辣,對我黎講乜都係恰到好處! 因為煲上既關係其實食到最尾都仲係熱辣辣! 我地都叫左個檸蜜梳打解解辣~ 跟住就係菠蘿包漢堡配炸蛋, 菠蘿包漢堡好特別, 原來佢既包皮係甜甜地, 因為用左菠蘿包, 佢入面仲有一隻煎得好脆既蛋, 漢堡, 生菜絲同埋蕃茄, 食入口岩岩好,唔會太油, 估唔到用菠蘿包夾住呢D 野會係咁夾~ 炸蛋都炸得好出色! 沙嗲牛肉公仔麵煲就夠哂熱, 入面D 麵有勁多沙嗲汁, 每啖麵都沾到足夠既沙嗲汁,而佢既牛肉都有好多, 夠哂惹味! 下次要再黎食佢既煲仔飯!

久仰慈雲山榮記茶餐室嘅「煲仔沙嗲牛肉麵」大名 😎不過慈雲山有啲唔就腳🥲知道佢係旺角開咗副線煲仔榮記，趁放假一於去試吓😚餐廳裝修風格係80年代嘅港風，枱同櫈都係舊式摺枱同摺櫈😌真係好懷舊啊😚✨ 必點-沙嗲牛小排出前一丁牛小排比沙嗲醬料滿滿覆蓋，令紮實嘅牛肉係沙嗲嘅香氣裡面更加浸潤入味🤤出前一丁非常掛湯，每一啖都食到濃濃嘅沙嗲湯底味✨菠蘿包漢堡配炸魚蛋以菠蘿包代替傳統漢堡包🍔真係非常特別。菠蘿包嘅酥脆外皮呈現金黃色，內層夾住半熟煎蛋，漢堡，番茄同生菜🤤係一款好適合影相打卡嘅美食💕✨煲仔芝士腸粉軟嫩嘅腸粉配融化嘅芝士🧀係煲仔中慢慢加熱，口感非常豐富💕✨ 燒潤腸潤腸燒得好香脆，令人食唔停口✨凍檸蜜梳打酸甜可口，清新宜人，十分適合係夏日享用。✨話梅檸檬忌廉酸甜口感同忌廉表現得絕佳，滋味獨特，絕對會令你一試難忘。

😋煲仔飯大家都食過～煲仔腸粉🤩煲仔湯麵又食過未呢？🍲呢間好出名㗎！除咗招牌煲仔飯、沙嗲煲仔麵、慈雲山馳名街頭小食～最近仲新出咗煲仔腸粉、麻辣芝士撈丁添！👍🏻由細到大都鍾意食腸粉，梗係要試吓啦😋😋一個 煲仔腸粉（配肉碎）都只係$28，有四款醬汁可以選擇（芝士/麻辣/沙嗲/XO）✨滿足啲另外有9款自選配料，我今次就叫咗「 #豬頸肉炸墨丸沙嗲煲仔腸粉」，腸粉外脆內軟，加埋醬汁非常香口惹味呀🤤嚟到梗係食埋招牌煲仔飯啦！#臘味三寶煲仔飯 ✨飯好香！粒粒分明，飯底仲有脆脆飯焦，正呀！#沙嗲滑牛出前一丁 推介！佢哋嘅沙嗲真係好惹味👍🏻🍸話梅檸檬雪碧🍸檸蜜梳打午市套餐送嘢飲，好抵食！

前幾日放假一早約左媽咪去旺角買嘢，行到餓經過煲仔榮記剛剛開門～平時人山人海一直無機會幫襯，呢日一開門就衝入去🤭🤭🤭🦀蟹粉炒腸粉～煎到脆面的腸粉，吸收了蟹膏蟹肉的鮮甜味~食之前再用匙羹兜均D蟹粉～香到隔離幾枱都望過嚟睇吓係乜？🤭🦀蟹粉芥蘭～蟹粉好好味，食極唔厭，煲仔芥蘭，鑊氣十足🍚秘製豉油汁白蟮煲仔飯~白蟮厚切，啖啖肉，米飯吸收咗蟮嘅肉汁，非常鮮味！呢度嘅飯焦煲得好靚，成個底金黃焦脆，加埋佢地秘製嘅come撈汁非常惹味😍🦐鮮蝦丸豆腐煲蝦丸好彈牙，加埋自家制蝦油，成個湯提升哂個鮮味同香味

凍就好想食煲仔飯 食下d佬野都好滋味咁啱旺角開左間煲仔飯 🍲淨係睇門面裝修 都夠哂吸引加上係慈雲山榮記茶餐廳嘅副線 更值得一試餐廳有兩層 都算多位 平日晩市等5分鐘左右就有位招牌金蠔蝦乾煲仔飯 $1483隻金蠔 色香味俱全 醬油均勻 包滿厚實 口感濃郁 蝦乾曬得啱啱好 唔會太硬 食完仲有咸香既餘韻😆可以就自己喜好落煲仔豉油同蝦油又再香口d 焗一焗仲有脆卜卜既飯焦 係煲仔飯嘅精華所在呀☺️秘製豉汁白鱔煲仔飯 $118白鱔雖然唔係特別滑 都份量十足 鮮甜入味 有少少細骨 食嘅時候就要小心d所有食物都係單點 不設套餐 食煲仔飯緊要飲返杯可樂gur gur佢啦小小編就話美中不足嘅係冇啤酒🍻（男人的浪漫真係多🤪）

超級難食，叫咗個臘鴨煲仔飯，啲肉硬到咬唔開，味道好差，食咗兩啖已經冇食 價錢仲要唔平 食完係要去第二間舖頭食多次晚飯職員態度都OK嘅，真心覺得失望平過佢嘅煲仔飯都好食過佢

$108 一個排骨煲仔飯連凍飲。一個好食既煲仔飯，最重要係個飯底，佢個飯底出息在，做到極硬同乾，可以一嘗食飯食到口累既感覺，每一啖都可以訓練咬合力。至於個配角排骨，經過精挑細選，粒粒精緻，骨肉比例分明，能夠做到非一般骨多過肉，完全物非所值。店員服務及態度極具特式，黑住面跟你落單，上菜速度有非一般既效率，等了超過半小時食物才上枱，飯還未食夠一半，訓練有素既店員，就埋黎趕客交枱（當時還有大量吉枱）。極之推介的人棄煲仔飯🤡。

假日係旺角行下順便食飯，天氣凍想食煲仔飯，突然醒起有間煲仔沙嗲牛肉麵，之前睇介紹係呢間係慈雲山榮記的副線，鐘意食沙嗲牛肉麵，但未食過慈雲山榮記(好想去但唔就腳)，趁今日好凍之下試下煲仔沙嗲牛肉麵先。假日的7點幾去到，剛好多有4人位，用餐時間1小時，都幾短時間。餐廳有兩層，店內裝橫懷舊，搶眼的傳統花牌、昔日香港照片，我地坐上層，上層就冇乜特別裝潢。本地出品的醬油。餐牌，煲仔湯麵，有三款口味揀，醬汁、麵底及餸都可自由配搭，第一次來到試下沙嗲牛肉煲仔湯麵。仲有一款沾麵系列，同價$78，其實都好想試，佢註明係重口味，都係試湯麵好了沙嗲牛肉煲仔湯麵，$78。講真呢個價真心貴，湯麵賣相不俗，用瓦煲上保溫熱騰騰，湯底據聞係用錦香沙嗲醬，沙嗲味道濃郁，比較偏鹹，出前一丁麵，腍左點。凍咖啡，$20，正常水準。熱奶茶，友人的。食物味道正常水準，價格偏貴，服務態度正常，試下算了。

近來天氣都持續寒冷，行開旺角見到有間賣煲煲仔麵嘅餐廳，於是即刻入去試試。我叫左沙嗲滑牛肉煲仔出前一丁，講真味道唔差，沙嗲汁都幾濃，但肉同麵嘅份量偏少，而且午飯時間沒有set選擇，飲品又需要另外加錢叫，所以覺得係旺角呢個美食集中地黎講性價比未夠高。

食過慈雲山個間煲仔飯同麵覺得唔錯！就去食下旺角依間煲仔榮記依間裝修環境好過慈雲山好多店員招呼都好好不過沙嗲牛肉煲仔麵就比較失色，沙嗲味好淡無味，都係慈雲山好食d！

星期五晚8點15入去食等左20十鐘先有先有個麵食 之後再得多15分鐘先有煲仔飯同伴食完成個沙爹麵再等多一陣煲仔飯先上黎仲要啲肉餅未熟 紅色嘅服務態度差 舉手追單幾次都扮睇唔到食完2140 出到旺角咩鋪都關晒哈 成個星期五晚ruin 左

冬天凍冰冰，又係時候食煲仔飯啦～～慈雲山出名嘅煲仔飯，係旺角開左分店啦，真係好啱冬天食😋😋😋🎣秘制豉汁白鱔煲仔飯$118豉汁同白鱔真係最佳拍檔😋😋👍🏻👍🏻👍🏻 大大件白鱔，無乜骨，啖啖肉，好抵食😋😋🍤🐙🦑海味三寶煲仔飯（蝦乾，瀨尿蝦乾，銀魚仔）$128個人好鍾意咬蝦乾同瀨尿蝦乾，好香口👍🏻煲仔飯，最正係啲飯焦呀😍😍😍食完暖笠笠，好滿足😌😌😌

一行六人星期五晚去，叫四個煲仔飯，一個沙嗲豬頸肉粉絲，飯無飯焦都算，白鱔煲仔飯，果6舊白鱔瘦過瘦骨仙，其他就普通料，但無飯焦都輸左一半，個沙嗲就一般，味有既，但唔好味，唔夠濃，小食，叫果樣無果樣，最後得個賴尿蝦干有，但焗過左火，有苦味無甜味，最後仲要人均低消80蚊，我明白係旺角既繁忙時間有低消好正常既，但你都要有野比我叫先得嫁，叫咩無咩，小食得啲炸老蛋炸牛丸，咁我叫路邊車仔檔啦，最後如果要食，中午就要去，如果唔係咩都無

煲仔飯嘅季節黎啦 入冬除左打邊爐 就梗係食熱辣辣煲仔飯！今次叫左白鱔煲仔飯每次都無令人失望白鱔肥美好多飯焦榮記嘅煲仔飯 係幾好食，不過其他小食就差d。 今次試左佢嘅「風琴魷魚」餐牌相👇🏻實物相👇🏻同職員講我地叫風琴魷魚 同餐牌唔同樣 以為比錯左。點知職員話影相嘅時候撕開左一條條嚟影，所以有出入 （心諗餐牌果張相點都有厚度d，真係好大出入）凍嘅 依個應該係零食 😅炸牛丸..一般支裝汽水竟然可樂同忌廉都賣曬可惜

Black shop夜晚7點幾到，等咗多過半個鐘先入座。上到樓上叫野食，點知叫咩都話賣晒，半個餐牌嘅嘢食都冇 叫咗個出前一丁，總共$78。叫左個面絕對唔好食 啲面又淋 豬頸肉又唔好食另外一個燒魷魚30幾蚊 完全喺嗰啲零食包裝度 拆出嚟係咁二燒兩燒擺上台叫左兩個煲仔飯 等咗40分鐘，聽到佢同第二台講冇白鱔 咁我哋順便問吓我哋嗰個飯有冇，佢話有但係整緊，期間兩次叫佢覆單check 一check 又唔覆最後同我講兩個飯都冇晒，最後有個阿嬸上咗嚟同我哋講原來賣哂，態度差到爆完全係全香港最差嘅餐廳