燒肉の牛太・本陣 (H8)

營業中

休息中

突然想食日式燒肉料理，問問朋友就介紹我嚟這間。嚟食午餐價錢相對比較平，所以性價比也高👍🏻第一次嚟，大大的玻璃窗，好開掦。午餐揀咗$109及$129嘅和牛餐，另外再加牛舌和上級橫隔膜肉，仲有豚腩肉。跟餐有前菜.丶湯丶飲品同埋雪糕。燒烤肉我都比較擔心食完成身BBQ味，不過這次冇，可能抽風好，同埋日式燒烤冇咁大味。和牛丶豚肉丶牛舌丶橫隔膜肉全部都唔會用好重的醃料去醃，真係食到各款肉的味，口感嫩滑，牛有牛味，豬有豬味。$109嘅和牛已經好好食，滑加有牛味。$129嘅和牛入口即溶，一個字，正！牛舌係完全冇硬或者嚡的質感，我第一次食橫隔膜肉覺得都係好滑嫩帶少少彈牙嘅爽，豬腩肉一d都唔肥膩👍🏻前菜丶湯就基本大路野。侍應有禮貌同埋一入到嚟已經比口罩紙套👍🏻細心。以午市嘅價錢來食這個質素嘅和牛及肉類，性價比係高！

今次已經係返啅仍然真係無失望一定要食特上和牛本來好似上次散叫今次諗住叫多幾款個姐姐超好人提醒原來餐牌後有套餐順便讚一下成間舖只三個姐姐但佢哋都超好招呼仲要係好快好幫手兩次都食得好開心套餐加埋蔬菜拼盤可以試盡唔同部位和牛嘅油脂真無敵更正記得送飯黎食不過隻辣椒就超辣仲有隔離就係日本仔好似去咗日本咁連日本人都食嘅燒肉Edaciousness 8/10😋😋😋一定會再嚟

食住但馬屋嘅日本和牛慶祝過年，祝大家牛年牛氣沖天行大運！Be Happy燒肉外賣套餐黑毛和牛特上盛盒，包括有黑毛和牛上級牛肋肉、黑毛和牛牛肋肉、黑毛和牛上級牛脊肉、黑毛和牛牛脊肉、澳洲和牛橫隔肉、牛舌、豚腩肉、大蔥、青椒、生菜、胡椒鹽、燒肉汁、芝麻油；黑毛和牛上級牛肋肉、黑毛和牛牛肋肉肉質肥瘦適中，口感軟腍；黑毛和牛上級牛脊肉、黑毛和牛牛脊肉肉味濃郁；澳洲和牛橫隔肉肉質嫩滑，牛味濃厚；牛舌口感爽脆，食落有咬口，肉汁飽滿；豚腩肉肥瘦相間，外層口感焦脆，食落油而不膩。 日本產黑毛和牛，紋路呈雪花紋，油脂部分入口即化，食落好香口，油香味濃。

本來諗住去食牛角，但太多人，之後改食拉麵鬼xx, 都係好多人😫😫😫轉左食炸雞，又係好多人，最後係H8簡左尼間，冇咩人，2個人坐大枱，正，舒服😌第一次來食，見其他人都係話lunch set抵食，但晚餐冇，都唔知食咩肉好，所以求其叫左個$689咁既拼盤，又叫左個菜拼盤$5x，一個飯$39。價錢大大約數，唔係好記得清。總括來講，唔係好抵食，貴，肉類又唔係好食得出咩特別，而且食種類比較小，冇咩選擇，菜既種類真係令人擔心，燒洋蔥還好，燒大蔥真係第一次，好奇怪，仲要收咁多錢，唉！食左2片肉，感覺好似係我身上切落來咁痛，咁就差唔多要$1000😖仲有燒豬肉，係好似係日式拉麵入面塊差燒，麻麻地。

其實有時想食燒肉，未必想係去放題式餐廳😛餐廳午市menu只有4款選擇，店員話全部都係和牛，只係再分質素加價上去。然後唔食牛可以特別提供豬肉。我地試左最平果兩款😂 分別在於$119果個冇筋有油香啲，$89果個肉味反而重啲但有啲un😂 餐廳樓景位要除鞋，係嵌入式榻榻米設計，成個感覺好開揚坐得好舒服。套餐好幾抵食包飲品(有乳酸梳打🥰)+Haagen dazs雪糕!!仲有張卷可以下次換罐裝咖啡。上級 午市燒肉定食 $119午市燒肉定食$89

之前係apm食個間有放題，不過有嚴重食唔哂問題，所以今次去呢間不設放題的分店lol(都係食唔哂lol)唔知係咪因為冇放題，呢間勁清靜，又裝修唔同，又多日本人 哈哈，喜歡喜歡，環境很好首先是帶子，對喔又是它lol同放題的帶子果然兩個級數呢一粒係超明顯爽口d唔係軟軟的，而且我燒得太好味lol我地點了一個生牛肉麻油味好香濃，肉質冇太恐怖(好似第一次食tartar 式生和牛)黑毛和牛好多油花又好嫩好靚喔，但太油，一燒搶哂火勁驚lol呢幅相下一秒就係烈火雄心了，好驚lol本以為會過火同太燶，但又冇喔，邊位好脆但肉質又嫩又多汁~~食完呢個已經飽左，不過仲有呢盤lol 食燒肉總會眼闊肚窄右邊的兩款部位比較少脂肪，係琳中意的口感。比較多咬口。左邊的一種真係太多脂肪同油花，最後真係吃不下三塊~

留意左呢間餐廳好耐 上網睇啲相真係唔錯所以疫情稍為緩和終於都嚟試下，預早book 左位坐榻榻米時間係晏就1點半，環境舒服 就算本身座枱既位置都唔逼 。同朋友分別叫左$119 $149餐睇下個分別上面係$119set 大慨有7塊左右 厚度適中下面係$149set 雖然得4塊 但都大大塊嫁百零蚊set 絕不欺場，和牛入口即溶 配埋個set既日本米 話咁快食哂成碗飯真係 仲叫左頂級牛舌芯，但真係美食當前 不能夠相機食先厚厚既牛舌 燒佢幾十秒 表面燒到金黃 咬落軟淋 滿滿油香 真係好正 （大家幻想下）係幾咁好食 最後仲有杯雪糕食下 呢餐lunch 真係大飽口腹。值得一去再去

突然之間很想吃燒肉，於是便跑到尖沙咀H8 21樓燒肉本陣吃午餐，21樓景觀比較開陽，座位比較闊落坐得舒適，週六也有lunch set，四款選擇，我們選了兩個餐：上級燒肉午餐定食，特上燒肉午餐定食。坐了一會兒已經滿座。每個午餐定食也包括燒肉、伴菜、白飯、湯、飲品及Häagen-Dazs雪糕，上級燒肉：大約有八塊，份量頗多，肥瘦均勻，牛肉肉味香濃；另一款特上燒肉：有五大塊肉，特上燒肉油脂比上級燒肉還要多，肉質比較淋身，肉味亦更香濃，各有各好味。餐廳無論環境食物及價錢也非常不錯。下次一定再encore。

環繞我地身邊既兩三台都係日本人證明依間店有返咁上下水準先吸引到佢地我地坐左係店內有幾個塔塔米既位置 .雖然價錢稍高 但相對地肉質絕對唔馬虎主打A5和牛 和牛脂肪分佈好平均 特別上等牛小排 牛胸腹一班朋友都食到Lam Lam 脷要再encore呀. 一睇色澤粉嫩就知係上等靚牛肉 食落滿口油脂之餘 亦保持到肉味和牛水準一流 配上特調燒汁 人間天堂.後排：厚切牛舌夠哂厚度、唔會太難趙最愛既甲羅燒中間有一粒奄春蛋令甲羅燒口感更加濃調綿密食一個點會夠😋.成餐飯CP值十分高和牛質素成正比絕對對得住咁上下價錢 .見到隔離台有個和牛肉砌成既蛋糕下次同朋友慶祝都係一個特別既選擇

發掘到尖沙咀扺食燒肉午餐，推介比尖沙咀上班族之朋友。位於厚福街H8 21樓，lunch set 包括了燒肉定食，飯，拌菜，湯，飲品及甜品。Lunch set 只有四款，唔同價錢代表牛肉質素不同。上級燒肉定食 (HK$119) 燒肉有八大塊，份量適中。而且牛肉雪花分佈平均，口感軟熟。燒肉是自己烹調的，生熟程度可自行決定。由於是屬於較好的牛肉，個人建議不要太熟，大約七成熟剛剛好，入口軟化。最後甜品是Häagen-Dazs雪糕，還有各種口味給大家選擇，大家記得留肚食雪糕呀！

Really excellent wagyu Yakiniku, one of the highest quality wagyu I’ve had in Hong Kong at such a reasonable price. Their lunch sets range from $90-$150hkd and even if you don’t select the most premium grade wagyu, their mid tier wagyu is also melt in your mouth kind of amazing. So glad my friend recommended this gem, can’t wait to take my family here.Also the ambience and location is a huge plus. Since it is located on the top floor of the building, you get an impeccable view if you sit by one

同男朋友慶祝生日 見到呢間既是日式燒肉 又是omakase 而且價錢合理 所以就一於試一試前菜 - 麻香鹽味沙律 及 泡菜開胃之選🥰黑毛和牛 甜醬油他他估唔到係燒肉台可以食到和牛他他賣相亦都好吸引調味適中 有少少入口即溶既感覺上級 牛舌芯牛既舌頭最中間既部分第一次食！ 口感好豐富 而且牛香好濃 好特吃火灸黑毛和牛壽司媽呀 呢個真係入口即溶肉汁超級多 但比較油膩 得一兩舊剛好！幸福生蛋拌飯呢個名改得好 真的好幸福但到差唔多一半 有飯落肚 又係另一境畀加埋燒肉同黑松露油 拌勻一齊食 好 幸 福澳洲和牛 上級橫隔肉男友最愛肉味超級濃 又多肉汁 油花分佈平均!整體係非常好既晚飯體驗服務質素同環境都良好食物方面 個人認為是超值的 我會再回來的！

今日星期日本着尋寶嘅心態周圍睇吓燒肉店！竟然比我搵到呢間！堪稱頂級澳洲和牛放！就試吓佢咩料，一坐低店員就會介紹時令牛肉！呢度仲有A5豚肉！只要加錢仲有無限嘢飲供應！呢度提供嘅和牛多達十幾款，最好食嘅係牛小排油脂分布平均，配上佢專業調製醬汁，真係人間美食！就連豚肉當係肉質彈牙，經過炭火燒烤後更加好味！重有店員講解同幫手燒！和牛質素媲美5星級酒店！應該係話比五星級酒店更加好食！服務態度亦都係賣點之一！這個價錢有這麼好的服務態度！加和牛真的物有所值。

講到明係非一般燒肉！就梗係要來試吓，一入到門口服務態度已經好到難以置信！畢竟都係一間燒肉放題，竟然有咁樣嘅服務質素，真係要讚一讚佢，一坐低已經有專人話俾我哋聽時令燒肉有邊幾款，咁當然梗係聽餐廳話，叫咗幾款餐廳推介，果然冇錯，肉質鮮嫩，經過炭火燒烤之後仲充滿質感，未食落肚已經流晒口水，重點係有專人幫我地燒，保證啲肉唔會過火，唔單止牛肉仲有亂口嘅豬肉都非常吸引！簡直係食過返尋味！睇相就知超級無敵好食😋

黎lunch叫左個119 set，超好食同埋抵食，店員好有禮甘介紹話全部都係和牛，除左179係定食其他全部有得燒!之後野飲又可以走冰，今次飲左烏龍茶，牛肉肉味濃，沾的燒肉汁又好好食，最好成碟汁拎晒去撈飯，個蛋花紫菜湯都好有質素，仲有黑椒芽菜，最後仲有杯icecream，環境又靚又清淨，有除鞋榻榻米位，亦有不用除鞋的座位，一碟肉吾夠食都可以加錢叫多d, 已經黎過好多次，無限encore! e到真係一個好地方