燒肉屋 (清風街)

心郁郁好想食燒肉，搵到附近有間日式燒肉店，衝衝衝！我地叫咗個二人餐，包咗好多items，麵豉湯同前菜都係無限添加㗎▪️午市商務二人前▪️ 原價$530 特價$399🔸八爪魚柚子醬醋沙律（小份）🔸酸酸甜甜，幾開胃🔸四味五花肉 - 黑椒、鹽、蔥蒜、果味醬汁🔸每一塊五花肉隔肥隔瘦，好平均，可以食到油脂嘅脆口，又可以食到滿瀉嘅肉香，細心啲燒到啱啱好熟，仲好juicy添。咁多隻味，其中果味醬汁真係好特別😋這個餐仲可任選價值$88午市定食兩份😗🔹流心熔岩多三文魚飯🔹半生熟蛋+蛋黃沙律醬+鋪滿超香嘅三文魚+滿滿紫菜碎，咁樣真係超邪惡好食，啱哂我嘅口味～🔹果汁雞扒 配 紫菜碎日本珍珠米飯🔹甜甜帶少少橙味嘅果汁雞扒，燒得啱啱好嘅話唔會鞋口，真係適合配飯食。隨餐仲有汽水&雪糕🍧食到飽到癲又返翻去返工啦～燒肉屋 (天后)📍天后清風街10號清風大廈地舖

今日lunch time經過天后呢間日式燒肉店決定同同事入嚟試下，入到門口已經覺得裝修好有心思，好似去咗日本嘅餐廳咁。今次我哋就叫咗個午市商務二人前，$399有無限任添嘅前菜、燒肉、兩份午市定食、甜品同飲品，真係超抵食！前菜有任添嘅泡菜、蓮藕、海帶同埋麵豉湯，但我哋想留肚食主食，所以食咗一round就冇嗌，而且有時仲會有豆芽、茄子、大根唔同嘅款式，唯有下次再嚟試。另外仲有個柚子醬醋沙律，面頭仲有啲芝士粉同埋麵包粒，超好食！燒肉方面，今次呢個set可以揀超長日式牛仔骨同四味五花肉，我哋今次就揀咗牛仔骨，烤肉調味仲有提供日式烤汁、豆瓣醬、黑椒岩鹽同埋蒜片，不過牛仔骨本來已經醃製好，唔洗額外醬汁都好入味，牛仔骨肥瘦均勻，有肉眼可見嘅雪花，一放入烤爐已經香氣撲鼻，每一啖嘅牛肉都軟腍入味，鮮嫩多汁，絕對會想再encore！另外枱上仲有鉸剪，可以剪成一塊塊咁慢慢燒。主食方面，可以揀$88嘅午市定食一份，今次我哋就嗌左吉列豬扒配黑松露忌廉石鍋烏冬，吉列豬扒每一啖都好香脆，炸得啱啱好，肉質細嫩，而最有驚喜嘅係呢個黑松露忌廉烏冬，一上碟，黑松露嘅香味已經撲鼻而黎，配埋邪惡嘅忌廉，口感豐富，簡直係人生組合

食過一次就夠 食物質素同份量都對唔住價錢經openrice買咗二人餐 集中品評當中品項烤肉：厚切A5和牛粒三拼（原價＄536） - 三拼中共有 三小塊牛肉，4粒牛柳粒，3片厚切牛舌雖然牛柳粒同牛舌質素都ok，二人餐比三片真係好難分同吝惜。如果原價可以寫到係536hkd，定價可以話超級進取。無見過咁低性價比嘅拼盤。你可能會問原價有咩意義，但個set嘅加一係跟佢mark 嘅「原價」。唔知店主mark 原價做hkd536對唔對得住自己良心果味醬汁五花肉（一條）荔枝五花肉（2件）五花肉普通，放題質素，醃料無特別燒雞翼（2件）二人set 雞翼得兩隻 咁平嘅食材唔知點解唔可以比多d，亦都係普通放題質素豬肥腸（小份）原來係兩條台灣腸湯：清酒煮蜆湯 - 超級鹹飯/麵：三蛋燒汁紫菜飯或 辣醬辛辣麵嗌咗紫菜飯，三隻蛋熟度不一，有全熟，有d蛋白未熟。更甚係三隻蛋完全無蛋味。街市湖北蛋仲好過佢。似係用黎塞飽個肚。都真係需要因為其它野份量偏少燒烤甜品雪糕兩份似係牛奶公司-無野好講環境幾靚，近乎無抽風，侍應態度唔覺有禮貌有好多好d嘅選擇，例如同價位放題

今日經過天后清風街，聞到陣陣烤肉香味，一睇原來係這間《燒肉屋》的餐廳傳出來，咁啱又肚餓，唔使諗一於入去開餐。入到餐廳，裝修好有日式風味，座位雖然唔算多，但都坐得幾舒服，店員又好禮貌。頭盤～法國生蠔，size適中，肉質Creamy，非常新鮮。跟住係～超長日式牛仔骨，Size真係好長，一路燒一路聞到肉香，食落口肉質好嫩滑，又冇渣，再用塊生菜夾住嚟食，冇咁肥膩，又另外一種食法。薄切A5宮崎和牛後腰肉～呢片肉比較薄身，上下興一下即刻可以點雞蛋和醬汁一齊食，呢片和牛入口即溶，好有牛味，加埋蛋漿更加滑口。蒜蓉牛油帆立貝，帆立貝加上蒜蓉牛油香味，原來可以咁夾，又冇冚咗啲海鮮味，超好食。我哋仲嗌咗兩杯特飲～葡萄愛梳打，海中錦鯉梳打，兩杯都好特別，飲完感覺好清新。總括嚟講，呢間餐廳，食材新鮮，款式又多，同朋友食飯傾偈，不錯的選擇！

收工經過天后食街～ 提早咗黎，終於遇到冇咁多人，可以舒舒服服入黎食番個午市商務二人套餐。個餐幾抵食，而且麵豉湯、前菜都係無限添加~~🥢頭盤：八爪魚柚子醬醋沙律。酸味味刺激胃口🥢燒肉：超長日式牛仔骨。燒肉店當然要有燒肉～ 擺盤非常吸引。長長一條鮮嫩牛仔骨肉質鮮嫩多汁。預先經過精心醃製，一放入爐燒烤就感覺到香氣撲鼻。簡簡單單好易就燒完。每一口咬落都能感受到牛肉的豐富油脂，軟腍入味，真係抵食🥢定食@吉列蝦配燒汁牛肉丼。雙拼有齊吉列蝦同多汁的燒汁牛肉～ 好味@燒菠蘿炒牛肉丼。勁大片切好嘅菠蘿。燒烤後大大增加甜味，微酸感覺更加刺激味蕾。與牛肉的鹹香相得益彰～ 🥢套餐最後仲包埋飲品同甜品，抵食

<<韓式前菜>>共五款: 韓式泡菜,  涼拌豆芽, 涼拌海帶芽,涼拌蓮藕同大根.個人最鍾意大根,  夠入味, 又無渣!  <<熊仔漢堡包柑桔梳打>>遇溺熊仔嘅造型, 加埋漢堡包糖, 令到成杯加哂分. <<波子乳酸汽水之棉花雲朵>>顏色好靚, 仲有一片片嘅糖仔響棉花糖上面, 又睇得又飲得. <<時令海膽>>見佢海膽做緊半價, 即刻點左一板. 海膽新鮮, 顏色鮮黃, 入口帶微鹹嘅海水味.用手捲落紫菜包嚟食, 仲好食. <<四味五花肉>>上枱好形好睇得, 肥瘦好均勻.店員教埋我哋先燒比較淡味嘅先, 仲要用細火, 要有耐性. 燒靚兩面後, 要再剪細燒哂六面.加埋泡菜,蒜片, 烤汁; 再用生菜包嚟食. <<原條厚切牛舌>>大大碟牛舌!入口好有牛味, 口感彈牙爽口,  唔點醬汁都已經好好食! 

天后清風街～食街之第一選～燒肉屋有Set有散叫+仲有鮮花牛肉花呢個系人均$350，真心特色又美味葡萄愛梳打～系人極推介，原汁原味-圓圓的葡萄冰粒，男友似女孩😂😂😂心受pinylady吸引的草梅棉花糖特飲前菜系無限追加三味三蠔～特價$198本人比較喜歡魚子夠曬矜貴係咩呀？俾我呀？鰻魚～厚切慢燒加醬汁隆重登場🫶🏻🫶🏻🫶🏻推原條橫隔膜加原個菠蘿🍍加埋就100分肉好淋滑冇渣有肉味，爆汁加埋菠蘿的甜酸推至極限

終於等到9月開學，仔女返哂學梗係要同老公撐枱腳啦！搬咗去東區之後發現原來港島真係美食天堂，而今次就同老公嚟到天后清風街嘅 #燒肉屋 食午餐。店內係日式居酒屋嘅裝潢，我入店仲有陣陣燒肉嘅香氣。坐低快睇餐牌就諗到食乜！一於叫個 #午市商務二人套餐 啦！落咗 order 之後會先嚟件菜 + 湯，有酸酸辣辣嘅 #韓式泡菜、爽脆嘅 #蓮藕片，仲有海帶，同埋我好鍾意嘅 #麵豉湯。跟住再嚟就係超開胃嘅 #八爪魚柚子醬醋沙律，超開胃又好味！跟住就嚟主菜啦！身為三文魚愛好者就叫咗個 #流心熔岩蛋三文魚飯，飯面仲有大量紫菜碎，成個飯係估唔到咁好味。嚟得呢到個個都係想食燒肉，我哋就叫咗個 #爽脆豚肉片，燒到底面都脆卜卜，加啲泡菜配埋個紫菜飯，真係好食到停唔到口。仲有好靚又一定要影咗相先嘅 #超長日式牛仔骨，咁長點燒呢？唔洗怕，枱上有鉸剪提供，客人可以將牛仔骨剪開做細細件，再慢慢燒，牛仔骨肉味超香，用嚟配飯一流。至於飲品我哋就飲汽水，店員仲會配埋冰底 (平時冰底要加錢)，呢到唔洗，隻杯仲要好靚添呀！總結：店內環境舒適，望咗好耐諗點解頭頂咁多沙包，原來係紙巾嚟㗎！搵機會一定要帶埋仔女嚟食先！

店名: 燒肉屋地址: 天后清風街10號清風大廈地舖天后站A1出口，行4分鐘環境: 4.5/5價錢: 4/5味道: 4/5今次同朋友黎到YAKINIKUYA ，佢哋主打創意日式燒肉店，裝潢以日本為主＋少少韓風。全間餐廳度度都是打卡位😌燒肉醬汁有日式麵豉、日式烤汁同蒜片，仲有多款韓式小菜，有泡菜、蘿蔔、海帶等，都係無限refill架😚菠蘿配原條橫隔膜(200g)❤️❤️❤️❤️$239原條橫隔膜上枱好吸睛👁️足足成200g😆燒過後有咬口又有層次，肉味濃郁，配上酸酸甜甜嘅菠蘿🍍就更好食😍味覺激賞3味生蠔❤️❤️❤️❤️$198生蠔🦪有3種味道👅肉質creamy新鮮，帶有陣陣海水味，加上醬汁味道就更為鮮甜突出🤩爽脆白鱔片(配浦燒醬汁）❤️❤️❤️❤️❤️$168有4大舊，店員推介先燒肉再燒皮，最後搽上浦燒醬汁，肉質超厚實，咬落啖啖肉又夠哂彈牙🥰百香果菠蘿梳打❤️❤️❤️❤️$58飲落唔會太甜，有陣陣菠蘿🍍同百香果嘅香甜味，加上梳打味道清新🥳波子乳酸汽水之棉花雲朵❤️❤️❤️❤️$68打卡必點‼️ 棉花雲朵☁️充滿空氣感，配上波子乳酸汽水，夏天飲一流😙

用餐期間無主動提供任何一款小菜生菜，食到最後見隔離台有泡菜同生菜，我地問先卑咗一碟仔泡菜，肉品質素差到離譜，799套餐裡面和牛只有4片，似手指尾咁闊又薄，其他單點嘅肉質一般，單點海鮮蠔無蠔味，海膽無海膽味最後買單人均360，成檯人平均體重不超過55kg，但係無一個人係食得飽，食物質素差到唔想再落單，出咗間店立即去另一間食糖水填個胃，呢間燒肉係我自己搵，見評價幾好就來試下，食完自己都覺得對唔住朋友，果然網上d好評應該都係買返來，紅日晚飯時段全場只有2檯客，係有原因嘅

食飯多數去銅鑼灣，但朋友話天后都有得食燒肉，所以就去試下前菜有好多款，可以任食法式生蠔 而家做緊$48買一送一，咁就每人叫一隻試下雖然生蠔唔係好大隻但勝在新鮮爽口，呢款蠔蠔味同海水味唔係好重餐前小食就岩哂超長日式牛仔骨打卡一流有肉汁，可以用生菜包住食冇咁膩薄切A5宮崎和牛後腰配特製月見燒汁輕輕一燒就熟左，唔好燒太耐，牛肉會老可以配埋特製月見燒汁，正蒜蓉牛油烤帆立貝基本上乜野加蒜蓉牛油都冇得輸仲有叫左2杯打卡飲品，幾靚

捉住暑假嘅尾巴，同朋友搭叮叮遊走港島，經過銅鑼灣嘅時候，佢講起天后清風街有間燒肉屋，主打日韓燒肉，加上我哋超鍾意食，所以係附近落車行去食。入到去店舖的的骰骰，但環境佈置得好有心機，播嘅歌都係我鍾意嘅。坐低左後，店員先夜低幾款韓式前菜，有辣味豆芽、醬油大根、醬汁茄子、泡菜等，仲可以無限refill，啱晒我啊❤️烤肉調味方面提供蒜片、日式烤汁、豆瓣醬、黑椒、岩鹽。諗好食咩就舉手叫左幾款菜式，盡情燒燒燒🔥———————————————————————🍍菠蘿配原條橫膈膜 200g $239菠蘿嘅甜酸味同豬橫膈膜嘅肉質都幾夾，菠蘿嘅天然甜味中和橫膈膜肉嘅油膩感，令整體感覺更清新。橫膈膜肉質柔嫩，有嚼勁，而且超級大塊，要用鉸剪✂️剪開幾塊慢慢燒，與菠蘿嘅搭配使口感層次。菠蘿配原條橫膈膜嘅賣相相當吸引，色彩鮮豔😋😋😋中間仲可以用生菜包住燒肉、前菜同醬料調味，然後一啖食落去🤤🍓士多啤梨乳酸汽水の棉花雲朵 $68顏色配搭好少女，棉花糖溶入飲品中時，味道都唔會話好甜，士多啤梨嘅果香中和左甜味，香氣農郁，帶黎清新嘅口感。

朋友帶我去天后食lunch ，食性價比高的燒肉。原來燒肉屋有商務午市餐，食物多款，最正係丼有好多款選擇👍🏻🥗八爪魚柚子醬醋沙律八爪魚同柚子醬令人先開胃，酸酸甜甜再加上八爪魚的彈牙口感與爽脆的生菜帶岀柚子的清香🥩燒超長日式牛仔骨自己燒烤，我幾喜歡自己燒烤，因爲可以燒到外焦內嫩，肉質多汁。再配上特製的醬汁，咬落有又够爽，唔鞋口🍱柚子豚肉丼嫩滑的豚肉為主角，搭配柚子的清新味道，形成了獨特的酸甜平衡。豚肉既醬汁令人食多左飯🍣流心熔岩蛋三文魚飯流心的熔岩蛋，輕輕切開時，蛋黃流出，與三文魚的鮮甜再帶有滑嫩感，增添了豐富的口感最後仲有雪糕和飲品，份量也多❤️

今日係天后嘅燒肉屋餐廳，我和同事度過左一個愉快嘅午餐時光🍽️。呢間餐廳不嬲以頂級燒肉同定食套餐而出曬名🔥，而我地今次就揀了左份午市商務二人餐。估唔到一開始就被任食的小吃所吸引🥢，醃製蓮藕、韓國泡菜和茄子粒各有特色，口感清新，特別係韓國泡菜，酸辣適中，讓人食欲大開😋，搭配埋濃郁嘅味增湯，真係溫暖人心☕。主菜方面，我點左一份果汁雞排🐔，搭配一碗紫菜碎日本珍珠米飯🍚。雞排係要自己燒嘅，不過燒幾下就熟，而且外酥內嫩，果汁的清甜與肉質的鮮美相得益彰，每一啖都好有驚喜✨。而我嘅同事就選擇左蔥鹽流心牛肉丼🥩，牛肉嘅鮮嫩同豐富嘅醬汁交融，令人印象深刻，流心蛋口感嫩滑，撈埋米飯一齊食，真係忍唔住一口接一口🤤。成餐飯嘅重頭戲就係四味五花肉🍖，呢道菜有四種不同醬料醃製嘅五花肉：黑椒鹽、韓式醬汁、蔥蒜和果味醬汁，五花肉肥瘦適中，無論係香氣定係口感，每一種風味都叫人欲罷不能😍，特別係果味醬汁嘅獨特甜味，為五花肉增添了意想不到嘅層次感🌈。另外，套餐仲包左兩杯冰鎮雪碧🥤和兩個雲尼拿雪糕🍦作為甜點，清爽飲品同香滑雪糕為呢餐豐盛午餐畫上完美嘅句號🏅。加上天后的燒肉屋非常chill嘅餐廳環境🌟，同埋多款美食套餐，我肯定會再

「燒肉屋」位於天后食肆林立嘅清風街，裝修風格帶有濃厚嘅日本昭和時代氛圍，好吸引眼球。店舖抽風系統做得好好，完全冇油煙味，乾淨企理，令人感覺舒適。餐廳結合🇯🇵日韓式料理同燒烤🇰🇷，選擇多多。午市商務套餐只需$399😍🔸無限添加嘅三款前菜同麵豉湯🥣🔸八爪魚🐙柚子醬醋沙律🥗🔸 超長日式牛仔骨任選兩款定食：🔸 洋蔥牛肉🔸 鵝肝牛肉石窩飯🥤汽水 x2🍨雪糕 x2食材新鮮又份量十足。我最愛「超長日式牛仔骨」一放上枱面已經係相機食先📸味道同樣吸引，牛肉味濃郁，肉質腍滑。店員熱心又有禮貌，營造輕鬆用餐氛圍。我覺得呢度好適合同朋友放工嚟食飯。我已經即刻book定枱放工再嚟試吓佢哋嘅海鮮膽同手工啤酒🍻