燒肉武田

營業中

休息中

性價比高，分量質素完勝💯！一向都鐘意試不同燒肉，今次發現沙田有新開燒肉，梗係要試試啦！打電話訂位後，有人會WhatsApp confirm 留位，再俾埋啲餐牌您睇，俾留位訂金後，就會再WhatsApp confirm 。我哋今次三個人，揀咗$598個餐，有刺身、海鮮盤同燒肉，另外加咗$30甜品飲品放題，起初我哋諗住係同平時啲燒肉放題差不多，點知原來係成架船擺上嚟！！打卡贏哂👍👍👍🥩啲肉真係超高質，入口即溶，首盤分量仲要係打孖上，唔係同平時啲放題咁樣，3個就3片，4個就4片，呢度已經完勝其他放題，起碼唔係慳住俾客人！仲要有個即場用日本米煮嘅飯，可以食住燒肉再食啖日本米！刺身就正常，帶子厚肉鮮甜！🦪🦐海鮮盤就會等我哋食完啲肉就送上，職員講係每日新鮮揀貨，呢個真係堅，因為啲蜆一熟就標啲水出嚟彈到我哋，係新鮮先會有足夠水份，呢個要讚！！再講，海鮮分量又係超多，質素又係超高，食得出鮮甜！😋🍰🍦🍩甜品都幾多選擇，驚喜係有我最愛嘅朱古力蛋糕，但佢唔係普通朱古力蛋糕，係特濃朱古力蛋糕，真係極之好味！！水果都有幾款，可惜太飽，食唔哂。所有職員又笑面迎人，又有禮貌，執碟又快，唔會食到成枱都係嘢。

約朋友黎食個燒肉lunch～地點方便 就係商場入面 鋪頭裝修日式好有feel~食A5和牛+海鮮刺身餐 3個鐘～午晚同價 咁夜晚黎食幾抵！一入到黎見到啲甜品已經吸引住我嘅目光款式好多～芝士蛋糕最正～其他如果想留肚回本嘅話就忍一忍啦😂聖誕cupcake好cute cute☺️朱古力雪糕with好多配料同醬揀～超！好！食！夠creamy口感firm味好濃～根本唔係朱古力味！係「特濃」朱古力！終於入正題😂冇好好咁靚影，但咁離遠睇到睇到正啦！好多唔同部分揀～滿滿油花～好香口～不過和牛始終油啲膩啲所以我哋好快轉嗌安格斯 冇咁油可以再塞入胃☺️好好食！個人鍾意牛味重啲嘅所以真係可以無限食唔停🤤海鮮都係無限任點～都好新鮮！蝦好多膏～仲有刺身😂真係唔知食得邊樣 刺身就正正常常咁啦 不過刺身有漏單嘅情況 比較奇怪 和牛同海鮮就黎得好快嘅！食到咁上下 食下新鮮嘅沙律同甜甜嘅生果fresh fresh佢～生果有哈蜜瓜 西瓜 菠蘿 大滿足嘅一餐！仲想帶屋企人再黎！

今日第一次去食，啲嘢嚟到見到已經唔想食，啲肉上枱嘅時候係雪藏到硬晒有冰，牛舌捲埋晒亂鋪上碟就俾人。即使只係正常燒一陣，燒完啲肉全部都好韌。唔明點解有食評寫住好食，何以見得，唔信你哋可以自己去試吓，我就以後都唔會再去！

好耐未試到真正有質素嘅燒肉放題了唔喜歡食放題質素係其中之一，最接受唔到收我5/6舊水90分鐘/120分鐘收我枱。咁樣我做咩要出街食，上網訂舊靚肉屋企自己慢慢煎啦。睇咗食評/拍片介紹，都幾有信心地以衝鋒心態去試。訂位WhatsApp訂位十分順利。收deposit都合理。係啲”confirmation”分咗幾十次又WhatsApp 又電話仲要重複，去到坐低仍然再問，嗰下需要改善。好耐未試到真正有質素嘅燒肉放題了唔喜歡食放題質素係其中之一，最接受唔到收我5/6舊水90分鐘/120分鐘收我枱。咁樣我做咩要出街食，上網訂舊靚肉屋企自己慢慢煎啦。睇咗食評/拍片介紹，都幾有信心地以衝鋒心態去試。訂位WhatsApp訂位十分順利。收deposit都合理。係啲”confirmation”分咗幾十次又WhatsApp 又電話仲要重複，去到坐低仍然再問，嗰下需要改善。服務訂座/現場職員態度極佳，又照顧小朋友。五星好評。爐好用，火力易控制。人唔會太熱。爐邊抽風，「火燭」同油煙問題非常受控。職員有幫手睇住。主動換網👍🏾👍🏾經優良訓練同有眼力。食物A++武王3粒鐘，不作他選。前菜刺身，海鮮，肉都極高質。新鮮，鮮甜

我最近去了一家期待已久的燒肉餐廳，但經歷卻讓我非常失望。首先，食材的質量讓人不敢恭維。牛肉的口感非常乾柴，完全沒有我預期中的鮮嫩多汁。送上枱的牛肉未融雪，而且牛脷非常韌，完全咬唔開。最後，餐廳的整體環境也大打折扣。用餐區擁擠且嘈雜，完全沒有燒肉應該有的舒適和放鬆感。總的來說，這次燒肉用餐體驗讓我非常失望。我不會再光顧這家餐廳，並且不會推薦給我的朋友們。如果你正在尋找一家高質量的燒肉餐廳，建議你選擇其他地方。加了$30只有幾款飲品選擇，甜品亦唔好食。

之前行過新城市睇到新開的。 昨天睇一下comment, 以為好正好高質。 訂了6點15分 ，要先付500元訂金， 以為好掂，可能是期望太高。 6點入場已經人頭湧湧，我就直入。選了398元一位的中將，小童不過130cm 半價。 有甜品汽水另外加30元，不然只有清水，應該人人都會加。 但只飲左幾杯可樂，還有點水果和雪糕，不過不失。 開始首先給我們一盤什麼也有點的，吃完自己落單點，還有一煲飯，即煲15分鐘焗5分鐘，搞點綽頭。 綜合點的牛都是份量小的，味道普通，沒什麼牛味，不能用高質來形容。 398+30元有點貴。 應該冇下次了。 食燒烤，還是去日本或是去其他地方單叫會好點，反正價錢差不多，但質量會好好多。

好高質既日式燒肉真係要讚下食店既服務，佢比其他放題店最大的優越點，就係食物黎得好快，點幾多黎幾多，又無拖單講番食物質素，高質及新鮮加埋仲有甜品及時令水果，啤酒氣水供應以呢個價錢，我就覺得佢比牛X更抵食建議想食既朋友，記得訂位，因為好full

燒肉令人垂涎三尺的美食，今日試試沙田新開張的燒肉武田！居酒居風格，有去到日本的錯覺！👅武田MIX四盛合HK$ 159（牛級腱，三角肥牛小排，豚五花腩薄切，牛舌）午市套餐有味噌湯、海苔飯、泡菜。一大盤圓碟上放滿各樣肉片，豐富的肉類品種非常吸晴，放在鐵板上油脂滋滋作響，令人期待！可惜牛舌片太薄身，如果厚身牛舌會更為吸引！👅牛Set D HK$ 139 （A4和牛三角腩，安格斯牛牛板鍵，内横隔膜）和牛三角腩的脂肪呈現完美比例的花紋，表面烤脆焦糖，內裡軟嫩肥美，油香滿溢，軟滑誘人！其他肉都牛肉味濃厚，值得一試！

從不喜歡食燒肉任食餐廳，但這間真是讓我驚艷不已！選了A5和牛 set, 每一口牛肉都新鮮爆油香，除了牛肉，他們還提供多種日式小食和副菜，拌飯，新鮮海鮮等等，讓用餐體驗更加豐富多元。此外，他們的生啤和酒精選擇亦相當豐富。食物選擇之多讓人目不暇給，無論您是喜歡肉類還是日式小食，這裡絕對能滿足您的味蕾！不過，也有一些小細節讓我感到稍微可以更好，例如可多主動fill up紙巾或酒水等。總括來說，真的非常值得一試。食物的質素之高絕對能讓您滿足，只是在服務方面還有一些地方可以改進。我會毫不猶豫地再次光臨！

呢間燒肉我覺得 食物質素 燒肉放題嚟講質素真係不錯 我哋6個人叫左每人498個plan 呢個plan可以任燒3個鐘 牛肉質素同另外d燒肉放題比真係高好多 海鮮盤又有新鮮 之後d蝦同蜆仲可以繼續任叫 仲有好多牛豬雞內臟 真係唔係間間有 👍👍👍我地再加左58任飲 佢除左有生啤 清酒 chu hi仲有西式汽酒 全部任飲 👹👹另外都要讚吓d服務 D waiter waitress個個都服務好 禮貌好 又主動又快手 我諗呢間暫時都入左我燒肉放題encore list 首位😁😁

放工後，同我朋友諗好想食燒肉，一諗就記起呢間”武田燒肉”講真話初頭我是給店面吸引🤩到店後看到餐牌是分了4個類別（少將、中將、大將、武王）挺特別，我們就選擇了中將（190品食物）還另外加購飲品甜品放題店員帶領我們按位置就座店內擺設裝飾令我們感覺猶如置身於日本中枱面上的碗碟碟食具都十分美麗一上場，就會有一盤嚴選黑毛和牛供我們燒店員好貼心解釋每款肉類然後，桌面上有座炊飯的功具，點火弄好等它熟了就有美味的米飯🍚有一款熟食😋日式和牛墩十分好吃，肉質入口不膩，好鬆化配上白飯真的要添飯🤣😋壽喜燒牛及三角脯和牛我們都是不停叫和燒，因為真的好好吃👍吃完肉就燒海鮮，每款都要嘗一嘗吃完我們都覺得十分新鮮，肉質都十分鮮嫩❤️吃完正餐，就吃下水果甜品雪糕🍦肚子飽飽的走❤️❤️P.s.有我愛的Ginger Ale 飲品😍,下次我一定要選擇武王，好想有那一艘大船🚢😂

第一日開始服務態度很差勁，以為自己味道很好，全部人都會來食，是否日日來開餐，如果沒有回頭客很快執笠，客人除了食材新鮮，環境好，座位好、最緊要服務質素，每人消費差不多，為何分等級，如果自己為高的就開鋪在銅鑼灣或尖沙咀！請好好考慮！

9月初出沙田食飯時無意中發覺有間好日式佈置嘅燒肉店。咁啱9月中朋友同家人生日，就試下打去訂一星期後4位。電話留座後，服務員話會whatsapp餐單俾我，同埋留位要要$500 deposit，當日埋單時會扣，我隨即揀好食邊個餐同俾訂金。到尋晚去到現場，即時加埋每人$30嘅飲品甜品放題添！我地4人一坐底，嘩，頭盆係兩盆肉、一盆海鮮同一碟海鮮刺生就即時送到。侍應員仲主動教我地點樣燒海鮮。全程侍應生們服務非常好，QR code點食物亦好快就送到，而且品質係好新鮮。大家都食得好開心，一定會再幫襯！

刺身新鮮又好食，牛肉高質，推薦牛三角腩。牛真係有好多種類比你試。當然做得燒肉放題都算係基操。偏向油脂味好足👍🏻真係和牛嘅味道。最有驚喜係D海鮮，好新鮮，好好食簡左三個鐘個餐，都只係5xx，真係可以慢慢歎，慢慢食。甜品屬正常水平，不過種類都算多。服務好好，上菜好快，又比足。收你呢個價，真係交足貨。誠意推薦海鮮，真係好有驚喜😋😋🦐🦐座位算寬落，環境舒服同幾靚。已經二刷左👍🏻👍🏻👍🏻

見佢新舖好有日本風，咁啱又想食燒肉。見佢都多人等位，咁就等埋一份啦。舖頭裝修好有日本橫丁嘅感覺。是日同朋友點咗晚市放題。一黎就有個野炊風嘅鍋飯，即刻點咗紫菜同日本蛋。見埋碟和牛，真係覺得好開心。放題仲可以無限點和牛，和牛真係好好食。推介要點蝦，比係居酒屋食仲新鮮同大隻，雞泡魚乾同雞皮。甜品區有飲品、雪糕、生果、沙律菜，樣樣都試過下真係唔錯。一路食我哋都真心覺得呢間係良心店舖。去唔到日本呢間燒肉真係一個唔錯嘅選擇，一定會再去，勁正。