燒蝦蝦 (金福閣） (已結業)

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】燒蝦蝦 @【地區】【類型】【價位】中價位【用餐時段】晚市【餐廳主打】流水蝦，任食海鮮，串燒────────────────────【環境/服務/衛生】。環境乾淨企理。最緊要係夠闊落，完全吾會有狹迫感。每張枱旁都設有流水蝦槽，方便快捷。設有自助區，囊括串燒，海鮮，熟食，炸物，糖水，雪糕，飲品等.【夾蝦蝦】。夾蝦前要先拎好冰粒同冰水。只需擰轉身，就可以夾到生猛嘅大頭蝦啦。直接燒，肉質彈牙，可以食到蝦嘅鮮味。放入錫紙，加啲粉絲，辣椒，蒜粒食，更惹味.【大量海鮮】。另一邊廂，自助區放咗更加多嘅海鮮。有魷魚，螺，沙白，鮑魚，生蠔，扇貝，貴妃蚌，蟶子等。有專人即場Refill，唔使驚拎唔到。運用不同嘅配料，加上少少創意燒就得啦。如蒜蓉扇貝，牛油扇貝，海鹽魷魚，蒜蓉生蠔，芝士生蠔等.【食串燒】。串燒嘅款式都幾多。有雞翼，丸類，芝士腸，雞軟骨串，大蟹棒，魷魚串，紅腸，粟米，甜薯，大蔥，韭菜，白菜，菠蘿，格仔餅，茄子等。特別的是，有粉絲，牛油，芝士碎，錫紙盤，蜜糖等。推薦：燒厚窩夫，芝士腸，粟米粒.【一分鐘都吾放過】。等緊大頭蝦熟嘅時間，可以拎

今日下晝請左半日假，就係為左同朋友黎呢度食！！因為呢度7點半前離座既話，放題都只係$338!!!其實我地一心都係諗住黎玩下夾蝦仔，冇乜點睇過有ｄ咩可以食但估佢唔到係勁多選擇！！d蝦仔好生猛，要夾得中真係要比少少耐性同心機😂😂不過我地都食左唔少，斷估每人都成十隻😂好玩！除左蝦之外，仲有好多海鮮選擇，對住我呢個海鮮控黎講真係大驚喜！有鮑魚，青口，蠔，蜆都有幾種。。應有盡有。。。肉類佢有好多已經幫你串起晒既串燒同埋醃好既肉，個自助吧都係好企理既，感覺唔錯。鍾意食菜既朋友，呢度都有好多瓜瓜菜菜，就連大啡菇都有。我地即刻大廚上身，拎ｄ芝士番去整個芝士烤大啡菇Overall食物都算幾新鮮，同埋keep住有員工去fill野食，望落都幾衛生。同埋我老友好鍾意飲酒，呢度仲可以自助去refill生啤，推薦！

上個星期六去了元朗食燒蝦蝦 → 任飲任食 2.5 小時流水蝦海鮮放題 (午市 HK$298 / 成人) 最吸引我們的是 ... 可以自己在水缸即捉即燒生猛活蝦座位後面的水缸有大量游水蝦，自己睇中邊隻就夾上嚟放入冰桶一陣凍暈啲蝦，就可以放上爐慢慢燒絶對新鮮彈牙，每隻大頭蝦都有膏架 ~~除了有即捉即燒的大頭蝦還有多款海鮮，鮑魚、 蟶子、帶子、 扇貝、蠔、蜆、原條魚都有肉類有五花腩、羊架、牛仔骨、豬仔骨等串燒有雞軟骨、雞腎、雞翼、魷魚、丸類等也有蔬菜、甜品、雪糕區 ...飲品選擇蠻多，有梅酒、清酒、啤酒、花茶、汽水和果汁等烤爐有上下兩層 ...上層燒海鮮和肉類 ...下層用來烤串燒 ...海鮮很新鮮，燒好後就咁食已經好鮮甜但是扇貝就鍾意加點牛油和蒜蓉一起燒，入口更滋味串燒和烤肉類就可以用燒烤粉、辣椒粉、孜然粉或岩鹽調味，好惹味架 ~~最後梗係要食埋甜品 ~~迷你 size 的甜品好抵讚，咁就可以食多幾款啦 ~~仲有我哋愛吃的薄荷雪糕和西瓜雪條 ~~燒多串菠蘿真係滿足哂 ~~** 以上分享是以我的膚質、體質和情況作出分享及感受，一試 / 合用與否請自行決定

元朗美食攻略2022 10月~11月元朗多野食就緊係架喇,今期仲有新店呀,係流水蝦放題除左蝦之外仲有大量海鮮任食任燒,仲有自助肉區同埋熟食區甜品任食~抵呀!$268起食足2.5小時,最後坐多十分鐘都無趕我走算係咁架喇,服務唔錯,有教你點捉蝦之後再燒主打新鮮蝦蝦蝦蝦,用冰浸蝦,暈左再放去爐燒,有火爐或電爐2者分別不大,但火爐好似易焦少少,電爐恆溫比較穩陣,但慢少少熱力無咁強,各有各好全自助自己拎野食,只係埋單見過服務員蝦鮮肉甜,食足30隻,爽呀,回本回本,仲有大量肉串肉丸任夾任食仲有醬料吧自己校汁,要辣唔辣自己選仲有素食豆腐類~今日仲有沙律,係海鮮沙律,辣雞腳酸辣口味一流仲有蝦串燒飲品吧有茶花任飲仲有幾款炸物小吃飯春卷等等~呢度另一主打係泰式風味,幾好呀!飲品有酒添,好抵呀!熟食有麵同牛腩 仲有豬腳豬手,不定期換款~仲有湯麵自選,自己煮麵食!!??食材方面,海鮮有蜆,鮑魚,魷魚墨魚,仲有扇貝自己加牛油同蒜同清酒仲可以煮蜆呀!!!!!食2.5小時其實唔夠,因為太好食喇!#元朗美食燒蝦蝦(金福閣）#燒蝦蝦

呢間燒蝦蝦位於元朗市中心喺Basement 環境都幾闊落 兩個人坐四人枱 隔離就有一缸流水蝦畀你自己夾 好方便 第一次夾流水蝦都幾好玩 佢哋好生猛會彈嚟彈去夾完就可以放落冰桶度 之後再拎去燒除咗流水蝦之外出面嘅自助區仲有超級多海鮮 好似去咗海鮮檔咁放曬出嚟任君選擇海鮮款式好多 有魚 生蠔 扇貝   鮑魚 蟶子 螺 魷魚等等啱曬鍾意食海鮮嘅香港人我今晚都燒咗好多輪海鮮 款款都好新鮮除咗海鮮之外 出面仲有唔同嘅蔬菜 肉類 丸類 菇類等等啱曬大人小朋友 等緊燒嘢食期間仲可以食埋呢度嘅熟食熟食款式都好豐富今日仲有鹽燒蝦同埋泰式大頭蝦 唔使淨係燒蝦咁dry最驚喜嘅呢度嘅啤酒都係任飲 除咗罐裝啤酒仲有生啤 清酒 梅酒 雪櫃亦都有多款紙包飲品汽水唔飲凍嘢仲可以自己沖花茶飲食飽之後梗係唔少得水果 甜品同雪糕啦總括嚟講呢度食物選擇非常之豐富 仲好好食

流水蝦好玩又新鮮，今日同阿媽去試下，7:30pm前離座每位$338（未連加一），任食2.5小時。🦐 流水蝦見到職員倒成筒蝦落水池，就知道比較新鮮，果然夾嘅時候活蹦亂跳，要眼明手快先夾到生猛嘅蝦。肉質爽口彈牙，部份仲有紅彤彤嘅蝦膏👍🏻🐟 海鮮我最鍾意帆立貝同魷魚串，帆立貝幾鮮甜多汁，魷魚串燒完之後脆口彈牙。仲有好多其他海鮮，例如鮑魚、蠔等。🍦 雪糕呢度啲雪糕幾高質，尤其推薦西瓜雪條同埋大阪牛乳豆腐雪糕👍🏻💯 其他推薦窩夫有兩款，都好大塊，有砂糖係面，燒完變得脆卜卜之後再加煉奶真係邪惡😋 另外菠蘿同台灣腸都係必食，菠蘿好厚身，清甜多汁；台灣腸好肥美油潤，啖啖肉🤤🥤 飲品除咗雪櫃有罐裝同紙包飲品之外，仲有茶葉同埋beer on tap。我試咗Asahi辛口🍺 日本啤酒真係正，唔會苦澀，口感順滑。時間充裕可以慢慢食，整體食物選擇多，最緊要係夠新鮮👍🏻

早排食過其他舖嘅燒蝦放題覺得好正，即夾即燒，今次入到嚟元朗食，對比下有咩唔同🤗位置記得以前係一間日式放題黎，唔黎都唔知原來已經轉左手🦐任飲任食2.5小時流水蝦放題$338/位（夜晚7:30pm 前離座）坐位隔離就已經係一個缸，可以自己揀蝦邊隻蝦生猛啲夾上黎燒😛揀蝦之前要去攞冰先，夾蝦最緊要快，夾上黎果下唔可以猶豫，要秒速放落冰桶，唔係啲蝦就會掙扎不停彈水海鮮方面，自助區仲有得拎鮑魚、蠔🦪、扇貝、蜆、蟶子等等嘅海鮮，全部都勁新鮮，鮑魚夾完上黎仲郁下郁下，建議加蒜茸辣椒黎燒，更加惹味除左海鮮，仲有肉類、丸類同蔬菜等。最正係有羊架同牛仔骨，加少少孜然粉已經好好食🤤丸類已經串好晒非常方便自助區仲有少量熟食，例如乾燒伊麵、咖喱魚蛋、炸榴連丸等等。另外推薦試佢地嘅紫米雪條，出面未見過，泰國產，味道特別飲品方面就有多款果汁汽水，另外仲有任飲啤酒、清酒等。啤酒仲要係喜力/嘉士伯，值回票價🤩座位坐得比較舒服，雖地方唔算好大，係攞野食個位要小心啲，比較多人

啱啱開始秋涼，好想去燒嘢食，上網見到燒蝦蝦咁多好評，就決定同屋企人試吓！七點幾食嘅時候唔係好多人，慢慢慢慢就爆晒棚，好彩一早有book枱！一入到去，就被好多唔同嘅食物吸引咗！超開心因為有好多蔬菜可以燒，大啡菇，菠蘿，茄子等等燒嘢食一流嘅食物。肉類就有雞翼，豬腩肉等等。行到隔離海鮮區，真係估唔到有咁多種海鮮，仲要勁新鮮！啲貝殼類仲回開口！原來每張枱隔離都有個魚缸，佢唔似平時食嗰啲流水蝦，要同人爭，我哋坐到埋位之後元公就會將好多嘅蝦，倒入你隔離嘅魚缸度，隻隻都勁生猛！用冰水浸暈啲蝦10秒，就可以燒。擺落凍水嘅時候，啲蝦生猛到扎扎跳，真係倒瀉籮蟹。冇諗到呢個價錢可以食到咁大隻嘅蝦，有好多膏，啲蝦肉勁彈牙！我見佢哋有gas爐同埋電爐，咁啱我嗰個係電爐，唯一唔好處就係燒得有少少慢！我建議有Gas爐大家可以選擇！睇吓大隻到，同我個手掌一樣咁大！仲要係勁生猛！熟咗之後好鮮甜！燒嘢食最好就係配啤酒估唔到佢哋仲有生啤可以飲！食到咁上下，去睇吓有咩甜品，都有幾多選擇，馬來西亞雪條，仲有唔同味，又有韓國雪糕同埋香港製造嘅紅豆雪條！總括嚟講，今餐CP值勁高，飽到上心口！🤣

成日食韓燒同打邊爐，有時不妨試下其他嘢🤓 呢晚就決定去 #燒蝦蝦 食流水蝦放題，可以2.5小時任釣任食大頭蝦🦐🤓🦐流水蝦放題($368 +10% 每位成人)呢度空間都幾大下，入到去已經係全場爆滿感覺好熱鬧🙈 每排座位都有專屬蝦缸，唔洗同人爭🙈 好多大頭蝦游來游去，可以喪釣喪食!! 除咗有大頭蝦釣，呢度仲有海鮮自助區，有超過10款嘅海鮮比你揀，包括有扇貝、貴妃蚌、蠔、墨魚、魷魚、蜆、鮑魚、海魚及東風螺等等，仲有其他串燒，不過好似主要食海鮮抵食啲🙈-一埋位就梗係二話不說即刻釣蝦燒蝦🦐🔥將大頭蝦釣起然後放入冰筒之後就可以燒，大頭蝦啖啖肉同好多膏🥰 燒完大頭蝦就食下其他海鮮，最鍾意係海鰻，燒到外脆內軟，魚味好濃🤤 第二係燒魷魚，魷魚好新鮮，口感好煙韌，好食到不斷Refill !! 第三係燒扇貝，可以自己不斷加蒜蓉同牛油，燒到超香😆 鮮甜美味🤤 仲有其他甜品同飲品都係任飲任食，成餐飯都食得好滿足🥰 呢度好啱成大班人一齊過嚟玩同食嘢，2個半鐘絕對足夠，期待下次再嚟🤓

之前曾經食過屯門果間分店覺得好抵食，今日係元朗同呀媽行完街就黎試元朗店元朗果間要行落地下，入到去門口已經係飲品櫃，職員好快已經帶你去座位，講解比你聽要點食。一枱會有個冰桶，可以出去裝冰同凍水，之後係側邊啲流水蝦缸到捉蝦浸暈佢，啲蝦全部都好生猛大隻如果唔想自己捉蝦燒，可以出出面熟食區拎燒好同串好左既蝦，一樣咁好食。除左蝦，仲有啲炸物，湯，麵飯等等呢到除左流水蝦外，任食海鮮都係一大賣點，有鮑魚，帶子，蜆，蠔等等。出面仲有唔同醬料方便你整唔同既野食，我自己就拎左啲牛油蒜蓉整帶子。仲有啲錫紙兜比你，可以整清酒煮蜆都冇問題除左海鮮外，仲有肉類同蔬菜任燒，推薦雞全翼，燒完之後加啲蜜糖再燒，外層焦甜香脆，內裡雞肉嫩滑，好好食，一過bbq癮芝士愛好者一定要試燒波波腸同芝心丸，好香如果有人鐘意燒物配下烏冬、麵等等麵可以係出面自己煮麵最後燒哂所有野之後，可以燒窩夫，再自己加個脆批雪糕，自制甜品出面亦都有啲小蛋糕，撻仔等既甜品櫃總括黎講非常推介，見好多人都一家大細黎，大人細路都好岩食

燒蝦蝦 (金福閣） (元朗)元朗西裕街5-11號金福閣地庫難得嘅國慶假期當然就係去元朗睇吓有咩好食又順便行吓街啦，當地嘅朋友介紹話最近元朗有一間餐廳竟然可以任食海鮮，仲可以任夾流水蝦，為食嘅我哋當然係唔會放過啦慶幸好彩係晨早book咗唔係就真係冇位，餐廳雖然位處地庫，但係環境都比較舒適，入到去員工就好仔細地介紹我哋點樣夾下同埋燒鮑魚，見到大量生猛嘅大蝦，已經10分開心，原來出邊仲可以夾好多唔同嘅海鮮，除咗扇貝仲有聖子鮑魚生蠔，簡直係食海鮮可以食到飽流水蝦佢哋係不停嘅供應，而且10分生猛，燒完嘅大廈，鮮味十足，絕對好味，我哋一人都食咗10幾隻，真係值回票價除咗海鮮，佢哋仲有好多唔同嘅肉類，同埋熟食俾你揀，最鍾意就係佢哋嘅大請勿雞翼，真係好好味飲品方面都有好多選擇除咗啤酒仲有好多唔同嘅汽水同埋茶類飲品另外甜品方便佢哋都有好多唔同嘅雪條同雪糕供應，仲可以有窩夫俾你揀我同老婆都覺得好值回票價，呢個價錢可以食到任食嘅海鮮同埋甜品，喺市區絕對搵唔到

元朗既燒蝦蝦，位置唔太難搵，係元朗大馬路附近，餐廳裝修風格幾特別，走東南亞風，有幾分覺得自己身處泰國。 餐廳叫得燒蝦蝦，當然有唔少蝦蝦燒。職員會先俾個冰桶你，你可先去攞冰，然後大家最期待既moment黎啦，就係係一個個長水缸入面捉蝦，出於人道考慮，先將生蝦放入冰桶凍暈，先進行燒蝦。同埋一直有員工keep 住加蝦，唔怕會被人攞哂，呢度d蝦都幾大隻，超過一個手掌長。蝦亦不難燒熟。 喜出望外既係呢度有非常多海鮮任攞。扇貝新鮮大隻易燒，非常推薦！鮑魚亦是必燒既選擇，呢度供應不少，不斷refill,都對得住價錢。而有耐性既朋友可試花甲蜆仔，都是不錯選擇。仲可以原條魚燒。仲有各類扒任食，推薦厚鴨胸，而蔬菜菇菌類都唔少得。燒蝦蝦呢度仲可以任飲asahi 生啤，真係無得頂。生啤配呢度既小食一流，建議大家可試試呢個魚皮凍盤，魚皮非常爽彈，好奇妙既口感。 最後當然仲有不少甜品選擇，而我就食左個豆腐花。

餐廳食物種類超級多啊！看得我眼花撩亂，三百多這價錢只吃海鮮都已經回本呢！真正海鮮吃到飽😆只是海鮮已經有十多種，有大量貝殼類海鮮🐚單單是蜆已經有五、六種呢！而且蜆好大隻，感覺新鮮👍還有扇貝、蠔、鮑魚、青口、蟶子和墨魚等，這裏的魚更是原條的，款式很多啊～好像去了海鮮檔口😂座位附近就有流水蝦，客人可以自行挑選心頭好😍看準目標然後下手。蝦很新鮮啊🦐，朋友用拑夾蝦，好幾次被牠逃脱呢！可見多麼生猛～蝦頭的膏鮮甜，蝦味濃郁，肉質彈牙，好玩又可以滿足舌頭和肚子😋🥩肉類方面：有雞翼、丸類、牛肉、豬肉、羊肉、串燒和香腸等。✨️特別推介鴨胸和五花腩。兩樣都是肥瘦恰好，連皮吃更正😋🥬蔬菜方面：有冬菇、茄子、秋葵、粟米和紅青椒等。✨️特別推介茄子和韭菜。茄子加點蒜蓉等調味料就很好吃了～而韭菜就要留意不要燒太久呢，容易變焦～熱盤有湯、冬陰公、蜆和西蘭花等。🍤炸物有四款：包括越南春卷、芋球、薯格和西米球，四款都很好吃啊😋特別是西米球很有驚喜，內裡是椰汁西米露，意外地放了在爐上烘了一烘，誰知味道更好啊！外脆內軟，內裡流心效果～不過大家要小心流心燙口啊😛冷盤就有酸辣鳳爪配蝦和西瓜🍉。🥤飲品方面：有一般的紙包飲品🧃維他奶、茶

今日黎到元朗食標榜食即夾大頭蝦海鮮放題燒蝦蝦因為從都都未食過呢類型既放題，以為淨係得蝦同好少野食點知一入到黎，見到有好多唔同種類既海鮮，睇落去仲好新鮮。飲品種類都唔惹小，仲有樽裝啤酒。啤酒任飲真係好少見，仲有樽裝，爽啊！成間鋪都圍住呢啲養蝦缸,任夾唔嬲蔬菜同菌類一應俱全。肉食都有唔少選擇。全部海鮮都好新鮮，亦都好大隻。熟食都有。啲蝦大大隻啖啖肉，鮮味十足，蝦頭啲膏亦都係極品。蠔都相當新鮮，有埋蒜蓉醬配搭，好食到停唔到口。甜品種類又係多到數唔曬，仲有啲細細件既cake。總括黎講呢度食物種類多如繁星，同埋全部都好新鮮，可惜我唔係住係元朗區，如果唔係一定會經常幫襯