燒蝦蝦 (金福閣） (已結業)

放題自助餐就食得多，雖然流水蝦唔係咩新鮮事，但係係我第一次食～ 座位旁邊有一個蝦缸，可以隨時夾到生猛紮紮跳嘅大頭蝦，連位都唔駛出，非常就手，要夾實隻蝦都唔容易，摸索咗一陣，隻蝦夾出上嚟就要放入冰水凍暈佢，然後先至放上爐燒，即夾即燒嘅大頭蝦當然夠新鮮，而且有膏🦐其他食物就要出去攞，有專人企喺counter refill食物，所以食物都常滿嘅，海鮮種類比較多，鮑魚同扇貝都唔錯，至於肉類有羊架都幾驚喜，整體嚟講海鮮比肉類多🦪 個燒烤爐唔算好大，好在有上下層可以一齊燒，加上有兩個半小時，所以都食得飽👌

啲海鮮全部臭的全部臭咸魚味一聞落去哇想嘔 ,攞返去餵我隻bobby佢都擰曬頭即刻走,唯一招牌蝦仲保得住因為有啲仲識游水。啲肉都彈牙；張相見啲蝦幾得意識訓教先影下。 全程最好食泡芙同春卷。呢間野可以考慮轉賣燒春卷 ：： 仲有嗰個咁嘅燒烤爐完全冇火嘅,擺個人落去以為焗緊桑拿，燒一轉最少真係45分鐘仲要未必熟透嗰隻跟住粒半鐘到叫你埋單,奉勸大家真係唔好制。400去食大瀛喜冇咁嬲 。平時都少寫評論㗎喇，阿為咗人類健康著想點都要寫啲嘢

餐廳位於basement，環境雖然唔算寬敞，但食物選擇多，而且用餐時間比同類型餐廳長，絕對夠時間食勻多款食物，性價比高😌🦐燒流水蝦任飲任食2.5小時（$298/ 位）食客可於自助區取冰水，再將魚缸內嘅大頭蝦夾進冰桶內凍暈，之後剪去蝦鬚及蝦腳，就可放上烤爐烤熟。大頭蝦生猛鮮味，蝦頭仲有好多蝦膏，真係超正😋海鮮好新鮮，分別有生蠔、扇貝、鮑魚、墨魚、原條魚及多款貝類等，唔洗加任何調味都已經好好食😋另外仲有各款肉類、丸類、蔬菜類、熱葷、小食、生啤、飲品及甜品等，當中椰子雞湯足料又鮮甜，好味到飲咗幾碗😆

燒蝦蝦入口喺後巷，經樓梯落一層到達地庫，開門見到工業風好強，四處掛滿霓虹燈牌，有啲似台灣夜市嘅食肆feel！職員帶客人坐低之後，會詳細講解枱面上唔同用具嘅用法，其中一個鐵筒入面裝滿冰，係用嚟將喺水箱夾起嘅蝦放入去凍暈再燒嚟食。同朋友首先試吓夾蝦，一夾佢哋就向前衝，好生猛！餐廳分幾個區域，海鮮同燒物選擇唔少！➺➺海鮮區：鮑魚、蠔、扇貝、花蛤、蜆、青口、蟶子、魷魚、魚等；➺➺串燒區：雞、牛、豬肉唔少得，有大大塊自己燒完自己剪，又有剪細咗串起醃過嘅，另外有多種丸類、腸仔類串燒，而蔬菜類有部份都串起方便燒烤，基本冬菇、雞髀菇、韭菜、茄子、娃娃菜、勝瓜等一應俱全；➺➺甜品區：多種口味奶凍、一口甜品、小蛋糕、泡芙、豆腐花，本地、台灣及韓國等多種口味雪條、雪糕、甜筒！➺➺飲品區：最正係有自助生啤，燒烤必飲！基本盒裝罐裝飲品，有糖無糖俱備，仲有乳酸飲品！啤酒選擇有喜力、嘉士伯、1664，仲有Somersby ！➺➺另外仲有熟食區提供粉麵、炸物小食、熟煮餸菜、湯等！自己覺得體驗幾有趣，自己夾生蝦，自己燒同用餐廳提供嘅燒烤粉、孜然粉、辣椒粉同埋其他調味料調味，自己剪鮑魚！出邊食海鮮唔平，今次可以盡情享用海

今日朋友仔生日，由於佢好鍾意食放題，所以我就就帶咗佢嚟呢間流水蝦海鮮放題任食果到聚聚一入到去已經見到流水蝦同我哋打招呼🦐望落都幾大隻吓店員教路先用冰桶浸暈隻蝦，然後先放落爐燒除咗有好多生猛海鮮，仲有好多蔬菜及肉類選擇，緊有一款啱心水店內仲有好多熟食可以拎，定時會換下款式可能因為去貨快，所以呢度嘅海鮮都好新鮮，加少少孜然粉、辣椒粉、燒烤粉或者鹽已經可以食得👍🏻最後當然唔少得燒烤菠蘿啦，燒完勁甜場內嘅飲品都係任飲，包括啤酒，仲有我至愛嘅蘋果啤總括而言，一間店舖可以滿足幾個願望，都幾抵玩

#流水蝦海鮮放題假日落大雨 應該好掃興 不過今日例外 因為我會入屯門釣蝦兼食海鮮放題 喺室內印印腳 有自助飲品湯水甜品 都幾happy-⭐️流水蝦海鮮放題 每位$298/午市⭐️🦐流水鮮活蝦 放題兩個半鐘 有得食有得玩 流水蝦好鬼生猛 用長鉗夾上嚟 仲係扎扎跳 蝦膏多 蝦肉爽口彈牙 周圍好多一家大細 情侶buddy嚟幫襯 確係一個唔錯嘅週末節目-🥩🐔🐷肉類多款牛肉部位薄切 雞翼豬仔髀 應有盡有 我係食肉獸 自製咗個香腸雜扒拼盤😋-🦪🐟🐚海鮮海鮮必食項目好多 鮑魚大大隻 原條䱽魚馬友 海螺 蚌類蜆仔 生蠔 蟶子 原隻墨魚筒 成個小型海鮮市場咁 齋食鮑魚 已經值回票價-🍄🥕🍡蔬菜雜食食到咁上下 嚟round健怡蔬菜雜菌 清吓味蕾-📍燒蝦蝦屯門仁愛堂街45號興泰大廈地下1,1A,2至8號舖瘋

合家歡時間, 落左成日雨, 打亂晒個行程, 其實大家都唔太想出街不過因為佢地約左我, 所以一行4人特登坐成個鐘車去元朗, 就因為我話要同佢地食海鮮!!!結果? 大家當然都係食得好開心啦難得有間主打海鮮放題, 而又做到價錢平! 食材鮮! 氣氛好!好多人黎食晚餐, 不過都唔會好逼, 要讚!!食材方面, 前菜都有好多款, KEEP住轉, 有沙律, 涼拌魚皮, 泰式鳳爪海鮮除左每個人個位旁邊既超大蝦缸之餘, 仲有個海鮮櫃, 店員KEEP住REFILL海解蜆, 花甲, 蚌, 魚, 螺, 蠔同埋鮑魚必須強調真係全部都好新鮮, 調味都唔需要除左海鮮仲有好多肉類蔬菜, 不過真係食唔落啦~~名乎其實海鮮吃到飽汽水, 酒類都任飲仲有好多甜品, 蛋糕仔, 雪條雪糕

第一次係香港食流水蝦.....這次真是比較多海鮮選擇，有馬友，大眼錐雞，倉魚，鲍魚，花甲，蜆，青口等，當然有大大隻新鮮活蝦啦，最重要還有蠔，都算大隻，燒起上黎都有肉食........所以喜歡食海鮮嘅朋友仔可謂大滿足其他肉類也算多元化，但我主要係食海鮮，所以都冇時間去理D肉食，哈哈大家最好先book位，如果直接去可能冇位......

5級評分好味😋😋😋😋😋回頭 🤩🤩🤩🤩性價比 💯💯💯💯成日見到人哋上網玩流水蝦唔知咩嚟嘅終於有機會入到去元朗可以試吓！原來嗰度有勁多唔同嘅水產：流水蝦、鮑魚🥰、魷魚🦑、青口，勁新鮮勁好食！最值得推介嘅係鮑魚，因為真係勁爽口彈牙！同埋有時會不時拎啲唔同嘅水產推出嚟，仲可以食到聖子，最難得嘅係嗰晚老闆仲請我去食龍蝦🦞😍同埋嗰度啲嘢食嘢飲全部都係任食任飲，真係勁抵呀！未去過嘅一定要去試下！

今次係第二次黎燒蝦蝦食流水蝦❤️ 有咗上次經驗，知道冰桶一定要夠冰、鮑魚要剪一剪個底先去燒，以防會爆開😂言歸正傳，呢度嘅海鮮種類好多👍🏻 淨係貝類都有幾款，仲有扇貝、鮑魚、生蠔、魷魚，當然唔少得喺座位旁邊喺水缸游嚟游去，非常生猛嘅海蝦 🦐 即撈即燒，海蝦真係非常鮮甜同彈牙，好玩又好味。我仲好鍾意呢度嘅扇貝、鮑魚同生蠔，不停encore好易回本🤣 每次我都放牛油、蒜蓉、蔥同少少鹽去燒，食到新鮮海產嘅鮮甜味😋 貝殼類我會用錫紙兜裝住，合上蓋子去燒，開殻就食得，清甜冇沙㗎。飲品方面選擇都好多，茶類、酒類、果汁等，雪糕更係五花八門，一啲都唔孤寒。其他燒烤食品仲包括台灣腸、雞全翼、粟米、菠蘿、豬扒等，仲有熟食同湯飲。三百零蚊，咁樣飲飲食食兩個半小時，真係超值、美味又開心🤩 座位仲好舒適新淨添✨

平日晚上諗住無咁迫人,才敢去光顧,誰知也是其門如市好旺場,証明食客眼光是雪亮的。淨看見主打水缸內生猛大隻的大頭蝦,燒起來香口彈牙食不停口,再在水吧琳瑯滿目的海鮮,鮑魚、大蜆、扇貝、螺、青口、貴妃蚌、生蠔、墨魚、魷魚、小蟶子,更有原條黃花、大眼雞、黃腳鱲、烏頭……簡直令人眼花繚亂,更不要說還有其他肉類如羊架、牛仔骨、豬髀肉、原隻雞翼、丸類等等,雖然有兩個半鐘頭,但不停食呀食呀,又發現原來還有大量熱盆,包括:燒乳鴿、超惹味的咖哩豬皮魚蛋魷魚、豉椒炒蜆、花雕雞翼尖、乾燒伊麵,牛柏葉青瓜冷盤、大蝦沙律,OMG,仲有燒野菜,大啡菇、粟米、青椒、翠肉瓜、茄子、超甜菠蘿…。選擇多之餘所有食物味道也真不錯,其他各類飲品和韓式甜品,便變成綠葉,不得不提如果有訂座目前餐廳更送上燒蟮和一份和牛。

流水蝦燒烤起源於泰國 近年在香港愈趨興起 走入店內 可以看到多個蝦缸和長長的流水蝦水道 鐵鉗一夾下去 蝦隻立即彈開逃走 絕對考驗大家的眼界和反應🤭大蝦夾起後 需用冰水浸暈才能放上烤爐 大蝦大隻飽滿 燒烤後肉質仍然保持爽彈 鮮味十足.🐟除了大頭蝦之外 海鮮區亦有十多款新鮮海產選擇 如扇貝 鮑魚 蠔 貴妃蚌等 客人可以隨意加入蒜茸和辣椒調味 另設肉類區 熟食和甜品區 食物種類豐富 除了日式燒肉和韓燒外 流水蝦亦是另一個不錯的選擇 更可一嘗夾蝦的樂趣 不妨一試💆🏻‍♀️

流水大頭蝦：最好玩當然係捉蝦仔嘅過程，有啲超生猛要夾三四次先成功！職員教我地要裝桶冰加啲水，一捉到啲蝦就放入去大約30秒先燒。我地見啲啲蝦咁高戰鬥力就決定保險啲等夠兩分鐘先燒～ 放喺爐上面見到外殼由灰藍色變橙色就食得啦！撥殼就比平時花多少少時間，唔同蒸煮可以成塊殼一次過甩出黎，燒熟嘅殼比較脆，要分幾次撥。味道超鮮甜！唔落任何醬料，就咁原汁原味食都非常可口，超讚！.龍蝦：職員非常貼心已經將龍蝦切開一半。燒嘅時候仲見到識郁，一定係啱啱切出嚟確保新鮮美味。燒熟之後已經急不及待咁食，醒唔起出面調味料區有得攞芝士，其實仲可以整芝士燒龍蝦！不過咁新鮮嘅龍蝦就算唔落都好好味啦～.海鮮、肉類、蔬菜選擇非常多同埋都新鮮。私心鍾意玉子燒，呢度竟然有真係超驚喜！.

除了大頭蝦，還有超多海鮮和其他燒烤配料嘅餐廳！性價比極高。呢間雖然係燒烤餐廳，但係環境乾淨，抽風系統勁，所以食完之後都唔會成身燒烤味。而且元朗這間的設計很好，每台有一個獨立的大頭蝦魚缸，不用怕隔籬枱夾的時候彈到濕哂，設計超好！除了新鮮的大頭蝦以外，我非常喜歡這裏冰枱上的海鮮款式，除了源源不絕的鮑魚、青口、花甲、沙白、生蠔、扇貝、東風螺、魷魚。。。還會不時上昂貴的海鮮，例如:貴妃蚌，還要是超級新鮮的！配料方面，有醃好的肉類、各款丸類、不同新鮮蔬菜、玉子。。。牛油和芝士都是無限添加！熟食方面也是非常出色，鹽燒大頭蝦餐廳燒得好好食，簡單的調味已經十分足夠。還有燒乳鴿，剛剛烤好肉嫩多汁！餐廳還送了龍蝦一隻給客人，龍蝦雖然偏細，但勝在有膏👍🏻👍🏻餐廳還有很多不同飲料，除了紙包飲品外，還有啤酒和酒精飲品，養生人士也可以沖花茶。最後還有甜品櫃和冰櫃，款式包羅萬有。總括而言，餐廳裝修和食物質素都很好，絕對推介和親朋戚友來聚會。

趁去開元朗，終於可以試下呢間燒蝦放題啦~  地方都幾大，檯與檯又唔會坐得好近，冷氣抽風都好夠～見到自助區既款式真係好多，分哂類排好鮑魚、蠔、扇貝、沙白、大蜆、花螺、魷魚、八爪魚串、鮮魚都有好多款肉類:牛仔骨、豬仔脾、五花腩雞軟骨串、雞腎、肉丸 蔬菜: 菇菌、粟米、茄子、菠蘿等等…..調味區都一應俱全 牛油、香蒜、辣汁等擺放得企理整齊，燒烤設備都好充足～ 未拎齊野我個心已經去左夾蝦啦！以前去泰國夜市，都一定會食燒蝦宜家可以自己生猛游水夾上黎自己燒真係好興奮先拎個桶裝好冰、水 夾左既蝦放入去凍暈左就可以燒真係勁新鮮，又多膏💕除左蝦，我最中意燒蠔、扇貝、鮑魚喇😋鮑魚剪左肉出黎直接燒，肉質香軟新鮮原條魚燒，燒完去皮起肉食，好鮮味！ 加d 蒜蓉醬喺蠔上面，滑溜又惹味😋飲品方面，有sake、梅酒、基本汽水之外，仲有1664,Hoegarden,somersby，平時一枝要十幾蚊枝，呢度可以任飲，好正😻最後一定要食埋雪糕甜品啦！