燒蝦蝦 (金福閣） (已結業)

燒蝦蝦呢間分店係元朗，都係好方便既位置，西鐵站附近，元朗市中心，好易搵。呢度食到兩個半鐘，任飲任食，超級疏乎～每枱既燒爐都有番咁上下大小，我地夾晒啲流水蝦上黎，放落爐燒每次都放到成10隻，仲要每隻蝦都係大大隻，質素好好，有啲仲有蝦膏添，認真出色💓呢度除佐流水蝦任燒，其他肉類、海鮮類都任燒。海鮮我特別鍾意扇貝同墨魚仔，扇貝好大隻好靚，鮮紅色既膏好新鮮，燒完都仲好鮮甜，好爽口好好味😋另外墨魚仔都有番咁上下大小，煙韌爽嫩，鮮味十足！呢度任飲既飲品都好抵讚，除佐普通罐裝包裝飲品，仲有成桶既梅酒清酒任飲，酒鬼岩晒呀😛🥃

我老公今日叫我唔好煮晚飯話同我一齊落街食，佢竟然話要帶我去食流水蝦放題，我初頭仲心諗吓咁dry😢成晚淨係食蝦😶🤭好彩入到餐廳俾我見到好多嘢食之餘，仲要見到扇貝兩個字，已經隻眼發晒光😹，即刻讚返個老公今晚揀呢間餐廳係冇錯🤣🤣🤣((聽到佢細細聲話呢個老婆真係好麻煩😂😇我揀好咗海鮮之後就係我老公幫我燒😌，其實都有好多款俾你揀㗎，淨係睇我呢個細細地嘅爐上面已經放滿左蝦、蠔、扇貝同埋聖子！😚呢度除咗有唔同海鮮之外，仲有其他肉類同埋蔬菜，我自己比較出奇嘅喺見到粟米🤣，一問之下，原來呢啲粟米係放入錫紙兜然後再加自己鍾意嘅調味料再拎去燒😝((感覺都幾特別，好新穎嘅創作，始終好少放題會擺粟米粒😍最後真係食得好飽啊，其實入到嚟呢間餐廳之後我個碗長期都係多嘢食都就嚟滿瀉🤣唔知我老公係咪成日都驚我食唔飽🤣佢最後竟然攞咗一串豆卜俾我食😂

住左元朗咁耐都唔知原來有間流水蝦餐廳 仲要喺市中心 千色附近 多得今晚老公帶我食好嘢 我今餐真係食得好開心 食海鮮食到飽安排入座後職員好細心為我哋講解用餐嘅程序 餐桌上工具嘅用法 最重要係自行裝桶冰水 浸暈咗啲蝦先拎去燒 今晚我同老公主要係嚟食大頭蝦 啲蝦全部都好大隻 隻隻爆膏 食到我舐舐脷 蝦肉爽口又彈下 新鮮嘅蝦不用調味也很好吃燒烤爐有兩層 所以好好利用 可以節省時間 除咗蝦之外我覺得扇貝亦都好好食 海鮮清洗得乾淨 扇貝配搭蒜蓉牛油辣椒 味道更提鮮燒蕃薯仔同燒菠蘿 我鍾意加蜜糖 燒完之後有種焦糖嘅香味 甜甜地勁好食 菠蘿好多汁 真係食到停唔到有一種蜆超級大隻 同我個拳頭一樣大 海水味十足 鮮甜無比 從未食過咁大隻蜆 今次真係大飽口福燒白鱔 魚油好豐富 魚皮爽彈 肉質滑溜無比 食完會繼續想食雖然不是真正的燒烤 但係燒雞翼是必須的 燒完之後搽上蜜糖 同bbq一樣味海鮮種類多羅羅 全部都清洗得好乾淨 職員添加得好快手 可以話係源源不絕嘅海鮮供應 保證吃到飽除咗海鮮之外亦都有多種肉類及蔬菜選擇 全部分門別類排放得整齊 仲好貼心吉咗竹籤 方便客人燒店內除咗有自家製甜品蛋糕之外亦都有現成嘅雪糕

平時成班朋友聚會都係去食打邊爐，不過今次大家就諗住去元朗呢一間燒蝦蝦覓食！佢係任食兩個半鐘，好啱成大班朋友一邊食一邊傾偈🤩一嚟就成班人就即刻去夾佢哋嘅流水蝦🦐，大家到眼界非常之準，即使流水蝦由得非常之快，我哋都可以成功將佢夾起！仲要啲蝦燒完之後，賣相非常吸引，大隻得嚟爽甜又彈牙。除咗流水蝦同海鮮之外，仲有不少串燒、熱食、炸物可選擇！其餘配料選擇都非常之多，無論係新鮮蔬菜茄子、辣椒、娃娃菜、金菇，定係丸類、腸仔都有齊。最意想不到係嘅，連甜品都有埋❗️❗️今次朋友的確係好介紹，呢間餐廳食得非常之滿足，成班傾偈非常之盡興。

一直都有係網上見到好多人推薦呢間流水蝦放題，今日終於book到位同屋企人去食！一入到去，果然人氣十足，已經有唔少食客，好在裡面環境寬敞，坐得都好舒服👍🏻.首先要介紹嘅，當然係舖頭嘅招牌流水蝦🤩係大部分既枱嘅旁邊都會有個水缸，裏面會有好多新鮮嘅流水蝦，店員會比個鐵兜你裝住啲冰水，然之後再將啲蝦夾落去凍暈佢哋，再攞去燒就得，因為啲蝦都幾生猛，所以要快狠準先捉到🤣 啲蝦好大隻，肉質鮮甜，仲有蝦膏添👍🏻.係海鮮區方面，裡面有10幾款嘅新鮮海產選擇，包括鮑魚、生蠔、貴妃蚌、扇貝、帶子、花螺、蜆、原條大眼雞同魷魚串等，選擇十分之豐富😋 啲野食仲要係任食無限quota，店員仲會不時refill，真係想食幾多就幾多！.海鮮區旁邊就係串燒區，同樣10分多選擇😛裏邊有肉有蔬菜，例如雞肉串、雞胸肉串、羊架、丸類、茄子、金菇、菠蘿等等師傅仲教我哋點樣燒大啡菇😆首先加啲粟米，然後搽一層蜜糖，再加啲芝士，之後就可以直接去燒。果然十分美味又juicy，十分推薦大家一試👍🏻.想快啲有得食嘅朋友，仲有啲熟食可以攞黎食，店員仲會換新野食，相當不錯😄.飲品方面，同樣多選擇，有汽水、茶、仲有唔同嘅啤酒；另外都有自助清酒同梅酒

元朗燒烤放題有得食有得玩，游水蝦新鮮生猛，好大隻，仲勁多膏。屋企人鍾意食蝦，讚不絕口除咗食蝦仲有其他肉類同海鮮，有鮑魚、聖子、扇貝…諗到嘅甲殼類都有❤️肉類都有唔少選擇，雞軟骨、雞髀、羊架、牛仔骨❤️，比想像中好仲有個燒牛角包同埋玉子燒，出面比較少見。玉子燒仲好好食之前去過其他類似嘅燒烤，覺得呢次過爐火特別大，燒野速度好快，可以食多啲今次大概每人$300食到咁多嘢，時間仲要有兩個半鐘，夠晒慢慢燒，實在十分之抵。下次會再幫襯

兩個人想BBQ，老公搵到近近地有間室內串燒，唔知幾時開😆位置都幾隱蔽，平時行大街唔會經嘅位晚上8:00去，埋單計埋加一，大約$400位海鮮好新鮮，見到鮑魚仲係到郁無限鮑魚供應，拎左幾次另外有唔少肉類串燒、蔬菜、麵檔、甜品、熟食區、飲品區…重點：自助夾蝦，可以自己揀新鮮嘅夾，夾起即放冰水，非常生猛，係咁掙扎，放入冰水後，要hold一hold先好放手。老公秘訣，掙扎得勁果d蝦，蝦膏多d電爐好強力，食物好快就熟，分兩層設計。留意上層食物肉汁會漏落下層，下層燒完最好再放上層燒一下乾身d食左20幾隻蝦都有，有唔少係有蝦膏，蝦頭係重點！好似食緊大閘蟹咁，勁多膏其他食物水平正常，欣賞佢有錫紙盒仔，自助整芝士粟米，落無限多芝士btw串燒區叔叔好熱情，不停推介唔同食法，又介紹我地邊d食物今日推薦食左幾轉蝦同串燒，我地都飽到10成食唔到甜品同雪糕，影完相就當食左～整體很不錯，職員熱情，食物種類多同新鮮，適合小聚會/撐枱腳下次去要留肚食埋熟食、甜品、雪糕先得

燒蝦蝦係大西北，今次黎到元朗國既分店，地址係正千色店附近，超方便呀！呢度既放題有2.5小時，慢慢燒慢慢食😗流水蝦作為主角既流水蝦好新鮮，流水蝦係水池不停游，無死蝦🤣慢慢玩慢慢夾，夾上黎即刻放爐燒又得，放落桶養住先再燒又得，好自由😌我地中意食海鮮既鮮味，所以只係加佐少少鹽調味，蝦味濃，好彈好爽好好食！任食海鮮呢度既海鮮都係任拎任燒，扇貝、墨魚仔、蜆、魷魚筒，好多好多海鮮，滿滿既蛋白質同鈣，好健康呀🤓每款海鮮都好新鮮好fresh，即日運到，無雪味，只有濃濃海水味，啲扇貝夠晒大隻，燒到差唔多熟落少少鹽就夠味，好正呀🤤呢度既任飲飲品都絕不馬虎，除佐普通罐裝飲品，仲有自家製既清熱飲品，好有心思🤗

Woohooo!又係我放題小妹‼️今日要介紹嘅呢間餐廳係位於元朗嘅燒蝦蝦放題店😚原來夜晚食仲會有折添㗎！大家幾多打電話嚟留位！嚟到呢一度，我諗大家都知道我哋嘅主角就係流水蝦🦐，原來想夾到佢哋都唔係咁容易💁🏻‍♀️最緊要快狠準！梳頭啊我有少少驚，所以就慢慢夾，點不知都比佢哋走甩咗🙈，夾起咗之後記得放落冰筒🧊跟住先拎去燒，就會人性化一啲，而且啲水唔會彈到周圍都係❤️燒到紅卜卜就食得㗎啦！好多蝦膏🤭好正！👅另外仲有其他食物都可以攞㗎。不過我就瘋狂攞佢嘅海鮮👍🏻海鮮來講都有好多款，例如有鮑魚、生蠔、貴妃蚌、海螺、原條魚等等😌全部都好新鮮。另外我覺得佢有串燒魷魚仔好好味，有少少似我喺大阪食嘅嗰種魷魚仔💖

之前已經聽過我個女個同學媽咪介紹呢間餐廳話好好味㗎，所以今日我就約埋佢一齊嚟食個晚飯🤣💮帶小朋友來有1️⃣個好處👍🏻:佢哋真係玩得好開心，因為可以自己用夾伸手落去夾啲蝦，我覺得我個女比我夾得好，因為佢哋小朋友肌肉比較發達，夾嘅時候真係快狠準‼️💮我自己就幾欣賞佢嘅海鮮👅:佢啲海鮮有好多款，我最鍾意食嘅就係呢3️⃣款👉🏻扇貝、蟶子、八爪魚串燒。全部都好有鮮味，而且仲大大隻🤤💮覺得餐廳好貼心❤️:因為佢哋準備咗好多唔同嘅調味料俾我哋，我覺得有好多餐廳調味料都唔足夠食落去好齋，好彩呢度真係有好多款👍🏻唔怪得知我個女個同學個媽咪成日都話呢度嘅調味料仲齊全過佢屋企🤣🤣

喺泰國食過流水蝦，估唔到香港都有。午餐時段同朋友嚟試下，蝦好生猛，自己夾再用冰水浸住佢，好新鮮。店員定要會加新蝦落水，大部分都夾起都紥紥跳。場內仲有其他已處理嘅海鮮同配料俾大家烤，有魚有青口之類，亦有少少熟食。我好鍾意個炸芋丸，但可惜攞晒冇再補返。個爐好夠猛，烤得盡興好多。絕對推介。

地方比想像中大，唔太窄；食物選擇算多。最得意係有流水蝦～整體感覺就係燒嘢食咁不過係喺室內嘅😙.海鮮方面我地最愛係鮑魚同蝦😋流水蝦食落新鮮，鮑魚我哋都食咗兩轉😇蜆同埋蟶子有沙，所以我哋都係鍾意鮑魚同蝦多啲其他肉類選擇有牛扒、羊、雞扒、雞翼等，想食嘅肉類應該都有。蔬菜都係有好多款式腸仔都唔錯，唔係低質腸😚我哋嘅爐係兩層爐，火唔太猛，所以要慢慢燒，如果燒肉類就要比較耐。我哋唔太餓所以ok，如果係餓住嚟嘅人就要注意啦🤣或者可以食煮熟食等熟食方面我哋最鍾意豬頸肉😋另外仲有冷盤，都係當小食咁食～醬同配料都多，枱面有各種粉例如孜然粉嗰啲，都算應有盡有。仲有各款甜品雪糕等價錢來講唔算特別平，不過一班朋友嚟都幾開心，當去燒嘢食但唔使自己準備嘢～

🍽 餐廳：燒蝦蝦（元朗）此家燒蝦蝦位於小巷內，門口不大的地庫，但店內面積不少，每個角落都有鮮蝦任夾，店員也有禮貌。價錢$368+1，筆者於18:45入餐廳，任食2.5小時，但其實過了時間，職員都沒有上前催促。鮮蝦很多而且新鮮，上網搵到係淡水羅氏蝦，隻隻生猛又大隻，夾唔實就會即刻走甩！所以夾完即刻放入冰筒內，即刻燒。店員會先講解夾蝦用邊個筒，邊個係垃圾桶，同埋會先預熱電爐比我地燒野食，用枱面上的鐵盆出去盛載海鮮返回枱燒。海鮮種類繁多，有鮑魚、扇貝、沙白、聖子、鮮魷魚、鮮蠔、海蜆、花甲、東風螺、魚🐟。全部新鮮生猛，仲見到隻鮑魚係咁郁。除了海鮮，亦有其他食物，雞翼、台灣腸、牛仔骨、粟米、甜蕃薯仔，種類繁多，可看圖片。最特別係有健康花茶corner, 可以讓客人自由配搭，不一定要飲雪櫃內的飲品。筆者初嚐燒窩夫🧇，燒熱後意外地好食🤤記得淋上朱古力醬和煉奶！熱熱脆脆半軟身的窩夫記此誕生！唯獨是燒烤爐太細了，我看到隔離枱有較大的爐，可以一次過燒多啲食物。📍元朗西裕街5-11號金福閣地庫

趁著天氣開始涼涼地，計劃左今日假期去元朗南生圍行下，玩下風箏。但玩之前就先去同區的一間流水蝦放題餐廳填飽個肚先。聽就聽得多，但就真係第一次食。對於駕車人士黎講，地點都算方便，附近有停車場或路邊咪錶位可供選擇，雖則是位處小巷內且在地庫，但亦不算難找。餐廳地方都尚算闊落，每張枱旁邊都附設一個‘私人’的蝦缸 ，全部大頭蝦都新鮮兼大隻多膏，因為真係十分生猛，所以夾左上黎之後都要放係冰桶內幾十秒先可以將佢冰暈。除左主打既蝦之外，亦都有幾款其他海鮮、肉類、蔬菜。枱面上有幾款調味料可以自行調味。係燒緊野食既同時，可以食住熟食先。佢個炆伊麵味道都唔錯。特別想講下個魚皮凍盤，第一次咁樣食魚皮，個口感有d似海蜇口咁爽彈，唔錯！飲品方面都有十分之多選擇，最估唔到佢有啤酒任飲，飲多幾杯都足以回本🤭 可惜我要揸車 所以就冇得飲啦。兩個半鐘都好夠時間食，食完正餐仲可以食埋甜品直落，有雪糕雪條同蛋糕仔，可謂大滿足，所以整體性價比都唔錯。

高質有誠意CP最高蝦膏超香燒蝦任食海鮮放題呢間餐廳令到好耐無寫食評既我都要開返個post 讚一讚。以烤蝦為主題既佢地係呢方面做得好好👍🏽蝦缸水好乾淨清澈，蝦好新鮮，蝦好肥美，啲蝦膏無吹水，真心正，味道好似大閘蟹。我地食午市，埋單加一每人$328，晚市會送大閘蟹。游得慢死下死下個啲員工都好快夾走，加蝦亦加得好快，所以係缸啲蝦好新鮮活潑，而且蝦虹好足夠，係座位旁邊已經有。亦都要讚下啲爐呀，係我食過幾間同類型舖頭最夠火力既，啲野食熟得好快，又有兩層放到好多蝦，而且如果大枱，佢會因應人數多少俾多啲爐佢地，一定食得飽，可以狂燒。佢地既自家製醬料都好出色，點蝦點海鮮有泰式青醬，味道好正，好泰國🇹🇭。焗蠔 扇貝個啲 有個調左味既蒜蓉都好正，我用黎烤佢個串豆卜，再加晒佢枱面個三樽粉超級好味。任食方面我覺得芝士粟米粒要試，粟米粒、芝士同牛油係任攞，仲要係拉絲芝士，真係超級正。佢哋啲蠔係新鮮即開殼個啲，黃花魚眼睛係亮晴晴好新鮮，每樣食材都處理得好乾淨，店內環境好乾淨無腥味，所有食品都放得好整齊。舖頭唔算好大，但食材種類都算多。飲品有啤酒，茶汽水果汁，仲可以攞個茶壺自己沖花茶，都幾特別。有啲甜品仔，我地無試