爺爺雞煲皇 (美景街) (已結業)

如果想係土瓜灣食雞煲，除了一品雞煲，仲有呢間爺爺雞煲皇火鍋值得推介。星期日當天很Lucky, walk in 居然不用等位，直接入得。Order 了半隻爺爺招牌雞煲小辣 (HK$158) ，份量正常，而且雞煮到剛剛熟，食落啲雞無嚡既感覺。另外加點了豬肚，准山及手打四寶丸。豬肚切得有啲大舊，要熟比較長時間才淋。而准山很新鮮，食落去有爽口既感覺。而手打四寶丸，包括牛丸，鯪魚丸，墨魚丸及蝦丸。蝦丸比較彈牙，其他不過不失。

今日夜晚食雞煲都幾好食啲野好高質，但食完比錢諗住比信用卡點知話卡機壞左個女經理話三個人五百蚊都無，但其實我地係有錢囉，只係未攞出黎囉，諗都未諗清楚就講啲咁既野，真係超級無禮貌好差，同埋正常食之前應該講個卡機壞左，只係收現金，我覺得收現金係無問題，好多地方都係，一係貼係門或講聲係ok，但唔係未搞清楚就咁講野囉仲要唔覺得自己有錯，其他員工有禮貌好多

我愛吃雞煲火鍋，朋友說這間爺爺的雞煲很滋味，立即訂位。爺爺位於土瓜灣美景街，做很多街坊生意，又做自由行。小小店舖也可以坐成50人。主打爺爺秘製雞煲，有自家獨特的味道。其他爺爺花雕酒煑雞煲及爺爺進補米酒雞煲也很受歡迎👏👏👏爺爺招牌雞煲$158，半隻的價錢也很合理。雞煲上枱爆炒，很多洋蔥及配料，香氣撲鼻，小小麻辣很開胃口。雞件大大件，爆炒十分入味，雞味不錯。👍自製四寶丸$88，牛丸、蝦丸、鯪魚球、墨魚丸，四款丸類都很爽口彈牙，其中以鯪魚球、墨魚丸，最為喜歡。自製響鈴$38－響鈴夠香脆，放湯後，豆味香濃，是必點的火鍋配料之一。爺爺冰豆腐$36－冰豆腐是吸湯能力最強，所以要預早放在湯內，待到最後才是最好味的。皇帝菜$30，味道濃烈，如果接受到，就覺得味道鮮美。

土瓜灣美景街是一條食街，內裡有不同類型的食肆，今晚便來到爺爺雞煲。店內座位寛闊，還有電視，配合香港人一邊吃飯一邊看電視。爺爺招牌雞煲$158，除了大大件雞塊之外，配料有辣椒、蒜頭、洋蔥、紅洋蔥和芫茜，所以味道濃郁而帶點香甜。雞件已經熟了，待侍應再炒一會便可以進食。雖然點了少辣，不過辣度都很高，建議不吃得辣，可以點微辣。手切肥牛$138－雖然是細碟，不過份量不少。肥牛脂肪豐富，而肉質偏腍，牛味十足。炸魚皮$38－可以即吃佐啤酒🍻，味道可口，又可以放湯，減少油膩感。萵筍$30－已經切片，放湯一會就可以吃到香脆的萵筍片，如果淥的時間耐些，就會吃到萵筍的鮮甜味。

Really good chicken pot with different choices of food like fish ball, pork , seafood etc. Good service as we are introduced the hit of the day and waiter is patient and nice to introduce the steps and way for us to eat chicken pot. What an experience to try a different kind of hot pot in HOng Kong. The price is reasonable including the sauce, service fee etc.

同朋友聚會, 最快樂的是食得開心, 飲得高興, 仲可以吹水, 今次大家的聚會就來到土瓜灣一間叫”爺爺雞煲皇火鍋”的店舖, 雖然地點不算是便利, 但他們的招牌雞煲卻是相當好味, 而且平靚正! 大家齊人之後, 店家便好快先上了雞煲, 煲內有大大舊的雞球, 仲有唔少洋蔥, 香芹及蒜頭, 仲有辣椒, 聞起上來非常香, 我們叫的小辣, 食起上來非常惹味, 雞肉嫩滑唔鞋口, 而且入晒味, 食完舐舐脷, 好味道! 食完雞煲之後, 店家便在煲內加了上湯, 大家便開始烚下烚下打邊爐, 打邊爐的食材非常新鮮, 有生菜, 凍豆腐, 四寶丸, 手切肥牛, 萵苣片, 鮮枝竹, 響鈴卷, 炸魚皮, 食材非常的豐富. 四寶丸是店家自制, 粒粒爽口彈牙, 好好食!手切肥牛超級好食, 食落有牛肉香, 越嚼越有滋味, 食完仲齒頰留香, 正! 響鈴卷及炸魚皮在雞煲湯裡面浸兩浸就食得, 索晒湯中精華, 食落口外軟內脆, 食完仲想食. 翠綠色的萵苣片在湯中煮一煮, 食落唔怕林, 仲爽爽地, 估唔到萵苣片打邊爐都咁好食! 個個食到捧住個肚, 非常滿足, 無論雞煲抑或是打邊爐大家都食到好滿意, 仲約埋下次聚會再來這間, 因為好多款

男朋友最愛打邊爐，今晚佢揸車黎接我收工，我地去左土瓜灣食雞煲火鍋啦！我地兩個都幾鐘意食雞煲火鍋架，先食雞煲後打邊爐，都好過癮。餐廳環境都算好大，而且乾淨整齊唔會好污糟。男朋友先叫左一個雞煲，大大煲雞件份量非常多，熱辣辣超過癮架！雞肉加入大量香料炒香，雞肉嫩滑夠鮮甜，入口無雪味，食到最後都唔會好油膩。雞肉爽嫩唔會乾身！食完雞煲再打邊爐，男朋友必點肥牛，牛肉香嫩油脂平均，輕輕一滾就食得，牛味都算突出！我地仲叫左炸魚皮、響鈴、豆腐等等，全部都好食！

想食雞煲很久，今天終於相約朋友到這間「爺爺雞煲皇火鍋」一嚐所願，之前看見朋友在社交網站上發佈這間雞煲的相片，覺得非常吸引，所以便來一試！先來招牌爺爺雞煲，有一隻雞的份量，足夠四個人食。喜歡吃辣的我們點了中辣，每一件雞嘅雞肉都好嫩滑而且好入味，唔需要點任何醬汁都好夠味。手切肥牛條紋非常平均，呈現鮮紅色非常新鮮，食落去有好濃郁嘅牛肉味，口感好軟熟。冰豆腐索晒湯汁，超好味，一試難忘。萵筍卷爽口有驚喜，十分清新。自家制響鈴即叫即炸，上枱後即食勁鬆化，放下湯汁後又另一番滋味。墨釀油炸鬼外皮炸得香脆，墨魚肉新鮮彈牙，給朋友們立即秒殺。是次雞煲朋友們和我都食得十分滿足，下次一定再黎～

今日係朋友屋企樓下遇到這家爺爺雞煲，在門口外已經聞到麻辣的香味，令人食指大動！我們當然點了招牌雞煲，上菜時香味四溢，賣相非常吸引。味道果然沒有令人失望，雞件軟滑，醬汁惹味，而且辣度適中！還有開胃前菜拍青瓜，很是醒胃！火鍋料都很新鮮，因我和朋友們都不是嗜肉之人，所以只點了淮山，蜂巢豆腐，䈑荀，魚皮，竹笙和鬼馬油炸鬼。竹生爽口又可以嚟盡雞煲嘅味。少少辣又清甜，幾開胃。特別一讚是䈑荀很清甜。淮山質感很粉，而且吸收了濃湯的味道很出色。鬼馬油炸鬼很特別，用了蝦膠讓入油炸鬼內，可以即食，放湯亦另有一番風味！整體而言，質素不錯，可以再encore！

完sem緊係要同friendsss拆返餐勁架啦,今次就黎左係土瓜灣嘅爺爺雞煲皇，試下佢除左雞煲仲有咩特別。因為我地都吾係好食得辣，所以就叫左小辣嘅川味魚鍋，份量夠我地三個大男人分，而且條魚啖啖肉又夠嫩，果然雞煲之外都一樣係正嘅。另外佢嘅麻辣都啱啱好，吾會太辣之余又有返個麻嘅感覺係度，滲晒入條魚度真係好正。佢地上菜速度好快，交完單冇耐就黎齊晒啦。今次主要想推介下面兩個火鍋食材。第一，手打五寶丸佢五種丸：牛丸，鯪魚丸，蝦丸，墨丸，豬肉丸都係廚師手打而成，保證左佢係新鮮嘅。食落去牛丸爆汁彈牙；豬肉丸吾老；墨丸係真係食到墨魚味嘅；蝦丸彈牙蝦味濃；鯪魚丸冇骨吾腥。另外值得一提嘅係佢每粒丸大細適中，一啖食晒又得，慢慢食都得。第二想推介嘅就係特選黑豚肉，佢每一塊肉嘅紋理都好靚，肥瘦均勻。煮幾分鐘，夾上黎，咬落口，肉味好濃，冇個種羶味，可惜就係細塊左Ｄ。總結就係，吾一定次次食雞煲嘅，試下魚煲話唔定都有驚喜！

呢間係我最鍾意嘅雞煲，一星期內去第2次，講出黎都有d離譜。佢叫爺爺招牌雞煲，可以揀大中小bb同唔辣，係麻辣的，越煲就越辣，仲配有洋蔥同芫荽。個洋蔥係佢未淋之前食，帶有麻辣，微爽口之餘仲有小小芫荽香。加埋青島，一口辣雞一口啤酒 👍🏼。今次未黎前本來想試下佢個秘製川味魚煲鍋，不過實在忍唔住要再食雞煲，唯有下一次再黎。呢度樓底都幾高，d台又唔迫，坐得幾舒服。魚皮都係必點之選，我從未試過魚皮好似呢間咁薄，雖然未至於好似豬肉紙咁，但係這款都不容錯過。我這個食肉獸當然叫埋手切牛同豬肉啦，除此之外，我同朋友越叫越多，下次真係唔可以咁眼闊肚窄。

早前吃過新蒲崗店 一試難忘😋 經過土瓜灣 原來有分店 來回味一下👍🏻點完食物 侍應便拿來了調味料點了小辣的爺爺招牌雞煲 雞煲非常惹味！雞肉嫩滑不在話下 而且味道非常濃郁 雞肉吸收了麻辣汁 加上海量的配料 好味到連配料都吃光☺手切肥牛 價錢不太貴 但質素絕對一流牛肉脂肪不算多 但每一口都有牛脂的濃香而且肉質爽口彈牙另外點了非常吸湯的竹笙，爺爺冰豆腐和竹笙冰豆腐一層一層 口感特別 豆味濃郁 最後點了墨釀油炸鬼 油炸鬼頂釀了墨魚滑 再加上蟹籽油炸鬼脆卜卜 又唔油膩👍🏻 呢間火鍋店 食完一次就會上癮😌

去咗土瓜灣搵食，最後都係要打邊爐。 呢個雞煲真係唔講得笑，佢嘅麻辣好惹味同埋個辣味係慢慢滲出嚟。 暫時係我食過咁多間雞煲裏面最好食嘅一間。佢個魚皮超薄，勁脆，有少少好似薯片咁嘅感覺。如果唔係怕肥一定會嗌多一碟。個響鈴都好正，好鬆化，直頭好似食蛋卷咁。手切肥牛夠新鮮，有牛味，如果細食嘅唔使嗌咁多， 因為個雞煲真係好足料。順帶一提，嗰度啲姐姐好有禮貌，照顧好周到。 閒時就會過嚟問下你夠唔夠食，使唔使加單。 最重要係你覺得佢係怕你唔飽而唔係想賺盡你 🤣

今日同成班姊妹食飯，因為大家都就腳，就去左土瓜灣「爺爺雞煲皇火鍋」！雞煲未嚟之前因爲大家都好肚餓，就叫左兩個小食，「拍青瓜」同「炸魚皮」，個青瓜酸酸地，咸味適中，好開胃，炸魚皮唔似出面街買嗰啲咁硬，就咁食已經好鬆化之後到主角雞煲，因為我地幾個都食得辣，所以嗌左個中辣，雞好入味，又好滑，一啲都唔「鞋」，之後仲嗌左啲配料，豬肉，冰豆腐，窩筍片，蝦肉水餃，雜菜籃，響鈴⋯⋯⋯⋯冰豆腐係呢度出名嘅，浸完個雞煲索曬啲湯汁真係好好味，我一個人都食左一碟，個窩筍滾完之後口感仲好爽，好fresh ～～～蝦餃嘅涵好足料，響鈴唔係一浸就「林」曬，浸左幾下先食都仲好脆，大家都好滿足，飽到捧住個肚走，值得再encore ！

這間爺爺雞煲皇就在我家附近，門口介紹很多都標榜頂級、手打、自家製字眼、一直都想來試試，今天終於有機會，它位於土瓜灣美景街，門口亦可以泊車十分方便有多款雞煲、魚煲、羊腩煲、蟹煲選擇，今次選擇了標準的爺爺招牌雞煲（BB辣），一打開煲蓋，香氣直撲鼻腔急不及待試了一口，大大件鮮嫩口感，沾滿醬汁，不會太乾有渣載另外點了手切肥牛，十秒多點就熟透，配上自配的醬油，牛肉的香味充滿整個口腔，入口即溶，兩個人很快就清光了一碟還有老闆娘強烈推介的有機腩肉片，肉質很嫩滑，配上白色部位有點爽口，不像想像中肥膏一樣肥膩，值得一試此外五寶丸和竹笙等其他配菜也是很爽口、鮮甜和新鮮吃雞煲火鍋，除了味道好，食材新鮮和衛生也是很重要的，這間爺爺雞煲皇滿足了以上條件，可以再來👍🏻