爺爺雞煲皇 (美景街) (已結業)

因為搭車去土瓜灣做點事而誤了站,而行經美景街見有間叫爺爺雞皇煲, 適逢晚飯時間,就入去試試啦！估不到這條內街有間特式食雞煲食店舖內地方整齊乾淨,我地入座時間尚早,所以很舒服！店員介紹他們拿手菜有多款,招牌雞煲,花彫酒雞煲,川味魚煲...及端來火煱醬料,可以先吃完雞煲再加入湯來打邊爐, good呀！我地揀了半隻招牌雞煲, 店員端上雞煲上爐時已經聞到很香的麻香味,我地叫了小辣,味道和辣味剛好！紫洋葱,指天辣,唐芹菜,蒜肉等互發出其本身的香味,雞件吸收汁醬的效果,吃來雞肉又嫩滑又好味！我地又叫了些其它食物作為火煱的配料竹笙, 它很爽滑,放入湯內灼一灼,竹笙吸满湯的精華,正呀！四色餃 - 計有魚皮餃, 韭菜餃, 鮮蝦雲吞,木耳冬菇水餃,每款各两隻,各有特式,我最愛是韭菜餃！脆鲩片-沒有草醒味, 而有獨特的爽脆口感！打邊爐点少得肥牛呢！叫了一個手切肥牛（細）,很新鮮,在湯內燙一燙就吃得,也不用加任何醬料,因牛肉已經吸入雞煲的湯汁精華,已經很惹味！吃完一顿美食,很满足啊,就好像在家裏,爺爺煑給家人吃的,很親切的感覺,很可口的味道！

今天在土瓜灣工作，因為很夜才下班所以很難在附近找東西吃，我跟同事突然有一陣雞煲的香味傳過來，沿著香氣走就發現有一間爺爺雞煲王。肚子很餓所以就衝進去，裡面空間頗大的，有幾枱的食客都點了香香的麻辣雞煲，我們坐下以後店員就過來介紹食物，我們點了一客招牌雞煲（半隻雞小辣）。然後店員就拿來火鍋的醬汁，有生蒜頭、炸蒜頭、辣椒等等。過了一會雞煲上來了，很重的麻辣香味，份量也很多的，大大的雞件浸在濃濃的醬汁裡面，熱騰騰的雞件有著香香的麻辣味道，味道很濃很入味，只有一點點適中的辣味，非常好吃。麻而不辣味道令舌頭有點點麻，很過癮，一口就令人愛不釋口，我們把雞吃完以後店員就加上湯開始火鍋。火鍋的配料有很多，多款牛肉、豬肉、海鮮什麼都有，我們點了火鍋必備的響鈴、特選黑豚肉、手切肥牛（細）、脆鯇腩、牛栢葉、唐生菜跟萵筍。先來響鈴，非常有驚喜，因為是新鮮炸的，一上枱就看到熱騰騰的煙，一口咬下去聽到很清脆的聲音，不油膩，十分岀色。手切肥牛份量也很多，放在火鍋裡滾一滾就吃，很濃的牛肉味，雪花很分明，不會太肥膩，我個人特別喜歡。黑豚肉看起來很薄，但熟了以後會捲起來，吃下去很有層次感，口感爽爽的，豚肉味很濃，一口一塊很適

今日返去舊公司搵同事聚一聚。同事話帶我去食雞煲。佢之前食過，覺得不錯，所以帶我試下，佢話我小食雞煲，要試試。老實說，我真的很少吃雞煲，竟然喺誠意推介，就不妨試試。伙記很熱誠招呼。時間尚早，我吔先點了半只雞煲，慢慢食、慢慢傾。辣度就揀了小辣。調味料也不俗。奉上雞煲，打開煲蓋，濃郁香味四溢。色香俱存，快快試下味先。雞肉很鮮嫩，本來我不吃雞皮的，也忍不住吃了點。小辣情度對我是剛剛好的！連配菜的薑、紅𥯨頭及菜亦嗜了一口，味道真的不錯。現在可以説是色香味俱全。吃到差不多的時候，開始打邊邊。牛肉縂是少不了。手切肥牛超有牛肉味，是我這個牛魔王的至愛。響鈴同魚皮是剛剛炸起，卜卜脆，真的很好味。還來一客鮮甜皇帝菜，大滿足。

一班朋友入左土瓜灣，一大班人緊係要打下邊爐架喇，所以就去左搵爺爺雞煲諗住食雞煲先喇，點知有朋友話佢地個花甲蟹煲正就一於食下佢喇。胡麻汁冰菜，冰菜個樣真係好突別，個面上面真係好多好似水珠，但原來佢個表皮就係咁，好特別，好似都係第一次食，好爽脆，連埋胡麻汁個煲一上到黎，我地都覺得超勁第一眼就覺得好足料，入面有蟹同好多花甲花甲好肥好新鮮，個煲入面既花甲真係好多好多好鮮甜隻蟹超多蟹膏，啖啖都係蟹膏既味道，好香濃我地叫左好多火鍋料手切肥牛煮佢幾下其實都已經食得牛肉既味道都濃我地叫左蝦，蝦都好大隻蝦肉好札實，好新鮮，好大隻啖啖都係肉另外叫左1人1隻鮑魚，好厚肉啊打邊爐肉丸都好緊要另外都叫左一碟餃，每粒都好多料另外如果打邊爐鍾意食響鈴既朋友響鈴真係一定要叫黎食，浸佢兩下食，又脆又有湯，好好味啊

有時四圍走都會發現一啲唔錯嘅地方食飯，這裡就係同埋啲同事行過時發現，食物質素唔錯，適合一班人一齊食，可以share 之餘又多啲選擇，今次就點了個招牌爺爺招牌雞煲，個個都食得要了一隻雞嘅份量要中辣，咁先夠刺激，上枱時雞件其已經熟但店員亦會兜兜確保味道均勻，雞肉夠晒嫩滑軟熟重好入味，喜初入口味道香濃，之後有點辣嘅感覺出現，正！當然一個煲係唔夠食，所以差不多時就入單變成火鍋，識食嘅當然要個特選黑豚肉，肉質肥美之餘入口亦好嫩滑軟熟，一陣風就比班只食肉嘅同事Finish!要追加多一碟先可以解決！而佢嘅四色餃亦十分好味，韭菜餃韭菜味濃郁好有嚼勁、皮薄嘅鮮蝦雲吞入口啖啖肉、木耳冬菇水餃爽口煙韌好有口感，魚皮餃就夠晒肥美！而其中有個同事特別喜歡食豬潤，都好大碟，佢話入口都好煙韌爽彈，我就麻麻，就係咁大家都各自點了啲自己喜歡嘅食物，而最好嘅地方係都會食得晒而唔浪費！呢個就係大家出來食飯嘅基本原則！又多個與人一敘好地方！

近排比較忙搞到冇乜時間食好野，過左一排終於可以回復正常，開開心心地去品嚐美食，諗都唔使諗就去左食我嘅至愛火鍋，當然約齊好友去食咁先夠高興，就去左呢間火鍋店開餐主打菜式就梗係人氣雞煲火鍋，食完又可以繼續品嚐埋至愛火鍋，而且雞煲口味都有幾多選擇，最後點左呢款招牌雞煲，食得雞煲辣度當然要有番咁上下，咁食先夠原汁原味，招牌雞煲賣相十足味香濃最緊要熱辣辣咁食先夠刺激，一咬已食到雞肉夠香嫩，又啖啖肉連埋配料一齊食就最正，真係越食越上癮食到最後D汁都唔好嘥留番火鍋用品嚐完雞煲就輪到火鍋，點埋火鍋配料就食得，唔少得有我至愛嘅肥牛，手切肥牛肉質細嫩帶點油脂，入口即溶口感十足味濃厚，真係要encall 先至滿足食慾再來有豬粉腸，食落滑溜又肥美夠香甜有驚喜輪到海鮮有海中蝦，大大隻蝦肉質爽彈入口鮮甜又多汁，唞一唞又繼續品嚐其他火鍋配料食得滋味最後食埋個烏冬每啖都吸收左湯汁精華咁至係一餐完美火鍋。

這幾天時不時下雨，潮濕令人不舒服，今晚同老婆去食下雞煲去下濕氣，出一身汗之後即時爽晒。幸好這店的冷氣夠強勁，可以舒舒服服食辣嘢。這家的雞煲醬汁底勁濃勁惹味，店員幫手抄兩抄，計好時就叫我地起筷，保正D雞爽夾滑。半隻雞的份量對我倆來說剛剛好。響鈴及炸魚皮真的要必食，自家製響鈴唔油膩鬆化爽脆夠吸味，炸魚皮即食都得，一落湯就聽到吱吱聲，入口時依然鬆化，如果多一兩個朋友來，我一定再點多一碟。很久沒有吃珊瑚蚌，今晚食這個不錯，口感爽爽地，加上雞煲湯汁，比以前吃過的更覺滋味。點都揀些健康食材，想不到竹笙吸了湯底也很不錯，也是必食之選。

返咗去老家探老爸，唔想煮飯就落街食好西，屋企附近開咗間爺爺雞煲，一於同老爸食雞煲飲啤酒 麻甩一下。老爸平時唔食辣，但一講到食雞煲佢都忍唔住話要返個BB 辣。爺爺招牌雞煲 $218這裏的雞煲果然係招牌菜，足足有成隻雞嘅材料，配料夠晒豐富而且香辣，微辣食落夠晒惹味。雞件肉質鮮嫩多汁，入口麻辣味道濃郁。兩個人食晒成個雞煲好滿足。特選黑豚肉 $78食完雞煲之後加湯就可以食火鍋啦！爸爸說今天不吃牛肉，所以特別選擇了黑豚肉給他，肉嘅味道濃郁，滾兩下就食得。白鱔片 $88我一向對魚興趣不大，但白鱔片我就鍾意食喎！一落湯滾幾秒剛剛熟就最好味道，肉質夠晒柔軟潤滑。麻辣雞煲家火鍋確實係有啲熱氣嘅，一於飲番罐加多寶涼茶清下熱。難得屋企附近有咁好味嘅雞煲，睇怕下個星期都會再嚟開餐囉！

今晚同舊同學敘舊，因有舊同學住係附近所以知道這間味道出色嘅火鍋店，這裡不是任飲任食，但質素高同份量足，所以都見到好多街坊選擇，火鍋店就係大街後面，如果不是他帶路，真係會走寶！他推介個爺爺招牌雞煲，大家都好食得點了一隻嘅份量，出來時都好大鍋，而店員亦會在雞鍋上炒，將啲雞件兜勻，雞件十分入味，而大家都唔係食得好辣，BB 個辣度就啱啱好，我當然就選啲多肉嘅位置，肉質嫩滑軟熟，咁亦有人喜歡食骨頭嘅口感，當差不多轉火鍋，只需要同店員講就會加湯，成班都係食肉獸，點了份手切肥牛(細)，牛肉切得好薄，一放湯就差不多可以入口，夠晒肥美嫩滑！而我當然要點手打四寶丸，因樣樣有啲，有堅彈牙爽口嘅墨魚丸、蝦味濃郁十分彈牙、彈牙煙韌嘅牛筋丸、同埋鯪魚滑，樣樣有啲，而個自家製響鈴都係一定要試，新鮮炸出來入口熱辣辣夠晒香脆！最後加埋個稻庭烏冬吸收晒啲湯中嘅精華，軟滑彈牙一班人都十分滿足！

品嚐一餐美味火鍋之前又點少左人氣雞煲，早排同朋友去左土瓜灣呢間火鍋店開飯，一來可以食到自己喜愛嘅火鍋外，又可以品嚐埋呢度爺爺招牌雞煲一舉兩得！爺爺招牌雞煲 $218/一隻食得雞煲點都要辣辣地咁食先夠原汁原味，今次我哋選咗少辣。等左一陣招牌雞煲出場，雞煲嗰陣香味特別濃厚又撲鼻，真係要快D品嚐一下味道如何，一夾起已見雞肉吸收晒醬汁精華，入口除食到啖啖鮮嫩雞肉外，嗰陣辣味係口中慢慢滲出來，真係會越食越惹味份外滿足。手切肥牛 （細）$138食完美味雞煲後就到火鍋出場，當然火鍋配料亦逐一出來，首先有係手切肥牛，油脂飽滿平均分佈，入口食到肥牛肉質細嫩滿口油香，入口即溶口感十足。手打四寶丸 $88配料當中梗有肉有丸就唔少得，再將喜歡配料放入鍋內滾一滾就食得。再來有手打四寶丸，手打丸粒粒都真材實料，咬落特別爽彈又多汁，一次過可以食到不同口味。豬潤 $38下一款有豬潤，入口肉質香滑味濃厚，記得不要滾太耐咁食先最正，又繼續品嚐埋其他火鍋配料，食落份外滋味嘅一餐火鍋。

雖然天氣開始回暖但無減卻我鍾愛打邊爐熱愛。朋友大推這間除了麻辣雞煲外仲有個花甲蟹火煱值得一試。內部環境都相當整齊，又有足夠空調。我們一行八人，叫了二個鍋底，可以同時滿足大家慾望。麻辣雞煲好快上菜，因為當中有小孩子，我們叫了BB辣都好美味，除了雞肉滑多汁，紫洋蔥吸收醬汁嘅美味好甜美。另一個蟹煱又到，蕃茄花甲好鮮味，就連蟹肉都相當爭鮮，仲有羔啊，yummy!我們仲叫了四款小食，呷醋雲耳、炸魷魚鬚、炸魚皮及手帕青瓜。個個都不錯，非常開胃。安格斯肥牛好正啊！入口即溶，油花四起，愛吃牛人士必叫。萵筍是我之愛，非常爽甜，美味非常。朋友仔話要食雞子，十分新鮮。珊瑚蚝及貴妃蚝都唔錯,又大蝶。脆肉鯇魚片打邊爐不可缺少。這裏嘅啤酒價錢都好合理。雪花啤酒做緊大特價。

話說我好姊妹前陣子要介口，今天尤如放監一樣，足足半年沒有吃辣，她特地找來這間雞煲皇，我當然奉陪到底。店內還有電視，時間剛剛好，還趕及8點可追劇，邊吃邊睇邊吹水，就這樣過了一個晚上。雖然只點了小辣，想不到這個雞煲個醬汁是如此惹味，我連配料洋蔥也沒有放過，又甜又辣，超正！之後還放湯打邊爐，惹味辣湯底又點少得手切肥牛喎，這裡肥牛又軟又滑，非常滋味。每次吃辣辣打邊爐，我都好喜愛點萵筍，這裡切成一片片，好像比平時更快熟，但依然又爽又好吃。

晚上來到土瓜灣 見到有雞煲店就試下先爺爺雞煲個名好特別 今次得2人 所以叫半隻雞就夠了 辣度有得選擇 一上檯就好香了 雞不算肥 連皮食都仲接受到雞煲唔會太咸 食完都唔會好口渴配菜點了 白蘿蔔，蓮藕 白蘿蔔好清甜 不會苦/有渣而蓮藕也不錯丸類有4款不同包括： 芝士丸，海膽丸，牛丸，豬肉丸丸類夠彈牙 可惜不是手打雪花肥牛有點過肥 但味道不錯響鈴是店鋪每日新鮮炸的 好新鮮 上檯時仍暖暖的而且好香好值得一試唐生菜調味醬油盤可以慢慢自行調配自己喜歡的醬油沙嗲醬必落 好好食

今日約左朋友係土瓜灣見面！順便係埋果頭食野！見到大大招牌 爺爺雞煲 咁就想試下而且仲可以當火鍋咁食，可以慢慢食慢慢傾 ！裹面d 裝修亦都好靚 好多招牌餸介紹 而且有幾部大電視機 邊睇電視邊打邊爐都得！其他時段 佢係做茶餐廳，叫餐配飲品！今次我食得非常之開心😃，因為d 野食好高質數，全部新鮮食材 樣樣都係師父精心制造！先黎個招牌雞煲 香味撲鼻 雞肉生鮮 多肉又滑 我同朋有係食到一舊都無，先至加湯 再火鍋 ！叫既幾樣餸先係重點 樣樣新鮮 ！手打四寶丸 不是冷藏丸 是全部人手打出來 每樣一粒 夠曬特別 又可以試曬吾同丸類 特別彈牙 ！😋😋切片萵荀 師父非常細心 可以令到萵筍快熟外 亦都更爽口 ！👍🏻👍🏻手切肥牛 肥牛簿得黎好大塊 只要擺落鍋度數秒 就可以上碟食 食落口度一d都吾痴牙 仲好香牛肉味！仲有碟手切豬 花腩 老闆話限定 要問老闆有無先好叫 仲未正式推出 係佢介紹 亦都點左 確實佢比肥牛更加好食 一d 吾會硬 值得推薦！再黎即炸魚皮及腐皮卷炸到大大舊 食到最後都真係幾飽肚 ！呢個火鍋 又可以食雞煲地方 用新鮮食材已經買少見少 所以行過經過 都可以過來試下😅😅

原來爺爺雞煲皇火鍋搬了新址，而新店仍然留在新蒲崗區，只是由山上搬了到山下。今晚無意中發現，終於又可一嚐其滋味。本來當晚打算吃雞煲，但眼推出了新主打 - 「招牌花甲蟹煱 $528」，正好我家大爺是個蟹癡，那就一試啊！嘩，單看賣相已相當吸引！十分之大煲！十分之多料！花甲多得舖滿湯面，湯中又有大隻多肉的蟹件！湯底十分之清甜而且無味精，真正用大量大蕃茄餚製，又有粟米等，根本就是靚湯，所以我們先喝了兩碗。《手切肥牛(大) $218》色澤夠新鮮，脂紋又漂亮，輕𤆥幾秒入口味道最棒，肉最鮮嫩。《珊瑚蚌 $108》大碟又鮮爽，高質。《白鱔片 $88》很少吃到鱔片作為火鍋配料是如此厚身，口感又爽彈嫩滑無骨，很回味！《海中蝦 $88》 新鮮爽彈。《自家製響鈴 $38》和《炸魚皮 $38》都新鮮即炸，香脆但不油膩。吃完所有食物之後已經很撐，但因為湯底變得更鮮甜（完成沒有一般火鍋湯底的咸），所以不想浪費，還是多點了一個稻庭烏冬，掛湯又彈牙，大滿足！