爽爽麵店 (已搬遷) 新店位置

呢日一行二人嚟左呢間位於元朗鳳攸南街嘅《爽爽麵店》食晏。除咗醉雞外，呢度仲有豬扒、水餃、雲吞、魚片、牛丸……等等，不過聽講，呢度係食醉雞，所以今次就試左醉雞先。醉雞有分冰鮮雞同新鮮雞兩種，價錢當然亦有分別。醉雞河粉 ($35/冰鮮雞) - 一落單好快就上枱，河粉同醉雞分別各用外賣盒裝住。今次都幾好彩，送上嚟嘅竟然係雞髀，仲有兩三片雞腎。食落因為係冰鮮雞，當然就唔會好有雞味，不過雞皮爽口，雞肉都幾嫩滑，可惜個醉雞汁好鹹，而且唔夠酒香味，所以啲雞肉食落酒香味淡。醉雞米 ($35/冰鮮雞) - 朋友嘅醉雞米就係雞胸部位，雞皮都爽口，不過雞肉就唔算嫩滑，口感一般般啦，同樣亦係唔夠酒香。呢餐雖然價錢唔貴，不過醉雞唔夠醉，所以大為失色，有點名過其實；而且堂食都用即棄膠碗，好唔環保，希望餐廳可以改善啦！

原來plan 左一日做完既野 又點會咁順利呢👣👣元朗一日工作又來了😖辛苦番工得黎就要搵食🤣爽爽醉雞聽講係元朗好有名嫁見平日早早地無乜人排就同同事兩丁來點心靈上既安慰啦☝🏻😳食雞食雞醉雞豬扒米粉（$48）醉雞我地叫左冰鮮雞☝🏻😳雖然係冰鮮但係肉質都幾滑！雞皮被d 醉雞汁浸到入曬味🤤。超香紹興酒呀🤤🤤🤤🤤🤤🤤！用醉雞汁黎撈米粉食是必要的🤣偷偷搵借口食飯時間做個酒鬼😌（開玩笑的）豬扒肉地厚☝🏻面頭煎過！香口惹味😌難怪成日都大排長龍啦😊夏天到啦！飲番支菊花茶先$15 一支！自家製唔會太甜！消暑恩物幾時都話元朗多野食🤔🤔🤔☝🏻

爽爽好出名 難得入元朗就試吓🤤🏠去到都要等五張枱 不過都好快入得 最讚係今日咁熱 本身好驚食湯麵會出哂汁 佢冷氣好夠勁 食湯麵啱啱好👍🏻🐣🍜醉雞我哋分別叫咗冰鮮同新鮮雞 口感當然有分別 新鮮雞就滑啲 不過兩種都好入味 仲有每份都有三舊雞腎 勁爽口 大讚🐣💦不過最正都係啲醉雞汁 我係配河粉食 個清湯就真係好清 所以我就每啖河粉都加醉雞汁食 勁好食👏🏻👏🏻👏🏻🍜撈麵 係普通蠔油 因為係鹼水麵，麵質都好彈牙，不過可能預先放左落盒度既關係，食個陣要先花時間整返散佢。不過整體來說，撈麵都幾特別🐖豬扒 本身佢係煎既 放耐左之後就冇咁好食，但佢個豬扒本身都揀啲厚既豬扒，食落都補救左唔少，味道亦都唔會搶左個麵同醉雞既味道，所以都可以一試

同朋友仔係元朗行街街，行行下朋友見這店話好吃，未試過的我當然又不能錯過美食啦！店內環境簡陋，地方比較擠迫，都坐得好辛苦。點餐點了豬扒米和豬扒撈麵，試食了豬扒米的我，感覺個豬扒係夠味夠林㗎！係用新鮮豬肉整的，味道不錯👍。但個湯底無味淡如水。朋友食豬扒撈麵，完全不好吃因為太重鹼水味，重好苦潻👎。😫

話說 今日安排了 要元朗yoho上班一天自己唔係呢頭人 當然要問下地頭人有咩好建議 佢地就suggest我食呢間同事仲好親切咁教我去果然唔太難找 只係位置有d入見到menu都係醉雞拼其他我就試下同事講的 醉雞(新鮮) +豬扒粗麵當然 我都係加我favorite C0T(凍檸茶) 好快就已經拿到手 已經好期待豬扒好肥呀 好油 但又唔膩有d似 玻璃腩 質地 好爽滑至於醉雞好香酒味 但又唔苦加上d雞 好滑身我個人都like自己整但就整親都好苦 同埋唔係呢回事同埋仲有腎在入面 超正兩樣加埋

我真係勁鍾意食醉雞，由佢未搬舖，食到搬舖真係好正。身為元朗人既我，食左甘多年都未厭。成日介紹人過去食！以前係元朗做野，一個星期食幾次。宜家少食左，真係成日掛住佢。通常我都會指定食醉脾米。因為唔鍾意食胸，太鞋。。哈！跟住加多快豬扒。豬扒又可以簡半肥瘦。瘦/肥。一路打一路回味緊。。哈！真係好好味。大家仲可以飲佢自家制既菊花茶。清熱又降火。。我通常都唔會星期六日去，實在太多人啦。平日一點前，唔洗等位幾好。不過大家要返工就無辦法。快d去試下啦，未食過既你。。。

一直有食開爽爽醉雞，但都係朋友幫手買外賣，堂食今日係第一次，之前都有黎過幾次，但都撞正休息（原本話逢星期三休息，但原來唔一定架，要睇佢門外貼住嘅休息日子先作準）今日有幸撞到開門，梗係要入去食啦！我叫咗個醉雞米，店員問要冰鮮雞（$38）定新鮮雞（$50），我諗應該新鮮會好味d嘅，就叫新鮮雞+一支菊花茶（$1x) 一食落口，雞的確滑，但酒味唔太濃，我先諗起之前朋友幫我買嘅應該係冰鮮雞，果陣食親都覺得勁入味，好香濃嘅酒味，再將醉雞汁倒係米粉做湯，超正！反而今日試嘅新鮮雞味道就唔太突出。唔知係關腌製時間事，還是關雞事呢？我下次食，一定食返冰鮮雞！

黎到元朗 醉雞又係其中一樣必食的。今日lunch終於比我食到。上星期已經黎過一次，但基於實在太多人排，我最尾都係放棄左，傷心💔。正所謂，不到黃河心不死。今日我地一放lunch就衝過去，都係要排，但無上次甘耐，最尾等左20分鐘就入到去。佢個meun好特別，雞分兩種，有冰鮮同新鮮雞。價錢都相差得遠，冰鮮雞面$35，新鮮雞就$50。面可揀米粉，河粉，粉線。等一次黎到，緊係要試下佢個新鮮雞。1. 新鮮醉雞米粉雖然吾知兩隻雞既分別係咩，但見隔離枱叫左冰鮮雞，肉眼上既分別係新鮮雞既色澤比較白淨，冰鮮既比較暗黃。有機會下次要試下冰鮮。份雞既份量好大，一碗入面有7至8件雞不等。我依份應該係雞胸黎，你可以要求雞的部分，但未必會有。重點來了，雞除左好有雞味，仲有濃濃的紹興酒味，雞被滿滿的酒雞湯浸住，啲精華落曬湯到。再將啲雞湯倒入米粉中，好好味呀！

今日難得另一伴放假🥰🥰🥰我哋走左去食爽爽🐔🐔🐷🐷呢間小店其實都開左好內，元朗大旣人一定識👍🏻👍🏻👍🏻長期多人🤣🤣🤣小店選擇唔多最出名就係🐔同🐷 咩🐔？咩🐷？係醉🐔同煎🐷扒每次去都必食呢兩樣重有自制水餃&菊花茶⋯⋯醉🐔有分新鮮同冰鮮但我每次都係叫新鮮🐔拼潤腎😋😋😋🐷扒都可以叫肥同瘦,鮮🐔同冰鮮🐔有咩分別唔多講啦！😏😏😏因為今次我哋兩個人食所以叫左碟例牌🐔🐷一碟如平時一個人可以叫豬扒雞米一碗最重點係醉🐔汁真係要試🥰🥰🥰㸃試?唔好就咁飲喎🤣🤣🤣因為係凍食會停油架🤪🤪🤪只要將醉🐔汁倒入碗麵度就可以👍🏻👍🏻👍🏻碗麵即時味道提升一定要試😋🐷扒煎到剛剛好小小金黃肉厚又多汁好味,另外有外賣有時大事大節可以叫一隻醉雞返屋企做餸👍🏻👍🏻👍🏻值得一試

嚟到必食佢地既醉雞米😍😍仲有豬扒可惜我三點幾去到都係太晏 已經賣哂新鮮雞不過放心 你都可以嗌冰鮮雞😋味道冇分別醉雞分量頗多😍有淡淡既酒香 醇而不苦雞皮滑嘟嘟 雞肉嫩滑 而且一d雪味都冇雞骨容易拆出 唔洗去骨去到2046😇豬扒煎得好香 啖啖肉😋調味調得好好不過今次好似煎得耐咗少少 所以入面有d乾 但個味依然係咁好食🤤.個人覺得一定要嗌米線去襯托其他餸🙈佢個米粉軟硬適中 唔會一夾就爛 分量多熱辣辣 加少少醉雞汁 仲有秘製辣椒醬油🌶真係冇得頂.上兩次去都冇開門😭今次終於食到佢地係每個月random咁揀日子休息仲有營業時間為10:30-6:00💆🏼‍♀️通常5點幾就賣哂醉雞同豬扒架啦所以想去食記住撥個輪去問下先.P.S 酒精敏感人士嚴禁偷偷地叫雞😠🙅🏼‍♀️

不斷有客人入嚟食滿晒人，所以我哋都要入去後店食。👓醉雞(冰鮮醉雞) ➡️米/河/麵$35 ➡️撈麵$39 因為新鮮雞唔係成日都有 即使係冰鮮雞雪藏你唔會好勁同埋好明顯苦苦澀澀嘅醉酒味。啲雞的確好滑同埋幾多肉下低層竟然有幾塊雞腎添！評分：7.5/10👓豬扒 另加 $29如果特別想要全瘦/肥豬扒可以落單時說明 小編都係落完單先知所以冇特別叫邊款最黎嚟咗個正常半肥瘦豬扒 都幾大份下 有燶邊香脆但比較濃味略咸😳評分：6.5/10大家可以見到真係每樣嘢食都係用膠兜到裝住如果你係環保人士就唔建議入嚟食啦，廢事見到dum心口

2019年2月9日 (星期六)令人回味的醉雞米年初五(星期六)唔駛返工想食醉雞，又想避開人多時段，朝早先打電話確保爽爽有開市。10點半左右到達，只有零星顧客，未見虛冚，叫咗多蔥冰鮮雞米，一於慢慢歎。酒香撲鼻，雞肉已熟透，唔會有血紅色，嫩滑無比，皮肉易分開，連皮食又得、唔食皮又得。隨雞奉送的雞雜係精粹。最鐘意食雞膶，鬆化無渣，蘸㸃醉雞汁，鮮甜軟滑，齒頰留香。米粉多蔥無欺場，份量澎湃，盛惠35蚊，超抵食！物以罕為貴，想食雞膶就要早，賣晒就只得雞腎！落單小貼士：雞胸、雞脾、冰鮮、新鮮任君選擇！爽爽醉雞汁係美味靈魂，覺得冰鮮雞比新鮮雞更抵食！下次再介紹其他招牌嘢食！老闆好細心 詳列當月休息日 免得客仔白行一趟！

第一次喺元朗食嘅餐廳就係爽爽，今日決定再回味一番。爽爽長期都大排長龍，所以招牌醉雞都好快賣哂。好彩今次都有得食，跟男友點了豬排河粉和醉雞米粉。豬排好淋好鬆化，唔會乾爭爭，而且都算大塊。而醉雞則有鮮新雞和冰鮮雞之分，今次點了新鮮雞；因為上次點了冰鮮雞，想試下個分別😂。新鮮雞貴大約十幾蚊左右，但一食，覺得下次點返冰鮮雞都得😂醉雞浸得都算入味，新鮮雞肉感覺實啲，雞味重啲，但要講到喺味道上嘅分別真係無乜特別，所以下次都係點返冰鮮雞算😂

係元朗行行下行到呢邊就找東西吃，見到呢間食評就黎食下不過味道有點失望了，而且十分不環保。。堂食都用膠碗的話真是比較浪費。。點了：醉雞豬扒米粉，菊花茶。食物方面，醉雞係夠凍，酒味都算有不過唔係特別濃，與出面上海連鎖食店既質素一樣。不過有雞腎就比較意常不到了此外，豬扒還算是可以的，肉感方面有肥有瘦，係一件豬扒內有兩種口感還算是可以的，出面食比較少有呢種口感啊。菊花茶就沒有特別的，都有點菊花味不過感覺唔夠重的菊花味。總結醉雞普通，豬扒可以。一次就夠。不過用了很多膠製用品啊。

成日都要排長龍，可唔可以申請網上外賣平台 送外賣？ 每日都好想食,但係唔想拍每日都長龍! 醉雞同豬扒真係會食上癮好好味呀。 醉雞有得揀冰鮮同新鮮，即使係冰鮮雞都好滑 好入味。