牛涮鍋

營業中

休息中

位於粉嶺的這間牛涮鍋，空間夠大，平常人也不多，最適合我帶著小魔怪去吃。餐廳的兒童餐具也很好，我家小朋友好喜歡。我們吃了九十分鐘，一個洋蔥牛肉湯底，一個豬骨湯底，牛肉任食，雖然是任食，但用料也算不錯，飲品選擇也多。

牛涮鍋最近推出左個買一送一既Promotion，不過限時一星期。本身諗住任食既野都唔方好，所以睇過就算，無打算去。點知咁岩得咁橋，見到個youtuber介紹，望落質素又無想像中咁差喎，即刻約朋友係結束前尾二果日去試。星期日晚市4:30就開始，為左食佢，我同朋友都無食午餐，所以非常餓。今次試平時唔捨得食既$398放題，可以任食日本黑毛和牛同海鮮😏。而湯底就叫左甜醬油併泡菜鴛鴦湯甜醬油同牛肉真係好夾，煮完之後就咁食都好正!!~今次promotion係必須連埋啤酒放題$22，所以破例飲左一杯啤酒，但其實放題得90分鐘咁少，飲一杯已經係極限…海鮮拼盤有大大隻桶蠔、大蝦、帶子、墨魚仔四款，當中既桶蠔同大蝦encore左幾次添!! 桶蠔熟左都唔太縮水，而且仲好飽滿，麻麻地蠔既朋友都話食到蠔既甜味；大蝦肉實又彈牙，新鮮feel；帶子熟後縮左一半水，而且又無乜味；墨魚仔就一直都唔好食佢。第一round，職員會送上豚肉同雞件，無得揀唔要，唯有食埋佢。豚肉有豬味，而且又唔算韌，但今次主力食日本和牛，所以無再叫；雞件嫩滑唔腥，但雞味就唔太食得出第一round既兩盤和牛賣相已經唔錯，但第二round既和牛更靚

話說當天是八十多歲壽星公生日, 他一直好希望食火鍋便帶他去試試, 我們已訂了位, 但我地早了點去到怕多人老人家不方便等太久, 所以早點到, 當時店內的人不多只坐了幾張檯, 有8成位置是空的, 而且出面都沒人等位, 服務員竟然要我們等到夠鍾才可入坐, 為何現在會有些不懂變通的人, 在食到差不多夠鍾叫他加湯, 他還說快夠鍾不能加, 我們只好叫她關爐因為已燒到幹水發出陣陣圯燒焦的味道以後都吾會到這間牛涮鍋, 服務員太差,差,差,差,差,差,差,差,差,差,差,差,差,差,差,差,差,差,差,差,差,差,差,差,差 一點都不慬尊重老人, 服務員, 服務員你們都會有老的一天的, 而且你們家中都有老人家, 請你們改改對代老人家的態度吧 ! 沒有當埸投訴你們, 已比了機會你, 請不要被下一位老人再受你們的氣吧 !  當天是大小同價又吾系平些, 為何要那樣做 ? ? ?  

牛涮鍋今個月做緊優惠，2個成人1個小童免費，所以把握最尾個兩日去打下邊爐，平時都好多人，所以試下打去牛涮鍋有冇得book 位，竟然有得book ，好彩有得book，唔係又要等好耐，我地book 左7點，門口已經好多人等位啦，今次我地每人一人一鍋，可以選自己鍾意既湯底，牛肉放題仲有好多款選擇，今次我地叫左美國上級進口牛肉放題，醬料，食物，飲品，甜品全部自助式，每樣野都有成十幾種類選擇。入到去，牛肉，豚肉，雞肉，湯底好快上，今次對美國上級進口牛肉有d 失望，好鞋，之後去問下經理，經理話換過碟，但都係好鞋，豚肉，雞肉，冇雪藏味，而醬汁除左醬油，仲有芝麻醬，柚子醬油，燒汁，多一個選擇。飲品機，有張貼紙教你點溝飲品，可以每款都試下，但比較甜，我會另加水沖淡會冇咁甜，比較好飲雪糕機，有牛奶雪糕同櫻花🌸味雪糕亦可加朱古力醬，士多啤梨醬，麻薯，棉花糖，朱古力粒等等...小朋友食得待別開心甜品就不過不失

每次嚟<牛涮鍋>都會揀貴啲嘅餐，因為試過最貴嘅，就唔想揀其他今次因為唔想食海鮮，所以揀咗澳洲和牛餐，一上枱，服務員即刻擺低咗一碟和牛，一碟黑豚肉同雞件，和牛肉味夠雞件夠滑，反而今次我覺得黑豚肉比較鞋口

一行5人比左兩個鍋我地，揀左牛乳同蕃茄湯，食落味道偏淡，火鍋放題黎講都幾高質，牛肉任叫，配料都好多選擇，好多都未食過，例如芋泥丸同芝心蟹柳都幾好味。飲品推薦水蜜桃茶，仲有個沙律區，雞肉加粟米沙律好好味，個醬好開胃，甜品可以自己擠雪糕，味道一般。

天氣太凍，所以冬眠到中午先起身，又餓又凍，第一樣諗起就係打邊爐🔥屋企附近剛好有間<牛涮鍋>，咁就一於去整個lunch邊爐先啦…呢度lunch同夜晚一樣，只係價錢每個set都貴幾十蚊，同埋lunch可以揀60分鐘套餐，即係1碟肉加其他放題，另外lunch就多咗個學生着校服lunch特惠，48蚊就可以有得食我哋今次嗌咗牛小排個set，肉味夠濃！另外個豚肉肉質鬆軟個雞腿肉反而肉質有啲鞋口唔好食醬汁方面今次有驚喜！店舖調較咗一款蜜糖味嘅醬汁，甜甜哋幾特別甜品當中，我最鐘意就係朱古力味嘅大福，食得出係即日制造嘅，因為軟綿綿，唔實，無雪味！P.S.會員有9折優惠好抵食

其實一向都會光顧連鎖集團嘅火鍋，貪佢哋平平哋，想食靚嘢同平嘢都可以自由選擇，幾個特定價錢睇哂😎今次試咗呢間最貴嘅餐，仲可以有埋海鮮任嗌，再加埋本身跟餐嘅靚靚和牛任嗌，都只係每位4百蚊左右，簡直超值之選又可以用枱底塊ipad落單，方便唔駛舉手等侍應生過嚟！我哋今次主攻海鮮同和牛，海鮮超新鮮，可以全個海鮮拼盤嗌，又可以單點選擇！鹿兒島和牛同澳洲和牛超級推介，夠鮮嫩做埋會員仲有9折，下次一定會再去！

星期六晚同男朋友兩口子，突然牛魔王病發作好想食牛肉！經過聯和墟呢間牛涮鍋，就決定入去試吓！我哋揀咗第二級嘅美國上級進口牛肉放題＄188/位，另加一服務費，任食90分鐘。呢個餐包括左兩款牛肉，豚肉同雞肉粒單任叫，其他蔬菜及配料就可以去自助吧枱自取。一入座，餐廳已經會提供好一碟牛同一碟豚肉加雞合併迫你食，哈哈，呢款上級牛肉尚算唔錯入口都有牛味，但豚肉同雞肉就差左d 喇，豚肉完全無味，雞肉就鞋鞋地。而自助吧枱嘅食物就唔算太多選擇，其中最出色嘅就係日本豆腐，同唐山菜都係幾新鮮嘅。我哋最後只係食咗兩碟牛肉，因為柯達第三碟嘅時候，等左30分鐘都無嚟，中途已經問經理追單，但追追下又無咗蹤影，最後到埋單都無嚟過🙈呢個餐仲有蜜瓜乳酪雪糕同牛奶雪糕任食，但個蜜瓜乳酪雪糕一吱出嚟就已經好水，一大pat 咁，完全唔咁食🤦🏻‍♀️總括嚟講，只係醫飽肚嘅一餐。

由於本人今晚突然好想食火鍋放題，所以我們去咗之前去過，喺粉嶺帝庭軒商場嘅「牛涮鍋」食晚市放題！我們同之前一樣，都係揀咗一人一鍋，而且湯底亦都係同上次一樣揀返濃郁嘅骨膠原豬骨湯、清甜嘅昆布湯同惹味嘅辛辣泡菜湯！至於肉類方面，我們亦都係揀咗美國上級進口牛肉放題餐！幾款肉類基本上同之前無太大嘅分別，仍然保持到水準同非常乾淨衛生！至於甜品方面，上次我們主要係食牛肉比較多，所以今次我們特意食吓啲甜品，當中嘅和風大福係超正㗎，因外層嘅質感極之煙韌軟熟，而且相當薄身，入面嘅餡料亦好香甜軟滑，真係超正呀！係我們嘅必食推介！另外！最值得讚賞嘅係，無論我們要求加添幾多碟牛肉，嗰兩位男經理嘅態度都係親切有禮，完全唔會令人客覺得有種食多啲啲都會畀店員「黑面」嘅感覺！呢點會係令我們有種得閒就想再嚟食過嘅感覺！

今晚我們喺粉嶺附近做完嘢之後去咗帝庭軒商場嘅「牛涮鍋」食晚市放題！由於店內有幾人一鍋或一人一鍋可供我們選擇，因我們想試多啲唔同嘅味道，所以我們就揀咗一人一鍋！骨膠原豬骨湯嘅味道好鮮味濃郁！昆布湯嘅味道好清甜，可以令到所有食材更加鮮味！辛辣泡菜湯嘅味道好香辣惹味，「辣辣地」感覺好醒胃！至於肉類我們就揀咗美國上級進口牛肉放題餐：美國上級進口牛肉嘅色澤好紅潤，脂肪分佈亦幾平均，肉質相當軟滑，而且肉味亦都幾濃郁！美國進口牛肉嘅脂肪比較多，所以感覺好油膩，但肉味都算香濃！丹麥皇冠豚肉嘅肉質比較爽滑，而且無乜多餘嘅脂肪！美洲特選鷄腿肉嘅肉質都幾嫩滑彈牙，但味道就唔算好鮮味！另外店內設有自助區域擺放咗多款火鍋配料，款式種類都幾多，有：沙律、蔬菜、菇類、丸類、麵類等等等等⋯⋯當中我們最鍾意嘅係南瓜年糕，因表面睇好似一「嚿」平平無奇嘅年糕，咬開一半原來入面係有香甜嘅南瓜蓉，而且質感超煙韌彈牙，真係好正呀！除此之外仲有多款甜品，有：和風大福、蛋糕、泡芙、雪糕、乳酪等等等等⋯⋯全部食材都處理得好乾淨衛生！而店員嘅服務態度好親切自禮，會不斷問我們需唔需要加添肉類，真係值得一讚！

辦公室五月飯聚每位$68-138/60分鐘包100g肉、任食蔬菜、沙律、甜品、雪糕、凍飲8款湯底任選，其中兩款期間限定（圖為甜醬油及椰汁雞湯）蔬菜種類不多，肉的等級分明，芋頭丸煮久了芋頭會消失，拉麵比烏冬好吃，但拉麵是否打得好要看運氣。和牛炒飯有點硬，但至少多點碳水化合物下肚。甜品區有煙靭的大福，季節期定的士多啤莉蛋糕，芝士味有點淡的芝士蛋糕，普通的朱古力蛋糕和泡芙等，雪糕有牛乳軟味和士多啤莉乳酪味，可配雪糕杯或甜筒。只有60分鐘時間很緊湊，吃飽回去工作超睏的。#太極窩 #牛涮窩

20170209--朋友經常嚷著要我帶他到牛涮鍋，是日相請不如偶遇，已經是2:00PM，因為是平日的關係，不用等位，侍應安排入座。二人選了60分鍾$68/位，只限100G肉類的用餐方式，有豬肉/牛或雞可供選價，其他食物是自選任食的。記得留意右上角的特定60分鐘用餐時段，到時不了解，可向店員查詢，他們會有禮地講解的。我們選了二人一鍋，可選兩款湯底，鰹魚和豬骨鍋。選了湯底和肉類，豬肉肉質新鮮，個人較喜歡豬肉，雞肉較普通。我們就開始拿食物，我到牛涮鍋數次了，對食物擺位已有一定認識。由於湯底未滾，限時60分鍾的關係，我會先吃沙律。沙律BAR食物新鮮，有兩款沙律菜，另有粟米、雞肉、紅腰豆等，另有三款醬汁供選擇。火鍋料偏向日式風格，擺放整齊，清潔衛生。個人推介豆腐，有豆味之餘，特別細滑。提供幾款汽水，特別一提右邊的汽水建議幾款自選款式飲料，喜歡的可跟隨或嘗試自己配搭味道。另有甜品區，因是次沒吃甜品，忘了拍照，也有雪糕和乳酪雪糕，另外還有一個大飯煲，煲了牛肉配日本珍珠，味道不錯。埋單:大約限時10分鐘前侍應會主動邀請埋單，60分鐘吃火鍋，食得比較急趕，我每次也很自律，乖乖埋單離開。$68一位，早前已

話說昨晚18／12我地一行7個人去到等位...由19:45攞飛等位，個侍應話下一張大枱到我哋！估唔到要等到21:00先有位！1個號碼等咗70分鐘！人已經唔算多，同九龍區比真係叫做好小人！啲安排非常之差！

牛涮鍋進軍粉嶺已幾個月，一直無機會試一下其盧山真貌。今晚見門口無人排隊，便即慶試試。晚餐放題為入座90分鐘，價格由$158-368-另加一，按收費影響供應肉食的款式，湯底則有六款提供：昆布、辛辣泡菜、鰹魚清、番茄、豬骨湯和甜醬油。甫進入餐廳，門口的带位姐姐便遞上餐牌，幫你落單。坐下來，我們先吃了點沙律，沙律吧提供了兩款沙律菜、幾款沙律配料和兩款沙律醬汁，雖然都是簡單的食材，但有我最喜歡的意式沙律汁，好醒胃，配沙律非常美味。十分鐘左右，蕃茄和豬骨鍋上枱了。豬骨鍋味道濃郁，但有點多油。蕃茄湯味道比較清淡，比較適合我。自取配料方面有不少選擇，大概如下:蔬菜有玉米筍、玉米、京葱、油麥菜、唐生菜、娃娃菜、蕃茄、節瓜、韮菜、蘿蔔……菌類有冬菇、金针菜、海鮮菌日式配料方面有薯糕、韓國年糕、豆腐、芝士丸、鳕魚丸、芝士腸、拉麵、讚歧烏冬、豚肉餃子款式算是多元化。個人覺得比較值得吃的是豆腐，滑得不得了。玉米很甜，蕃茄十分新鲜，還有口感滑滑的讚歧烏冬和豚肉餃子。主角的肉類終於上場，有豬牛雞各一份，然後按自己需要叫服務員加追。第一次來的肉類份量適中，適合初試後，按口味追加。先來美洲雞腿肉，肉質有點嚡，不大喜歡